Uppspuni í 10 ár

Stríðið sem Biden og Obama komu af stað fyrir 10 árum er gjöful uppspretta áróðurs og uppspuna.

Miðvikudaginn 24.1.2024 var Ilyusin Il-76 flugvél með 65 úkraínskum hermönnum á leið í fangaskipti skotin niður yfir Rússlandi með bandarísku Patriot flugskeyti frá hernaðarhreiðri Kænugarðsstjórnar í Liptsy í Kharkov héraði við landamæri Rússlands. 74 voru drepnir. Á flugskeytabroti í flakinu stóð Raytheon sem er bandarísk vopnasmiðja sem framleiðir Patriot.

Margar lygaútgáfur um illvirkið hafa komið frá Kænugarði og vestrænum fjölmiðlum. Bandarískir hermenn stjórna fugskeytasendingum Kænugarðsstjórnar svo þar er vitað hver tók í gikkinn.

Úkraínustjórn er vön að fremja hryðjuverk á sínum hermönnum. Þann 29.7.2022 sprengdu Kænugarðshermenn fangabúðir með úkraínskum hermönnum í Yelenovka og drápu 50.

Að skjóta niður flugvélar með farþegum er ekkert nýtt fyrir Kænugarðsstjórn.  Flugvél Malaysia Airlines var skotin niður yfir Úkraínu 17.7.2014 skömmu eftir að hernaður Kænugarðsstjórnarinnar gegn Donbas hófst. Flugskeytabrotin í flakinu voru úr vopnabúri Kænugarðsstjórnarinnar.

Áróðursmiðlar NATO-og ESB-landa auk Kænugarðs kenna Rússum um þessi illvirki og fleiri illvirki sem Kænugarðsstjórnin fremur.

Nú þegar Biden er að missa tökin ætlar stríðsklúbbur Evrópu, Evrópusambandið, að taka við stríðsrekstrinum gegn Rússlandi en þar er gömul reynsla af að drepa Rússa, nú verða settir 50 milljarðar evra í það.

 

Peningar í dráp, ekki í hjálp

Stríðsríkin, Bandaríkin og leppar þeirra sem hlaupa upp til handa og fóta þegar Washington bendir fingri, ætla að hætta að styrkja eina af vitlegri stofnunum Sameinuðu þjóðanna, UNRWA sem styrkir umsetna og kúgaða þjóð Palestínu. UNRWA er kennt um að vinna með hryðjuverkamönnum sem þarf að sannreyna og deila út refsingum til þeirra sem hafa tekið þátt í því með öðru móti en meiri níðingsverkum gegn Palestínufólki.

Alltaf eru til nógir peningar í dráp. Ísraelsher fær vopn til þess að drepa Palestínufólk. Og þeirra hermenn og Bandarkjanna og Breta fá nóga peninga til þess að sprengja í Mið-Austurlöndum. Hamash og fleiri á svæðinu fá peninga frá sínum  styrktaraðilum í sprengjur og dráp á Ísraelum og bandarískum hersetuliðum.

Og manndrápaverktakar NATO og ESB í Úkraínu fá stjarnfræðilega styrki til þess að drepa Rússa og Rússar setja mikið fé í að drepa hermenn þeirra.

Vítahringir gagnkvæmra manndrápa eru að verða of stórir.

Við ráðum ekki

Það er verið að skipta um lög í landinu. Það er verið að skipta um þjóð í landinu. Það er verið að draga landið í stríð.

Meira að segja Samtök iðnaðarins, sem áttu þátt í að koma EES-samningnum yfir þjóðina, hafa nú uppgötvað að EES-regluverkið hentar ekki (Mbl 24.1.2023). Þeir kenna það sk. "gullhúðun", ákvæðum sem okkar stjórnarráð bætir við EES-tilskipanirnar í íslensku reglugerðirnar. Þetta er auðvitað hverfandi lítið vandamál og aðeins feluleikur þeirra sem ekki vilja láta íslensk stjórnvöld stjórna í landinu heldur vilja láta ESB gera það. Það eru EES-tilskipanirnar sjálfar sem eru að keyra alla uppbyggingu fasta og stöðva þróun landsins.  https://www.frjalstland.is/2023/09/12/ees-log-stodva-throun-byggdar/

