Orsök Úkraínustríðsins afhjúpuð

Skýrsla um varnarmál frá nokkrum illa lesnum þingmönnum var merkileg að sögn frú utanríkisráðherra, niðurstaðan var sama hatursorðræðan og gollið hefur í frú utanríkisráðherranum síðan hún fór að mæta á fundi hjá NATO- og ESB-pótentátum. https://www.stjornarradid.is/sendiskrifstofur/stok-frett-fra-sendiskrifstofu/2025/09/12/Samradshopur-thingmanna-skilar-skyrslu-um-meginaherslur-i-varnarmalum/

Einn reynslumesti og virtasti alþjóðahagfræðingurinn hefur nú afhjúpað Frakklandsforseta: Hann vissi að Úkraínustríðið var NATO að kenna!

Villtu sjá? https://www.facebook.com/TimesofIndia/videos/macron-privately-told-jeffrey-sachs-ukraine-war-is-natos-fault-sensational-revea/807814745042424/

Niðurrif komin á dagskrá

Bandaríkin, okkar sterku bandamenn, eiga öflug gjöreyðingarvopn sem nota dollara, lygar og svik en ekki sprengiefni til þess að leggja auðlindir undir hnattauðvaldið sitt. Þekkt nöfn dagsins eru USAID og NED sem hafa fjármagnað meðal annars upplausn Júgóslavíu, hernað gegn Rússlandi og þjófnað í Sýrlandi. Balkan er enn í uplauasn, Úkraína og SV-Rússland eru að eyðileggjast, Sýrland manndrápaakur. Og niðurrifi Palestínu er að ljúka. Stærstur hluti SuðurAmeríku er í sárum eftir þessi gjöreyðingarvopn. Næstu lönd á niðurrifslista hnattauðvaldsins eru Serbía og Venezuela.

Serbía er óþekk, vill ekki ganga í NATO (sem drap um 4000 manns þar 1999) og gengur hægt að innlima í Evrópusambandið og stundar viðskipti við Rússland. Stöðugar óeirðir í Serbíu með gjöreyðingarvopnunum kosta mikla peninga, Open Society Foundation (Soros) leggur væntanlega lið eins og víðar.

Venezuela hefur það eitt til unnið að vera olíuríkasta land heims þó hnattauðvaldið beri alls kyns aðrar sakir á landið https://www.frjalstland.is/2024/08/05/venezuela/. Bandaríkin lofa 25 milljón dollurum fyrir forseta landsins (hvað ætli fengist fyrir forseta Íslands ef hún kæmist í andstöðu við hnattauðvaldið og gjöreyðingarvopn Bandaríkjanna?). Þegar eitt land býður fúlgur fyrir leiðtoga annars lands eru samskipti á alþjóðavísu komin að leiðarlokum. https://www.aljazeera.com/news/2025/8/29/venezuelas-maduro-says-no-way-us-can-invade-as-trump-deploys-naval-force

https://www.fmprc.gov.cn/eng/xw/wjbxw/202408/t20240809_11468618.html

https://www.nytimes.com/2025/09/05/us/politics/trump-maduro-military-venezuela.html

 

EES-eyðilegging

EES-tilskipanirnar eyðileggja atvinnustarfsemina í landinu eina af annarri.

Flugið: Flugfélögin eru neydd til að borga fúlgur til að kaupa  losunarkvóta fyrir "gróðurhúsalofttegundir" s.k. ETS-kvóta, í kerfi Evrópusambandsins/EES. Kostnaður er hár og fer hækkandi þar eð braskarar ráða verðmynduninni (eins og flestu sem máli skiptir í ESB).https://www.mbl.is/mogginn/bladid/innskraning/?redirect=%2Fmogginn%2Fbladid%2Fgrein%2F1896017%2F%3Ft%3D261216268&page_name=grein&grein_id=1896017

Flugmiðaverðið er að hækka upp úr öllu valdi, styttist í að við förum með seglskipi til útlanda!

