Misskilningur um EES á hærra plani

Haldinn var halelújafundur um EES í gær og gömlu lummurnar á borðum, Aðalatriðin (kostnaður, verslunarhöft, erlend áþján osfrv) hafa líklega ekki verið áhugaverð. Ráðherra utanríkismála spurði -"hvort einhverjum dytti í hug að Ísland gæti náð tvíhliða samningi við ESB-" (Mbl 7.2.2019 segir frá)

Í þessu felst misskilningur á háu plani: Ísland er með fríverslunarsamning við EB, gekk í gildi 1973 og er enn í fullu gildi og notkun og uppfærður. Hann nær yfir helstu útflutningsvörur Íslands og mun gilda eftir að EES fellur úr gildi. Ísland er auk þess aðili að WTO og GATS samningunum sem trygggja lága tolla. En helstu hindranir í viðskiptum nú til dags eru ekki tollar heldur "tæknileg" viðskiptahöft sem hrannast upp hjá ESB/EES. Þau losnum við ekki við fyrr en EES hefur verið felldur úr gildi. Og við getum þá sjálf ákveðið hvort við viljum niðurgreitt sýkla- og lyfjamengað kjöt frá ESB.

Goðsagnir um EES

Athugasemdir

[Bjarni Jónsson, 7.2.2019 kl. 17:56]

Ráðherrann beit höfuðið af skömminni með því að bæta við samanburði við útgöngusamning ESB við Breta.  Honum láðist að geta þess, sem er aðalatriðið hér, að ESB bauð Bretum fríverzlunarsamning, en May hafnaði honum vegna Norður-Írlands, sem þá myndi lenda á öðru tollsvæði en Írska lýðveldið.

[Tryggvi L. Skjaldarson, 8.2.2019 kl. 09:16]

Þessi umræða virðist dálítið eins og að dæma um skipan mála í íbúð með því að horfa inn um bréfalúguna.