Endalok orkuskipta

Þýskaland hefur síðustu áratugi verið framarlega í s.k. orkuskiptum, "Energiewende", að taka í notkun "endurnýjanlega orku": Vindmyllur, sólfangara, rafbíla. Orka til almennings er nú um 3-sinnum dýrari þar en í Bandaríkjunum. Notkun jarðefnaeldsneytis hefur samt ekki minnkað svo orð sé á gerandi, fór úr 80% í 79% af orkunotkuninni síðasta áratuginn.

Ástæðan er að eðlisfræðileg lögmál voru ekki virt og verkfræðileg vinnubrögð ekki viðhöfð við aðgerðirnar og gífurlegur kostnaður við afkastalítinn "grænan" búnað hefur hlaðist upp.

Græna byltingin í Þýskalandi var mistök. Kola- gas- og kjarnorkuverin eru nú aftur að fara af stað, tilskipanir Evrópusambandsins/EES eru orðnar að vísindaskáldsögum sem komnar eru úr tísku. Með tækniþróun næstu áratuga er líklegt að kjarnorkan taki við auknum hluta af raforkuþörf Þýskalands. https://darntons.com/2022/12/29/electric-cars-are-not-the-future-the-fallacy-of-renewables-michael-burry-to-short-tesla-again/

Bloggið skrifar Friðrik Daníelsson efnaverkfræðingur, sjá nánar um aðstæður á Íslandi https://www.frjalstland.is/2022/02/11/orkuskiptin-eru-draumorar/

Svíar hrukku upp

Svíar eru farnir að horfast í augu við mistökin í "loftslagsmálum" eins og Bretar. "Eftertankens kranka blekhet" á hljómfögru sænskunni, áætlanir þeirra um orkuskipti voru draumórar umhverfistrúarkirkjunnar en ekki hönnun verkfræðinga. Loftslagsaðgerðirnar voru mistök. Þeir ætla nú m.a. að efla kjarnorkuna sem þeir höfðu á valdi sínu en hafa nú spillt, umhverfisprelátar hafa talað kjarnorkuna niður í 40 ár. https://subscriber.politicopro.com/article/eenews/2023/09/21/sweden-poised-to-miss-the-long-term-climate-target-it-pioneered-00117160

Þjóðverjar og Frakkar hafa þegar sett af stað endurræsingu kola- og gasorkuveranna.

Eftirsóknarverð orkuskipti verða með tækniþróuninni en ekki trúarsetningum. https://www.frjalstland.is/2022/02/11/orkuskiptin-eru-draumorar/

Risi vaknar af draumi

Breski forsætisráðherrann vaknaði skyndilega af draumnum um kolefnishlutleysi og afturkallaði áætlanir fyrri stjórnar Bretlands um kolefnishlutleysi 2030. Bann á alvöru bíla, gaskyndingu og fleiri glórulaus bönn afturkallaði hann.

Allt góða fólkið, loftslagsskrumararnir, umhverfistrúarkirkjurnar og stór hluti óvitandi almennings, sem hefur trúað lyginni um hlýnun loftslags af mannavöldum, fengu angistarköst og héldu að heimsendir myndi nú nálgast hratt og sögðu að Rishi væri svikari.

Rishi Sunak sýndi manndóm og kjark til þess að hafna hinum vitfirrtu hugmyndum um kolefnishlutleysi sem stór hluti Vesturlanda hefur gert að heilagri trú og er að sökkva heimshlutanum í fátækt.  https://www.telegraph.co.uk/politics/2023/09/20/rishi-sunak-spares-public-net-zero-pain/

Erindreki Evrópusambandsins

Um þriðjungur af um 150 nýjum frumvörpum ríkisstjórnarinnar á hverjum þingvetri hafa verið og eru enn EES-fyrirmæli frá Evrópusambandinu (Mbl.13.9.2023). Okkur er sagt að þau séu "alþjóðleg" sem er ryksláttur (international er latína og þýðir milli ríkja), lögin eru frá einangruðum og lokuðum ríkjahóp sem setur Íslandi lög sem Íslendingar eiga engan þátt í að semja.  Alþingi hafnar aldrei neinu frá Evrópusambandinu, slíkt er hið óskoraða löggjafarvald Alþingis.

Það er ekki bara að þurfi að samþykkja maðkað sorp, það þarf líka að samþykkja okurskatta á hagkvæma orku, eldsneyti. Það á líka núna að samþykkja að Íslendingar komi ekki nálægt stjórn raforkukerfisins (tilskipun 2009/72) https://www.frjalstland.is/2023/06/03/orkukerfi-landsins-faert-undir-evropusambandid/

Og svo ætlar ríkisstjórnin líka að tryggja að lög Evrópusambandsins séu æðri landslögum. En það verður ekkert gert til þess að endurreisa hið óskoraða löggjafarvald Alþingis.

