EES-skemmdarverk

EES-samningurinn brýtur niður orkubúskap Íslands skref fyrir skref. Nú koma athugasemdir frá EES-eftirlitinu (ESA) um að jarðvarmavirkjanir eigi að dæla koltvísýringnum frá borholunum niður í jörð samkvæmt kerfi Evrópusambandsins fyrir iðnað þar (Morgunblaðið 26.4.2023)

Ein draumórakenndasta og vísindalega verst grundaða hugmyndin í öllu loftslagsvindlinu er niðurdæling koltvísýrings í jörð sem ESB hefur tekið upp og Ísland flækist í vegna EES. Tilskipanaflóðið frá ESB veltir tröllvöxnum en óþörfum kostnaði yfir á neytendur og skattgreiðendur og á nú samkvæmt ESA að skella á umhverfisvænni jarðvarmanýtingu Íslands.

Íslensk jarðvarmafyrirtæki hafa aðferðir til að fanga eitrað brennisteinsverni frá borholunum og dæla því niður í jörð til að vernda umhverfið.

Eins og kunugt er sendir íslenskur jarðhiti, hvort sem hann er úr borholum og fer í gegnum virkjanir eða ekki, frá sér svo mikið af koltvísýringi að ógjörningur er að endursenda allt niður aftur. Séu eldfjöllin og gosbeltið talið með er magnið svo mikið að ekki einu sinn villtustu tilskipanir Evrópusambandsins mundu duga!

 

EES-tilskipanir eru miðaðar við aðstæður í hinu hnignandi Evrópusambandi og eru alsendis ónothæfar hélendis og þarf að vísa frá sem ólöglegum afskiptum erlendra aðila af setningu íslenskra laga.

https://www.frjalstland.is/2021/04/28/oraunsaear-tilskipanir-um-loftslagsmal/

https://www.frjalstland.is/2022/03/20/dyrkeyptar-rangfaerslur-um-loftslag/

Fjölmiðlar þegja

Stórfjölmiðlar NATO-landa flytja okkur áróður gegn Rússlandi og hrós um Kænugarðsstjórnina og þegja yfir fréttum sem stangast á við áróðurinn.

Um helgina gerðist þetta:

Mótmæli voru á götum úti í Svíþjóð á laugardaginn gegn aðild Svía að NATO, í Þýskalandi voru mótmæli gegn vopnasendingum til Úkraínu. Úkraínuher notar íbúa Bakhmut sem skildi og varpar NATO-sprengjum á íbúðarhús Rússa, á sunnudag voru 3 drepnir og 5 limlestir í Donetsk. Stærstur hluti flóttamanna frá Úkraínu hefur farið til Rússlands, um 3 milljónir manna. Bandaríkin hafa sent meir en 100 milljarða dala virði af vopnum sem halda stríðinu gangandi og fóðra auk þess umfangsmikla spillingu ný-nasistastjórnarinnar í Kænugarði

Málfrelsi hefur verið skert af stjórnvöldum Bandaríkjanna, þeim sem andmæla stríðsrekstri er úthlutað fangelsi, atvinnumissi og útilokun.

Til að fá rétta mynd að því sem er að gerast þarf að leita á önnur mið en hjá stórfjölmiðlum Vesturlanda. -"Það er varla hægt að treysta neinu sem vestrænir fjölmiðlar segja um Úkraínustríðið - markmið Bandaríkjanna er að eyðileggja Rússland-" segir John Pilger sem hefur fylgst með í návígi í áratugi. https://www.youtube.com/watch?v=u9pEotvlW-s

Skotmörkin eru komin upp

Kanar og Norsarar klipptu á leiðslu Rússa á alþjóðlegu hafsvæði í Eystrasalti og vola nú um að Rússar undirbúi að klippa á þeirra leiðslur. Kaldastríðsnátttröllin okkar kyrja með og segja að Rússar undirbúi að klippa á krítíska innviði (trjáboli frá Krít) og heimta meira hernaðarbrambolt.

