Heima um jólin

Grindvíkingar hafa verið reknir úr heimilum sínum með rökum vanþróaðra vísinda og ofstjórnaraðgerðum stjórnvalda. Slíkt er orðið alvanalegt hjá okkur "þróuðum þjóðum". Nútímastjórnvöld halda að þau geti bjargað öllu og hafa sett á fót stofnanir sem verða að fá eitthvað að gera: Stöðva eldsneytisnotkun, slátra kúnum, búa til mýrlendi, stöðva samfélagið þegar kemur flensa, reka fólk að heiman þegar koma jarðskjálftar.

Grindavík er síðasta fórnarlamb ofstjórnarbáknsins. Grindvíkingar voru flæmdir úr heimilum sínum og hræddir með eldgosi í bænum. Svo kemur í ljós að eldgosið var ekki sérlega líklegt og að fyrirvarar yrðu nægir. Og eftir jarðskjálftana eru aðeins fá húsanna í bænum skemmd (nokkrir tugir af þúsund húsum) og Hitaveita Suðurnesja er fljót að hafa raflagnir, heitavatnslagnir og vatn í lagi. https://www.ruv.is/frettir/innlent/2023-11-21-skemmdir-i-grindavik-minni-en-margir-halda-397792

Stjórnvöld landsins hlaupa upp til handa og fóta með fálmkenndar aðgerðir og lofa með meira eða minna væmnum yfirlýsingum alls kyns styrkjum og fjárútlátum. Friðhelgi fjölskyldulífsins, skólastarf krakkanna, félagsöryggi bæjarbúa og ábyrgð borgaranna á sjálfumsér og sínum fjölskyldum og eignum er kastað fyrir róða. Hræðsluáróður og ofbeldi stjórnvalda tekur við.

Vísindi eru oft ónákvæm, jarðvísindi meðtalin, og fjölmiðlar ekki vísindalega þenkjandi heldur reyna að gera æsifregnir úr því sem hægt er. Og stjórnvöld dröslast með og eyða skattfé okkar í óhnitmiðaðar "aðgerðir". Og það sem er verst, valda því að fjöldi fólks, þar á meðal börn og unglingar, flosna upp úr sínu lífsferli, heimili, skóla eða starfi.

https://www.mbl.is/frettir/innlent/2023/12/15/haraldur_segir_lokunina_ekki_rettlaetanlega/

 

 

Alheimskirkjuþing

Alheimsþingi loftslagskirkjunnar er nú nýlokið með yfirlýsingu eins og á fyrri þingum allt frá því Earth Summit í Rio 1992 á vegum Sameinuðu-þjóðaskrifstofu (UNFCCC) krafðist banns á eldsneytisbrennslu

Forustuloddara loftslagskirkjunnar hefur alla tíð dreymt um að banna eldsneyti og steypa Jarðarbúum í fátækt og orkuskort. Samþykktin á þessu þingi (Cop28) hljóðar uppá "transition from coal, oil and gas" = breytingu frá kolum, olíu og gasi, sama gamla loforðið og á öllum fyrri loftslagskirkjuþingum með mismunandi orðalagi. Yfirlýsingin er grautur af óvísindalegum fullyrðingum, draumórum og hreinum fölsunum á loftslagssögunni. https://www.cop28.com/en/cop28-declaration-on-climate-relief-recovery-and-peace

Ekki er líklegt að hún auki möguleika heimsvaldasinna á að gera jarðarbúa að heilsuveilum fátæklingum nema kannske hér á Vesturlöndum þar sem  forustuloddararnir hafa völdin ennþá. En þotuliðið sem græðir á loftslagssvindlinu getur nú haldið áfram amk. eitt ár í viðbót. https://www.frjalstland.is/wp-content/uploads/2021/03/Loftslag-%C3%A1-%C3%8Dslandi.pdf

Rússagrýlan send af stað

 

