Úkraínuflugskeyti á Trump?

Geðsjúklingurinn sem reyndi að myrða Trump síðastliðið haust reyndi að kaupa flugskeyti frá nýnasistaklíkunni í Úkraínu til að nota við verknaðinn, segir bandaríska dómsmálaráðuneytið. Það mistókst og deli var handsamaður með skotvopn nálægt golfvelli Trumps í Florida og bíður nú réttarhalda í fangelsi.

https://www.foxnews.com/us/trump-assassination-attempt-suspect-ryan-routh-sought-rocket-launcher-ukraine-docs

Fróðir menn um bandarísk málefni hafa lengi sagt að reynt verði að myrða Trump. Fjölmiðlarnir hafa sagt frá tveim slíkum tilraunum en fleiri hafa verið í undirbúningi.

Ófróðir sérfræðingar

Broslegir sérfræðingar hrópa nú hver í kapp við annan að Trump sé að stofna til viðskiptastríðs og valda heimskreppu (þeir fleipurgjörnustu, eins og Paul Krugman, eru Nóbelsverðlaunahafar í hagfræði!) Þeir skilja greinilega akki hvað forsetinn er að gera með að setja tolla á innflutning.

Stjórn hinna nýju Bandaríkja hóf að setja tolla á innflutning fljótlega eftir stofnunina 1776. Þeir voru látnir vaxa og urðu til þess að bandarísk fyrirtæki fengu að vaxa, bandarískur iðnaður tók heimsforurstu í skjóli þeirra. Með heimsstyrjöldinni síðari tóku tollarnir að lækka og hafa Bandaríkin leyft sínum skjólstæðingum að selja allt mögulegt til Bandaríkjanna án teljandi álaga síðan þó sumir þeirra hafi lagt mikla tolla á amerískar vörur. Bandarískur almenningur þurfti ekki að borga tekjuskatt að ráði fyrr en fjármagna þurfti stríðsrekstur seinni heimsstyrjaldarinnar, innflutningstollar gáfu lengi miklar tekjur til alríkisins.

Það minnkar nú gróðinn hjá bröskurunum á Wall Street, þeir gætu jafnvel farið að kaupa ríkisskuldabréf. Og vextirnir gætu lækkað sem yrði stórgróði fyrir ríkissjóð sem skuldar 36.000 miljarða dala og mokar út vaxtagreiðslum. Og svo fara að koma meiri skatttekjur af innlendum fyrirtækjum sem eru komin í skjól fyrir ódýrum innfluttum varningi.

Reynsla Ameríku af innflutningstollum er góð. Trump veit það, háværu sérfræðingarnir komast að því síðar!

Nýtt hernaðarbandalag

Frú utanríkisráðherra okkar virðist álíka illa upplýst og síðasta frúin í því embætti, hún vill nú stofna nýtt hernaðarbandalag með Evrópusambandinu til að fara í stríð við Rússa sem Evrópusambandsbullurnar segja að séu á leiðinni. Og að allir segi að Ísland sé svo ríkt að því beri skylda til að taka þátt í stríðsbandalagi Evrópusambandsins. Valdaklíka Evrópusambandsins heldur stöðuga fundi og lætur okkar ósjálfstæðu utanríkisráðfrýr mæta og samþykkja svamlið um Rússahættuna. Og aulakratarnir frá Norðurlöndum eru með og væla manna hæst. Aðalmarkmiðið nú er að spilla fyrir friðarumleitunum Trumps fyrir Úkraínu. https://www.ruv.is/sjonvarp/spila/frettir/30762/b0j8he

Ísland er þegar í hernaðarbandalagi sem heitir NATO. Ísland er þegar með varnarsamning við Bandaríkin. Sæmilega viti bornir Íslendingar spyrja sig nú hvort þörf sé á fleiri hernaðarbandalögum. Rússland hefur aldrei haft áhuga á að ráðast á Vestur-Evrópu. Kanarnir geta tekið á móti þeim ef þeir skyldu koma til okkar. Vesturevrópuaðalinn hefur ætíð dreymt um að sigra Rússland, helsti stríðsmaður V-Evrópu, Churchill, ætlaði að ráðast á Rússland strax eftir að Rússar höfðu kveðið Þjóðverjana niður vorið 1945 (ekki segja neinum, Churchill er hetja), sporgöngumenn hans dreymir um stríð við Rússland til að hefna ófaranna síðustu aldirnar.

Lygaflaumurinn frá hryðjuverkaklíkunni í Kænugarði kemst  alltaf í vestræna falsfréttamiðla. Nú er lygaþvæla frá Zelensky komin vestur um árás Rússa á Kryvyi righ og sagt að Rússar hafi drepið 16 manns. Það sem gerðist var að Rússlandsher sprengdi fundarstað NATO-herforingja og drap eina 80 hermenn sem stjórna sríði Úkraínu gegn Rússlandi.