Ódýrast væri fyrir Kanana og Norsarana að borga Rússum og Þjóðverjum skaðann og gera við leiðsluna. En skemmdarverk NATO ganga ekki út á svoleiðis heldur að egna Rússa í meira stríð og fá afsakanir til að heimta meiri peninga í vopn.

Nú er verið að stilla upp skotmörkum hér fyrir eldflaugar frá okkar bestu óvinum. E-6B Mercury þotan, stjórnstöð kjarnorkustríðs, var hér í mars. https://twitter.com/hashtag/Iceland?src=hash&ref_src=twsrc%5Etfw. Kjarnorkukafbátar koma nú til Helguvíkur, eftirlitsskip og herskip koma líka.

Okkar tryggustu óvinir ráðast ekki á okkur en gætu sprengt norskt og amerískt NATO/ESB-dót ef Norsarar, Kanar og Brussar halda árfam að urra og glefsa eins og óðir hundar. https://www.frjalstland.is/2022/08/19/island-tekid-i-strid/

Friðrik Daníelsson

Íslandi lokað

Evrópusambandsþingið var að samþykkja lög sem gera flugferðir til og frá Íslandi of dýrar fyrir almenning vegna aðildar Íslands að EES. https://www.mbl.is/frettir/innlent/ Það verða aðeins leiðtogar, millar og svindlarar sem geta flogið til sólarlanda og á loftslagsráðstefnur, stórfyrirtækjaruplið og skattgreiðendur borga.

Vofan sem andsetur leiðtoga ESB og annarra Vesturlanda heitir "kolefnishlutleysi" sem fyrir almenning þýðir frelsissviptingu, lífskjarahrun og martraðir. Meginfjölmiðlar halda ógninni um "loftslagsbreytingar" lifandi með stöðugum áróðri. https://www.frjalstland.is/2021/12/10/kolefnissporid-er-ny-gryla/

Bretar eru meðal heittrúaðra og Joe gefur ekkert eftir:

-Flug verður bannað að mestu frá 2030 og alveg frá 2050

-Bílaumferð verður bönnuð í áföngum

-"15"-mínútna borgir teknar til starfa, akstur leyfður innan við 15 mínútna fjarlægð en útfyrir það tvisvar í viku.

-Át nautakjöts og lambakjöts verður bannað

allt í samræmi við Dagskrá 21 frá Sameinuðu þjóðunum, postulabráf WEF ("Great Reset" Davos heimsviðskiptaráðstefnunnar) og umhverfistrúarleiðtoga Vesturlanda https://www.youtube.com/watch?v=kg77Ngzf754https://www.youtube.com/watch?v=kg77Ngzf754

Íslendingar þurfa nú að hætta að naga neglurnar og segja EES-áþjáninni upp. Eða láta smíða seglskip til utanlandsferða.

Meiri EES-hömlur

Ísland fékk yfir sig bankaregluverk ESB/EES strax 1994, það var svo magnað að íslensku bankarnir bólgnuðu út í ESB og sprungu svo í loft upp í faðmi þess þegar Bretar gerðu árás 15 árum síðar.

Við erum enn í kremjandi faðmi EES/ESB, bankakerfinu er stjórnað með regluverki ESB, hömlur og skriffinnska versna dag frá degi og munu enda eins og í ESB með stöðnun og afturför.

Nú á Alþingi að stimpla enn ein EES-lög um "sjálfbærar fjárfestingar", kekkjagrautur sem setur enn meiri hömlur á uppbyggingu. "Sjálfbærni" í draumaveröld Brussa er unnin upp úr undirmálsvísindum og hjátrú og kemur af stað fjársóun í vond verkefni eins og vindmyllur, sólarpanela og eldsneytisverksmiðjur sem verða baggar á almenningi. Enda fara Þjóðverjar ekki eftir Brussa-dillunum, þeir auka bara kolanámið og hunsa skrækina í grænjöxlunum. https://edition.cnn.com/2023/01/14/europe/lutzerath-germany-coal-protests-climate-intl/index.html

Lagafrumvarpið er svo vitlaust að eitt "umhverfisvænsta" fyrirtæki Norðurhvelsins, Landsvirkjun, sér fram á að sökkva í sektir og vill fá frest! https://www.althingi.is/altext/erindi/153/153-639.pdf

 

Brókun 35

Okkar undirlægjur í ríkisstjórn ætla nú að láta Alþingi samþykkja sérstök lög um að ESB-tilskipanakraðakið sé æðra lögum landsins (sbr. bókun 35 við EES) sem hefur ekki verið lögfest sérstaklega enda var EES samþykkt með þeim fyrirvara að Ísland setti sín lög þó í framkvæmd hafi Alþingi hingað til "innleitt" allt EES-kraðakið.