Mengunarbábiljur Evrópusambandsins voru ekki upprunarlega í EES-samningnum en voru settar þar inn að óþörfu. https://www.frjalstland.is/2021/01/13/ees-adildin-kostar-idnadinn-og-flugid-storfe/

EES-gluggar: Nú á í alvöru að ESB/EES-regluvæða gluggana svo við fáum bara samræmda ál-plastglugga sem valda sagga innaná glerinu (kuldabryggjur) og myglu og fúa í húsum. Náttúrulega ce-merkt og vottað af óþörfum vottunarstofum samkvæmt EES-regluverkiu (samræming er orð sem ESB notar til þess að setja höft á erlend fyrirtæki og hygla ESB-fyrirtækjum). Trégluggar fyrir íslenskar aðstæður verða bannaðir.

Losun úr beitarlöndum: Smám saman er að koma í ljós að losun "gróðurhúsalofttegunda" frá landi er byggð á röngum formúlum og ofmetin (Bændablaðið 28.9.2025). Það er hin alræmda IPCC sem gefur út formúlurnar byggðar á ruslvísindum og ónákvæmum mælingum.

Hraktir í faðm Asíu

Framkoma Vesturlanda gagnvart Rússlandi er nú að verða þess valdandi að langstærsta þjóð, langstærsta og auðlindamesta land Evrópumanna, er að hrekjast undan ofsóknum, svikum og hernaði í faðm Asíulanda, Kína, Indlands og annarra sem eru ekki vinveitt Vesturlöndum.

Forustumenn Vesturlanda hafa lengi verið illa að sér, skammsýnir, fordómafullir og sumir hættulegir. Yfirstandandi hernaður gegn Rússlandi, sem Bandaríki Obama/Biden byrjuðu 2014, hefur Trump Bandaríkjaforseti ekki ennþá geta stöðvað vegna flónanna sem stjórna Evrópusambandinu og NATO og hafa greinilega erft margra alda stríðssýki Evrópu. Útrýming Palestinumanna, sem Vesturlönd ásamt Ísrael standa að, er af sama meiði skammsýni og illmennsku.

Rússar stilla nú saman strengina við bandamenn sína, Asíuþjóðirnar, í öflugum samtökum, SCO, https://eng.sectsco.org/ sem eru margfalt fjölmennari en Vesturlönd og smám saman að leggja undir sig efnahagsforustu heimsbyggðarinnar.

Ísland skröltir áfram sem taglhnýtingur úreltra samtaka, NATO og Evrópusambandsins. Okkar forustufólk hefur hvorki þekkingu né stjórnmálaþroska til þess að leiða okkur framhjá einangrun og hernaðarvíti þessarra samtaka. Forustufólk okkar ber á borð okkar hreinar lygar frá áróðursskrifstofum Vesturlanda. https://frjalstland.blog.is/blog/frjalstland/entry/2317082/

Alaskafundur

Fundur Trumps og Putins í gær fær einkunnina 10 af 10 mögulegum hjá Trump. Evrópusambandinu, Bretum og Zelenski var ekki leyft að trufla viðræður leiðtoganna og þess vegna náðist árangur

- "mjög góð framför á leið að friði í Úkraínu - við erum frekar nálægt samningi - Úkraína verður að samþykkja hann-" sagði Trump eftir fundinn. https://www.foxnews.com/media/trump-rates-putin-summit-10-out-10-touts-very-good-progress-toward-peace

Evrópusambandið vill "vopnahlé" sem nú er komið út af dagskrá leiðtoganna enda yrði það nýtt til þess að undirbúa áframhaldandi stríð. Nú stefna leiðtogarnir á friðarsamning sem verður frambúðarlausn.

Falsfréttamiðlar Vesturlanda sögðu að enginn árangur hefði orðið af fundinum - "löng leið fyrir ekki neitt"- sagði BBC https://www.bbc.com/news/videos/c707rnvrxe2o

Hvað var Bretaráðherra að gera hér?