Ísland þarf að halda sig frá taugaveikluðum ESB-bullum og þeirra dauðadæmda hernaði

En það er náttúrulega sjálfsagt að hafa kerti og eldspýtur tilbúnar ef Rússarnir koma (Mbl 5.4.2025) Það gæti lika verið gott að hafa nokkrar krukkur af Ora síld, Rússarnir eru vitlausir í Íslandssíld og keyptu hestburði þegar Ísland varð ríkt, það var löngu áður en kratakraðakið á þingi hóf refsiaðgerðir gegn Rússlandi þegar lygalauparnir rógbáru landið. Rússarnir yrðu ljúfir sem lömb ef þeir fengju íslenska saltsíld.

 

 

Við viljum fríverslun!

Okkar menn í utanríkismálum gerðu nú fríverslunarsamning við eitt stærsta hagkerfi heims, Indland, í fylgd EFTA (enginn skyldleiki við Evrópusambandið eða EES) meðan Bandaríkin setja tolla á innflutning (af skiljanlegum ástæðum). Við erum líka með fríverslun við annað stórríki, Kína. Nýlega var haldin samkoma í sendiráði Kína um viðskipti og er hugur í mönnum að efla þau (sjá Morgunblaðið 3.4.2025).

Friverslunin við umheiminn er mikilvæg Íslendingum, bæði efnahagnum og ekki síst þjóðarörygginu. Það er mikil hughreysting í því að fólk í utanríkisþjónustunni vinnur vel fyrir ladið þó ráðherrar málaflokksins hafi verið að svamla í stríðsæsingum með Evrópusambandinu sem er meir og meir að líkjast sprunginni blöðru. Nú bíðum við eftir að okkar menn nái fríverslunarsamningi við Bandaríkin.

Ógnin við Ísland

Þátttaka Íslands í hernaði gegn öðrum þjóðum er stærsta ógnin við öryggi landsins. Núverandi stjórnvöld skilja greinilega ekki einföldustu lögmál um öryggi þjóða: Aðild að stríði leiðir af sér ófyrirséð óvinveitt viðbrögð þeirra sem tengjast eða hafa samúð með þeim sem hernaðurinn er gegn.

Stofnanir Íslands, t.d. í utanríkismálum og almannavörum, halda mikla fundi og syngja barnslegan kór um að þurfi að "efla varnir" og slá um sig með fullyrðingum um óvinveitt öfl, undantekningalítið óhróður eða tilbúnar sögusagnir.

Þegar íslenskar stjórnvaldsstofnanir eru farnar að ásaka Kína, Rússland eða Íran um njósnir, skemmdarverk eða annan fjandskap eru þeir sem eiga að vera fulltrúar Íslands að efna til óvildar við vinaþjóðir eða þjóðir sem Ísland á ekkert sökótt við, byggt á rógi eða óstaðfestum sögusögnum. Ásakanirnar hafa yfirleitt ekki sannast (nema þegar Bandaríkin og Noregur skemmdu gasleiðslu Rússa í Eystrasalti) en oft hefur verið hægt að hrekja þær. Mikið af rógburðinum á uppruna sinn í Bretlandi.

Það er ekki skrítið að Kínverjar, Rússar, Íranir njósni um her Bretlands, Bandaríkjanna eða Frakklands sem hóta þeim stöðugt og reka jafnvel hernað gegn þeim. Þessi stríðslönd geta sjálf þefað uppi njósnara hjá sér, Ísland á lítið af hernaðarleyndarmálum sem njósnarar ágirnast. Þeir sem eru að reyna að æsa Íslendinga til "aukinna varna" eru annaðhvort loddarar eða launaðir stríðsmangarar.

 

ESB vill ekki frið

Ístöðulaust forustufólk Íslands er boðað á fundi hjá Evrópusambandinu til þess að spilla fyrir friðarumleitunum Bandaríkjanna. Sambandið neitar nú að samþykkja nýjustu samninga og afnema höft á flutning korns og áburðar um Svartahaf. Frakkland og Bretland ætla að senda her inn i Úkraínu (Morgunblaðið 28.3.2025) sem þýðir hættulega útvíkkun stríðsins.

Okkar siðspillta forustufólk lepur upp stríðsæsingarnar  í Evrópupótentátunum og er látið samþykkja aðgerðir gegn friði.