EES-lög stöðva framkvæmdir

EES-tilskipun (nr 2014/52)um mat á umhverfisáhrifum framkvæmda, sem Alþingi lét sig hafa að stimpla í lög í óþökk allra sem eitthvað vit höfðu á málinu, flækti og tafði framkvæmdir, bygging orkuvera strandaði.

https://www.frjalstland.is/2023/09/12/ees-log-stodva-throun-byggdar/

EES-óværa

Flugufaraldur hringrásarhagkerfis EES er kominn. Frá fátæktar-menningarmiðstöð Vesturevrópu, Brussel, koma arfavitlausar tilskipanir í stríðum straum, nú síðast um flokkun heimilissorps. Í Brussel sitja þúsundir skrifara og úreltir og atvinnulausir stjórnmálamenn frá aðildarlöndum sem skrifa reglugerðir eftir forskrift umhverfistrúarpreláta sem þekkja ekki vandamálin og hafa ekki reynslu til þess að segja öðrum fyrir verkum og alls ekki Íslendingum sem hafa gott hreinlæti og best heilbrigði Vesturevrópubúa, m.a. vegna réttrar notkunar plastumbúða fyrir mat.

En nú eru heimili Íslands orðin klístrug og illa lyktandi  af matarleifum og gegnsósa bréfpokum sem flugur, lirfur og maðkar þrífast í. https://www.mbl.is/frettir/innlent/2023/09/09/flugur_herja_a_heimili_folks_og_ruslatunnur_thess/

Einu vitlegu aðferðirnar til að farga heimilissorpi er að urða það óflokkað eða brenna því. Urðað sorp brotnar niður fyrir tilstilli gerla jarðvegsins sem eru öruggustu hringrásarverktakar heimsins. Þeir brjóta allt (nema grjót og gler) niður með tímanum, þar með talið plast, og hafa hringrásað heimilissorpi í hundruðir þúsunda ára með góðum árangri.

Eina leiðin til að varðveita íslenskt hreinlæti og heilbrigðismenningu er að stífla tilskipanaflóðið frá fátæktarmiðstöðinni og segja hinum glórulausa EES-samningi upp. https://www.frjalstland.is/2023/07/01/fataektarmenning/

Falsfréttir frá Úkraínu

Úkraínuher sprengdi útimarkað í Konstantinovka í Donbas í loft upp og drap 16 og slasaði 32. Falsfréttamiðlar okkar hér á Vesturlöndum, RÚV þar á meðal, voru eins og venjulega fljótir að útvarpa stórfrétt og sögðu árásina vera illvirki Rússa.

Tilefni árásarinnar, sem hryðjuverkastjórnin í Kænugarði lét her sinn gera, var að utanríkisráðherra Bandaríkjanna og forsætisráðherra Danmerkur voru í heimsókn og þurftu að hafa eitthvað handbært til þess að geta ausið aur yfir Rússa. Það þurfti líka að mýkja þau upp áður en betlað var um meiri peninga, vopn og vernd ESB og NATO.

Með utanríkisráðherra Bandaríkjanna í för var aðstoðarutanríkisráherrann úr stjórn Barak Obama, Victoria Nuland, en hún sá um blóðuga valdarán Bandaríkjanna í Kænugarði 2013-2014 og fjárfesti 5 milljarða dala í því. Hún er vön manndrápum og hefur líklega kunnað að meta árásina í tilefni heimsóknarinnar. En væntanlega átti hún að passa að utanríkisráðherrann (sem er ekki mjög marktækur) færi ekki með eitthvet fleipur. En hann skvetti alla vega einhvejum milljarði dala frá Biden í Úkraínustjórn í heimsókninni, stór hluti er þýfi sem Bandaríkin stálu frá Rússum.

Þegar farið var að athuga árásina sáu meira að segja vestrænir rannsakendur að flugskeytið var frá Úkraínuher. Konstantinovka er í Donbas sem er byggt Rússum og Rússlandsher varpar ekki sprengjum á, það er hryðjuverkastjórnin í Kænugarði sem gerir það á vegum NATO og ESB og hefur gert í áratug.

Falsfréttaflóðið frá Úkraínu er ekki í rénun, vestrænir falsfréttamiðlar áframsenda falsfréttirnar án eftirgrenslana. Stríðsmangararnir í Washington, London, Brussel og Oslo láta lygaverksmiðjurnar líka fjöldaframleiða Múnkhásensögur um sigra hryðjuverkastjórnarinnar sem sendir meir en 20.000 manns í dauðann á mánuði hverjum.

