Áróðurinn

um Úkraínustríðið er orðinn ósannfærandi, heimsbyggðin er smátt og smátt að átta sig á að það er stríð NATO við Rússland sem byrjaði með vopnaðri árás Obama-Biden stjórnarinnar og ESB í Kænugarði 2013. Mótmælagöngur gegn stríðinu eru hafnar í NATO-löndum. Leppstjórnin í Úkraínu stjórnar ekki sprengjuskotunum nema í falsfréttunum, þeim er stjórnað frá NATO-löndum og framkvæmd að verulegu leyti af launuðum hermönnum þaðan.

Áróðursvél Vesturlanda, með falsfréttafjölmiðlana í broddi fylkingar, dreifir stöðugt rangfærslum um stríðið. Þeir sem ekki syngja með í áróðrinum gegn Rússlandi eru útskúfaðir

Amnesty International afhjúpaði aðferðir Úkraínuhersins og var látið biðjast afsökunar enda staðsett í Englandi þar sem ein helsta áróðursstjórnin er líka staðsett. Alþjóða kjarnorkumálastofnunin, sem hefur nú bæst í hóp spilltra alþjóðastofnana, minntist ekki á, í umsögn sinni um kjarnorkuverið í Zaporozhye, að Úkraínuher hafi gert stöðugar árásir á verið. Rússar hafa nú lokað því til að forða kjarnorkuslysi eins og varð í Úkraínu fyrir 36 árum.

Þekktur franskur stjórnmálamaður segir að fréttir Úkraínustjórnar af illvirkjum Rússa séu óstaðfestar og ótrúverðugur hræðsluáróður, hún hefur nú hlotið útskúfun  fyrir vikið. https://newsinfrance.com/segolene-royal-questions-the-war-crimes-committed-in-ukraine-despite-the-evidence/

Tucker Carlson, einn þekktasti sjónvarpsmaður Bandaríkjanna, fékk á baukinn fyrir að afhjúpa að lengi hafi verið unnið að áætlunum um stríð í Úkraínu og að andstæðingar Trump hafi viljað ákæra hann vegna þess að hann neitaði að ausa fé í vopn til Úkraínu https://www.youtube.com/watch?v=wGvO8b-tiaM

Upp komast svik um síðir. Stríðsveldin drápu fólk með upplognum rökum í Vietnam, Írak, Afganistan í 20 ár þar til eigin bogarar fóru að skammast sín. Nú ætla þau greinilega að drepa fólk næstu 11 árin í Úkraínu (drápin hafa þegar staðið í 9 ár). Við Íslendingar þurfum að þvo hendur okkar af stríðinu og bjóða forustu Bandaríkjanna og Rússlands til friðarviðræðna í Reykjavík.

Bloggið ritaði Friðrik Daníelsson

Athugasemdir

[Þórhallur Pálsson, 18.9.2022 kl. 20:53]

Er nú ekki best að fara að snúa sér að öðru en að skrifa svona endemis bull og þvælu, eins og þá hér að framan ?

[Jónatan Karlsson, 19.9.2022 kl. 07:14]

Ég hafði pata af fullyrðingum Amnesty International, sem þögnuðu eiginlega í fæðingu og hinir aðilarnir sem láta í ljós illar grunsemdir eru væntanlega ekki á þínum vegum Friðrik.

Aðkoma okkar og stuðningur að innrásunum í Vietnam, Írak, Afghanistan og Lýbíu sem geta vart talist bull og þvæla, líkt og einhverjir trúa enn og sem því miður verður aldrei hægt að þvo hendur okkar af þeim glæpum.

[Grímur Kjartansson, 19.9.2022 kl. 08:59]

Ansi margt minnir mann á "fréttir" af gangi stríðsins í Víetnam
Við þurfum bara meiri peninga og vopn
Þá er sigurinn á óvininum í höfn 

[Tryggvi L. Skjaldarson, 19.9.2022 kl. 12:37]

Pútín réðist inn í Úkraínu til að ræna landi og þeim auðlindum sem þar eru, Punktur. 

[Jónas Gunnlaugsson, 24.9.2022 kl. 10:24]

Ég fann einhverjar upplýsingar um málefnið og set þær hér.

Gaman væri að fá upplýsingar um hvort þið sæuð slóðina. 

https://jonasg-egi.blog.is/blog/jonasg-egi/entry/2282595/ 

slóð 

Fjölmiðlar, segja þeir, að minsta kosti 14 milljónir tala Rússnesku í Ukraínu. Krím hefur verið hérað í Rússlandi síðan 1783 eftir minni. Bandaríkin haft Flórída frá 1821 eftir minni. Ath. Kort. 

23.9.2022 | 01:34  

Stríð eru vond. Sögukort Úkraínu frá 1654 til 1954. Úkraína fyrir 1654, dökk blátt. Innlimað af Rússneska Tsarnum, 1654 - 1917 gult. Innlimað af Lenin, 1922 fjólu blátt Innlimað af Stalín, 1939, 1945 ljós blátt. Gefið af Khrushchev, 1954 rautt.

3.4.2022 | 15:28

000 

Svona er skiptingin eftir tungumálum. 

[Þrándur (IP-tala skráð) 24.9.2022 kl. 22:32]

Fullyrðing um að Úkraínuher geri árásir á eigið kjarnorkuver eru það stórar (afleiðingar skelfilegar) að það er ótækt að fullyrða þær kinnroðalaust án tilvitnunar í aðra miðla. Helst fleiri en tvo. 

Það er nauðsynlegt að kynna sér fréttir sem eru ekki "mainstream" (sem er ástæða lesturs undirritaðs hér), en þetta er það stórfellt dæmi að þetta er fráleitt án tilvitnunar; hverjar eru afleiðingar á nærsamfélag ef stærsta kjarnorkuver Evrópu fer til fjandans. Ég hefði haldið að það gerði kornframleiðslu Úkraínu ónýtanlega til amk. áratuga. Alveg fráleitt að leikið sé að eldinum með slíkum hætti.

Gerðu þetta betur Friðrik, eða slepptu þessu. Það trúir þessu ekki nokkur hugsandi maður.