Bretar frjálsir - við sitjum eftir

Nýársdagur og Bretar verða aftur frjálsir. Þeir náðu viðskiptasamning við ESB/EES eftir mikið þjark. Fiskimennirnir voru sviknir og samningurinn er opinn á mörgum sviðum, barátta Breta við ESB heldur því áfram.

"Velkomin til framtíðarinnar og samningsumleitana án enda - tíu blaðsíður í samningnum eru um fjöldann af sameiginlegum nefndum, ráðum, vinnuhópum og talbúðum með als kyns völd" (David Allen Green).

En aðalmarkmiðið náðist: Bretar hætta að lúta tilskipanavaldi og dómsvaldi ESB, þeir setja nú sín eigin lög og reglur og dæma innanlands í sínum málum.

En við jólasveinarnir á Klakanum sitjum eftir innilokaðir í kvöðum ESB/EES. Það þýðir að ESB hefur yfirstjórn á hvaða vörur frá Bretlandi má selja hér og ESB getur í krafti EES truflað samskipti okkar við Bretland. Okkar mikilvægustu viðskiptalönd (Bretland ásamt Bandaríkjunum og Rússlandi) verða frá áramótum öll utan múranna og ýmiss samskipti okkar við þau háð ESB-veldinu.

Uppvakið landvinningaveldi

Jólakveðja

Frelsið endurheimt

Það er bæði dýrt og erfitt að endurheimta glatað frelsi. ESB vill ekki að breska þjóðin fái frelsið sem hún kaus 23.6.2016. ESB vill ekki semja, hótar og útilokar.

Barátta Breta hefur afhjúpað ESB sem valdabákn sem hefur áhuga á yfirráðum yfir þjóðum en hunsar lýðræði og frelsi. En forsprakkar ESB, gömlu stríðsþjóðir meginlands Evrópu, misreiknuðu viljastyrk Breta eins og fyrri daginn. Breska þjóðn endurheimtir frelsið á nýársdag.

Uppvakið landvinningaveldi

Ónýtar vindmyllur

Reynsla nágrannalanda af vindmyllum er að þær gera orkuna dýrari og óöruggari og valda rafmagnsleysi. Þær verða fljótt ónýtar en þegar þarf að fjarlægja þær kemur oft í ljós að eigendurnir eru gróðabrallarar (með væmið "grænt" nafn) sem ekki næst í.

Kostnaðurinn við niðurrifið lendir á almenningi, ríkinu eða sveitarfélögum. Sveitarstjórn Rangárþings ytra er að reyna að losna við tvö vindmylluhræ, annað 3 ára brunarúst, en ekket gengur. Eigendurnir nást ekki. Hræin standa í náttúru Íslands til minningar um umhverfisvernd og "grænar" lausnir ættaðar úr EES-tilskipunum og fylgt eftir hér á okkar kostnað af íslenskum loftslagsskrumurum á fullum launum hjá okkur.

Meiri sóun í rafbíla

Nú á að halda áfram að henda peningum í "orkuskipti" sem ESB fyrirskipar, það á að framlengja niðurgreiðslur á rafbílum ("tengiltvinnbílum"). Milljón á bíl eða svo (Mbl 17.12.2020), tilgangslaus eyðsla skattfjár sem við þurfum í Covíðáfallið og vegina (sem eru að flosna upp af "umhverfisvænni" lífolíu).

Við sem keyrum þróaða bíla á bensíni og díselolíu þurfum að borga vask (24%) og vörugjöld eftir "koltvísýringslosun" sem ekki veldur neinum umhverfisskaða. Rafbílaeigendur fá þesssa skatta gefins frá okkur. Þeir fá líka orkuna á hálfvirði eða minna. Framleiðsla rafbíla veldur miklum "ósjálfbærum" umhverfisspjöllum auk mikillar koltvísýringslosunar. Rafbílar eru hálfu til einu tonni of þungir og ættu þess vegna að borga vegslitsgjald, rykmengunargjald og slysahættugjald. Þeir þyrftu að vera með síflautu til að vara menn og dýr við ofurþungum drekunum.

