Ráðuneytið viðurkennir skráningu sæstrengs hjá ESB

Frjálst land sendi Iðnaðarráðherra fyrirspurn fyrir helgi: 

"Var sæstrengsverkefnið sett á PCI-lista ESB og í framhaldinu á Union lista ESB með samþykki og/eða vitneskju ráðuneytis yðar? Hvenær var það gert?"

Svar ráðuneytisins kom síðdegis í dag.

Í svari ráðuneytisins segir:

"Ríkisstjórn Íslands samþykkti þann 13. janúar 2015 tillögu iðnaðar- og viðskiptaráðherra um að stjórnvöld heimiluðu að hugsanlegt verkefni um lagningu sæstrengs milli Íslands og Bretlands yrði tekið til skoðunar sem verkefni sem fallið gæti undir PCI lista yfir verkefni um uppbyggingu innviða í Evrópu fyrir raforkumannvirki, en að tekið yrði fram að sú heimild stjórnvalda væri með þeim skýra fyrirvara að í henni fælist hvorki á neinn hátt stuðningur stjórnvalda við viðkomandi verkefni né önnur efnisleg afstaða. Tilefni þessarar umfjöllunar í ríkisstjórn var fyrirspurn sem ráðuneytinu hafði borist í tengslum við umsókn Landsnets til ENTSO-E, samtaka evrópskra raforkuflutningsfyrirtækja, frá 14. nóvember 2014 (þ.e.a.s. umsóknin var dagsett þá), um skráningu hugsanlegs sæstrengsverkefnis á milli Íslands og Bretlands á framangreindan lista. Í framhaldi af samþykkt ríkisstjórnar veitti ráðuneytið umrædda heimild með þeim fyrirvörum sem lýst er hér að framan." 

Ráðuneytið hafði áður sagt; “-Engar millilandatengingar fara á verkefnalista ESB (PCI-lista) nema með samþykki viðkomandi stjórnvalda-”.

Í fyrirspurn Frjáls lands var bent á að Landsvirkjun og Landsnet væru skráð sem "Promoters" fyrir verkefninu í dag, sem er nú með forgangsstöðu hjá ESB (Union list, sjá skjal). Ljóst er að Landsvirkjun og Landsnet hafa fylgt þessu máli eftir innan orkunets ESB með samþykki ráðuneytisins.

3 orkupakki ESB er regluverk "um uppbyggingu innviða í Evrópu fyrir raforkumannvirki" ásamt orkuáætlun ESB til ársins 2030. Sæstrengsverkefnið er því hluti áætlunarinnar, sem AtlanticSuperConnection ætlar að framkvæma.

Almenningur er því að sjá djúpt hugsaða áætlun um að nýta orkuauðlindir þjóðarinnar til annars, en til atvinnusköpunar í landinu.

Skrár tengdar þessari bloggfærslu:

• UNION LISTI

Athugasemdir

[Jón Valur Jensson, 13.11.2018 kl. 00:18]

Svikapakk í þessu ráðuneyti greiðir brautina fyrir 3. orkupakka ESB!!!

[Ragnhildur Kolka, 13.11.2018 kl. 09:41]

Promoters er einmitt orðið yfir framgöngu Landsvirkjunarmanna í sæstrengs málinu. Gott að hafa þetta upp á borðinu. Kærar þakkir fyrir framtakið.

[Gunnar Heiðarsson, 13.11.2018 kl. 16:52]

Menn muna væntanlega hver var ráðherra iðnaðar og orkumála árið 2015

[Hrólfur Þ Hraundal, 13.11.2018 kl. 19:07]

Ragnheiður Elín Árnadóttir iðnaðar og viðskiptaráðherra, geri ég ráð fyrir að hafi staðið að þessu subbulega verki.

Ég man þegar hún var að þvaðra um þetta kapal mál en datt ekki í hug að hún gæti uppá sitt eindæmi smíðað svona axarskaft handa óvininum.  Það þarf að hreinsa þetta falska lið hennar Jóhönnu Sigurðardóttur úr Landsvirkjun.  

 

 

[Erla Magna Alexandersdóttir, 13.11.2018 kl. 21:20]

Landráð ! Getur einn pólitíkus spilltur á mútum farið á svig við alla Þjóðina - þarf aðeins einn TIL AÐ SELJA ISLAND  ?