Eitur úr samkeppnislögum EES

-"Við höfum sérstaka stofnun, Samkeppniseftirlit, sem er ætlað það verkefni að efla samkeppni. Því miður skilja forsvarsmenn hennar ekki að Evrópureglurnar, sem leiddar hafa verið i íslensk lög og þeir eru að framkvæma, eru miðaðar við virka markaði og eiga ekki við í fákeppninni hér heima-"

-"Sú staðreynd blasir við að fæstir markaðir á Íslandi eru frjálsir. Allt frá árinu 1993, þegar sérstök samkeppnislög tóku fyrst gildi hér á landi, hefur orðið mikil samþjöppun í átt til fákeppni. Flestir markaðir eru orðnir eitraðir af fákeppni. Keppt er um stóru viðskiptavinina en aðrir eru misnotaðir-" (Ragnar Önundarson, úr grein í Mbl 27.7.2022 https://www.mbl.is/mogginn/bladid/grein/1814653/?t=513815512&_t=1659031227.7254453

Sjá einnig umfjöllun um samkeppnislög EES á

https://www.frjalstland.is/2021/04/01/samkeppniseftirlitid-skadar-samkeppnishaefnina/

 

Árviss hitamet

Frá því loftslagsblekkingarnar hófust fyrir þrem áratugum hefur stöðugt verið dreift falsfréttum um "hitamet". Árvisst koma fréttir frá Evrópu um "hæsta hita sem mælst hefur" í hitabylgjum sem koma með vindi frá Sahara. Fjölmiðlarnir hafa síðan viðtöl við veðurfræðinga (þeir eru ekki loftslagsfræðingar) sem segja að metin séu vegna hlýnunar loftslags.

Hitametin eru yfirleitt mæld þar sem umhverfi mælanna hefur getað breyst með tíma og ekki verið kortlagt eða fylgst með vísindalega, mælarnir gefa þess vegna aðeins staðbundin, tímabundin gildi af veðurfari. Oft eru mælarnir innan um mannabyggð eins og í einni helstu "mann-mauraþúfu" heims, London, þar sem þéttbýlið hitar loftið. Næst-síðasta metið var frá Heathrow, einum umferðaþyngsta þotuvelli heims, síðasta frá helsta orustuþotuvelli Englands, Coningsby, þar sem þoturnar virka eins og tröllvaxnir gaslampar. Metið frá 2019 var frá skjólgóðum lundi á Lundúnasvæðinu. Nokkurra ára gamalt franskt hitamet var frá bílstæði með nýlögðu malbiki. Ástralskt hitamet var nálægt útblæstri kælikerfis stórrar byggingar.

Hitamet eru ómarktæk sem loftslagsmælingar nema vísindalega sé hægt að sanna að mælarnir hafi verið í óbreyttu umhverfi og aðstæðum í öld eða svo og án áhrifa sem geta breyst með tíma; trjágróðri, mannvirkjum, hitauppsprettum. Hitametin frá Evrópu sem okkar fjölmiðlar útvarpa eru yfirleitt loftslagi óviðkomandi, þau eru slembimælingar á veðrabrigðum sem loddarar nota til að reka áróður.

https://www.itv.com/news/calendar/2022-07-19/lincolnshire-registers-joint-hottest-ever-uk-temperature 

Skattfé í drekana

Þú getur keypt niðurgreiddan rafdreka (á hjólum) án þess að taka þinn þátt í að borga vegaslit þó drekinn þinn sé 1/2-1 tonni of þungur og spæni upp malbikinu. Ef þú átt alvöru bíl og borgar skattinn þinn borgar þú bæði kostnaðinn af þínum bíl og líka af rafdrekum hinna.

-Tekjur ríkissjóðs af gjöldum á bíla minnka um 20 milljarða á árinu vegna örrar fjölgunar rafbíla- (Fréttablaðið  21.7.2022)

Nú ætla okkar stjórnvöld, sem eru flækt í neti loftslagsvitfirringar ESB/EES, að leggja ný gjöld á bíla til þess að borga fyrir niðurgreiðslurnar á rafdrekunum sem þó bjarga loftslaginu ekki eins og rannsóknir Hagfræðistofnunar sýna (Mbl.22.7.2022) en þeir valda meiri og meiri skemmdum á umhverfi Jarðarinnar.

https://www.frjalstland.is/2019/10/29/rafbilavaedingin-vanhugsud/

Geislahætta af Úkraínu

Leppstjórn ESB og NATO í Úkraínu heldur áfram hryðjuverkum gegn Rússum Úkraínu með aðstoð öfgaflokka. Manndrápin hafa nú staðið yfir í 8 ár og 8 mánuði slétta. Nú fær leppstjórnin ný vopn frá húsbændunum í Washington og Brussel sem þeir nota til að drepa óbreytta borgara rússnesku héraðanna https://www.rt.com/shows/news/559237-rtnews-july-20-16msk/.

Að berjast við rússneska herinn geta þeir ekki.

