Bandaríkin um öryggi Evrópu

"Stærsta ógnin sem Evrópa stendur frammi fyrir er ekki Rússland eða Kína heldur hætta innanfrá" https://www.frjalstland.is/2025/05/18/bandarikin-og-oryggi-eropu/

Falsfréttamennska

RÚV getur ekki hætt að útvarpa falsfréttum og óhróðri um Rússland. Í mörg ár var Donald Trump helsti skotspónninn en þá voru Rússar líka sakaðir um að reyna að koma honm í forsetastólinn. Það hefur nú sannast að var lygaherferð. Engar sannanir, aðeins viðtöl við einhverja áróðursbelgi. Og nú segir Fals-RÚV að meira að segja Trump trúi lygum Rússa (það er lygi sem er komin beint úr lygamúlum útrunnu Selenskistjórnarinnar)

Þegar Trump afhjúpaði USAID varð uppvíst að stofnunin hafði fjármagnað lygaherferðir gen Rússlandi. Fals-RÚV lepur upp óstaðfestan óhróður frá Úkraínustjórn, Utanríkisráðuneytum Bretlands og Bandaríkjanna, Mi5, CIA, féttastofum AP, AFP, Reuters, Bloomberg eða frá CNN, NYT og BBC sem líklega á heimsmetið í lygaútvarpi. https://www.ruv.is/sjonvarp/spila/frettir/30762/b0j8im

Stórir, þekktir og vinsælir rússneskir fjölmiðlar eiga mjög stóran áhorfendahóp um heim allan þar sem herstjórn NATO-ESB hefur ekki tekist að loka þá úti. Fréttir RT, Tass, Sputnik eru virtar og oftast áreiðanlegri en fréttir vestrænna fjölmiðla þó einhverjir sakleysingjar lendi í gerfigreindaráróðri.

Útvarpsráð RÚV þarf að sjá til þess að RÚV sé miðill landsmanna en ekki áróðursútvarp ESB/NATO og þeirra erindreka hér.

Fals

Lygar vestrænna fjölmiðla um Úkraínustríðið eiga sér engin takmörk og eru orðnar aumkunarverðar, almenningur er farinn að sjá í gegnum þær. RÚV-sjónvarp sagði í gær að Selenski hefði samþykkt að hitta Putin í Istambul https://www.ruv.is/sjonvarp/spila/frettir-med-taknmalstulkun/31575/b0kfkj. Þetta er fölsun með undanskotum, það sem gerðist var að hans yfirmaður, Donald Trump, fyrirskipaði honum að mæta í Istambul! Aðrir vestrænir fjölmiðlar voru með margs konar lygaútfærslur, m.a. að Selenski hefði skorað á Putin að mæta sér.

Striðskvartett Evrópusambandsins (Macronapoleon, Freddi, Tuskan og Breta-Starmerin) hélt fund með Selenski í Kænugarði. "-alheimsleiðtogar funduðu í Kænugarði" sagði einn þekktasti falsfréttalúðurinn https://www.bbc.com/news/articles/cqj7ln2v15yo og "ákváðu" að engir fundir yrðu með Putin fyrr en 30 daga vopnahlé hefði gengið í gildi. Það hafa verið þrenn vopnahlé það sem af er ári en Úkraínustjórn hefur brotið þau mörgþúsundsinnum. 30 daga vopnahlé stríðskvartettsins er til þess að auka vopnabirgðirnar og undirbúa hryðjuverk og árásir Úkraínu á Rússland.

Fundurinn í Istambul, sem Putin gerði tillögur um, er upptaka fyrri friðarsamnings frá 2022 sem Boris Johnson bannaði Kænugarðsstjórninni að samþykkja sem hefur kostað milljónir manna líf og heilsu.

Árás Rússa undirbúin

Starmer, forsætisráðherra Breta, undirbýr nú væntanlega árás Rússa. https://www.telegraph.co.uk/politics/2025/05/05/starmer-prepares-for-attack-by-russia/ Hann er Rússahatari eins og fyrirrennarar hans, Boris bannaði Úkraínu að semja frið 2022, Churchill undirbjó að ráðast á Rússland sumarið 1945.

