Geðveikt

Fólk verður geðveikt á að vera lokað inni vegna "aðgerða" stjórnmálamanna á Vesturlöndum gegn Kórónuveirunni. "Aðgerðirnar" koma nokkrum árum of seint. Þegar Kínastjórn tókst að gera Alþjóða heilbrigðisstofnun Sameinuðu þjóðanna að strengjabrúðu sinni og settir voru vanhæfir menn frá spilltum löndum þar yfir tapaðist bardaginn við að hemja Kínaveirurnar.

https://www.frjalstland.is/2020/04/22/otraustar-althjodastofnanir/#more-1913

Þessi veira virðist svipuð og flestar þær fyrri, hjálpar til að drepa milljón manns á ári en virðist vægari en Hong Kong flensan sem drap milljónir en gleymdist af því að stjórnmálamenn og fjölmiðlar höfðu nóg af öðrum æsifregnum. Það er ekki lengur í tísku að æsa lýðinn yfir gömlum sjúkdómum þó árlega deyi tugir milljóna úr ýmsum smitsjúkdómum og milljónir smitist af eyðni og öðrum sóttum.

Kannske komast þeir best út úr þessari flensu sem fóru í minnstar stjórnvalds "aðgerðir" til að berjast gegn henni: Svíar. Þar er ónýt minnihlutastjórn. Stjórnmálamenn á Vesturlöndum eru annars haldnir miklum sjálfsbirging og halda að þeir geti stjórnað öllu milli himins og jarðar. Nú er að koma í ljós að oft er best að þeir geri sem minnst.

https://www.euronews.com/2020/07/28/sweden-s-coronavirus-spread-slows-but-immunity-still-a-puzzle

Dánartíðnin í Svíþjóð og á flestum Vesturlöndum er dottin niður. Á Íslandi hefur enginn dáið af veirunni í 4 mánuði. Nú er hægt að lækna flesta sem fá hana. Það er afnám mannréttinda að loka menn inni eða úti og stöðugur hræðsluáróður gerir fólk geðveikt.

 

Athugasemdir

[Þorsteinn Briem, 16.8.2020 kl. 14:42]

Ég gæti best trúað að Ómar Ragnarsson verði lokaður inni með æðiberið í rassinum og lyklinum hent.

Þar að auki er karlinn búinn að bræða stóran hluta af öllum íslenskum jöklum með öllu þessu flandri sínu um ævina og verður því trúlega settur í gapastokk í umhverfisráðuneytinu. 

[Helga Kristjánsdóttir, 16.8.2020 kl. 18:24]

Skamm! Þorsteinn þú varst fastagestur hjá honum dágóðan tíma,en þú ert að spauga og það kætir bara.