En okkar stjórnvöld hafa þó stundum þrjóskast við, til dæmis kom fram í svari forsætisráðuneytisins við fyrirspurn Frjáls lands að hætt hefði verið við að breyta lögum (2020) til þess að ESB-fyrirtæki fengju sama aðgang að orkuauðlindum landsins og íslensk orkufyrirtæki þar til þjóðréttarlegar skuldbindingar væru ljósari.

En nú er sú hætta yfirvofandi að okkar leiðtogar ætli að gefast endanlega upp fyrir hótunum Brussa (kallast ESA og er skrifstofa sem passar að við gegnum ESB) og lögleiði sérstaklega að Ísland hlýði örugglega EES-löggjöf Evrópusambandsins!

 

Málfrelsið og Mbl.

-"Það er margur óþverrinn sem birtist á bloggi Morgunblaðsins - og yfirleitt aldrei neitt sem vitglóra er í - Moggabloggið er alger ruslakista-".

Þetta segir einn af blaðamönnum RÚV, sá sami og hefur rekið spjallþætti á RÚV. Fyrir einum 15 árum fjölluðu þeir mikið um Hrunið og afhjúpuðu sig þá sem ruslakista skoðana sama fákunnuga fólksins sem fékk að japla aftur og aftur um "að taka upp evru" eða "ganga í ESB" eða "Kúbu norðursins".

Fjölmiðill þjóðarinnar, RÚV, er því miður orðinn gróðrarstía áróðurs, óhróðurs, bábilja og tískumála og fjallar sjaldan hlutlaust og sannferðugt um mikilvægustu málefni sinna eigenda, Íslendinga. Þetta er þeim mun alvarlegra nú þegar stórveldastríð er hafið og áróðurvélar ganga á yfirsnúningi til að mata okkur á blekkingunum.

Það er sótt að málfrelsinu úr mörgum áttum. Mbl og Morgunblaðið standa staðfastlega á sinni stefnu um frjálsa og opna umræðu, það eru síffellt færri sem gera það. Vitglórufólkið getur skrifað sinn óþverra við bloggin yfirleitt án hömlu.

Takk fyrir staðfestuna Morgunblaðið og Mbl

Friðrik Daníelsson

Verkfæri Satans

Ný lög um leigubílaakstur eru skollin á landsmönnum. Þau henta illa á Íslandi eins og annar óvitaskapur ættaður frá Brussel. https://www.althingi.is/lagas/153a/2022120.html

"þetta var eins og aprílgabb" segir Daníel O. Einarsson, formaður bifreiðastjórafélagsins Frama, en ný heildarlög um leigubílaakstur tóku gildi 1. apríl sl. Lögunum er ætlað að auka frelsi á leigubílamarkaðnum og færa hann  til nútímans (þetta er svipuð afsökun og oft fylgir tilskipunum gáfnaljósanna í Brusssel). "Lagabreytingin er algjör lögleysa - þetta er bara verkfæri Satans-"

https://www.mbl.is/frettir/innlent/2023/04/03/leigubilstjorar_i_algjoru_uppnami/

í Noregi hafa menn verið að berjast við óreiðuna í leigubílageiranum sem þessi Brusselsleva hefur valdið. En þora lítið að gera, eru hræddir við Brussabáknið, sérstaklega að ESA (eftirlitsskrifstofan í Brussel sem passar að Ísland, Noregur og Liechtenstein hlýði ESB) fari í mál. https://neitileu.no/aktuelt/taxihavari-med-eos En í raun er það óþarfa rolugangur, Noregur eða Ísland, og norsk og íslensk fyrirtæki, þurfa ekki að hlíta dómum EES-dómstólsnins (sem ranglega er nefndur EFTA-dómstóllin). Það er einmitt ESA sem hefur verið með derring og hótanir https://www.althingi.is/altext/153/s/0168.html við okkar máttlitlu stjórnmálamenn síðan 2017 og nú þora barbídúkkurnar ekki annað en hlýða.

