Barnarán

-"þarna er verið að taka börn þúsundum saman, fara með þau og ala upp sem eitthvað allt annað en þau eru-" segir formaður utanríkismálanefndar Alþingis (Mbl 30.5.2023) eftir að hafa hlustað á áróður Úkraínustjórnar á fundi í Tallín þar sem rússahatur er nokkurs konar skylda.

Illa upplýstir nefndarmenn Alþingis eru þarna að gera sig breiða yfir fréttum sem þeir geta ekki staðfest og hafa ekki þekkingu til að meta, í þessu tilfelli stríðsáróður sem sjaldnast er áreiðanlegur. Það sem hefur gerst í Úkraínu síðustu 9 árin er að Úkraínuher hefur verið látinn reka hernað á vegum NATO og ESB gegn rússneskum íbúum Úkraínu sem varð að stríði þegar rússneski herinn skarst í leikinn. Milljónir manna hafa flúið , langflestir (yfir 3 milljónir manna) til Rússlands (vestrænir fjölmiðlar láta skína í að flestir fari til Póllands). Rússnesk yfirvöld hafa kerfisbundið reynt að koma stríðshrjáðum börnum í skjól, þau eru langflest af rússnesku bergi brotin og verða "alin upp" sem Rússar áfram, þau eru stór hluti af flóttamannastraumnum.

Alþingi getur fordæmt stríð og kúgun en það er ekki í þágu svinnra Íslendinga að löggjafi þeira fordæmi góðverk sem einhver áróðursvél framleiðir lygar um. Stærsti hluti heimsbyggðarinnar veit að NATO og ESB eru að níðast á rússneskum íbúum Úkraínu, og fórna Úkraínumönnum til þess, og að Rússland er að reyna að veita flóttafólkinu hjálp.

Utanríkismálanefnd Alþingis þarf að finna sér verðug verkefni sem nefndarmenn hafa vit og þekkingu til að ráða við. Meðreiðar í stríðsæsingum eru Íslendingum ekki sæmandi.

Friðrik Daníelsson

 

Ísland verður bleikt

Landbúnaðarháskólinn kann að margfalda akuryrkjuna. Hvernig á að gera það er lýst í nýrri skýrslu: Bleikir akrar.

Kornrækt lagðist að mestu af á 12. öld þegar loftslagið kólnaði. "-Á Reykjahólum váru svo góðir landskostir í þenna tíma, at þar váru aldri ófrævir akrarnir-" (snemma á 12. öld samkvæmt Þorgils sögu og Hafliða). Það var svo ekki fyrr en loftslagið tók að hlýna aftur um 1920 sem gróskan fer að taka við sér. Stutt kuldaskeið 1965-1995 dró svo aftur úr gróskunni en eftir það hófst annað góðæristímabil og náði hitinn hámarki 2003 en sæmileg hlýindi vara enn þó þau séu minni en í byrjun aldarinnar eða um 1940. (Loftslagsbreytingar á Íslandi)

Með því að stórauka ræktun skógarsvæða og skjólbelta og setja meiri kraft í að þróa ný kuldaþolnari kornafbrigði meðan hlýindin vara eru meiri líkur á að kornræktin geti lifað áfram eftir að næsta kuldatímabil hefst. Skógur ver ekki aðeins gegn vindi og veðri heldur jafnar hann hitastig og rakastig  og verndar gegn veðurskemmdum. Græni skógurinn dregur í sig geisla sólarinnar og barrskógurinn sígræni hitar veðurlagið á skógarvæðinu líka á veturna. Það er að mörgu að hyggja, til dæmis ágangi fugla á akrana eins og kemur fram í skýrslunni (Bleikir akrar)

Á heimsvísu hefur uppskera kornjurta vaxið jafnt og þétt síðustu áratugi, var 1 milljarður tonna 1970 en er nú 3 milljarðar tonna (Worldbank). Koltvísýringsstyrkurinn í lofthjúpi jarðar hefur aukist og valdið meiri vaxtarhraða jurtagróðurs, uppskera nytjajurta heldur fyrirsjáanlega áfram að aukast ef koltvísýringurinn heldur áfram að aukast.

 

Heimsveldi lyga

Heimsveldin nýju og gömlu (Bandaríkin og kjölturakkarnir Evrópusambandið og Bretland) ala sína þegna á lygum: Að Rússland sé upphafsaðili Úkraínustríðsins, að Kína sé að æsa til stríðs, að loftslag jarðar sé að eyðileggjast vegna jarðefnaeldsneytis.