              Lygaverksmiðjurnar í Washington og London hafa nú stríðsmálað Rússagrýluna og sent hana af stað til þess að hræða almenning. Forsprakkar NATO og ESB eru að gera síðustu tilraun til þess að fá að halda áfram stríðsrekstri gegn Rússum. Mistakaforsetinn í Hvíta Húsinu segir að Rússar ætli að hefja stríð gegn NATO ef þeir vinna í Úkraínu. Breska blaðið The Telegraph segir að áhrifin af sigri Rússa yrðu að "vestrænum lýðræðisríkjum" yrði rústað! https://www.cnbc.com/2023/12/07/ukraine-war-live-updates-latest-news-on-russia-and-the-war-in-ukraine.html

Þekkir einhver kaldastríðsrausið? Því hefur verið skvett á okkur síðan Churchill hóf kaldastríðið 5. mars 1946. Meginfjölmiðlar "vestrænna lýðræðisríkja" dreifa rausinu af skyldurækni yfir almenning. Mistakaforsetinn hættulegi í Hvíta Húsinu og stríðsherrar heimsveldisrústanna í London hafa lengi ætlað að koma af stað alvöru stríði við Rússa sem fórnuðu 27 milljón sinna þegna til þess að bjarga "vestrænum lyðræðisríkjum" frá Þjóðverjum 1945.

Rússland hefur aldrei gert sig líklegt til að ráðast á "vestræn lýðræðisríki".

Efst eru myndir af NATO-merkinu og Grýlu Halldórs Péturssonar úr Morgunblaðinu

 

Lýðræði eða skrílræði?

Lýðræðisþjóðir Vesturlanda eru að eyða lýðræðinu og undirbyggja klíkuræðið og skrílræðið. Almenningur horfir upp á stjórnmálastéttina ganga sífellt lengra gegn vilja þjóðanna en getur ekki rönd við reist. Aðeins 34% styðja ríkisstjórn Íslands, 37% forseta Bandaríkjanna, 32% danska forsætisráðherran. 82% Þjóðverja eru á móti kanslaranum, 67% syðja ekki sefnu Bretastjórnar.

Bandaríkin hafa í raun lengi verið undir stjórn stórfyrirtækjanna að miklu leyti en síðustu forsetakosningar hafa sýnt að krataflokkurinn, spillingafjárfestar og götuskríll hafa náð miklum áhrifum með svindli og níði. Í Bretlandi er ástandið hjá almenningi farið að nálgast hungursneyð en Bretastjórn hefur sjaldnast hugsað mikið um almenning eyjanna og hefur nú sökkt bresku þjóðinni niður i fátækt græna hagkerfisins, meira að segja Sameinuðuþjóðirnar hafa áhyggjur af hungri breskra barna. Götuskríll og öfgabábiljur virðast hafa meiri áhrif en agað og hugsandi fólk.

Hér á Íslandi hefur klíkuræðið síðustu 30 árin verið í félagi við erlent yfirvald. Lýðræðisleg áhrif íslenskra þegna eru orðin hverfandi en erlent vald, klíkur og skríll með bábiljur hafa vaxandi áhrif. Stjórnmálaflokkarnir hafa komið sér upp sjálfvirkri svikamyllu sem hirðir fé almennings til þess að fjármagna sig og sinn áróður, klíkur, bitlinga og undanskot og koma í veg fyrir endurnýjun og ný stjórnmálaöfl. Þeir taka ekki á helstu hagsmunamálum landsmanna heldur aðeins á málum sinna klíka, einföldum afgreiðslumálum og lögfestingu erlendra tilskipana. Lýðræði Íslands er farið að líkjast skrílræðinu í Bandarikjunum og Bretlandi.

Ný neyðarlög

Neyðarlög björguðu þjóðinni þegar EES-regluverkið um fjármálastarfsemi var að setja íslenska bankakerfið í þrot og þjóðina á hausinn að frumkvæði Breta Brown Darling. Neyðarlögin afnámu vitlausasta ESB-regluverkið og tóku stjórnina aftur heim. Hrunið fimmtán ára

Nú er komið að orkukerfinu. EES-regluverkið hefur komið uppbyggingu, rekstri, viðhaldi og stjórnun orkukerfisins í uppnám. EES-lög stöðva þróuun byggðar

Orkukerfi landsins fært undir Evrópusambandið

Það verður ekkert aðhafst án þess að brjóta EES-samninginn.

