Árviss hitamet

Frá því loftslagsblekkingarnar hófust fyrir þrem áratugum hefur stöðugt verið dreift falsfréttum um "hitamet". Árvisst koma fréttir frá Evrópu um "hæsta hita sem mælst hefur" í hitabylgjum sem koma með vindi frá Sahara. Fjölmiðlarnir hafa síðan viðtöl við veðurfræðinga (þeir eru ekki loftslagsfræðingar) sem segja að metin séu vegna hlýnunar loftslags.

Hitametin eru yfirleitt mæld þar sem umhverfi mælanna hefur getað breyst með tíma og ekki verið kortlagt eða fylgst með vísindalega, mælarnir gefa þess vegna aðeins staðbundin, tímabundin gildi af veðurfari. Oft eru mælarnir innan um mannabyggð eins og í einni helstu "mann-mauraþúfu" heims, London, þar sem þéttbýlið hitar loftið. Næst-síðasta metið var frá Heathrow, einum umferðaþyngsta þotuvelli heims, síðasta frá helsta orustuþotuvelli Englands, Coningsby, þar sem þoturnar virka eins og tröllvaxnir gaslampar. Metið frá 2019 var frá skjólgóðum lundi á Lundúnasvæðinu. Nokkurra ára gamalt franskt hitamet var frá bílstæði með nýlögðu malbiki. Ástralskt hitamet var nálægt útblæstri kælikerfis stórrar byggingar.

Hitamet eru ómarktæk sem loftslagsmælingar nema vísindalega sé hægt að sanna að mælarnir hafi verið í óbreyttu umhverfi og aðstæðum í öld eða svo og án áhrifa sem geta breyst með tíma; trjágróðri, mannvirkjum, hitauppsprettum. Hitametin frá Evrópu sem okkar fjölmiðlar útvarpa eru yfirleitt loftslagi óviðkomandi, þau eru slembimælingar á veðrabrigðum sem loddarar nota til að reka áróður.

https://www.itv.com/news/calendar/2022-07-19/lincolnshire-registers-joint-hottest-ever-uk-temperature 

Athugasemdir

[Ómar Ragnarsson, 28.7.2022 kl. 00:19]

Mikið er nú gott að vita að til séu Íslendingar sem viti meira um veðurfræði eða meterolology en bæði veðurfræðingar og þeir Íslendingar sem þýddu alþjóðlega orðið yfir þau fræði lofthjúpsins sem veðurfræðin hefur hingað til verið talin fjalla um.  

Með svipaðri ályktunarsnilld er hægt að fullyrða að Sigurður Þórarinsson jarðfræðingur hafi verið mesti endemis fáráður í geology, af því að hann titlaði síg aldrei se jarðeðlisfræðing eða eldfjallafræðing. 

Sömuleiðis er frábær kenningin um það að þotur hafi bæði valdið hitanu á Heathrow og því að ein brautin bráðnaði.

Þetta er mjög í stíl við það þegar Trump upplýsti að gervöll vísindamannahjörð heimsins væru svo heimskir og frekir til falsana, að það þyrfti að reka þá alla og ráða í staðinn "Alvöru" vísindamenn.   

[Helga Kristjánsdóttir, 28.7.2022 kl. 01:03]

 Trump sá það og skóf ekki afþví,þótt vissi að þeir voru lærðir,en heimskan er að vera frekur til falsana; skyldi það gefa meira í aðra hönð?

[Þröstur (IP-tala skráð) 28.7.2022 kl. 14:50]

Það er auðvelt að átta sig á loftlagsvánni þegar maður eltir peningana sem er verið að dæla í græna orku drauginn.

Þetta byrjaði fyrir 30. árum en þetta hefur verið hræðsluáróður frá byrjun og er komið út í að vera svik og prettir hf.

Talið er að Green Energy Scheme potturinn hljóði upp á 150 trilljónir dollara. Það er því eftir miklu að sækja.

Íslenskir lífeyrissjóðir hafa lagt hátt í 700 milljarða í pottinn hvort þeir fá eitthvað til baka verður að koma í ljós en það verður ekki í fyrsta skipti sem þeir þurfa að afskrifa fé sjóðsfélaga í áhættufjárfestingar.