Drekkir EES orkufyrirtækjunum?

Eins og lesendum Frjáls lands er kunnugt hefur EES-samningurinn splundrað orkufyrirtækjunum og gert þau óhagkvæmari með tilskipunum og "orkupökkum" sem hannaðir eru fyrir hnignandi iðnaðarlönd ESB. Næsta skref er að auka skattlagningu á orkufyrirtækin.

Sveitarfélög sem vilja fá fé út úr orkufyrirtækjunum ætla að virkja ESA (eftirlitsskrifstofuna sem passar að við hlýðum EES-samningnum) til að innheimta virkjanaskatt þó að orkuauðlindirnar séu eða eigi að vera eign þjóðarinnar (Mbl 31.3.2021). Það er nefnilega þannig að samkvæmt ESB/EES er hægt að túlka það sem ólöglega "ríkisaðstoð" (við fyrirtæki sem ríkið á!) að leggja ekki fasteignaskatt á virkjanirnar enda þótt það sé ekki ríkið sem tekur skattinn heldur sveitarfélögin! (Kunnugleg EES-þvæla úr m.a. samkeppnislögum ESB og Íslands).

Sannleiksráðuneytið

Stjórnmálamenn Norðurlanda rjúka upp til handa og fóta þegar Ebbi frændi sigar þeim á eitthvað. Nú vill Norðurlandaráð hefta málfrelsið (leiðari Mbl 29.3.2021)og láta Alþingi samþykkja tillögu gegn upplýsingaóreiðu:

-"Fyrir kosningarnar til Evrópuþingsins árið 2019 hvatti framkvæmdastjórn ESB til aðgerða í aðildarríkjunum og kynnti verkáætlun til að minnka áhrif upplýsingaóreiðu í álfunni og vernda grundvallargildi lýðræðisins.-

- Falsfréttir og áhrifi þeirra á kosningaúrslit og lýðræðið almennt hafa verið mikið til umræðu undanfarin ár, einkum í kjölfar forsetakosninganna í Bandaríkjunum í nóv. 2016 og þjóðaratkvæðagreiðslunnar um Brexit- Rannsóknir hafa leitt í ljós að erlendir aðilar hafa reynt að hafa áhrif á kosningar með ýmsum aðferðum, þar á meðal með því að dreifa falsfréttum-"

Þessi fullyrðing er dæmigerð falsfrétt, upplýsingaóreiða um óstaðfestar sögusagnir. Grófustu lygarnar um Trump, Brexit, Boris, Rússland eða Putin voru frá innlendum aðilum viðkomandi landa og stærstu falsfréttamiðlunum. Það er alltaf hægt að kenna "erlendum aðilum" um að hafa logið enda erfitt að sanna nokkuð þar sem ljóshraða-alheimsupplýsingadreifikerfi ríkir (nema í Kína, N-Kóreu og löndum þar sem ekki er lýðræði).

Traust á fjölmiðla hríðfellur

Málfrelsi er grundvallargildi lýðræðis þó Ebbi frændi vilji ákveða hvað er satt. Þá skiptir ekki máli hvað er rétt eða falskt. Það er fyrir neðan virðingu Íslendinga að taka þátt i umræðu Norðurlandastjórnmálamanna um ritskoðun samkvæmt Evrópustórveldum sem hafa lélega ritfrelsishefð, við erum varðmenn fornrar rithefðar og ritaðra heimilda Norðurálfu, þær voru ekki ritaðar á Norðurlöndum.

 

Ebbi frændi! Má ég núna?

"-Ísland er ekki háð Lyfjastofnun Evrópu (les ESB) um veitingu markaðsleyfis fyrir lyfjum - Ekki kemur til greina að kaupa bóluefni frá Rússlandi áður en Lyfjastofnun Evrópu (það er ESB) samþykkir-" (Forstjóri Lyfjastofnunar Íslands í Fréttabl. 26.3.2021)

Okkar embættismenn þurfa ekkert leyfi frá Ebba frænda. En verða samt að fá leyfi??? Klúðurstjórn ESB teygir lamaða krumluna til íslenska heilbrigðiskerfisins sem hefur lengi verið sjálfstætt í fararbroddi gegn sjúkdómum.