Óþarfar nefndir, ráð og áætlanir hafa stjórnvöld okkar líka komið á um orkumál, alveg af eigin heimsku og án fyrirmynda frá Brusselskriffinnum: Úrskurðarnefnd umhverfis- og auðlindamála (verndar fífla og hraunnibbur fyrir Íslendingum) sem stöðvar virkjanaframkvæmdir. Gerð var Rammaáætlun til að friðþægja afturhaldsöflin, hún hefur reynst sjálfvirk bremsa á alla uppbyggingu orkukerfisins, virkjanir sem augljóslega verða byggðar (þegar þjóðarnauðsyn krefur eða fyrr). Rammaáætlun, vindmyllur og kol

Alþingi er nú komið í vandræði og ekki vitað hvað á að gera. Á að setja sérlög um virkjanir? (Morgunblaðið 7.12.2032). Því ekki bara neyðarlög svo EES-svamlið þvælist ekki fyrir!

En það er í raun augljóst hvað þarf að gera til þess að koma orkumálum Íslands í lag aftur: Segja EES-samningnum upp og afnema EES-regluverkið og láta Alþingi taka til við að setja upp íslenskt laga- og regluverk sem þjónar landinu en ekki útlendu bábiljustjórnkerfi Evrópusambandsins.

Óútkljáð vísindi

"Engin vísindi eru á bak við kröfuna um að hætta notkun jarðefnaeldsneytis - að hætta að nota kol, olíu og gas mundi senda mannkyn aftur í hellana-" sagði forseti loftslagssirkussins í Dubai. Al Jaber mælti af visku en varð ekki vinsæll hjá sirkusgestum sem voru komnir til að reyna að banna mönnum að nota kol, olíu og gas, þeir trúa að vísindn séu "samþykkt" (þeir halda að vísindi séu útkljáð lýðræðislega!) https:/https://www.theguardian.com/environment/2023/dec/03/back-into-caves-cop28-president-dismisses-phase-out-of-fossil-fuels

Flensufaraldur hófst í Kína 2019 sem hefur gerst oft síðustu aldirnar. Covid 19 setti af stað meiriháttar aðgerðir stjórnvalda víða til að sporna við útbreiðslu. Nú 4 árum síðar er komið í ljós að "aðgerðirnar" voru margar ekki bara rangar heldur ollu miklu tjóni. Fólk missti atvinnuna eða fyritækin sín og sambandið við ættingja  og vini, nemendur flosnuðu upp. Afleiðingin var versnandi andleg og líkamleg heilsa. Fleiri fórust af sjálfsmorðum fyrstu misserin en úr flensunni. En lyfjafyrirtækin snöruðu fram bóluefnum sem gáfu þeim fjallháan gróða en höfðu oft nærri banvænar aukaverkanir. Stjórnvöld reyndu að neyða fólk til að fá eina sprautuna eftir aðra og vísuðu í "vísindin". Lönd sem settu spurningamerki við vísindin farnaðist einna best. Flensur drepa gamalt og veikburða fólk en sjaldan venjulegt fólk. Það var því gamlingjarnir sem þurfti að passa en reynt var að passa alla.

Jarðvísindamenn Íslands hafa hver um annan þveran spáð eldgosi á Reykjanesi -"á næstu dögum-"! Jörðin skalf og sprungur opnuðust. Heilt bæjarfélag var rekið úr húsum sínum. Spár vísindamannanna hafa ekki ræst enn sem sýnir að jarðvísindin eru flókin og erfit að útkljá. Upphlaup stjórnvalda og ýmissra stofnana virðast hafa verið af vafasömu tilefni, yfirdrifin og ótímabær eða þá of sein. Jarðvísindamenn mega vel halda áfram að bæta sín vísindi um Reykjanesið án þess að einhver háhænsn séu að belgja sig út með "aðgerðir" eða fjáraustur almannafjár.