Við bilaeigendur viljum ekki endalaust borga fyrir hættulegan leikaraskap í umhverfisvernd samkvæmt EES-tilskipunum. https://www.frjalstland.is/2019/10/29/rafbilavaedingin-vanhugsud/#more-1639

Rafbílaeigendur geta sjálfir borgað það sem hlutirnir kosta eins og við. Eða hætt að slíta vegunum.

Í Ontarío í Kanada er áratugs reynsla af grænu lygunum https://greenhypocrisy.ca/ Okkar stjórnvöld geta lært af þeim í staðinn fyrir að apa alla vitleysuna eftir ESB og Sameinuðu þjóðunum.

Fór jarðhitinn í hítina?

Besta fyrirtæki okkar Reykvíkinga er nú svo illa komið að það getur ekki útvegað okkur nægt heitavatn. Kalt í húsum, kalt í lauginni og pottunum. Og heitavatnið er orðið dýrara en í smábæjunum. Hvað verður eiginlega af peningunum?

EES-tilskipanirnar fóru illa með Orkuveituna, klufu hana í 3 óhagkvæmari fyrirtæki, fjölguðu silkihúfum og komu af stað kostnaðarsamri sýndarsamkeppni í anda ESB/EES. Einni flísinni átti svo að skipta í tvær í fyrra, silkihúfunum fjölgar í takt við orkupakka ESB og þrælslund okkar stjórnvalda.  Dótturfyrirtækin, sem vaxa eins og gorkúlur í kringum greni, gera okkur að sögn orkuveitunnar "umhverfisvæn" eða "sjálfbær" eða "kolefnishlutlaus" eða eitthvað annað meiningarlaust. Þau stunda gæluverkefni og gúlpa í sig peningana okkar: Eitt heitir "Carbfix" sem er barnaleg, gagnslaus og fokdýr (en skemmtileg) háskólatilraun til að taka koltvísýring úr loftinu.https://frjalstland.blog.is/blog/frjalstland/entry/2250744/

Annað "umhverfisvænt" gæluverkefni er hleðslustöðvar fyrir rafhlöðubíla sem totta til sín almannafé í milljörðum. Innstungunum er holað niður í rigningunni út um hvipp og hvapp og hundar á milli. Þær eru í raun óþarfar og varasamar, menn sem gæta öryggis ferðast ekki á rafhlöðum um landið. https://www.frjalstland.is/2019/10/29/rafbilavaedingin-vanhugsud/

"-Eigendur Hitaveitunnar, íbúar höfuðborgarsvæðisins, eiga rétt á að vera upplýstir um hvers vegna hún hefur hafnað í þessari ótrúlega slæmu stöðu að geta ekki í kuldaköstum fullnægt hitaþörf notenda-" (Árni Gunnarsson vekfræðingur, Fréttabl. 15.12.2020) https://www.frettabladid.is/skodun/kuldaboli-enduruppvakinn/

 

Aðalritarinn öskrar úlfur úlfur

Aðalritari Sameinuðu þjóðanna hefur nú með öskrum og hrópum farið með alþjóðasamtökin út af sporinu í loftslagsskruminu. Í miðjum versta sjúkdómsfaraldri og meðfylgjandi efnahagskreppu sem geisað hefur um áratuga skeið heimtar hann með látum, eins og maður sem kann ekki mannasiði, að þjóðir heims lýsi yfir neyðarástandi loftslags og geri meira til að verða "kolefnishlutlaus"

Loftslagsskriffinnar Sameinuðu þjóðanna hunsa vandaðar vísindalegar athuganir sem sýna að ekkert neyðarástand ríkir og ekkert útlit fyrir að það muni koma upp. Þeir ætla ekki að taka tillit til að þjóðir heims þurfa nú tröllvaxið átak til endurbyggingar eftir Covid faraldurinn. Þar er neyðarástandið!

Guterres hefði verið nær að afsaka og útskýra af hverju stofnanir Sameinuðu þjóðanna vöruðu ekki við Covidveirunni fyrr en hún var sloppin út úr Kína og orðin heimsfaraldur. Guterres ætti að upplýsa hvernig heimsbyggðin á að bregðast við neyðarástandinu sem hefur skapast af vanrækslu Sameinuðu þjóðanna við faraldursvarnir sem þeim var trúað fyrir með WHO.

