Hermenn frá NATO-löndum eru i Úkraínu

Vígamenn (ættaðir úr skyndiárásasveitum SAS og Delta) frá Bretlandi og Bandaríkjunum berjast á laun með Azov-vígamönnum Úkraínustjórnar. Flytja átti hluta af þeim með flutningaskipi frá Mariupol en það mistókst. Nú eru líklega þúsundir Azov-vígamanna og málaliða frá NATO-löndum lokaðar inni í Mariupol og halda áfram drápum.

Falsfréttafjölmiðlar okkar halda svona fréttum vandlega leyndum en sýna okkur í staðinn hroða stríðsins og segja alltaf rússana seka án þess að geta staðfest fréttirnar.

Bandarískir og breskir vígamenn eru nú komnir í skotfæri við Rússa við rússnesku landamærin. Leiðtogar Bandaríkjanna og Bretlands og margra ESB-landa hafa nú opinberað sig sem hættulega og óábyrga stríðsæsingamenn. Og rússarnir óttaslegnir og fálmandi að reyna að halda Úkraínu NATO-og ESB-frírri og bjarga Rússunum í Austur-Úkraínu frá drápssveitunum.

Við þægir þjónar NATO og ESB hljótum að spyrja: Er ekki allt í lagi? Eru NATO-forsprakkar okkar að æsa til kjarnorkustyrjaldar? Við ættum kannske að biðja okkar menn að stilla sig og bjóða Vladimir, Volodymyr og Joe heim í Höfða til að miðla málum?

https://twitter.com/Malbrunot/status/1512814126367662088

https://www.mirror.co.uk/news/world-news/crack-team-sas-veterans-joining-26350789

https://www.bbc.com/news/world-europe-61058139

bloggið skrifar Friðrik Daníelsson

Athugasemdir

[Ómar Geirsson, 11.4.2022 kl. 16:02]

Blessaðir félagar.

Ég man ekki alveg hvenær samleið okkar hófst, minnir samt að það hafi eitthvað tengst Icesave fjárkúgun breta með stuðningi Evrópusambandsins.

Síðan þá hef ég stundum verið sammála, til dæmis í átökunum um Orkupakka 3, stundum ekki þegar ég hef spurt mig hvað drífur ykkur áfram.

En ég spyr mig ekki lengur, þið eruð eiginlega mjög sjúkir, og ég spyr mig, hvenær átti ég samleið með ykkur??

Hvernig yfirsást mér sjúkleiki ykkar??

Samt mín mistök, ekki ykkar.

En sem vel upp alinn, þá er það samt kveðjan að austan.

Breytir samt ekki að þið eigið virkilega að skammast ykkar fyrir þessa færslu.

[Jónatan Karlsson, 11.4.2022 kl. 17:13]

Það liggur við að ég voni, geðheilsu og sálarheill Ómars vegna, að þessar fréttir úr Mirror og BBC sem Friðrik vitnar í, eigi ekki við minnstu rök að styðjast.

[Theódór Norðkvist, 11.4.2022 kl. 20:50]

Tek undir með þér, Ómar. Þessi svokölluðu Frjálst Ísland, sem ég veit ekkert hvort að eru bara þrír menn eða hvað, hafa með því að gerast klappstýrur og málsvarar stærstu hryðjuverkasamtaka heimsins, rússneska hersins undir stjórn Pútíns, gjörsamlega stútað trúverðugleika sínum.

Samtökin ættu með réttu að taka nafnið frelsi og allar mögulegar beygingar þess, út úr nafni sínu. Að kalla það dráp að vilja verja sitt eigið land fyrir innrásarher, ótrúlegt.Það eru hryðjuverkasamtök Pútíns sem sjá að mestu leyti um drápin.

Ætli það séu ekki tíu þúsund almennir borgarar sem liggja í valnum, gamlir menn á reiðhjólum skotnir af færi og konum nauðgað fyrir framan börnin þeirra. Get ekki séð að Rússland eigi afturkvæmt í hóp siðmenntaðra þjóða, þó Frjálst Ísland muni sjálfsagt mæra þetta hryðjuverkaríki áfram og segja þá vera saklaus fórnarlömb.