Í framhaldi af EES-samningnum samþykktu okkar stjórnvöld sk. Schengensamning. Þessir tveir samningar hafa opnað landið fyrir hundruðum milljóna manna, ekki bara frá glæpasvæðum ESB heldur líka frá vanþróuðum löndum. Völdin yfir fólksinnflutningum fluttust til Brussel. Talsverður hluti fólksinnflutningsins er rekinn  af glæpafélögum fólkssmyglara sem starfa í skjóli góðgjarnra grænjaxla í okkar stjórnkerfi og fjölmiðlum. Og alskyns flugfélög, sem hafa fengið leyfi til að fljúga hingað, skila ekki farþegalistum yfir innflutningin eins og þau eiga að gera. Óviðráðanleg vandamál eru farin að hrannast upp og friður meðal manna úti. https://www.frjalstland.is/schengensamningurinn-oraunhaefur-2/

Hernaðarsamtökin NATO og ESB draga okkar máttlausu forustumenn með í hernaðarrekstur til að ná undir sig auðlindum og stækka sitt yfirráðasvæði. Litla herlausa Ísland er þar með að einangra sig frá stærstum hluta heimsbyggðarinnar með tilefnislausum fjandskap við ákveðnar þjóðir. Og bjóða stríðshættu heim til Íslands. https://www.frjalstland.is/2023/12/19/stridsundirbuningur/

Af hverju stríð?

Undan strönd Gasa er nýbúið að finna gaslindir, það er því eftirsóknarvert að leggja Gasa undir sig. Í Sýrlandi stelur Bandaríska hernámsliðið obbanum af olíuframleiðslunni og lætur sína bandamenn senda flugskeyti á landið.  Borgarastríðið í Jemen, sem stríðsríkin hafa fóðrað í meira en áratug, hefur orsakað einhverjar mestu hörmungar síðari ára en þar eru auðlindir sem vert er að rupla. Stríðsríkin (í NATO og ESB) hafa lengi reynt að ræna auðlindum Rússlands, síðasta áratuginn með verktakahernaði leppstjórnarinnar í Ukraínu.

Stríðsríkin fremja manndráp á óbreyttum borgurum, hvort sem er í Írak, á Gasa í Palestínu eða Donetsk í Rússlandi, finnst það sjálfsagt mál og afsaka það með að verið sé að berjast við hryðjuverkamenn eða Rússa.

Þjóðir sem eiga auðlindir verða fyrir hernaði stríðsríkjanna nema þær lyppist strax undir þeirra vald. ESB og Bretland bera víurnar í íslenska orku. Íslandi tókst, með stuðningi þjóða sem hvorki eru í NATO eða ESB, að hrekja breska stríðsríkið burtu af fiskimiðum landsins enda var Ísland þá sjálfstætt.

Palestína, Jemen, Sýrland, Írak og Úkraína munu lika á endanum reka stríðsríkin burt af sínum svæðum eins og Viet Nam og Afganistan gerðu

Stríð er til þess að komast yfir auðlindir.

Úkraínustríðið víkkað út

NATO og Evrópusambandið eru nú að setja kraft í stríðið sem þau hófu fyrir tíu árum með valdaráni. Stríðsmangarar Ameríku og Biden forseti vinna nú hörðum höndum að því að koma sem mestum vopnum og peningum til leppstjórnarinnar í Kænugarði fyrir 2025 af ótta við að ábyrgur forseti taki völdin í Bandaríkjunum og stöðvi stríðið. https://edition.cnn.com/2024/01/19/politics/grim-realization-ukraine-washington-funding-fight/index.html

Breski varnarmálaráðherrann básúnar út hefðbundnar stríðsæsingar Bretastjórnar.https://www.reuters.com/world/europe/uk-commits-20000-military-personnel-nato-exercise-europe-2024-01-15/

Bretar, sem sjaldan sleppa góðu tækifæri til að komast í stríð, hafa gert varnarsamning við nýnasistagengið í Úkraínu https://www.aljazeera.com/news/2024/1/12/uk-to-increase-military-funding-for-ukraine-as-pm-sunak-visits-kyiv

Frakkar eru að gera samskonar samning nú 112 árum eftir að þeir töpuðu fyrir Rússum. Enskir og franskir hermenn ("málaliðar") eru nú þegar fjölmennir í Úrkaínu, Rússlandsher felldi 60 í fyrradag.