Sameinuðu þjóðirnar þurfa greinilega að verða heimskuhlutlausar.

https://www.express.co.uk/news/world/1371709/Climate-Ambition-Summit-UN-Antonio-Guterres-news-latest-update-speech-vn

https://www.mbl.is/frettir/erlent/2020/12/12/riki_heimsins_lysi_yfir_neydarastandi/

Loftslagsmál ekki um loftslag

Okkar forsætisráðherra ætlar nú að setja Íslandi ennþá háleitari markmið í "loftslagsmálum" og monta sig með þekktum loftslagsskrumurum, frönskum, breskum og Sameinuðu þjóða skriffinnum.

Meira að segja þeir sem lágmarks þekkingu hafa vita að "loftslagsmál" skrumaranna hafa ekkert með loftslag að gera heldur gróðafíkn og valdagræðgi manna sem nota fávísi og trúgirni fólks til að komast yfir peninga og völd. Ríkisstjórn Íslands lætur þvæla landsmönnum í eina botnlausa og gagnslausa sóunina eftir aðra vegna ímyndaðrar loftslagsvár.

Lýðskrumararnir hafa spáð hættulegri hlýnun í 34 ár, allar þeirra spár hafa reynst falsspár. "Loftslagsváin hefur skapað neyðarástand" segir forsætisráðherra okkar (Mbl 10.12.2020). Raunin er að það er engin loftslagsvá og ekkert neyðarástand vegna loftslagsbreytinga heldur rangfærslur og hræðsluáróður.

Utanríkissráðherra okkar segir "loftslagsbreytingar af mannavöldum eru veruleiki sem við verðum að horfast í augu við" (Fréttabl. 10.12.2020). Veruleikinn er að mannkyn hefur hverfandi áhrif á loftslag, það eru öfl sterkari en bæði ESB og skriffinnar Sameinuðu þjóðanna sem stjórna því.

Græna glýjan

Michael Moore afhjúpar grænu orkuna

Loftslagsblekkingar ESB

Íslensk kolefnisspora-pólitík

Forsætisráðherra birtir grein i Morgunblaðinu í dag um stefnu Íslands í loftlagsmálum, eða öllu heldur um kolefnisspor landsins og hvernig má draga úr því fram til 2040. 

Allt eru þetta fögur fyrirheit og búið er að stofna til stofnanna og nefnda til að framkvæma áætlun Íslands. M.a. Loftlagsráð, Loftlagssjóð og í kringum þessa áætlun hafa orðið til ýmis verkefni í skógrækt og "endurheimt votlendis" eins og það er orðað.

Áætlunin um kolefnisjöfnun Íslands 2040 minnir svolítið á áætlun stjórnvalda um "Eiturlyfjalaust Ísland árið 2000". 

Frjálst land ætlar að kafa svolítið niður í Aðgerðaráætlun Íslands í loftlagsmálum á næstunni.   

Orkubólan stækkar-fjárgammar bíða.

Bændablaðið vekur athygli á þenslu ríkisfyrirtækja á kostnað atvinnufyrirtækja og almennings.

"Enn eina ferðina á að hækka verð á dreifingu raforku frá Landsneti í dreifbýli og nú um heil 9,9%. Á sama tíma heyrast þau ánægjulegu tíðindi að raforkuframleiðandinn Landsvirkjun hagnist grimmt af sölu raforkunnar og þar fór eiginfjárhlutfall félagsins í fyrsta sinn yfir 50% á árinu 2019.

Reyndar hagnaðist Landsnet líka á síðasta ári eftir skatta um 28 milljónir Bandaríkjadollara. Landsnet er hlutafélag í 64,73% eigu Landsvirkjunar, RARIK á 22,51%, Orkuveita Reykjavíkur á 6,78% og Orkubú Vestfjarða á 5,98% í félaginu. Allt eru þetta opinber fyrirtæki að langstærstum hluta í sameiginlegri eign allra landsmanna."

"Tær snilld"-segir Bændablaðið um orkuverðlagninguna.

Næsta skref í framkvæmd OP3 verður væntanlega nauðungarsala orkukerfisins að kröfu ESB til fjárfesta. Úthlutun nýtingarréttar orkuauðlinda.- Svar forsætisráðuneytisins.