Loftslagssvindlið étur flugið

Loksins er farinn að sjást alvöru árangur af EES, fyrirtæki eru byrjuð að fara á hausinn vegna "loftslagsskatta" EES. https://www.mbl.is/frettir/innlent/2025/10/06/atti_ad_standa_skil_a_rumum_milljardi_naesta_dag/ Okkar máttlausu stjórnvöld lögðu Ísland undir stjórn ESB í "loftslagsmálum" og losunarheimildakerfi ESB (s.k.ETS) inn í EES og þar með undir Evrópusambandið sem veitir Íslandi engar undanþágur. Flugfélög okkar hafa mun lengri leiðir að fara en flugfélög í ESB og standa verr undir áþjáninni. https://www.mbl.is/frettir/innlent/2025/10/06/meira_ithyngjandi_fyrir_island_en_adrar_eyjar/ Og alls konar önnur "losun" (samkvæmt vísindafölsunum á vegum ESB og SÞ) var sett undir stjórn ESB/EES og eru nú líka að gjaldfalla á Ísland. ESB getur alltaf fundið nýja áþján og lygar til þess að múlbinda sína undirsáta.

Okkar loftslagsráðherra, sem er of ungur til þess að skilja hvað loftslagssvindlið gengur út á, https://www.frjalstland.is/loftslagsvisindi-hrjad-af-folsunum/ ætlar að leggja fram víðáttuvitlausar "skuldbindingar" um framlag Íslands til hins glórulausa Parísarsamkomulags á næsta loftslagssirkus, COP30 í Brasilíu: Ísland skuldbindur sig til þess að "ná fram 50-55% samdrætti í nettólosun gróðurhúsalofttegunda árið 2035 miðað við 2005-" (þá verður núverandi ríkisstjón löngu farin og gleymd) https://www.mbl.is/frettir/innlent/2025/10/01/tilkynntu_nytt_framlag_islands/

Þetta er í fyrsta skiptið sem íslensk stjórnvöld álpast til að beinlínis "skuldbinda" landið til þessa fáráðnlega samdráttar samkv. Parísarsamkomulaginu sem er bein forskrift að niðurrifi atvinnulífsins. Öll herferðin sem Parísarsamkomulagið kom af stað er að flosna upp enda byggð á fölsunum. Vindmyllubyggingar eru að stöðvast. Kanslari Þýskalands ætlar ekki að banna eldsneytisbíla. Kolaorkuverin eru að opna aftur eitt af öðru.