Meira að segja stríðsæsingaklíkan í Svíþjóð er farin að gelta á Rússa, undir klappi NATO-dáta en Svíar hafa ekki þorað að opna munninn síðan Pétur mikli Rússakeisari rak innrásarher þeirra heim 1709. Fleiri kjölturakkar gjamma með, Norðmenn og Danir senda NATO-vopn og peninga og ríkisstjórn Íslands skýtur annað slagið inn fölskum tón í stríðskórinn og sendir peninga sem meiri þörf er fyrir hér heima. https://www.dn.se/sverige/ewa-stenberg-krigsretoriken-skakar-om-och-vacker-fragor

Þýskir fjölmiðlamenn segja að Þýskaland sé að undirbúa stríð við Rússland 2025, nákvæmlega 80 árum eftir að þeir töpðu síðast. https://www.euractiv.com/section/politics/news/berlin-says-eu-should-prepare-for-war-by-end-of-decade/

https://twitter.com/EHunterChristie/status/1746698331395403987

NATO-dáti segir meðlimunum að búa sig undir stríð við Rússland. https://www.rt.com/news/590955-nato-russia-major-war/

Risavaxin stríðsæfing 90.000 hermanna er að fara af stað nálægt landamærum Rússlands. https://www.reuters.com/world/europe/nato-kick-off-biggest-drills-decades-with-some-90000-troops-2024-01-18/

Stríðsæsingar NATO og ESB eru konmnar á það stig að Ísland þarf að segja sig frá stuðningi við hernaðarreksturinn gegn Rússlandi áður en tilefnislaust stríð springur framan í Vestur-Evrópu og Ísland. Stríðshættan af Rússum er ímyndun stríðsmangara og óábyrgra stjórnmálamanna. https://www.frjalstland.is/2023/09/06/kjarnorkuveldin-eru-komin-i-strid/#more-3113

https://frjalstland.blog.is/blog/frjalstland/entry/2291782/

Féflettar skemmta sér

Í Davos í Sviss er haldið alheimsefnahagstorg (WEF) sem gerði einu sinni eitthvert gagn en hefur hrörnað niður í kjaftaklúbb auðmanna, ránsbaróna og féfletta. Þeir mæta á steinolíubrennurum (þotum) og tala um þörfina á að útrýma jarðefnaeldsneyti og fátækt og auka kynjajafnrétti og hvenig á að láta Zelenskigengið vinna stríð við Rússland. Og uppáhaldsmálefnið, hvernig á að gera alþýðuna fátæka og þæga og koma öllum völdum í hendur féflettanna með "Great Reset", Núllstillingunni Miklu.

Það græðir enginn á WEF-torginu nema vændiskonurnar, sem eru löngu uppbókaðar, veitingastaðaeigendur og vímuefnasalar. Fáir hlusta á dagskráratriði torgsins heldur heimsækja aðra gesti eins og banka og fara í alsnægtapartí hjá þeim.

Davos er orðin sýning á upplausn og menningarlegri hnignun Vesturlanda, minnir á heilahrörnunarsjúkling og umræðan orðin um óraunhæfar og hættulegar hugmyndir úr fílabeinsturni þeirra sem eru í aðstöðu til að féfletta heimsbyggðina.

https://www.weforum.org/events/world-economic-forum-annual-meeting-2024/

Evrópustríð

Evrópusambandið tekur upp þráðinn þar sem frá var horfið hjá stærstu aðildarþjóðinni fyrrir 79 árum eftir að hafa drepið 27 milljónir Rússa og Úkraínumanna með þátttöku þjóðhetju Úkraínu, nasistans Stepans Bandera. Evrópusambandið ætlar að efla sríðsreksturinn og setja 50 milljarða evra (meira en 2 ára landsframleiðsla Íslands) í "stuðning við Úkraínu" og hefja aðildarviðræður (Úkraína hafnaði ESB-aðild 2013). Þá skiptir ekki máli þó einhver aðildarlönd séu á móti, ESB er ekki lýðræðissamband, þeir sem ekki hlýða Brussel eru sendir í kaffi meðan atkvæðagreiðsla fer fram. https://www.lemonde.fr/en/international/article/2023/12/20/olaf-scholz-s-successful-coffee-break-strategy-with-viktor-orban_6359543_4.html

"Stuðningurinn við Úkraínu" er stuðningur við að innlima landið í ESB og hefur hingað til orðið til þess að fórna úkraínskum hermönnum, á aðra milljón hafa þegar fallið eða særst. Þeim var sagt að þeir væru að berjast fyrir lýðræði og frelsi sem í Úkraínu hefur þýtt afnám lýðræðis, ógnarstjórn, kúgun og herskylda. Hálf þjóðin hefur verið hrakin úr landi. Úkraína er að verða rústir eftir afskipti ESB og NATO sem nú hafa staðið í 10 ár og síðustu 2 árin dregið herveldið Rússland inn í stríð til þess að verja rússneska íbúa Úkraínu og stöðva landvinninga Evrópusambandsins og NATO.