Bóluefnið Sputnik er þegar notað í ýmsum löndum, 91,6% virkt sagði Financial Times, virðist vera öruggt og virkt sagði eitt helsta læknavísindatímaritið, The Lancet, í byrjun febrúar.

Við viljum, segir Katrín, en megum ekki semja við Rússa vegna ESB.

Forsætisráðherrann segir að verið sé að kanna möguleika á að kaupa bóluefni frá Rússum, EN hún segir það sé ekki hægt nema með samþykki Lyfjastofnunar Evrópu. Þó aðildarríki ESB séu þegar farin að nota það, t.d Ungverjaland. - Sem sagt viljum, en megum ekki semja við Rússa án leyfis ESB.

kanna_moguleikann_a_ad_semja_beint_vid_russa/ 

En þegar nánar er skoðað, þá er sjálfstæði Íslands í lyfjamálum í höndum ESB eins og sjá má hér:

Lyfjalög1) 2020 nr. 100 9. júlí 1)56. gr. laganna var breytt með l. 132/2020, 50. gr.; breytingin tekur gildi 26. maí 2021 skv. 49. gr. s.l. Ferill málsins á Alþingi. Frumvarp til laga. Tóku gildi 1. janúar 2021 nema 5. mgr. 53. gr. og 79. gr. sem tóku gildi 23. júlí 2020. EES-samningurinn: tilskipun 1989/105/EBE, reglugerð 297/95, II. viðauki reglugerð 141/2000, tilskipun 2001/82/EB, 2001/83/EB, 2002/98/EB, 2003/63/EB, 2004/23/EB, II. viðauki og bókun 37 tilskipun 2004/24/EB, 2004/27/EB, II. viðauki reglugerð 273/2004, 726/2004, II. og XVII. viðauki reglugerð 1901/2006, 1902/2006, II. viðauki reglugerð 1394/2007, tilskipun 2009/35/EB, 2009/53/EB, 2009/120/EB, 2010/84/ESB, reglugerð 1235/2010, tilskipun 2011/62/ESB, 2012/26/ESB, reglugerð 1027/2012, 1258/2013, 536/2014, 658/2014, tilskipun 2012/26/ESB. Breytt með: L. 132/2020 (taka gildi 26. maí 2021; EES-samningurinn: I. og II. viðauki reglugerð 2017/745, II. viðauki reglugerð 2017/746, 2020/561).

Það er aumkunarvert af Forsætisráðherra að sýnast vera fulltrúi sjálfstæðar þjóðar, sem er það ekki nema í orði, en ekki á borði, eins og svo skýrt hefur komið fram í umræðunni um bóluefnamál þjóðarinnar. 

Ráðherrann fer eins og köttur í kringum heitan graut til að forðast að nefna vald ESB í þessum málum. 

ESB bannar útflutning bóluefna til íslands

Alveg sérstaklega illa kemur þessi ákvörðun ESB við ríkisstjórn Íslands sem hefur hagað sér eins og aðildarríki ESB í útvegun bóluefna fyrir landsmenn. 

Heilbrigðisráðherra, sérlegur talsmaður samvinnu við ESB þarf líklega að fara á hnén núna.

Núna hringir Katrín væntanlega í Pútín og Kínaforseta og biður um bóluefni. Eða hvernig ætlar hún að ná í bóluefni fyrir þjóðina þegar ESB slítur "samvinnuna" sem hún hefur svo margoft lofað ESB fyrir.

