Finnafjörður

er framtíðar staður stórskipahafnar við Bakkaflóa, aðdjúpur og hreinn af botnklettum. Þar verða birgðastöðvar fyrir gas og olíu frá Drekasvæðinu, Norður-Íshafi, Barentshafi, Grænlandi, Rússlandi og Færeyjum. Það er þess vegna óþarfa sóun á íslenskum landkostum að leggja þar höfn fyrir hernaðarbrambolt NATO

eins og einhverjum hefur dottið í hug. Hernaðarhöfn yrði bara aðdráttarafl fyrir sprengjur Rússa og Kínverja ef menn trúa óvinaímyndum NATO- og ESB-stríðsmangaranna.

Við Finnafjörð er dýrmætt land undir starfsaðstöðu og innviði (braskararnir eru farnir að leggja það undir sig). Þar verða auk birgðastöðva olíuhreinsunarstöð, petrokemisk stöð og þeirra framvinnslur. Það er ekki mjög langt í jarðhita Axarfjarðar, þarna gæti því vaxið upp fjölbreytt og mannmargt  (með innfluttum verkamönnum) atvinnusvæði.

Athugasemdir

[Þórhallur Pálsson, 30.7.2022 kl. 23:21]

Hver semur þetta bull ?
Stutt frá Bakkafirði til Öxarfjarðar !

[Ómar Ragnarsson, 31.7.2022 kl. 13:56]

Bogi Ágústsson ræddi eitt sinn í sjónvarpi við helsta sérfræðing Kanadamanna um þessi mál. Hann gaf umskipunarhöfn á Íslandi falleinkun, því sð í fyrsta lagi yrði slik höfn að vera í leiðinni milli Norður-Ameríku og Japans um norðvesturleiðina, en hún liggur fyrir vestan Grænland.

Ísland væri ekki í leiðinni milli Evrópu og Japans um norðausturleiðina, því að hún lægi meðfram Noregi, þúsund kílómetrum frá stystu leið. 

"Lítið þið bara á hnattlíkan," sagði Kanadamaðurinn, og bætti því við, að í umræðunni vantaði alveg aðalatriðið, nauðsynlega innviði. 

Meira að segja Akureyri væri fjarri því að bjóða upp á þá þjónustu sem nauðsynleg stórumsvif í olíuskipahöfn krefjast. 

Síðan er líka á sveimi hugmynd um olíuskeipahöfn í Loðmundarfirði sem myndist tengjast Reykjavík í hraðbraut beinustu leið í gegnum Austfjarðafjallgarðinn og yfir miðhálendið upp í þúsund metra hæð!

[Ómar Ragnarsson, 31.7.2022 kl. 13:57]

"...þúsund kílómetra frá stysu leið..." á að vera "þúsund kílómetra frá leiðinni um Ísland..."