Þýskaland er að staðsetja 5000 þýska hermenn í Litháen 20 km frá landamærum Hvítarússlands. Skriðdrekar fyrir tvær þýskar skriðdrekasveitir hafa verið sendar að landamærunum. https://www.frjalstland.is/2023/12/19/stridsundirbuningur/

 

Stríðsundirbúningur

Joe Biden forseti er nú að útvega Kænugarðsstjórn árásaþotur. Svo vel vill til að þær verða að gera árásir frá NATO-herstöðvum í Austur-Evrópu af því að þær geta ekki athafnað sig á flugvöllum Úkraínu. Það gerir að verkum að NATO-herstöðvar verða lögmæt skotmörk Rússa!

Þannig getur mistakaforsetinn í Hvíta húsinu og hans evrópsku kjölturakkar tryggt að fáist afsökun til þess að senda NATO-her inn í Úkraínu og koma af stað alvöru stríði.

(Hermenn frá Bandaríkuunum, Bretlandi og Póllandi eru reyndar nú þegar komnir, eru til dæmis með stjórn á loftvarna- og eldflaugabúnaðinum í Úkraínu. Ekki segja neinum!)

Hættan sem heimsbyggðinni stafar af stríðsherunum í Washington, London og Brussel vex nú hratt. Okkar "bandamenn" gætu verið að stefna okkur í stórstríð! https://www.frjalstland.is/2023/12/19/stridsundirbuningur/

Alheimskirkjuþing

Alheimsþingi loftslagskirkjunnar er nú nýlokið með yfirlýsingu eins og á fyrri þingum allt frá því Earth Summit í Rio 1992 á vegum Sameinuðu-þjóðaskrifstofu (UNFCCC) krafðist banns á eldsneytisbrennslu

Forustuloddara loftslagskirkjunnar hefur alla tíð dreymt um að banna eldsneyti og steypa Jarðarbúum í fátækt og orkuskort. Samþykktin á þessu þingi (Cop28) hljóðar uppá "transition from coal, oil and gas" = breytingu frá kolum, olíu og gasi, sama gamla loforðið og á öllum fyrri loftslagskirkjuþingum með mismunandi orðalagi. Yfirlýsingin er grautur af óvísindalegum fullyrðingum, draumórum og hreinum fölsunum á loftslagssögunni. https://www.cop28.com/en/cop28-declaration-on-climate-relief-recovery-and-peace

Ekki er líklegt að hún auki möguleika heimsvaldasinna á að gera jarðarbúa að heilsuveilum fátæklingum nema kannske hér á Vesturlöndum þar sem  forustuloddararnir hafa völdin ennþá. En þotuliðið sem græðir á loftslagssvindlinu getur nú haldið áfram amk. eitt ár í viðbót. https://www.frjalstland.is/wp-content/uploads/2021/03/Loftslag-%C3%A1-%C3%8Dslandi.pdf

Rússagrýlan send af stað

 

              Lygaverksmiðjurnar í Washington og London hafa nú stríðsmálað Rússagrýluna og sent hana af stað til þess að hræða almenning. Forsprakkar NATO og ESB eru að gera síðustu tilraun til þess að fá að halda áfram stríðsrekstri gegn Rússum. Mistakaforsetinn í Hvíta Húsinu segir að Rússar ætli að hefja stríð gegn NATO ef þeir vinna í Úkraínu. Breska blaðið The Telegraph segir að áhrifin af sigri Rússa yrðu að "vestrænum lýðræðisríkjum" yrði rústað! https://www.cnbc.com/2023/12/07/ukraine-war-live-updates-latest-news-on-russia-and-the-war-in-ukraine.html

Þekkir einhver kaldastríðsrausið? Því hefur verið skvett á okkur síðan Churchill hóf kaldastríðið 5. mars 1946. Meginfjölmiðlar "vestrænna lýðræðisríkja" dreifa rausinu af skyldurækni yfir almenning. Mistakaforsetinn hættulegi í Hvíta Húsinu og stríðsherrar heimsveldisrústanna í London hafa lengi ætlað að koma af stað alvöru stríði við Rússa sem fórnuðu 27 milljón sinna þegna til þess að bjarga "vestrænum lyðræðisríkjum" frá Þjóðverjum 1945.

Rússland hefur aldrei gert sig líklegt til að ráðast á "vestræn lýðræðisríki".

Efst eru myndir af NATO-merkinu og Grýlu Halldórs Péturssonar úr Morgunblaðinu