Vísindi eru i eðli sínu óútkljáð, stöðug leit að raunsönnum fyrirbærum og öruggari vitneskju. Jafnvel þúsundir vísindamanna sem eru sammála hafa oft rangt fyrir sér.

 

Nýr alheims einvaldur

Sameinuðuþjóðirnar voru stofnaðar til þess að koma á friði meðal þjóða. Það geta samtökin ekki, þau eru orðin að valdagráðugu bákni og oki á herðum Jarðarbúa.

Stöðug stríð eru í Miðausturlöndum og Afríku. Gyðingar derpa börn Araba og Arabar fremja hryðjuverk. Bandaríkin með NATO (það erum við) og ESB drepa fólk og ræna olíu í Sýrlandi og víðar og halda gangandi hernaði gegn minnihlutahópum í Úkraínu og víðar.

Sameinuðuþjóðirnar geta aftur á móti rekið hræðsluáróður og hótað íbúum heimsins að þeir muni farast nema þeir fórni sínum lífsgæðum og heilsu vegna valdagræðgi spilltra skriffinnskudrauga samtakanna.

Sameinuðuþjóðirnar eru farnar að vinna eins og einvaldur harðstjóri sem heldur þegnunum í ótta til þess að geta kúgað þá. Samtökin ætla nú að eyðileggja orkunotkun, fæðuframleiðslu og flutningakerfi heimsins og spilla þarmeð frelsi og velsæld almennings meðan ruplararnir og þotuliðið flýgur á þúsund kílómetra hraða um heiminn á steinolíuhákum og belgir sig út á áróðurssamkomum með lygasögum og ruslvísindum um loftslag. Og græðir á nýjum háum en óþörfum embættum, kvótabraski, sólarpanelaframleiðslu, vindmyllustyrkjum, rafhlöðuframleiðslu, grænum verkefnum sem almenningur þarf að kosta.

Falsanasamstæða fjölmiðla dælir út blekkingum um ógnir loftslagsbreytinga. Og okkar forustumenn mæta á samkundur einvaldsins og þeysa úr sér þvælu um loftslag meðan kólnar á Klakanum og hafísinn nálgast aftur.

https://www.unicef-irc.org/publications/1787-children-and-the-cost-of-living-crisis-how-food-and-energy-inflation-has-increased-poverty-in-households-with-children-in.html

https://www.frjalstland.is/2023/07/01/fataektarmenning

Fæðuskiptin næst

Orkuskiptin eru í gangi, næst verða fæðuskipti. Á 28. árshátíð loftslagsgrínara verður samþykkt bann við kjötáti og mun ein af grínverksmiðjum Sameinuðuþjóðanna (FAO) leggja á ráðabruggið.

(Ruslvísindi: "Vísindamenn" Sameinuðuþjóðanna halda að húsdýrin prumpi meira gróðurhúsalofti en myndast á túninu ef dýrin fá ekki grasið heldur sé það ekki slegið handa þeim heldur látið moltast ofan í túnið og mynda metan þar. "Gróðurhúsaáhrif" metans eru auk þess löngu mettuð https://www.frjalstland.is/2021/12/10/kolefnissporid-er-ny-gryla/)

Á næstu cop-árshátíðum verður krafist fataskipta, fréttaskipta, ferðaskipta, stjórnarskipta og gjaldmiðilsskipta. Stefnt er að íbúaskiptum á Jörðinni af því íbúarnir anda frá sér koltvísýringi og prumpa metani.

