Geta stöðvað stríðið strax

Rússar setja þau helstu skilyrði fyrir að taka heim herliðið að Úkraína standi utan NATO og ESB og verði hlutlaus. NATO og ESB hafa því í hendi sér að stöðva drápin með einfaldri aðgerð: Yfirlýsingum um að Úkraína verði ekki tekin í NATO og ESB.

Landvinninga-og hernaðarstefna ESB og NATO standa í vegi fyrir friði í Úkraínu, NATO-lönd senda nú vopn til Úkraínu sem auka á og framlengja drápin, fullkomlega óábyrg framkoma.

Ef eitthvert frumkvæði væri í okkar mönnum ættu þeir að leggja til við "okkar bandamenn" í NATO og ESB að stríðið verði stöðvað án tafar, ekki með vopnum heldur fundum.

Bloggið skrifar Friðrik Daníelsson

Útþensla NATO og ESB örlagarík mistök

Athugasemdir

[Theódór Norðkvist, 9.3.2022 kl. 16:53]

Vilja Rússar ekki líka fara fram á að það verði bannað að halda með Manchester United í Úkraínu? Fyrst þeir eru að fara fram á að félagafrelsi verði afnumið.

Síðan gætu þeir lika farið fram á að bannað verði að ganga í Bowlingklúbbinn í Kiev, eða skákklúbba sem eru vinsamlegir Gary Kasparov.

Um að gera að láta að kröfum þeirra sem eru á móti félagafrelsi, félagafrelsi er auðvitað stórhættulegt heimsfriðnum. A.m.k. virðist það vera álit klúbba sem hafa orðið frelsi eða frjálst í nafni félagasamtaka sinna.