Blómleg verslun með falsanir

 

 

 

 

 

       Mynd frá Orkustofnun.

Evrópusambandið sendir frá sér mikinn fjölda tilskipana um umhverfisvernd til undirsátanna. Þegar að er gáð er oft ekki mikil vernd í þeim en nægar afsakanir fyrir meiri skattheimtu, sölu leyfa eð viðskiptum með kvóta. Sum "viðskiptakerfanna" hafa reynst svindlriðin en til gróða fyrir braskara í ESB.

Ein EES-tilskipunin, sem við undirsátarnir þurftum að láta Alþingi stimpla, er númer 2009/28 "-til að skapa skilyrði fyrir viðskipti með upprunaábyrgðir á raforku-". Hún heimilaði fyrirtækjum í ESB og EES að versla með vottorð um uppruna raforkunnar, þau sem ekki framleiddu umhverfisvæna orku gátu keypt sér vottorð um að þau framleiddu umhverfisvæna orku þó að það væri fölsun á staðreyndum.

Íslensku orkufyrirtækin virðast hafa gripið tækifærið fegins hendi. Þau voru búin að selja upprunavottorð fyrir um 87% af orkunni í fyrra, var þó ekki nema 79% árið 2016. Þau fá svo í staðinn skráningu sem kolaorkuver eða kjarnorkuver.

Útflutningsfyrirtækin sem framleiða með íslenskri orku eru því með slóðann af kolareyk og kjarnorkuúrgangi á eftir sér. Allt leyfilegar ESB-falsanir og skriflegar hjá erindrekum ESB hérlendis. (Bændablaðið 23.8.2018)

Athugasemdir

[Ragnhildur Kolka, 24.8.2018 kl. 10:56]

Þegar einhverju er logið kallar það á fleiri lygar. Þessi sala á vottun sýnir að við erum flækt í lygavef ESB og losnum ekki fyrr en við segjum okkur frá EES.

[Kolbrún Hilmars, 24.8.2018 kl. 16:02]

Greinilega tekur Landsvirkjun þátt - fyrirtæki í almannaeigu með 80% markaðshlutdeild.  Hvernig í ósköpunum fær þessi fölsun að viðgangast hérlendis?  Eiga alþingismenn ekki að gæta hagsmuna þjóðarinnar og/eða orðspori íslenskra matvælafyrirtækja?

[Helga Kristjánsdóttir, 25.8.2018 kl. 02:51]

 Nú er mínum auðsjáanlega freklega misboðið og skal engan undra; Það skulu Alþingismenn og ríkisstjórn vita að nú hefst okkar úr EES.........