Gulli farinn að spara

Allt í einu er Gulli farinn að spara fyrir þjóðina með því að kasta 350.000.000 af þjóðareignum út um gluggann! (Mbl 15.8.2023) Til kaupa á losunarheimildum frá Evrópusambandslöndum.

Fjárausturinn er afleiðing af múgsefjuninni um að koltvísýrings- og haugloftsútblástur valdi loftslagsbreytingum og s.k. Kyotobókun sem máttlausir stjórnmálamenn Íslands létu Evrópusambandið fá stjórn og fjárheimtuvald yfir. Kyotobókunin er óskhyggja valdagráðugra skriffinna, hjátrúarsöfnuða og gróðabrallara sem einungis fá lönd geta uppfyllt, helst gamlar og hrörnandi iðnaðarþjóðir eins og í Evrópusambandinu.

Hvar fékk Slóvenía heimildirnar sem Gulli keypti? Voru það kannske einhverjir pjakkar sem fengu kredit út á arfa? Hver reiknaði Íslandi skuldina? Var það kannske Umhverfisstofnun með ágiskuðum reikniformúlum frá lygaverksmiðjunum? Hvernig stendur á að þessi skrípaleikur er orðinn að tröllvöxnum skuldbindingum og peningaeyðslu?

Það þarf að gera okkur almúganum sem borgar grein fyrir hvernig svindlið með okkar peninga fer fram.

https://www.frjalstland.is/2021/04/28/oraunsaear-tilskipanir-um-loftslagsmal/

https://www.frjalstland.is/2022/03/20/dyrkeyptar-rangfaerslur-um-loftslag/

 

 

Athugasemdir

[Ásgrímur Hartmannsson, 15.8.2023 kl. 18:40]

Gulli hlýtur að fá prósentur af þessari "gjöf."  Ég á bágt með að trúa að menn séu að gera svoa fyrir ekkert.