Viðskiptakerfi ESB fyrir orku - skrípaleikur á Íslandi.

Tilskipanir ESB um orkumál eru víðfeðmar og ná til framleiðslu,dreifingu og sölu. Til að leggja áherslu á framleiðslu rafmagns með endurnýjanlegum orkugjöfum skapaði ESB vettfang til viðskipta með slíka orku. Í því fellst að framleiðendur slíkrar grænnrar orku geta selt hana á markaði. Þessi tilskipun var tekin upp á Íslandi, en til þess þarf hún að vera skráð í kerfi ESB. Slík skráning fer í gegnum Landsnet Viðskipti með upprunaábyrgðir. 

Ætla mætti að slíkur markaður ætti lítið erindi fyrir orkufyrirtæki á Íslandi þar sem þau eru ekki tengd orkuneti ESB. En það er öðru nær,frá 2011 hafa íslenskir orkuframleiðendur SELT græna orku á PAPPÍR til ESB, en af því þetta er ekki raunveruleg orka þurfa þau að taka inn sama magn orku á PAPPÍR sem framleidd er með kjarnorku, kolum og olíu.

Fáránleiki þessara viðskipta hefur leitt til þess að 75% af innlendri orku er seld sem græn orka til ESB á PAPPÍR og fá í staðinn orku framleidda með kjarnorku, kolum og olíu. Þetta sjá neytendur á rafmagnsreikningum sínum. Útflutningsfyrirtæki matvæla á Íslandi hafa verið í vandræðum vegna þessa máls, því í upprunavottorði afurða stendur með hverskonar orku varan sé framleidd.

Þetta sýnir okkur hvernig skrípaleikurinn með upprunavottorð ESB kemur niður á okkur sjálfum, en orkufyrirtækin fá smáaura fyrir.  

Athugasemdir

[Ragnhildur Kolka, 23.3.2018 kl. 20:54]

Athyglisvert! Er þessi svokallaða SALA afturkræf? Geta Íslendingar hætt að þiggja þessa smáaura og snúið aftur til framleiðslu með hreinni orku eða erum við föst í neti ESB?

[Gunnar Heiðarsson, 24.3.2018 kl. 10:37]

Enn er það svo að við sem þjóð stjórnum sjálf hvort, hversu mikið og hvert við seljum upprunavottorð fyrir hreinni orku. Alþingi gæti, með nýrri eigendastefnu fyrir Landsvirkjun, einfaldlega bannað fyrirtækinu slík viðskipti. Sama á við um önnur orkufyrirtæki, eigendur þeirra gætu tekið slíkar ákvarðanir, eins og t.d.varðandi OR.

Hins vegar mun yfirráð yfir þessu færast til ACER, ef þriðji kafli orkusáttmálans verður innleiddur hér á landi. Eftir það munum við engu ráða.

Og það mun fleira færast yfir til ACER, eins og hvort tengja skuli Ísland við orkumarkað ESB. Lagning sæstrengs yfir hafið yrði því ekki ákveðin af okkur Íslendingum, heldur suður í Slóveníu, innan veggja ACER. Þessi strengur er reyndar kominn á forgangslista stofnunarinnar og einungis beðið eftir samþykkt Alþingis á tilskipuninni. Innan árs frá samþykkt hennar, verða framkvæmdir við lagningu sæstrengs frá Íslandi hafnar!

Það sem gæti hins vegar gerst, samþykki Alþingi ekki þriðja hluta orkusáttmála ESB, er að sambandið krefjist þess að allur orkusáttmálinn verði felldur niður gagnvart Íslandi, einnig það sem þegar hefur verið samþykkt.

Þannig gæti komið upp sú staða að sala með upprunavottorð fyrir hreinni orku til landa ESB falli úr gildi. Vinningurinn væri þá tvöfaldur!

[Valdimar Samúelsson, 24.3.2018 kl. 15:39]

Góð grein og upplýsingar. 

Það má segja að þetta sé eitt svindlið ennþá. Selja orku héðan á pappír og kaupa kjarnorku til baka. Ég vissi ekki að þetta væri orðið 75% af orku okkar. 

Það má sjá að hið opinbera er orðin einn lygavefur. Ég veit í fluginu þér eru nokkur fyrirtæki skráð á pappír vegna kolefna skattsins. Þetta sést á vef umhverfisráðherra.