Það er enginn vinur í þessum leik.

esb_bannar_flutning_boluefna_til_islands/

Norðmenn þora

Nú hefur norski Miðflokkurinn lagt fram tillögu í norska þinginu um að Noregur yfirgefi orkuskrifstofu ESB, ACER, sem landið lenti undir með 3. orkupakkanum. Tveir aðrir flokkar í þinginu styðja tillöguna. https://www.nrk.no/norge/vedum-vil-ha-omkamp-i-bitter-energistrid-_-ap-sier-nei-1.15424673

Sjálfstæðisbaráttan harðnar enn í Noregi https://www.frjalstland.is/2021/03/15/barattan-gegn-ees-harnar-i-noregi/ meðan Ísland dregst dýpra í glórulausan tilskipanagraut ESB um orkumál. https://www.frjalstland.is/2021/03/21/island-er-nu-an-eigin-orkustefnu/

Ísland er nú án eigin orkustefnu

Sjálfbær orkuframtíð, Orkustefna til ársins 2050 heitir ný skýrsla frá ríkisstjórninni. Hún er innihaldslaus slagorðaflaumur um draumóra ESB sem myndu rústa orkukerfi Íslands ef þeir yrðu að veruleika. Skýrslan er samin af takmarkaðri þekkingu á orkumálum en ágætri þekkingu á EES-tilskipunum.

Ísland er nú án eigin orkustefnu

Harðnandi sjálfstæðisbarátta í Noregi

Norsku samtökin Nei til EU hafa nú lagt til atlögu við norska þingið út af meintum stjórnarskrárbrotum þegar þingið samþykkti 3. orkupakka ESB. Samtökin berjast nú af auknu afli gegn því að ESB hrifsi til sín stjórn fleiri landsmála og beygi Noreg undir þjónustu við hagsmuni ESB í krafti EES.

Meðal baráttumála samtakanna gegn EES er að stöðva að erlendir aðilar geti keypt norsk fyrirtæki til að leggja þau niður. Annað er að vara við hugmyndum ESB um "heilsusamband ESB" sem samtökunum finnst ókræsilegt eftir Covid-klúðrið. Og ESA (eftirlitsstofnunin með EES-samningnum) er "búin að keyra norska leigubíla út í skurð" segja samtökin sem vöruðu stjórnvöld við afskiptum ESB.

Nei til EU unnu stórsigur 1. mars þegar Hæstiréttur Noregs vísaði 3. orkupakka ESB til dómstóla. Samtökin vilja hafna honum sem og orkupakka 4.

https://www.frjalstland.is/2021/03/15/barattan-gegn-ees-harnar-i-noregi/

Áfram Áslaug!

Áslaug Arna þorir að taka sjálfstæðar ákvarðanir og hunsa ESB! Það eru stórfréttir í íslenskri sjálfstæðisbaráttu ef íslensk stjórnvöld eru farin að koma á frelsi þrátt fyrir Schengen og Brussel.

Nú geta okkar helstu og ónískustu ferðamenn, Bandaríkjamenn og Bretar, komið með sín bólusetningavottorð í vasanum. Ferðabann Schengen á "tilefnislausar ferðir" utan Schengensvæðisins verður afnumið.

https://www.mbl.is/vidskipti/frettir/2021/03/16/icelandair_tekur_kipp_eftir_tidindin/

 

Lokað

ESB ræður hverjir koma til Íslands og hverjir fara. Einn vitlausasti samningur sem Ísland hefur gert er Schengensamningurinn, viðhengi við EES og fleiri valdatæki ESB. Schengen lokaði Íslandi fyrir umheiminum utan EES/ESB. Íslensk stjórnvöld geta ekki opnað fyrir smitlausa ferðamenn frá helstu ferðamannalöndum Íslands, Bandaríkjunum og Bretlandi, ráðherraráð ESB bannar það (Mbl.15.3.21).

Eitt ferðaár í viðbót þarf því að verða ónýtt hjá ferðaþjónustunni, fleiri verða að fara í þrot á Íslandi vegna ESB. Okkar hugsandi nágrannar, Bretar, Írar, Færeyingar og Grænlendingar halda sig fyrir utan Schengen. Það er nú komin full ástæða fyrir Ísland að ganga í lið með þeim og segja Ísland úr Schengen áður meiri skaði skeður.