Síðustu tilraunir leppstjórnarinnar í Úkraínu til hryðjuverka eru að sprengja risa-kjarnorkuverið í Zaporozhye.

https://www.rt.com/russia/559319-zaporozhye-nuclear-power-plant-attacked/

ATH! Vestrænir fjölmiðlar segja aðeins frá árásum sem hægt er að ljúga upp á Rússa, rússneski fjölmiðillinn RT er oft með fyllri og sannari umfjöllun um aðalatriði en þeir vestrænu. 

Vindrellur og rafeldsneyti

Gulli loftslagsráðherra (loftslagi óviðkomandi) telur vera hraða þróun í vindmyllum. Hann telur erfitt að ná "loftslagsmarkmiðum Íslands" nema með nýtingu vindokru (Mbl.13.7.2022). "Loftslagsmarkmið Íslands" eru tilskipanir frá þéttbýlum Evrópulöndum og hafa komið af stað lífskjarakreppu þar.

Þróun vindmylla hefur aðallega verið vaxandi kostnaður og tíðari lokanir, þær eru byggðar og reknar með fjáraustri frá skattgreiðendum og gefa dýrasta rafmagnið. Þær skemma umhverfi, landsfegurð og heilsu manna og dýra og særa fugla og eru léleg orkumannvirki.

Að framleiða rafeldsneyti með vindmyllum er ósjálfbært á báðum hæðum. Vindmyllurafmagnið er of dýrt og rafeldsneyti (rafgreiningarvetni) þarf tvöfalt meiri orku en það gefur af sér, það verður aldrei samkeppnishæft við jarðgasið.

Orkukerfi Íslands yrði fljótt að verða baggi á landsmönnum ef menn treysta á að ESB kaupi vetni til frambúðar á verði sem borgar framleiðslukostnaðinn (og landskemmdirnar). ESB stimplar jarðgas "grænt" þegar íbúarnir fara að krókna úr kulda (ath. að stimplanir ESB eiga ekkert skylt við verkfræði). Það er til ofgnótt af jarðgasi um alla Jörð, það er ódýrt og hagkvæmt. Nóg er til af kolum, notkun þeirra eykst nú í ESB.

Loftslagsmarkmið Íslands (Evrópusambandsins) hafa ekkert með loftslag að gera en eru ofurdýrar fátæktargildrur fyrir Íslendinga sem eru handhafar heimsmets í reyklausri orku. Vitfirringunni lýkur ekki fyrr en EES hefur verið aflétt.

https://www.frjalstland.is/2021/10/08/vindmyllur-og-orkukreppan/

Óráðherra?

Moggi (11.7.2022) hefur eftir Þórdísi: "Viðskipti við Rússland ekki verið af hinu góða"

Rússland bjargaði Íslandi frá efnahagshruni eftir fjandsamlega efnahagsárás NATO-ríkis árið 1952. Rússar keyptu íslensku vörurnar handa almenningi og seldu okkur olíuvörur allt þar til EES-ruglið skall á 1994. Hagstæð, smurð og snurðulaus viðskipti í 40 ár. Viðskipti við Rússland héldu áfram allt til vors 2014 að Ísland fékk fyrirmæli frá ESB/NATO, byggð á lygum, um að setja viðskiptabann á Rússland.

Það þarf að koma ábyrgð á stjórnmálaflokka, sem treyst er fyrir ráðherrastólum, að þeir sjái til þess að þeirra fulltrúar hafi lágmarks þekkingu og verði marktækir og upplýstir og fari ekki með óráð um málefni íslenskrar þjóðar.

Boris búinn

Hávaðasamasti stríðsæsingamaður Evrópu, einleikari í eigin leikþætti valdagræðginnar, er búinn, hættan á kjarnorkustríði hefur minnkað um sinn þar með. Boris var mikill tilþrifamaður og gerði það sem aðrir gátu ekki. Hann frelsaði Breta frá ESB. En þegar lífskjör almennings hrundu, verð á lífsnauðsynjum var komið upp úr getu almennings, lífskjarakreppan lagðist yfir, lauk leikþætti Bórisar. Það var græna blaðran, vitfirringin um að banna eldsneyti og kjarnorku, sem varð Boris að falli. Æsifréttamiðlarnir flýttu bara fallinu.  Með vindmyllum og sólorkuverum skall á orkukreppa, of dýr orka og orkuskömmtun. Vöruverð fylgdi á eftir, nauðsynjar urðu of dýrar. https://www.frjalstland.is/2022/04/03/vaxandi-fataekt/

Boris reyndi að kenna Rússum um kreppuna en landar hans sáu í gegnum það. Öfgafull framganga hans gegn Rússlandi og stríðsmangið með leppstjórninni í Úkraínu minnkuðu fylgi hans meðal vitiborinna Breta. Stríðsórar gegn Rússum eru að vísu hluti af breskri menningu en þeir yngri trúa þeim ekki lengur og treysta ekki fjölmiðlum, hvað þá stjórnmálamönnum.

