Bakari hengdur

Orkukreppa. Fæðukreppa. Lífskjarakreppa. Allt Rússunum að kenna segja falsfréttamiðlar og ráðamenn Vesturlanda og reyna að hengja bakarann, Rússland, og útskúfa heilli þjóð með stríðsæsingum, fölsunum og lygum. Kreppusmiðirnir eru leiðtogar Vesturlanda.

-Orkukreppan stafar af rangri pólitík í 2 áratugi: Höft á eldsneytisframleiðslu og offjárfesting í vindmyllum og sólarpanelum sem geta ekki uppfyllt þarfirnar og gefa of dýra orku. Rússar framleiða ríflega 10% af olíu og 17% af jarðgasi heimsins sem fjöldi framleiðenda gætu hlaupið í skarðið fyrir. Öfgafullar aðgerðir ESB og NATO hafa veitt eldsneytinu til Asíu svo Evrópulönd þurfa að kaupa dýrar og lengra að.

-Fæðukreppan stafar, auk orkukreppunnar, af viðskipabönnum á Rússland sem eru orðin að alsherjarárás (líklega komnar þúsundir af bönnum!). Rússland framleiðir um 11% af hveiti heimsins en ræður um 19% af heimsmarkaðnum þannig að höft NATO og ESB skrúfa upp verðið í Evrópu og valda skorti og jafnvel hungursneyð víðar. Úkraína framleiðir aðeins ríflega 3% og hefur því lítil áhrif þó leiðtogar Vesturlanda segi að skortur á Úkraínuhveiti valdi hungursneyð! Rússar eru ekki eins og NATO og ESB, þeir stöðva ekki útflutning frá Úkraínu, kornið getur farið um Svartahafshafnir (þegar Úkraínuherinn er búinn að fjarlægja sín tundurdufl), Mariupol, Dóná, Hvítarússland osfrv.

-Lífskjarakreppan í Evrópu er komin af of dýrri orku og viðskiptabönnum á Rússland á m.a. áburð, iðnvöru, matvöru. Hömlur á skipaflutninga stífla aðfangakerfin, höft á bankaviðskipti og þjónustu valda vandræðum.

Smiðir kreppunnar eru ESB- og NATO-lönd. Bakarinn, Rússland, fór með brauðið til Asíu.

https://www.frjalstland.is/2022/04/03/vaxandi-fataekt/

Athugasemdir

[Einar .S. Hálfdánarson (IP-tala skráð) 5.6.2022 kl. 00:46]

Það kemur fyrir að ég les skrif Friðriks Daníelssonar og vörn hans fyrir fasismann og stríðsglæpi Rússa. Á dómsins efsta degi fá Pútín, fyrirmynd hans, Dsjúgshvíli, og fylgjendur þeirra makleg málagjöld. Megi vist þeirra með Belsebúb verða við hæfi.

[Helga Kristjánsdóttir, 6.6.2022 kl. 11:29]

Fékk puttann eða gula spjaldið en kláraði mínar 2 línur,ekki merkilegri en svo að ég man þær ekki.Leiðilegt að geta ekki tjáð sig í friði í sinu frjáls landi,finnst vð verða að finna að þessum órétti. 

[Helga Kristjánsdóttir, 6.6.2022 kl. 11:31]

Næst þegar ég kíkti var það þurrkað út.