Það var Bandaríkjastjórn, ESB- og NATO-aðilar sem byrjuðu Úkraínustriðið með blóðugu valdaráni, samningsbrotum og vopnavæðingu sinna leppa. Bandaríkin hlaða vopnum á Taivan en eru með hinni hendinni búin að viðurkenna að aðeins sé til eitt Kína. Forsprakkar Evrópusambandsins segja að Kína sé helsta hættan.

https://www.helsinkitimes.fi/china-news/21172-commentary-america-an-empire-of-lies.html

Bretland, Bandaríkin og Evrópusambandslönd hafa lögfest hræðsluáróður um loftslagsbreytingar sem engin vísindalega öruggur grunnur er undir en er byggður á lygum umhverfistrúarsöfnuða og fjárplógsmanna. Ungmennin eru hrædd, konur þora ekki að eignast börn, fólk missir heilsuna í illa upphituðum bústöðum. Tröllvaxnar umhverfisskemmdir eiga sér stað með "grænum lausnum": Rafbúnaði (vindmyllum, sólarpanelum, rafhlöðum), opnum námum, orkubruðli við framleiðslu á "grænum" tækjum, landspjöll og mengun við förgun þeirra.

https://www.youtube.com/watch?v=IagqMq4wfCc

Stjórnvöld gömlu og nýju heimsvelda Vesturlanda halda sínum þegnum í herkví lyga og breiða þær út um heimsbyggðina.

https://wattsupwiththat.com/2023/05/18/professor-ian-plimer-book-launch-not-for-greens/

Breska ógnin

Breska heimsveldið og dræsur þess hafa herjað á heimsbyggðina í hálft árþúsund. Frá því Ísland varð lýðveldi hefur Bretland níu sinnum reynt að koma Íslandi á kaldan klaka, síðast með því að loka bankakerfinu og reyna að setja ríkissjóð i þrot.

Bretar eru stríðsþjóð og alltaf til í stríð, þegar Ameríka fer í stríð fá þeir oft að vera með af því að þeir eru í NATO þó þeir geri lítið gagn en alltaf til i að hæla sér ef Kanarnir eða aðrir bandamenn þeirra vinna. Reyndar eru líka okkar hernaðarsinnuðu frændur Danir og Norðmenn  "viljugar þjóðir" í manndráp og hryðjuverk Kananna og NATO/ESB, hvort sem er geislavirk árás á Fallujah eða sprengingar á gasleiðslum Rússa.

Íslendingar kynntust gáfnafari breskra herstjóra í hernámi Íslands 1940. Það virðist ekki hafa batnað, nú hafa þeir sent hryðjuverkastjórninni í Kænugarði fallbyssuskot með geislavirku úraníum. Eins og við var að búast sprengdi rússneski herinn geymsluna með úranskotunum og öðru stríðsdóti frá NATO/ESB í loft upp.

Geislavirkt ský ferðast nú yfir ESB/NATO-lönd og stefnir á Bretland, breska ógnin heimsækir þá sjálfa.

Meira vín í bensín

Loftslagskirkjuráð ESB/EES hefur nú boðað að safnaðarmeðlimir skuli nota meira brennivín á bílana þó þeir hafi verið hannaðir fyrir bensín. Nýja E10 bensínið, 10% vínandi, er lélegt, við þurfum meira til að komast sömu vegalengd, vínandinn hefur 30% minna orkuinnihald en bensín.

En samt er stöðugt verið að hækka verðið á bensíninu enda dýrt að búa til vínanda úr landbúnaðarafurðum og "grænu" skattarnir hækka jafnt og þétt. E10 bensínið fer ekki vel með suma bíla en það gerir Evrópusambandinu ekkert, bílaframleiðendur þar selja nýja bíla fyrir E10.

"Umhverfisvænn" vínandi er eins og annað "sjálfbært" og "loftslagsvænt" samkvæmt EES/ESB, hvort sem er vindmyllur, sólarpanelar, batteríbílar, lygaverslun (með upprunavottorð), eða "grænar" fjárfestingar: Fálm og sýndarmennska sem byggir á undirmálsverkfræði og er kostuð af skattgreiðendum og er féþúfa "grænna" gróðabrallara sem gera út á ríkisstyrki og heimsku almennings og ráðamanna.