Þetta eru svosem litlar fréttir, Bretar missa ekki af stríði ef þeir fá að vera með, oftast með Bandaríkjunum. Bretastjórn rekur stofnanir sem gera lítið annað en bera út lygar um Rússa og halda landsmönnum í stöðugum blekkingum. Bretar hafa tekið virkan þátt í hernaðinum gegn Rússlandi síðan valdaránið í Kænugarði og upphafi árásanna á Rússahéruðin, Donbass, vorið 2014. 

Og nú skjóta breskir hermenn breskum flugskeytum og sprengjum  á íbúa Rússlands https://www.rt.com/russia/616858-ukraine-civilian-attacks-report/. En eins og kunnugt er hafa Rússar aldrei gert Bretum nema gott, kváðu niður Nasistana fyrir þá en Bretar þakka sér það ennþá. Daglegum rekstri hernaðarins gegn Rússlandi er stjórnað frá herstöð Bandaríkjanna í Wiesbaden í Þýskalandi en breskir hermenn og sérfræðingar eru á staðnum í Úkraínu.

Starmer og flestir leiðtogar V-Evrópu eru studdir aðeins af minkandi minnihluta sinna þjóða. Leiðtogar Evrópusambandsins eru álíka innrættir og Starmer. Evrópusambandið hefur nú hafið alsherjar stríðsæsingar og stefnir að stórauknum hernaði gegn Rússlandi 2030. Stefnt er að því að Íslendingar taki þátt, mögulega til þess að gera innrás í Murmansk. Svo virðist sem núverandi íslenskir leiðtogar séu álika heimskir og leiðtogar Vestur-Evrópu og láta teyma sig á asnaeyrunum í hernað gegn einni öruggustu vinaþjóð Íslendinga.

Og þó Trump sé að reyna að stöðva stríðið gegn Rússlandi þá eru Bandaríkin að fyrirskipa Evrópulöndum að auka hernaðarútgjöld. Það er til þess að Kanarnir geti farið að sinna hernaði annars staðar og V-Evrópuleppar þeirra geti haldið áfram að rífa Rússland niður, allt í þökk heriðnaðarins og nýíhaldsins.

Illa gefnir og gerðir ráðamenn Vesturlanda geta ekki séð Rússa í friði. Þeir hafa ekki fengið frið í margar aldir fyrir stríðsmöngurum og ruplurum Vesturlanda.

 

Frelsishetja Breta

Nigel Farage, maðurinn sem frelsaði Breta úr heljargreipum Evrópusambandsins (og EES þar með), hefur nú unnið mikinn sigur í svæðiskosningum í Bretlandi. Gömlu flokkarnir guldu afhroð.

Það stefnir í að umbótaflokkur Farage, Reform UK, geti orðið næsti stjórnarflokkur Bretlands. Þetta eru gleðifregnir fyrir Breta sem hafa verið í kverkataki ráðvilltra stjórnmálamanna Íhaldsflokks og Verkamannaflokks sem hafa sturtað Bretlandi í bábiljur, orkuskort, innflytjendavanda og stríðsæsingar og sett efnahag almennings á hliðina.

https://www.telegraph.co.uk/politics/2025/05/02/eight-charts-show-scale-reform-victory/

Áhlaup á Landsvirkjun

EES-eftirlitið, ESA, hótar nú Landsvirkjun með rannsókn á því hvort fyrirtækið hafi brotið EES-samninginn, samkeppnisreglurnar,  þegar það vildi ekki útvega rafmagn til framleiðslu vetnis og rafeldsneytis.