Til þess að láta treggáfaða mörlanda skilja að nú er allt í voða og aðeins nokkur ár eftir munu 84 mæta og hlusta á Úlfur! Úlfur! í 28 skiptið. Það kostar meiri fúlgur en íslenskir fátæklingar þurfa til famfæris, skattgreiðendur borga og snobbuð fyrirtæki sem tekst að totta féð af almenningi. Þessir 84 verða svo látnir sanfæra þá sem heima sitja um að þetta sé búið nema menn kaupi batteríkerrur og vindmyllur og borgi Evrópusambandinu losunarheimildirnar.

https://www.dailymail.co.uk/health/article-12800019/meat-consumption-climate-change-global-emissions.html

Ljósin slokkna

Evrópusambandið er að ganga af landbúnaðinum dauðum. Það eru ekki bara niðurgreiddar undirmálsvörur sem troðið er inn á markaðinn heldur eru "Evrópureglugerðirnar" að stúta bændunum.

"Ég hef engin vopn í hendi mér til bjargar í mjólkurframleiðslunni frekar en aðrir bændur sem fóru í tilneyddar fjárfestingar vegna Evrópureglugerða sem þvinguðu bændur, annað hvort að stefna á að hætta mjólkurframleiðslu eða byggja nýtt fjós. Mat ég það þannig, það að bera titilinn Gústi bóndi væri 250 milljóna króna skulda virði. - Við erum orðnir þrælar, hlekkjaðir við aðstæðurnar-"

https://www.dv.is/frettir/2023/11/25/agust-lysir-mikilli-neyd-ljosin-eru-ad-slokkna/

Þegar saga landbúnaðar á Íslandi er skoðuð kemur í ljós að kúabúskapur með íslenska kúakyninu, sem nam hér land fyrir 1150 árum, hefur verið meginstoð í íslenskri lífsbjörg alla tíð. Íslensku kýrnar hafa staðið sig vel og gefið af sér mjólk, osta og smjör með miklum afköstum og gera enn. Kristján Eldjárn rannsakaði Svarfaðardalinn, Árni Daníel Júlíusson segir frá rannsóknunum og sögu dalsins í bókinni Miðaldir í skuggsjá Svarfaðardals. Þar er sagt frá búskap og mikilvægi kúabúskaparins í gegnum aldirnar en nú horfir í að slökkt verði á ljósunum í fjósum íslenskra sveita í síðasta skiptið.

Þeir sem byggðu land og sveit Íslands fyrir 1150 árum voru ekki eins miklir skussar og nútíma Íslendingar sem eru að missa matarsjálfsnægt landsins í dauðakrumlurnar á erlendu valdabákni. Íslenskir bændur fluttu meira að segja út smjör og osta. En eftir að loftslagið tók að kólna upp úr 1130 fór landbúnaðurinn að hrörna. Það var það sem skapaði jarðveginn fyrir borgarastyrjöldina en henni var fjarstýrt af þáverandi valdabákni í Evrópu, Noregskóngi, sem svo hirti frelsi vort.

Bankarnir eru í höftum EES

Við erum öll fjármálalögga! (Ingvar Smári Birgisson Mbl 27.11.2023)(við vorum einu sinni öll almannavarnir)!

Íslenskir bankar eru pikkfastir í reglugerðakviksyndi Evrópusambandsins/EES sem stjórnar því með einum 6 stofnunum. Evrópusambandið er svo hrætt við peningaþvætti að það hefur sett tímafrekar og þungar kvaðir á ekki bara banka heldur líka á almenning og fyrirtæki um að sjá um löggæslu og skriffinnsku gegn peningaþvætti. Þetta stjórnkerfi er al-evrópskt,  ættað frá Austur-Þýsku leyniþjónustunni STASI.

Árangurinn er höft á nauðsynlegar fjárfestingar og viðskipti og eykur enn á fjármögnunarerfiðleika unga fólksins sem þarf húsnæði. Ekki á bætandi, regluverkið um byggingaframkvæmdir (smitað af EES-tilskipunum) er orðið svo umfangsmikið og kostnaðaraukandi að margir venjulegir borgarar geta ekki keypt þak yfir höfuðið (Gylfi Gíslason, Mbl 27.11.2023)

https://www.frjalstland.is/2023/11/27/bankarnir-eru-i-hoftum-evropusambandsins/