Kjarnorkuveldin eru komin í stríð

Bandaríkin hófu óyfirlýst stríð gegn Rússum Úkraínu í árslok 2013 með blóðugu valdaráni.

 Öryggisstjóri Úkraínu segir að 3. heimsstyrjöldin sé hafin.

  Amerískur hernaðarsérfræðingur segir að Ameríka geti ekki unnið stríð við Rússland.

 Amerískur fjölmiðlamaður segir að þegar allt hafi verið reynt til að stöðva Donald Trump, sem er á móti Úkraínustríðinu, verði reynt að ráða hann af dögum. Bandaríkin hafi ákveðið að fullt stríð verði hafið á hendur Rússlandi 2024.

Og litla Ísland druslast með stríðsmöngurunum í manndrápin

https://www.frjalstland.is/2023/09/06/kjarnorkuveldin-eru-komin-i-strid/

Undirgefin Nobelstofnun

Rússlandi er ekki boðið á afhendingu Nóbelsverðlauna. https://www.svd.se/a/mQ452l/nobelstiftelsen-backar-bjuder-inte-in-ryssland-iran-och-belarus

Nóbelstofnunin er nú orðin ber að því að vera handbendi hernaðarvaldsins í Washington. Friðarverðlaunin hafa upp á síðkastið farið til aðila í Úkraínu og Hvítarússlandi sem eru Bandaríkjastjórn, NATO og ESB þóknanlegir og berjast gegn Rússum.

Evrópusambandið sem ásamt með NATO rekur hernað gegn Rússum, en þykist vera að styðja lýðræðið, fékk líka Nobelsverðlaun fyrir að hafa -"stuðlað að friði, sáttum og lýðræði í Evrópu-"! Eins og lesendur vita eru þetta hrein öfugmæli.

Obama Bandaríkjaforseti fékk líka friðarverðlaun Nobels, kannske stigu þau honum til höfuðs, stjórn hans koma af stað Úkraínustríðinu 2014 með blóðugu valdaráni og hernaðarárásum á rússnesku íbúa Austur-Úkraínu

Þrátt fyrir að Rússland hafi lagt heimsyggðinni til fjölda afburðamanna hefur Nobelstofnunin oft gegnið framjá þeim. Leo Tolstoy fékk ekki Nóbelsverðlaun. Dimitri Mendelejeff fékk aldrei Nóberlsverðlaun.

Norræna undirlægjumenningin gagnvart stríðsþjóðunum er að ná áður óþekktum hæðum. Nobelstofnunin verðlaunar varasama loddara, tískuhreyfingar og ófriðaröfl á vegum Bandaríkjanna og Vestur-Evrópu sem heimsbyggðin er í vaxandi mæli farin að sjá í gegnum og vinna gegn.

Úreltir stjórnmálaflokkar

Sjálfstæðisflokkur og Vinstri grænir, báðir í ríkisstjórn, héldu flokksráðsfundi um síðustu helgi (Mbl 28.8.2023). Fundirnir sýndu að flokkarnir eru orðnir úreltir.

Sjálfstæðisflokkurinn fékk möguleika á að standa vörð um fullveldi landsins og hafna frumvarpi Þórdísar um að EES-valdboðin frá Evrópusambandinu væru æðri íslenskum lögum. Flokksráðið notaði ekki möguleikann en japlaði á gömlum sviknum loforðum: -"Sjálfstæðisflokkurinn stendur vörð um fullveldi Íslands-" sagði Þórdís við Mogga. Sá vörður hefur ekki verið betri en svo að flokkurinn samþykkti að afsala fullveldi landsins til Evrópusambandsins 12. janúar, 1993. (EES-samningurinn), Þórdís vara bara 5 ára og ekki von að hún muni það.

Vinstri grænir vilja útvega meiri orku með því að loka  á orkukaup fyrirtækja í landinu sem eru þeim ekki þóknanleg. Þetta hefur verið reynt áður fyrir 40 árum þegar vinstrimenn komust í stjórn, en tókst ekki, svinnir menn voru þá á verði. Vinstri grænir ættu að vera arftakar þess framsýna fólks (í Alþýðubandalaginu) sem barðist gegn þátttöku Íslands í hermangi og stríðsrekstri en nú berst flokkurinn fyrir útþenslu NATO og styður stríðsrekstur klúbbsins, nú í Úkraínu, þar áður var hann í Sýrlandi, Afganistan, Írak, Líbíu, Serbíu og víðar.