Kom hann til þess að bjóða bætur (um 1000 milljarða sterlingspunda) fyrir að Bretland setti hryðjuverkalög á Ísland, lokaði bankakerfinu og þverbraut EES-samninginn 8.10.2008?

Kom hann til þess að biðjast afsökunar á árásum breskra herskipa á Íslensk skip 1958-1976?

Kom hann til þess að bjóða bætur fyrir efnahagsárásina 1952 þegar Rússar björguð Íslandi frá kreppu?

Kom hann til þess að biðjast afsökunar á óþörfu hernámi 1940?

https://www.frjalstland.is/2025/05/31/atlogur-breta-og-edlileg-samskipti-thjoda/

Eða kom hann kannski bara í venjulegum erindagjörðum Breta, að æsa til stríðs við Rússland eins og fyrirrennarar hans hafa gert af og til allt frá dögum Churchills?

https://www.mbl.is/mogginn/bladid/grein/1889544/

 

 

Sjálfbærar fjárfestingar

Fjárfestingar í "sjálfbærum" verkefnun eru einn aðaldraumur ESB/EES. Þetta þýðir að fjárfestar/lánastofnanir á Íslandi eiga að setja sitt fé í tapverkefni s.s vindmyllur, sólarpanela, rafeldsneyti, gerjunareldsneyti, rafhlöðudrifin tæki. Bankarnir okkar og lífeyrissjóðir sitja fastir í snörunni. https://www.frjalstland.is/2025/02/03/esb-hrifsar-stodugt-til-sin-vold-yfir-fjarmalafyrirtaekjunum/

Þar sem men vilja fá afrakstur af sínum fjárfestingum, til dæmis Vestanhafs, eru slík regluverk á útleið. Stóru bankarnir í Bandaríkjunum eru hættir við að einskorða sínar fjárfestingar við "sjálfbær" og "kolefnishlutlaus" verkefni. https://www.downtoearth.org.in/climate-change/green-banks-coalition-goes-bust-biggest-american-fossil-funders-exit-net-zero-alliance

Frystir erlenda aðstoð

Trump hefur hætt erlendri aðstoð með undantekningu fyrir Ísrael og nokkra aðra. Þetta er stórfrétt og greinilega fyrsta skrefið í að stöðva stríð eins og hann lofaði en "aðstoð" Bandaríkjanna hefur innifalið fjármögnun valdarána, niðurrifsafla og hernaðar.

Bandarískar stofnanir sem hafa úthlutað "aðstoð" eru USAID og NED sem ásamt fleiri stofnunum og félögum (s.s. Open Society Foundation Georgs Soros) hafa skipt sér af innanríkismálum margra landa á vegum Bandaríkjastjórnar. Þær fjármagna mútur, "mótmælagöngur", óeirðir, eyðileggingu og manndráp. Lengi voru aðallega Suðurameríku- og Miðausturlönd ásamt löndum í Afríku og Asíu fórnarlömb "aðstoðarinnar". Eftir upplausn Ráðstjórnarríkjanna urðu Austurevrópulönd líka fórnarlömb.

Í Gerogíu reyna erindrekar frá Bandaríkjunum og ESB-löndum stöðugt að koma af sað stjórnarskiptum eins og í Úkraínu. Á dagskrá núna eru fleiri lönd sem Bandaríkin, ESB og NATO ætla að "aðstoða" við að koma á leppstjórnum: Belarus, Serbía og Slóvakía. Valadaránsmenn frá Úkraínuráninu 2014 eru komnir á vetvang. Önnur ríki Austurevrópu hafa verið innlimuð í NATO og/eða Evrópusambandið.