Það þarf svipað orkumagn (74-95%) til að framleiða vínandann og hann gefur af sér. Bændurnir nota mest díselolíu en þeir gætu fengið sér "umhverfisvæna" traktora sem brenna vínanda en þá yrði lítið eftir handa okkur. Vínandinn er unninn úr sykurrófum, korni, kartöflum og sykurreyr (besta jurtahráefnið) ræktað á ökrum með sáningu, áburði og með vélbúnaði sem þarf orku. Það er aðeins að nafninu til sem kolefnið í vínandanum kemur úr gróðri (er "sjálfbært"), jarðefnaeldsneytið er áfram orkugjafin í raun. "Kolefnissporið" verður svipað áfram. Koltvísýringsútblásturinn (á orkueiningu) breytist lítið. Talsverð umhverfisáhrif eru af landbúnaði, nítrat-, fosfat- og saltamengun. Minnstu umhverfisáhrifin og hagkvæmasta etanólframleiðslan er úr jarðgasi eða olíugasi.

https://www.ecoenclose.com/blog/dont-replace-fossil-fuels-with-corn-lessons-from-ethanol/

Ávinningur umhverfisins og loftslagsins af E10 er enginn.

https://www.frjalstland.is/2020/12/10/graena-glyjan/

Fundur um lygar

Það var ekki Putin sem byrjaði Úkraínustríðið, það voru Bandaríkjastjórn, aðilar í Evrópusambandinu og úkraínskir ný-nasistar.

Vígasveitir þessara aðila hófu vopnaðar árásir á stjórnarstarfsmenn og stjórnarbyggingar í Kænugarði og sviðsettu óeirðir á götum úti eftir að löglega kjörin stjórn Úkraínu hafnaði aðild að Evrópusambandinu 21. nóvember, 2013.

Fjöldi fólks lét lífið í árásunum sem vöruðu fram í lok febrúar 2014 en þá var leppstjórn Bandaríkjanna, ESB og NATO sett á valdastólana. Undirbúningur valdaránsins hafði staðið lengi. Byssumennirnir sem sáu um að skjóta lögreglumenn og embættismenn voru þjálfaðir í Póllandi af CIA. Aðstoðarutanríkisráðherra Bandaríkjanna, Victoria Nuland, stjórnaði valdaráninu. Vestrænir fjölmiðlar leyndu valdaráninu en kölluðu óeirðirnar Euromaidan og sögðu þær eðlilega uppreisn gegn stjórn Úkraínu.

Valdaránslöndin sendu mikið magn af vopnum til Úkraínu sem eignaðist stærra vopnabúr en Frakkland og Þýskaland áttu til samans. Leppstjórnin efldi strax 2014 mikinn stríðsrekstur gegn rússneskum borgurum Úkraínu, aðallega í Donbas en einnig voru framin manndráp víðar, t.d. Odessa.

Þann 24. febrúar, 2022, átta árum eftir hið blóðuga valdarán, þegar leppstjórnin og NATO höfðu brotið alla friðarsamninga (Minsk) og öll loforð um útþenslu NATO, sendi Rússland rússneska herinn til að verja rússneska íbúa Úkraínu og Rússland sjálft.

Evrópuráðið heldur fund á Íslandi til þess að "kalla Rússa til ábyrgðar fyrir Úkraínustríðið". Þeir sem þarf að kalla til ábyrgðar eru Bandarikjastjórn, Barak Obama (handhafi friðarverðlauna Nobels veitt í NATO-landinu Noregi), Joe Biden, Victoria Nuland og forsprakkar ESB og NATO og ný-nasista Úkraínu. En Evrópuráðið er í gíslingu Evrópusambandsins og ekki líklegt til að viðurkenna sannleikann um Úkraínustríðið.

Stjórnvöld Íslands þurfa að skammast sín fyrir að draga hingað fund um lygar stríðsmangara.

https://www.frjalstland.is/2023/05/15/evropuradid-i-gislingu/

Fundur um hernað?

Á hinu vopnlausa Íslandi á nú að halda samkomu sem snýst m.a. um aukna vopnaframleiðslu.

Í uppsiglingu er að eyðileggja mannorð Íslands sem herlauss og friðarfremjandi lands með samkomu Evrópuráðsins hér. https://www.frjalstland.is/2023/05/15/evropuradid-i-gislingu/

 

Einu sinni stríðsþjóð

alltaf stríðsþjóð, leiðtogar þeirra ætla nú að halda samkomu í Evrópuráðinu (félagsskapur í gíslingu ESB) á Íslandi um hvernig megi valda ekki bara Donbas heldur Rússlandi öllu sem mestum skaða. Ekki í fyrsta skiptið.

Þjóðverjar ætla að halda áfram að senda vopn og skotfæri (þeir drápu 27 milljónir 1940-1945), stórsending er nú að fara af stað til ný-nasistastjórnarinnar í Úkraínu. https://www.mbl.is/frettir/erlent/2023/05/13/undirbua_staerstu_vopnasendinguna_fra_upphafi_strid/

Frakkar (sem voru í Rússadrápunum 1812) senda nú líka vopn. Og Bretar (alltaf til í ofbeldi og vopnaskak eins og Íslendingar ættu að þekkja vel) senda langdrægar sprengjuflaugar svo hryðjuverkamennirnir í Kænugarði geti skotið beint á borgir Russlands og þurfi ekki að senda launmorðingja á rithöfunda og börn https://www.rt.com/russia/576202-lugansk-long-range-strike/. Biden varð feginn.