Okkar forustumenn eiga ekkert erindi á fundi hjá Evrópuleiðtogum um varnar- og hermál. Ísland er ekki í Evrópusambandinu en aftur á móti bandalagsríki Bandaríkjanna.

Vandi Bandaríkjanna er gamalgróinn stríðsandi í Evrópu og sviksemi Úkraínustjórnar sem hefur ekki staðið við neina samninga við Rússland. Fyrri samningur um kornútflutning var notaður til vopnaflutninga og Minsk-samningarnir um mannréttindi rússneskra íbúa var aldrei meiningin að efna þó Frakkar og Þjóðverjar hafi verið ábyrgðarmenn.

Íslandi ber að styðja okkar mikilvægustu bandamenn, Bandaríkjamenn, í að stöðva blóðsúthellingar í Úkraínu og Rússlandi, með skorinorðum og afgerandi yfirlýsingum.

Hernaðarsamningur Íslands

EES-samningurinn er orðinn hernaðarsamningur Evrópusambandsins og hjálenda þess, Noregs, Íslands og Liechtenstein. https://www.consilium.europa.eu/en/press/press-releases/2024/03/19/if-we-want-pemace-we-must-prepare-for-war/

 

https://www.youtube.com/watch?v=UpUetTGCS84 Tilskipanavaldið yfir Íslandi, sem EES-samningurinn færði Evrópusambandinu, hefur blandað Íslandi í hernað á erlendri grund gegn landi sem Ísland á ekkert sökótt við. https://www.frjalstland.is/2022/08/19/island-tekid-i-strid/

Þrælslund íslenskra stjórnvalda gagnvart Evrópusambandinu er komin á það stig að lítið er eftir af sjálfstæði Íslands í utanríkismálum. Tilskipanir um refsiaðgerðir og stuðning við hernað koma frá ESB, að jafnaði byggðar á áróðri eða fölsunum. Bandaríkin, sem Ísland er með varnarsamning við, vinna nú að friði sem Evrópusambandið reynir að spilla. https://www.telegraph.co.uk/politics/2025/03/23/starmer-ukraine-peacekeeping-plan-political-theatre/

Ísland að athlægi

Okkar frúr Þórdís og Þorgerður utanríkisráðherrar hafa gert Ísland að athlægi. Þær ásaka Rússa um að hafa ógnað starfsfólki sendiráðsins í Moskvu og létu loka því. Þær létu líka loka sendiráði Rússlands hér og svöruðu með lítilsvirðingu þegar Rússar kvörtuðu yfir semmdarverkum sem voru unnin á sendiráðinu.

Hinar raunverulegu ástæður lokananna voru fyrirmæli frá Evrópusambandinu/EES og NATO sem tóku að berast síðvetrar 2014 strax eftir að Bandaríkjastjórn Obama hafði framið valdarán í Úkraínu og sett nýnasista til að stjórna landinu á sínum vegum.

María Sakharova, talsmaður utanríkisráðuneytis Rússlands, var spurð út í orð Þorgerðar um að Rússar hefðu ekki tryggt öryggi íslenska starfsfólksins í sendiráðinu. "Hver sagði það? Utanríkisráðherra Íslands? Heitir hún kannske Annalena Baerbock-2? spurði Sakharova hlæjandi, vísaði hún þar til Önnulenu Baerbock, utanríkisráherra Þýskalands sem er ekki hátt skrifuð hjá Kremlverjum (enda einhver verst uppaldi krakkinn sem situr á stól ráðherra Evrópusambandslanda). Sakharova sakaði Þorgerði um lygar. https://www.mbl.is/frettir/innlent/2025/03/20/segjast_ekki_hafa_fengid_neina_kvortun/

Vestrænir fjölmiðlar halda áfram að dreifa lygum um Úkraínustríðið og þagga niður svik og hryðjuverk Úkraínuklíkunnar. Trump og Putin sömdu um hlé á árásum á orkuinnviði sem Úkraínustjórn braut strax og sprengdi upp gastengistöð á flóttanum frá Kursk https://www.youtube.com/watch?v=_J1IY7gnDpg. Og kenna Rússum um að hafa sprengt sína eigin stöð!

Nýnasistaklíkan í Kænugarði vill engan frið heldur stríð og illa gefnir ráðamenn í Vestur-Evrópu mæla stríðsæsingarnar upp í þeim á eilífum fundum um "friðargæslu"!

RÚV-óhróður

Einhver Friðjón var fenginn til að segja frá ræðu Trumps á Bandaríkjaþingi. Hann tafsaði einhverja þvælu og óhróður um Trump "heimurinnn horfir á með hryllingi"! Það er hreint öfugmæli, heimurinn að talsverðum hluta bíður spenntur eftir að Trump hætti stríðsrekstri.