Í fyrsta lagi er enginn möguleiki fyrir rafgreiningarvetnisframleiðanda að borga rafmagnsreikninginn nema ríkið standi undir obbanum af kostnaðinum, vetnisframleiðslan kostar meir en tvöfalt það sem mögulegur markaður gæti borgað. Rafeldsneyti mundi kosta 5-falt það sem venjulegt eldsneyti kostar og á enga samkeppnismöguleika. https://www.frjalstland.is/2022/02/11/orkuskiptin-eru-draumorar/

Í öðru lagi hefur Landsvirkjun þurft að hafna orkukaupendum, sem standa undir að borga orkureikningana, vegna orkuskorts tilkomins af höftum í leyfisveitingakerfi EES fyrir virkjanir.

Í þriðja lagi er Landsvirkjun í raun með einokunaraðstöðu á fyrirtækjamarkaði vegna stærðar og er í eigu almennings og stjórnað af fulltrúum lýðræðisvalds landsins. Samkeppnisreglur Evrópusambandsins eru ekki gerðar fyrir aðstæður Landsvirkjunar á markaði hér.

Í fjórða lagi er áhlaup ESA á Landsvirkjun ekki svara vert þar eð stjórnarskrá Íslands ver íslenska aðila fyrir áhlaupum erlendra stofnana.

Þatta áhlaup á Landsvirkjun er liður í að láta íslensk stjórnvöld "einkavæða", selja fyrirtækið svo ESB aðilar geti keypt það.

https://www.landsvirkjun.is/frettir/esa-hefur-rannsokn

Áþján ESA sýndi sitt andlit úti við Leifsstöð nýlega þar sem EES-frelsi innfluttra aðila, sem vafi leikur á hvort hafa íslensk leyfi, hefur lagt leigubílaaðstöðuna undir misjöfn farartæki og bænahald. Lögin sem heimiluðu þetta eru beint frá Evrópusambandinu og tekin upp hér vegna EES og hræðslu við Evrópusambandið.

Verkfæri Satans

Erlendu ferðamennirnir halda nú að þeir séu komnir í bílakirkjugarð með mosku og erlendu vinnuafli þegar þeir koma til Keflavíkurflugvallar og sjá Ísland í fyrsta skiptið. En þeir geta nú valið sér leigubíl úr miklum fjölda skrjóða sem bíður eftir þeim við Leifsstöð. Evrópusambandið leyfir bílstjórunum að keppa um farþega samkvæmt EES-samningnum alræmda. Þeir skilja oft ekki íslensku en það er nóg að segja "reykjavikk", það skilja þeir oftast.

Alþingi setti eina EES-þvæluna í lög 1.apríl 2023 í andstöðu við leigubílstjóra. EES-eftirlitið, ESA, hafði þá verið með derring og hótanir og sagt að íslenskt regluverk um leigubíla samrýmdist ekki EES. Strengjabrúður Evrópusambandsins á Alþingi þorðu ekki annað en hlýða. https://www.althingi.is/altext/153/s/0168.html

"Þetta var eins og aprílgabb" sagði Daníel O. Einarsson, formaður bifreiðastjórafélagsins Frama, "lagabreytingin er algjör lögleysa- þetta er bara verkfæri Satans-" https://www.mbl.is/frettir/innlent/2023/04/03/leigubilstjorar_i_algjoru_uppnami/

Endalok leppanna í Úkraínu

Endalok leppstjórnar NATO/ESB í Kænugarði eru nú óumflýjanleg. Trump hefur lagt fram friðartillögur sem leppstjórnin hafnar.  Evrópusambandsbullurnar ætluðu að láta Bandaríkin samþykkja glórulausa "friðarsamninga" og "friðargæslusveitir NATO" á fundi í London í dag. En hvorki utanríkisráðherra Bandaríkjanna né samningamaður Trump mættu.