Afleiðingarnar af hatursaðgerðum gegn Rússlandi, ásamt með tilraunum Vesturlanda til að hefta notkun eldsneytis, er óviðráðanleg lífskjarakreppa, fátækt og örbirgð þegna gömlu stríðsþjóðanna (eins og eftir 1812 og 1945).

Ráðamenn/konur Íslands langar að faðma og kyssa stríðsþjóðaforsprakka á samkomunni og verða okkur til skammar fyrir augliti 90% heimsbyggðarinnar sem hefur í aldaraðir mátt þola hernað og kúgun stríðsþjóða Evrópu.

Falsanirnar afhjúpaðar

Donald Trump var í viðtali hjá CNN og afhjúpaði hræsnina og falsanirnar eftirminnilega.

Falsfréttamiðlar og helstu málpípur Demókrataflokksins (Washington Post, New York Times, CNN) eru æfir og  briglsa Trump um lygar eins og þeir eru vanir en fjalla ekki mikið um það sem mestu máli skipti í viðtalinu, um hernaðarþáttöku Bandaríkjanna í Úkraínu: -"þeir eru að deyja, Rússar og Úkraínumenn, ég vil að þeir hætti að deyja - mín hugsun er um að stilla til friðar og stöðva drápin á öllu þessu fólki og eyðileggingu þessa lands - ég mun stilla til friðar á einum degi verði ég forseti-".

Forsprakkar Evrópusambandsins, sem hafa tekið Evrópuráðið í herkví, fá að hittast á Íslandi í næstu viku og væntanlega verða stríðsæsingar gegn Rússlandi aðalfundarefnið þó Evrópuráðið hafi verið stofnað til þess að þjóðir Evrópusambandsins (Þjóðverjar, Frakkar) færu ekki aftur í Evrópustríð. Það virðist augljóst að Evrópuleiðtogar muni ekki geta stöðvarð Úkrainustríðið, til þess eru þeir of þrælslundaðir við Ameríku. Eini möguleikinn er að ábyrgur forseti eins og Donald Trump fái völdin í Hvíta húsinu áður en Rússland leggur Úkraínu ("Útkragann" á Rússnesku) undir sig.

https://www.foxnews.com/media/liberals-rage-over-cnns-disgusting-trump-town-hall-insanity-pulled-f-ing-air

Sigurdagurinn

Þennan dag, 9. maí, 1945, fyrir 78 árum, gekk uppgjöf Þýskalands í gildi (að Moskvutíma) eftir sigur Rauða hersins á þjóðverjum sem þá höfðu drepið 27 milljónir Rússa, fjórfalt fleiri en þeir misstu sjálfir og þrítugfalt fleiri en Bandaríkin og Bretland misstu samanlagt.

Þessi grimmilega árás Þjóðverja er af augljósum ástæðum greypt í minni Rússa og sögu Rússlands. Rússar frelsuðu ekki bara Rússland heldur Evrópu alla frá þýsku drápsmönnunum með tröllvöxnum mannfórnum.

Rússum hefur ekki verið sýnt mikið þakklæti fyrir vikið. Þvert á móti hafa þeir verið ofsóttir með tilefnislausu níði, óhróðri og áróðri allt frá því Churchill heimsótti Truman og skáldaði upp "Járntjaldið" snemma árs 1946. Hámark ofsóknanna hófst svo fyrir áratug þegar Bandaríkjastjórn Obama/Biden, með aðilum í NATO/ESB-löndum, rændu völdum í Úkraínu og hófu, með leppstjórninni sem þeir komu til valda, hernað gegn rússneskum íbúum Úkraínu. Markmiðið var að egna Rússland til hernaðar. Átökin standa yfir, NATO/ESB auka stöðugt áróðurinn, óhróðurinn, vopnasendingarnar, þjálfun og útvegun hermanna og njósnir og upplýsingagjöf.

Leppstjórnin hefur í vaxandi mæli sent morðingja og hryðjuverkamenn gegn Rússum, rithöfundar hafa orðið fyrir sprengjuárásum (í Moskvu, Pétursborg og Nizhny Novgorod) og borgarar myrtir við landamærin.

Þetta er á sama tíma og "Evrópuráðið", með móttöku á Íslandi og þátttöku Íslands, telur sig þess umkomið að hylla leikara leppstjórnarinnar frá Kænugarði sem rekur manndráp á vegum NATO og ESB á rússneskum íbúum Úkraínu með því að fórna eigin mönnum. Rússar þekkja skrílinn vestanað frá fyrri tíð og sendu því í febrúar í fyrra her til þess að verja landa sina í Úkraínu og stugga skrílnum á brott.

Friðrik Daníelsson