[FORNLEIFUR, 12.4.2022 kl. 05:27]

Nú er Mariupol svo að segja fallin, en mann grunar að nasistarnir séu löngu flúnir. Rússa finna ekki marga. Þeir eru komnir til Kív til að vera með trúðnum sem hyllir foringja þeirra og fyrirmynd, gyðingamorðingjann Stepan Bandera.

[Ómar Geirsson, 12.4.2022 kl. 07:44]

Blessaður Jónatan.

Þér að segja þá veit ég ekki hvort er verra, sá sjúkleiki sem leikur um þessa færslu hér að ofan, eða sú gjörð að reyna verja hann.

En reyndu ekki að bendla Mirror eða BBC við þessa afkima sálarinnar.

Kveðja að austan.

[Jósef Smári Ásmundsson (IP-tala skráð) 12.4.2022 kl. 09:52]

Nýnasistarnir eru beggja megin borðsins. Rússa megin eru  " Thorbrandr" sem rússneskættaður norðmaður stjórnar. Hann hefur gælunafnið " Norðmaður" sem norskir á NRK skilja ekki en telja það þýði "Nordmann" sem er náttúrulega hárrétt. Liðsmenn þessa liðs koma frá noregi, svíþjóð og íslandi og það skýrir að sjálfsögðu nafngiftina. Úkraínsku nýnasistarnir í liðsveitum Azor eru brottreknir liðsmenn úkraínska hersins auk glæpamanna. Það er alltaf þannig þegar stríð brýst út að hinir ýmsu hópar á ysta jaðrinum sjá tækifæri að láta ljós sitt skína. Þessar sveitir eru eftirlitslausar og láta ekki að stjórn þannig að tenging Azor vígasveita við úkraínsk yfirvöld standast ekki.

[Ragnhildur Kolka, 12.4.2022 kl. 13:23]

Áðun um að taka eingöngu mark á einhliða áróðri og útiloka aðrar upplýsingar er ekki andlegur sjúkleiki heldur heimska. 

[Ragnhildur Kolka, 12.4.2022 kl. 13:23]

Ákvørðun. 

[Ómar Geirsson, 12.4.2022 kl. 16:13]

Ragnhildur mín.

Það er ekkert einhliða að sjá fólk drepið, borgir og bæi sprengda í loft upp, það er aðeins tilvitnun í staðreyndir.

Og trúðu mér, að benda á staðreyndir er ekki áróður, hvað að ég eða þú verðum að falsmiðlum þegar við bendum á slíkar staðreyndir.

Hinn augljósi sjúkleiki sem blasir við í þessari færslu, kemur hvorki staðreyndum, áróðri eða öðru við.

Hvað þá heimsku ef þú skyldir halda það.

Kveðja að austan.

[Ragnhildur Kolka, 12.4.2022 kl. 17:56]

Omar, það er enginn að banna þér að loka augunum fyrir øðru en einhliða áróðri. En að kalla fólk sjúkt fyrir það að fylgjast með því sem er að gerast í heiminum og skýra frá því, með opnum hug, getur aðeins flokkast sem heimska. 

Sannleikurinn er aldrei einfaldur. 

[Ómar Geirsson, 12.4.2022 kl. 18:12]

Blessuð Ragnhildur.

Ég reyndi að útskýra fyrir þér að meintur einhliða áróður væri ekki bein ávísun á sjúkleika, sjúkleiki er eitthvað sem er sjúkt.

Afsökun þeirra sem reyna að verja sannarlegan sjúkleika, kemur aldrei neitt við því sem er að gerast í heiminum.

Hins vegar veit ég Ragnhildur að þú ert ekki heimsk.

Kveðja að austan.

[Guðmundur Ásgeirsson, 12.4.2022 kl. 20:18]

Mirror: "Retired UK special forces soldiers..."

Fyrrverandi hermenn...

Ekki hermenn NATO ríkis heldur ríkisborgarar NATO ríkis.

Svo því sé haldið til haga.

[Theódór Norðkvist, 13.4.2022 kl. 14:03]

Nei Guðmundur, þetta getur ekki verið satt, því sannleikurinn er aldrei einfaldur. Þeir sem fylgjast með því sem er að gerast í heiminum og skýra frá því með opnum hug, hafna öllum svona óþægilegum staðreyndum sem einhliða áróðri.

Bara svo það sé skýrt þá var ég að gera grín að ákveðnum málflutningi og tel þetta vera rétt sem Guðmundur segir.