Eins og loftsteinn

-"Mannkynið er eins og loftsteinninn sem útrýmdi risaeðlunum - að útrýma sjálfu sér með notkun jarðefnaeldsneytis-" segir Guterres framkvæmdastjóri Sameinuðuþjóðanna sem er orðinn einn mesti heimsendaspámaður allra tíma og líkingamálið í skáldskap hans orðið stórbrotið. https://www.wionews.com/world/un-chief-likens-humans-to-meteor-that-killed-dinosaurs-calls-fossil-fuel-sector-godfathers-of-climate-chaos-729144

Sameinuðuþjóðirnar hafa náð undir sinn hatt þekktum ruslvísindastofnunum, þar á meðal IPCC, WMO, UNEP og fleirum. Stundum heyrist frá litu kórfélögunum, RÚV sagði frá einum sem m.a. sagði að Grænlandsjökull væri í hættu og sömuleiðis norðuskautsísinn.

En við ræflarnir hér uppi á Klakanum látum allar lygar og svindl frá loddurunum í upphituðum fílabeinsturnum yfir okkur ganga meðan veturnir verða kaldari, köld vorin renna saman við veturinn og sumrin koma í viku í ágúst. https://www.frjalstland.is/wp-content/uploads/2021/07/climate-history-of-Iceland.pdf

Kal í túnum og uppskerubrestur eins og á kaldasta ári 20 aldar, 1979, spillir landbúnaðinum. Og fallegu litlu fuglarnir, sem komu fagnandi frá Bretlandseyjum um daginn, deyja úr kulda og hungri. Og ferðamennirnir eru ekki lengur spenntir fyrir að koma.

Norð-austurleiðin gegnum Norðuríshaf Rússlands var sögð mundi opnast í byrjun aldarinnar vegna bráðnunar íssins. En þar er nú meiri ís en verið hefur lengi vegna mikillar kólnunar loftslags. En ísbrjótar Rússa eru orðnir öflugir og fara með skipalestir í gegnum ísinn. Heimsvaldadraugar í NATO hafa reynt að spilla því.

Athugasemdir

[Helga Kristjánsdóttir, 7.6.2024 kl. 07:26]

Hvítir mávar koma líka hingað á sumrin frá Bretlandseyjum  ,þeir setjast á svalahandrið mitt og þiggja ýmislegt sem fellur til.