Máttur áróðursins

Ný skoðanakönnun segir að 84% Íslendinga vilji ekki hafa samskipti við Rússland á Alþjóðavettvangi og að 63% styðji aðild Íslands að NATO. (Mbl 5.10.2023)

Ísland hefur lengi þegið stuðning Rússa með þökkum en þeir hafa jafnan stutt og staðið með Íslandi á alþjóðavettvangi. Áður en falsáróðurinn varð yfirþyrmanadi vissu vitibornir landsmenn að Rússar voru ein öruggasta viðskipta- og vinaþjóð Íslands sem bjargaði Íslandi oft undan ofríki NATO-landa, aðallega Bretlands.

Forustumenn NATO hafa gert Íslendinga að "viljugri þjóð" samseka hernaði og manndrápum á upplognum forsendum.

NATO-lönd stela peningum annarra þjóða (t.d. Afganistan, Rússlands) og olíu (t.d. 83% af olíu Sýrlands) og vopnum frá Íran og senda til Úkraínu.

Þessi skoðanakönnun, ef hún er sæmilega nákvæm, sýnir mátt áróðursins og falsfréttanna.

Athugasemdir

[Guðmundur Örn Ragnarsson, 5.10.2023 kl. 19:37]

Í áreyðanlegri könnun (eða þannig), sem Maskína gerði fyrir utanríkisráðuneytið um viðhorf almennings til ýmissa þátta í utanríkisþjónustu Íslands, segjast 63% landsmanna styðja aðild Íslands að Atlands-hafsbandalaginu (NATO) og 54% eru fylgjandi varnar-samstarfi Íslands og Bandaríkjanna.

Þá er vert að minnast á ráðabrugg Katrínar okkar Jakobsdóttur í dag með EPC á Spáni.

Vei hinum þverúðugu börnum (á Íslandi) segir Jehóva. Þau taka saman ráð, er eigi koma frá mér, og gjöra bandalag (við NATO), án þess að minn Andi sé með í verki, til að hlaða synd á synd ofan.

Þau gjöra sér ferð suður til Egyptalands (Spánar) án þess að leita minna atkvæða, til að leita sér hælis hjá Faraó (Biden) og fá sér skjól í skugga Egyptalands (NATO).

En hælið hjá Faraó skal verða yður til skammar og skjólið í skugga Egyptalands til smánar! Jes. 30:1-3.

[Einar S. Hálfdánarson (IP-tala skráð) 5.10.2023 kl. 21:44]

Til aðdáenda Stalíns, Hitlers og Pútíns:

Nú magna ég upp Kaldea,
þá bráðu og grimmlyndu þjóð,
sem leggur leið sína um heiminn þveran
og tekur sér lönd sem ekki eru hennar.

Ógurlegir og skelfilegir eru þeir;
þeir virða þau lög og reglur einar
sem geðþóttinn býður.

Erindi þeirra er ofbeldið eitt,
svipur þeirra hvass sem austanvindurinn,
þeir sópa saman stríðsföngum eins og sandi.

[Ásgrímur Hartmannsson, 6.10.2023 kl. 15:18]

"Ef..."

Það er hlgt að panta niðurstöður úr könnunum, trikkið er bara að taka þær á vissan hátt og á vissum stöðum.

Svo hvað ein k0nnun tekin einhvrsstaðar segir mest lítið.

[Hörður Þormar, 6.10.2023 kl. 15:23]

Otto von Habsburg, f. 2012, var síðasti krónprins Austurríkis. Árð 2003 hélt hann ræðu um Putin, sem þá var orðinn forseti Rússlands, og varaði eindregið við honum. Tilefni ræðunnar var að skömmu fyrir fall Berlínarmúrsins var hann staddur í Dresden. Þá hitti hann af tilviljun menn sem nýlega höfðu verið leystir úr fangelsi sem eitthvað var á vegum KGB því að þar fengu þeir að kynnast sérstaklega grimmum og ruddalegum manni sem hét Putin. Eftir þetta fór hann að kynna sér feril Putins sem var brattur upp á við og einkenndist m.a. af því hve hann var ötull við að klaga félaga sína ef þeim varð eitthvað á.

Í janúar 2000, skömmu eftir valdatöku sína, hélt Putin ræðu í Minsk þar sem hann boðaði stóraukna vopnavæðingu og áform um að koma Rússlandi aftur í röð fremstu stórvelda. Öðru sinni sagði hann fall Sovétríkjanna hefði verið mesta ógæfa 20. aldarinnar - ekki tvær heimsstyrjaldir.                                     Über Putin: Wie Otto von Habsburg ihn einschätzte (2003 und 2005)