 

Finnland gengið

fyrir ætternisstapa, hin hlutlausa og sjálfstæða nágrannaþjóð okkar hverfur nú af sjónarsviðinu og í staðinn kemur leppríki manndrápaklúbbsins NATO.

Síðasta verkefni þess klúbbs er að rústa næsta nágranna Finnlands, Rússlandi, sem Finnar hafa að mestu getað lifað í sæmilegum friði og samvinnu við. Með upplausn Ráðstjórnarríkjanna, sem Finnar höfðu mikil viðskipti við, og inngöngu landsins í Evrópusambandið, glataði Finnland miklu af sinni sérstöðu, atvinnurekstri og efnahagsstyrk. Og bæði sjálfstæðis- og hlutleysisviljanum eins og nú hefur komið í ljós.

Bestu menn Íslands reyndu að stöðva aðild Íslands að NATO 1949 en mistókst. Það hefur orðið til þess að Íslendingar hafa verið bendlaðir við fjöldamanndráp víða um heim. En innganga Finna boðar aukna vá fyrir Norðurlönd og útilokun frá viðskiptum við stærsta og auðugasta nágrannann sem auk þess er mesta kjarnorkuvopnaveldi heims. Og ef eitthvað ber útaf, eða NATO heldur áfram stríðsmanginu og landvinningahernaðinum, gæti Finnland orðið fyrsta norræna landið sem lagt verður í rúst. Ef illa fer gæti Ísland komið fljótlega á eftir ef íslensk stjórnvöld halda áfram að mæla stríðsæðið upp í "bandamönnum" okkar í NATO.

https://www.frjalstland.is/2023/02/22/hnignun-nordurlanda-nordens-forfall/

På svenska

Det självständiga och neutrala Finland har nu kastat sig ned för ättestupan, det som finns kvar är dråparklubbens NATO marionett.

Gáfnaljós ákveða

Gáfnaljósin í miðstjórn kommissaraflokks Evrópusambandsins hafa nú ákveðið að banna sölu alvöru bíla frá 2035 https://www.reuters.com/business/autos-transportation/eu-countries-poised-approve-2035-phaseout-co2-emitting-cars-2023-03-28/

En Norðmenn ætla að vera á undan, eins og í Nóbelsverðlaunum til loftslagsskrumara (s.s. Al Gore), Norðmenn ætla að banna sölu alvörubíla frá 2025 og leyfa aðeins "umhverfisvænar" dollur.

Norðmenn geta borgað, það þarf ógurlegt fé í niðurgreiðslur, vegi sem blýþungar batteríisdollurna slíta fljótt, það þarf björgunarsveitir um allan Noreg til að bjarga rafdollufarþegunum frá króknun þegar dollurnar verða rafmagnslausar í frostinu á heiðum Noregs. Það þarf nýjar deildir á sjúkrahúsin sem lækna kuldasjúkdóma og rafsegulbylgju skemmdir á vefjum.

Það þarf líka að banna umferð gangandi þar sem rafbílar geta farið um, þeir fara hljóðlaust um og geta keyrt yfir börn, fullorðna og dýr sem heyra ekki í þeim. Það þarfa að verja miklu fé í heyrnatæki fyrir gamla Norðmenn.

Slökkviliðin í Noregi þurfa mikið fé til að verja nágrenni rafbíla sem kviknar í meðan þeir eru að brenna, það er ekki hægt að slökkva rafbílaeld.

Það þarf að flytja notaða rafbíla til Afríku svo þeir mengi ekki Noreg.

Þegar Afríka hættir að taka við verða rafbílar bannaðir í Noregi vegna mengunarhættu.