Eftirtektarvert er að Evrópusambandið er að reyna að taka meiri þátt í fjármögnun manndrápa og valdarána þó fátækt og ósætti standi i vegi. https://www.lemonde.fr/en/international/article/2024/02/27/estonian-prime-minister-kaja-kallas-we-must-provide-more-weapons-to-ukraine_6562529_4.html

Hvort Trump tekst að stöðva stríð Bandaríkjanna er háð því að hann nái að stjórna "kerfinu", djúpríkinu sem hefur hundelt hann í áratug. Búast má við málaferlum, áróðursherferðum fjölmiðla, morðtilraunum og áframhaldandi sprikli kratanna sem hafa náð í tíð síðustu krataforseta að að koma sér fyrir í "kerfinu". https://www.mbl.is/frettir/erlent/2025/01/25/bandarikin_frysta_erlenda_adstod/

John Perkins var erindreki við "aðstoð" Bandaríkjanna og hefur skrifað bækur um sína reynslu: Confessions of an Economic Hitman, The Secret History of The American Empire ofl.

https://www.frjalstland.is/2025/01/26/trump-frystir-erlenda-adstod/

EES-rafmagn og hveiti

Við fáum framvegis rafmagn samkvæmt EES, það er að segja of lítið og of dýrt, við verðum að hætta að virkja Héraðsdómur fellir virkjunarleyfi Hvammsvirkjunar úr gildi

Alþingi gefur út lög uppúr EES-tilskipunum sem flæða stöðugt inn. Þær (2000/60, 2006/118, 2008/115, 2009/90 fjalla um ár og vatn) eru flóknar og ógreinilegar og hugsaðar fyrir þéttbýlt meginland, ekki Ísland, og brenglast þar að auki stundum í meðförunum.

Og dómarar landsins geta ekki túlkað þau af viti https://www.heradsdomstolar.is/domar/domur/?id=2ec984fd-d3f7-450b-bf46-a6fe25f2a47f og langar jafnvel að herma eftir Evrópusambandsdómum þó þeir eigi að dæma samkvæmt landslöguum. Í íslensku lögunum stendur að -"Umhverfisstofnun getur heimilað breytingu á vatnshloti (vatnsmengi)  þegar tilgangur framkvæmdanna - vegur þyngra vegna almannaheilla - eða fyrir sjálfbæra þróun - en ávinningur af því að umhverfismarkmið náist-" https://www.althingi.is/altext/lagasofn/nuna/2011036.htm Þó lögin/tilskipanirnar séu útataðar af meiningarlausum tískuorðum er ekki hægt að skilja þau sem virkjanabann!

Þessi lög, ættuð frá Evrópusambandinu, þarf að afnema, gömlu íslensku vatnalögin frá 1923 duga með lagfæringum! Þau eru ekki 70 blaðsíðna þvæla eins og EES-tilskipunin (2000/60: http://www.efta.int/sites/default/files/media/documents/legal-texts/eea/other-legal-documents/translated-acts/icelandic/i32000L0060.pdf).

Og framvegis fáum við svo bara EES-hveiti, það er að segja malað í útlöndum og jafnvel bætt með eiturefnum frá akuryrkjunni, bannað að mala hér https://www.mbl.is/frettir/innlent/2025/01/18/allt_hveiti_er_nu_innflutt/

Ofurflóknar, illskiljanlegar og ónothæfar EES-tilskipanir verða hér að skaðlegum lögum og reglugerðum sem spilla atvinnustarfsemi landsmanna skref fyrir skref: Orkuframleiðslunni, iðnaðinum, bönkunum o.s.frv.

Gleðilegt ár!

Ég óska landsmönnum öllum nær og fjær árs og friðar.

Ég vona að þið njótið hagsældar og minni loftslagskólnunar og missið ekki orkulindirnar, gjaldmiðilinn og það sem eftir er af sjálfstæðinu á kjörtímabilinu. Ég óska þess að Ísland verði aftur herlaust land, hætti hernaðarþátttöku og endurheimti sitt friðarmannorð.

Friðrik Daníelsson

Frjálst land