Loftslagssvindlið strand

Bandaríkin segja nú upp aðildinni að Parísarsakomulaginu. Tíu ár eru liðin frá því boðað var til múgsefjunarsamkundu í París yfir glösum af frönsku víni þar sem ríki heims "skuldbundu" sig til að draga úr nýtingu jarðefnaeldsneytis.

Skemmst er frá að segja að engin ríki, nema þau sem eru í hraðri hrörnun eins og ríki Evrópusambandsins, hafa getað staðið við "skuldbindingarnar" sem voru í raun bara óskhyggja. Notkun mannkyns á jarðefnaeldsneyti hefur aldrei verið meiri en nú! Samt er loftslagið ekkert að hlýna. Það er að kólna! Parísarsamkomulagið var byggt á fölskum forsendum.

Það var alltaf ljóst að þyrfti öfluga leiðtoga eins og Trump til þess að stöðva loftslagssvindlið. Það verður spenandi að sjá hvaða leiðtogi verður næstur (nú eru 4 ríki utan samkomulagsins).

Athugasemdir

[Grímur Kjartansson, 22.1.2025 kl. 15:40]

Nú fylgist ég greinilega ekki með
Hvaða ríki hafa staðið við skuldbindingarnar?
"hafa getað staðið við "skuldbindingarnar""

Ég hef bara heyrt um ný og uppfærð markmið á hverju ári en öll ríki hafa náttúrlega komið með nýa græna skatta á hverju ári

[Jón Magnússon, 22.1.2025 kl. 17:30]

Að sjálfsögðu áttar Trump sig á því að þetta er allt tóm vitleysa, sem verið er að halda að fólki varðandi manngerða hlýnun. Sem betur fer hefur hann hugrekki til að horfast í augu við sannleikann og bregðast við. Hann segist ætla að bora og bora til að fá meira jarðefnaeldsneyti og geta lækkað orkukostnað um helming á næstu 12 mánuðum.  Glæsilegt. 

Á meðan þá ætlar Ed Miliband umhverfisráðherra Bretlands að gera orkuverð dýrara og banna að olía sé unnin á heimaslóð og betra sé að flytja hana um langan veg. Hvað skyldu margir fleiri deyja vegna þessarar mannfjandsamlegu stefnu Ed Miliband.