En varaforseti Trump sagði: "Annaðhvort samþykkið þið þessar friðartillögur eða Bandaríkin hætta að reyna að miðla!" https://www.foxnews.com/video/6371825132112

Meira að segja alræmdustu falsfréttamiðlarnir (s.s. BBC) eru farnir að átta sig á hægt og hægt hvað er að gerast í þessu 11 ára gamla stríði NATO-ESB gegn Rússlandi sem þeir hafa stöðugt útvarpað rangfærslum um https://www.bbc.com/news/articles/c78jx68d922o

Krímverjar hafa reynt að losa sig frá Kænugarðsstjórninni alveg síðan Ráðstjórnarríkin leystust upp en sætt ofbeldi og morðtilraunum á sínum forustumönnum. En þegar nýnasistarnir og Obamastjórnin höfðu framið valdarán í Úkraínu 2014 héldu Krímverjar þjóðaratkvæðagreiðslu 16.3.2014 og ákváðu með miklum meirihluta að sameinast Rússlandi sem falsfréttamiðlarnir kölluðu "innlimun Rússa"! Evrópusambandið ætlaði sér að innlima Krím og sendi Íslandi tilskipanir um að fara í refsiaðgerðir gegn Rússlandi vegna "innlimunar Krím" sem svo varð til þess að Ísland missti eina sína bestu viðskiptaþjóð! Hversu heimskir mega íslenskir stjórnendur vera?

Fá landsölumenn eyjarnar?

Nú eru okkar óforsjálu stjórnvöld að undirbúa að eyjar við Ísland verði eign manna, landeigenda, sem geta braskað með þær, en ekki eign þjóðarinnar. Með því er verið að bjóða heim samskonar braski með íslenskar landareignir og auðlindir og gráðugir landeigendur, landsölumenn, hafa stundað eftir að okkar stjórnvöld misstu stjórn á eignum landsmanna með EES-samningnum 1993.

Um leið og landareignir EES-landa verða einkaeign eru þær orðnar aðgengilegar hvers kyns gróðabröllurum og erlendum aðilum, óþjóðhollir og gráðugir landeigendur selja landareignir Íslands hæstbjóðanda eins og dæmin sýna. Stjórnvöld geta ekkert gert nema setja einhver sýndarlög sem engu breyta.

"Óbyggðanefnd hefur komist að þeirri niðurstöðu að hluti krafna ríkisins um að eyjar og sker við landið verði þjóðlendur eigi ekki við rök að styðjast og er vísað í því samhengi til ákvæða í lögbókinni Jónsbók sem leidd var í lög árið 1281".

Þetta eru slæm rök. Þó gömlu lögbækurnar, Grágás og Jónsbók,  séu mun betri en lagaflækjunar sem við fáum með EES-tilskipununum, þá er Jónsbók lögleidd eftir að Noregskóngar höfðu tekið völdin á Íslandi og því ekki með hagsmuni íslenskrar þjóðar að leiðarljósi. https://www.mbl.is/frettir/innlent/2025/04/19/a_lika_vid_um_vestmannaeyjar/ir

 

Vopnahlé fyrir Úkraínu

Rússar gerðu páskavopnahlé í gær í bardögunum við NATO/Úkraínu-herinn við landamæri Rússlands. Eins og við var að búast hefur Úkraína þegar margbrotið vopnahléið. Lygaframleiðsla Úkraínu og vestrænna fjölmiðla, sem jafnan vitna í Zelenski, fór strax af stað, eins og áður undir fölsku flaggi "hlutlausrar fréttamennsku" https://www.nytimes.com/2025/04/20/world/europe/ukraine-russia-easter-truce.html

Þann 18 mars sömdu Bandaríkin og Rússland um 30 daga vopnahlé gegn orkuinnviðum, Úkraínustjórn braut það strax.

Að bjóða Úkraínustjórn vopnahlé er eins og að klappa óðum hundi, hann bítur þig! Leppstjórn Úkraínu hefur ekki staðið við nein friðarloforð eða samninga. Það verður enginn friður kringum Úkraínu nema her landsins verði leystur upp og lýðræðið endurreist og nýnasistaklíkan sem situr í Kænugarði verði sett af og NATO-ESB hætti að æsa Úkraínumenn til stríðs.

Ísland þarf, öryggis landsmanna vegna, að segja sig frá stríðsþátttöku og hefja endurreisn eðlilegra samskipta við lönd heimsins. https://www.frjalstland.is/2025/04/19/staersta-ognin-vid-island/