NATO út úr skápnum

Aðalritari NATO (sá sem kemur í sjónvarpið með stríðsæsingar á holræsa-ensku og minnir á Göbbels) viðurkenndi á blaðamannafundi (ekki mikið sagt frá honum í falsfréttafjölmiðlum ESB og NATO-landa) að NATO hafi síðan 2014 verið að undirbúa að nota Úkraínu í umboðsstríð við Rússland.

"Raunveruleikinn er að við höfum verið að undirbúa þetta síðan 2014-" https://www.azerbaycan24.com/en/us-led-bloc-has-been-preparing-since-2014-to-use-ukraine-for-proxy-conflict-with-russia/

Hann minntist ekki á þátt þátt NATO i valdaráninu í Kænugarði í febrúar 2014 sem var upphafið að Úkraínustríðinu.

https://www.frjalstland.is/2022/05/05/bloduga-valdaranid-i-ukrainu/

NATO og Joe fram yfir dag

Verkefni NATO lauk 26.12.1991, þá átti að leysa bandalagið upp. Í staðinn gerðu Bandaríkin og Evrópustríðsveldin það að stríðsfélagi með útþenslu og sundurlimun Rússlands sem markmið. Þau sviku samninga sem gerðir voru við Rússa, s.s. 1997-samning um að Bandaríkin mundu ekki hafa fasta nærveru margra hermanna í Póllandi. Árangurinn varð óhugnanlegur stríðsrekstur NATO-landa og ESB með Úkraínu sem lepp og unga Úkraínumenn sem byssufóður.

"Bandaríkjamenn vilja ekki stríð við Rússland en NATO og okkar eigin heimsku leiðtogar eru að draga okkur inn í stríð sem enginn mun vinna. Mögnun stríðs vegna Úkraínu, sem er ekki í NATO, skapar hættu á kjarnorkustríði, það er valdabrölt sem setur allan heiminn í hættu. Við ættum að draga okkur úr NATO" (Majorie Taylor Greene) https://www.newsweek.com/marjorie-taylor-greene-nato-war-russia-war-ukraine-conflict-mtg-1720627

Jon Voight vill ákæra Joe Biden. "Látið ekki þennan forseta, Joe Biden, rífa niður með lygum hverja tommu sem kostuðu fórnir með blóði, svita og tárum" (Jon Voight). https://www.newsweek.com/jon-voight-seeks-president-joe-biden-impeachment-twitter-video-gop-democrats-republicans-1720729

bloggið skrifar Friðrik Daníelsson

Ísland í stríð?

EES-samningurinn hefur valdið miklum usla í islensku þjóðfélagi og hefur nú orðið til þess að Ísland hefur dregist með í stríðsrekstur. Ísland hefur tekið þátt í viðskiptabönnum og flutningi vopna til stríðssvæðisins. Íslenska þjóðin hefur ekki fengið að segja hvort hún vill taka þátt í stríðsrekstri.

Með tilskipanavaldinu sem EES-samningurinn færði ESB, stjórnar sambandið viðskiptabönnum á Rússland. Tilskipanirnar fóru að flæða í mars 2014, sú fyrsta 18.mars um "þvingunaraðgerðir - í ljósi ástandsins í Úkraínu"! https://www.frjalstland.is/2022/03/07/utthensla-nato-og-esb-orlagarik-mistok/

"Ástandið" samkvæmt ESB var "innlimun Rússa á Krím", kunnugleg ESB-rangfærsla, Krím ákvað að sameinast Rússlandi í þjóðaratkvæðagreiðslu 16. mars. 2014. En hið raunverulega neyðarástand varð þegar Obama/Biden-stjórnin og sendlar þeirra í ESB og NATO frömdu blóðugt valdarán eftir að lögleg stjórn Úkraínu hafnaði aðild að ESB. Valdaræningjarnir komu til valda leppstjórn, studda af öfgahreyfingum, sem hóf strax í febrúar 2014 árásir á eigin borgara: Borgarastyrjöld.

EES-samningurinn er farinn að valda hættu á að Ísland dragist inn í stórstyrjöld vegna þáttöku í umboðsstríði ESB gegn Rússlandi. Það er orðin þjóðarnauðsyn að losa landið undan samningnum og taka utanríkismálin föstum tökum. Tilefnislaus fjandskapur við Rússland er runninn undan rifjum hættulegra kaldastríðsþursa og landsölumanna sem hafa aðgang að fjölmiðlum og breiða út rakalausar fullyrðingar.

https://www.bjorn.is/dagbok/ofgar-i-thagu-russa

https://www.mbl.is/frettir/erlent/2022/06/30/russnesk_lygi_sem_menn_a_vesturlondum_falli_fyrir/

Þátttaka Íslands í stríðsæsingum gegn einu stærsta kjarnorkuveldi heims er hrein vitfyrring.

https://www.frjalstland.is/2022/05/05/bloduga-valdaranid-i-ukrainu/

bloggið skrifar Friðrik Daníelsson