EES drekkir iðnaðinum

Ein helsta gjaldeyriskýr landsins, ÍSAL, ætlar að loka vegna hás orkuverðs og vanefnda á afhendingu vatnsorku. Landsvirkjun hefur selt frá sér vottorð um vatnsorkuframleiðslu til fyrirtækja í ESB sem nota þau til að ljúga um uppruna sinnar orku. Landsvirkjun þarf í staðinn að ljúga að sín orka sé kolaorka (eða kjarn- eða gasorka) sem er vanefnd við ÍSAL sem selur sitt ál sem vatnsorkuafurð. (Þetta verslunarkerfi lyga er fyrir peningaeigendur í ESB og er þáttur í blekkingaleik ESB um loftslag).

Álmarkaðurinn bætir ekki stöðuna nú í Kínaplágunni, niðurgreiðsla og offramleiðsla Kínverja heldur markaðnum í gíslingu.

Stjórn ESB á orku- iðnaðarmálum Íslands hefur leitt til okurs á raforku og brasks með loftslagsblekkingar sem kemur niður á orkukaupendum hér. Stjórnvöld standa ekki með iðnaðinum en leyfa orkukerfinu að sökkva dýpra og dýpra í reglugerðakviksyndi EES.

EES er að eyðileggja framleiðsluiðnaðinn

Athugasemdir

[Eyjólfur Jónsson, 8.4.2020 kl. 23:32]

Við erum ekki frjálst land ennþá, en það kemur núna rétt bráðum! Strákarnir rumska núna og reka á eftir aðgerðum.

[Helga Kristjánsdóttir, 9.4.2020 kl. 02:09]

Rumska! Svo íslenskt þegar allt hellist yfir oss.

[Kolbrún Hilmars, 9.4.2020 kl. 12:50]

Þetta byrjaði með EFTA.  Íslenskar og vandaðar sérsmíðaðar innréttingar voru á öllum heimilum þangað til en síðan var vandfundið annað en spónlagt og staðlað frá IKEA.