Glórulausar skuldbindingar

Alþingi á að stimpla enn eina tilskipunina um "loftslagsmál" í febrúar. Hún fjallar m.a. um hvernig eftirlætisfyrirtæki ESB fá betri gróðamöguleika af viðskiptum með losunarkvóta fyrir "gróðurhúsalofttegundir". Okkar stjórnvöld álpuðust til að skuldbinda Ísland inn í viðskiptakefi ESB um losunarkvóta, s.k. ETS. Þar með lenti málið að óþörfu inn í EES. Og nú er verið að leggja drög að því að setja megnið af atvinnustarfsemi landsins undir viðskiptakerfi ESB, það kallast ESR.

Kostnaður á fyrirtæki í landinu vegna losunarkerfa ESB/EES verður fyrir utan og ofan öll skynsemismörk og hefur verið áætlaður um 270 milljarðar meðan verið er að byggja upp kerfin næstu tíu árin. Eftir það veit enginn hvað þau munu kosta íslenska atvinnustarfsemi. Peningarnir fara væntanlega að mestu til braskara í ESB í staðinn fyrir að notast í að græða upp íslensku eyðimörkina.

https://www.frjalstland.is/

Fyrir utan ESB/EES-kerfin eru svo loforð sem okkar fulltrúar hafa skrifað undir á ýmsum alþjóðlegum "loftslagsráðstefnum". Vonandi þarf ríkissjóður aldrei að að kaupa kvóta fyrir þau.

 

 

Athugasemdir

[Jón Valur Jensson, 16.1.2019 kl. 17:42]

Þessi ríkisstjórn okkar vinnur ekki í þágu Íslendinga með öllum þessum óumbeðnu álögum og svikasamningum, sem aldrei voru kynntir kjósendum fyrir kosningar. Burt með hana sem fyrst.  Óþurftarfrumvörp hennar og þau mál, sem sum þeirra ganga með í maganum (GÞÞ, RKRG varaform., frk. Sigurbjörnsdóttir, ritari Sjstfl. og fulltrúi hans í utanríkismálanefnd! og BB sjálfur auk annarra ESB-meðvirkra), þetta má ekki verða að veruleika og sízt alls árásir ríkisstjórnarinnar á ófædd börn. Jafnvel venjulegir asnar sjá það allir, að fæðingum má ekki fækka hér, eru orðin 1,7 börn á hver hjón, allt of lítið til að þjóðin viðhaldist áfram óskert, en þá vill þessi ríkisstjórnarógæfa ný ofurfrjálslyndislög (þau frökkustu í nágrannalöndum, næst á eftir Hollandi) sem myndu leikandi fjölga fósturvígum hér úr 1044 árið 2017 í 1500 á ári!! Það er búið að prófa þann draum ykkar bolsévikanna, fr. Svandís. í Rússlandi sjálfu og þeim þar til mestu þjóðarbölvunar, ef þú skyldir ekki vita það, en þetta vita bæði Pútín og patríarkinn í Moskvu!