Vindrellur og rafeldsneyti

Gulli loftslagsráðherra (loftslagi óviðkomandi) telur vera hraða þróun í vindmyllum. Hann telur erfitt að ná "loftslagsmarkmiðum Íslands" nema með nýtingu vindokru (Mbl.13.7.2022). "Loftslagsmarkmið Íslands" eru tilskipanir frá þéttbýlum Evrópulöndum og hafa komið af stað lífskjarakreppu þar.

Þróun vindmylla hefur aðallega verið vaxandi kostnaður og tíðari lokanir, þær eru byggðar og reknar með fjáraustri frá skattgreiðendum og gefa dýrasta rafmagnið. Þær skemma umhverfi, landsfegurð og heilsu manna og dýra og særa fugla og eru léleg orkumannvirki.

Að framleiða rafeldsneyti með vindmyllum er ósjálfbært á báðum hæðum. Vindmyllurafmagnið er of dýrt og rafeldsneyti (rafgreiningarvetni) þarf tvöfalt meiri orku en það gefur af sér, það verður aldrei samkeppnishæft við jarðgasið.

Orkukerfi Íslands yrði fljótt að verða baggi á landsmönnum ef menn treysta á að ESB kaupi vetni til frambúðar á verði sem borgar framleiðslukostnaðinn (og landskemmdirnar). ESB stimplar jarðgas "grænt" þegar íbúarnir fara að krókna úr kulda (ath. að stimplanir ESB eiga ekkert skylt við verkfræði). Það er til ofgnótt af jarðgasi um alla Jörð, það er ódýrt og hagkvæmt. Nóg er til af kolum, notkun þeirra eykst nú í ESB.

Loftslagsmarkmið Íslands (Evrópusambandsins) hafa ekkert með loftslag að gera en eru ofurdýrar fátæktargildrur fyrir Íslendinga sem eru handhafar heimsmets í reyklausri orku. Vitfirringunni lýkur ekki fyrr en EES hefur verið aflétt.

https://www.frjalstland.is/2021/10/08/vindmyllur-og-orkukreppan/

Athugasemdir

[Loncexter, 17.7.2022 kl. 12:06]

Góð grein. Sumir fræðingar hafa tjáð mér að dýralífið muni stórbreytast við vindmyllur.

T.d muni vargdýrum fjölga sem gætu stórskaðað fjárstofn íslendinga.

Stjórnmálamenn skoða bara eina hlið á málinu, og helst þá hlið sem fjársterkir aðilar halda að þeim.

Þeir sem eiga sumarbústaði nálægt vindmyllugörðum munu fljótt selja þá. En hver mun kaupa þá ?