Vindmylluhagkerfi ESB heldur innreið sína

Í framhaldi af auknum afskiptum ESB af íslenskum orkumálum heldur vindmylluhagkerfið innreið sína hér. Útbreiðsla þess hefur verið í gangi um nokkurt skeið í ESB og einkennist af hnignun og fjölgun fátæklinga (dýpkandi orkukreppa í ESB).

EES-tilskipanir um orkumál hafa opnað á að einhverjir á EES-svæðinu (ESB, Noregi, Íslandi) sæki um virkjanaleyfi á Íslandi. Þar á meðal fyrir vindmyllur, m.a. vill Quadran Iceland Development ehf reisa vindmylluskóg á Laxárdalsheiði (Morgunblaðið 10.1.2020). Ef eitthvert múður veður mun virkjanaframkvæmdunum væntanlega verða þröngvað upp á landsmenn með EES-regluverkinu, atbeina EES-stofnana (ESA og "EFTA-dómstólsins") og ræfildómi íslenskra stjórnvalda (ætli Búðdælingar og Borðeyringar eigi skógarsagir?)

Vindmyllur eru dýrar í byggingu og rekstri, bilgjarnar, endingarlitlar, viðhaldsfrekar, nýting lítil og óörugg, lítið endurnýtanlegar, mengandi í framleiðslu og förgun, valda hljóðmengun og þar á meðal innhljóðsmengun og heilsubresti manna og dýra, hættulegar og þeyta frá sér ísdrumbum, drepa fugla, taka mikið landsvæði og valda miklum landslýtum.

Athugasemdir

[Helga Kristjánsdóttir, 12.1.2020 kl. 14:36]

Torfið ullin dýrahald afl og hitagjafar lögðu lengst af grunnin að velmegun okkar þar til við lærðum að virkja heitar lindir og falvötnin.

Hvað kom fyrir þetta sprenglærða fólk á þingi; ætlar það að þröngva okkur til að afhenda útlendingum orkugjafa Íslands?

 Fyrir alla muni ekki; Vanmetið ekki fullveldissinna¨!