RÚV er orðið áróðurs- og óhróðurssjónvarp gegn þeim sem ekki fylgja spillingaröflum og tískustjórnmálum. Fréttir frá útlöndum, oft komnar frá vestrænum falsfréttamiðlum en einnig með einhverjum óhróðursbólgnum Friðjónum sem sleppa á skjáinn, eru oftar en ekki mjög óáreiðanlegar og hreinn áróður blandaður með lygum. https://www.ruv.is/sjonvarp/spila/frettir/30762/b0j8gg

Landsmenn sem kosta RÚV eiga heimtingu á að fá sannar fréttir, óblandaðar með óhróðri.

Bandaríkin eru mikilvægasta vinaríki Íslands sem þýðir að íslenskar stofnanir eins og RÚV eiga að gera málefnum Bandaríkjana sannferðurg skil en forðast að láta einhverja áróðurspésa bera óhróður á borð.

Vanhæf ríkisstjórn

Þorgerður og Kristrún hafa nú afhjúpað sig sem vanhæfa ráðherra sem fleipra með stóryrðum og grófum ásökunum um forustu mikilvægustu bandamannaþjóðar Íslendinga. Þær segja um fund Selenski í gær (28.2) með forustu Bandaríkjanna -"þetta var eins og þeir hefðu einsett sér að mæta þarna-forsetinn og varaforsetinn- til þess að niðurlægja Selenski"!. Það sem gerðist var að Selenski hagaði sér eins og dóni og móðgaði bandarísk stjórnvöld og bar fram eina lygina eftir aðra framan í forsetann og varaforsetann. Og var því vísað á dyr! (mbl 1.3.2025)

Ráðherrar okkar spilla fyrir friðarumleitunum Bandaríkjastjórnar og framlengja stríðið með óhróðri um forustu Bandaríkjanna. Og "stuðningi við Úkraínu", peningum frá íslenskum skattgreiðendum svo Banderítaklíkan (nasistinn Stefan Bandera er þjóðhetja þeirra) í Kænugarði geti haldið áfram að drepa Rússa með vestrænum vopnum.

Þorgerður heldur að "Evrópa" (les NATO-Evrópa) sé með burði til að tryggja varnir Íslands og vill "Evrópu standa enn sterkar og Ísland þar á meðal" með glórulausum stríðsæsingum og vopnavæðingu. Þeir sem þekkja eitthvað í sögunni vita að Ísland hefur aldrei getað treyst á stuðning eða varnir Evrópulanda en fengið að horfa upp í fallbyssukjafta þeirra og orðið fyrir tilraunum þeirra til að setja Ísland í þrot (1952, 2008), þeir sem helst stóðu að því, Bretar, vilja nú senda sinn her inn í Úkraínu til þess að "tryggja öryggi"!. Við Íslendingar höfum ekkert að gera með "varnir" þessarra landa, okkar verjendur til 74 ára, Bandaríkin, eru eitt helsta herveldi heims.

"-Það er Rússland sem er ofbeldismaðurinn í þessu öllu saman"- segir ráðherrann og bergmálar blekkingar um að innrás Rússa hafi verið tilefnislaus. Það er fjarri lagi. Bandaríkjastjórn Barak Obama og aðilar í ESB komu leppstjórn að völdum sem hóf stríðið gegn rússneskum íbúum Austur-Úkraínu á vegum NATO- og ESB-landa fyrir réttum 11 árum. Árið 2022 var búið að þenja Úkraínuher upp í að vera stærri en nokkur her NATO-Evrópu. Rússlandsher var sendur inn í Úkraínu þegar her Banderítanna hafði rekið stríðið gegn Rússum Austur-Úkraínu í 8 ár. Og eftir að Bandaríkin, NATO- og ESB-lönd höfðu viljandi brotið alla samninga sem gerðir höfðu verið við Rússland (samningarnir voru m.a. um stækkun NATO og ofsóknir gegn rússneskum borgurum Úkraínu (Minsk).) Það er því eðlilegt framhald nú að ábyrg stjórnvöld, sem nú hafa tekið völdin i Bandaríkjunum, bindi endi á stríðið sem Obama og Biden og evrópskar strengjabrúður hófu.

Óhróður forsætisráherra og utanríkisráðherra Íslands er fyrir neðan allar hellur og samræmist ekki þeirri ábyrgð sem þeim hefur verið falin. Fleipur íslenskra ráðherra er að gera okkar öflugustu bandamenn og vinaþjóðir, Bandaríkjamenn og Rússa, að óvinum íslensku þjóðarinnar. Forsætisráðherra og utanríkisráðherra eiga að segja af sér án tafar.