Vetnisdraumurinn

Draumurinn um að vetni verði orkumiðlari mannkyns er kominn að fótum fram. Hann rætist ekki. Ástæðan er að vetni er ómeðfærileg gastegund og lélegt eldsneyti (orkuinnihald um 3 en í jarðgasi 10 Wh/L). Bara raforkan til að framleiða "græna" vetnið kostar 5-10 sinum meira en jarðgasið. Það þýðir að sauðsvartur þarf að borga 10-20 falt jarðgasverð fyrir grænt vetni. https://www.frjalstland.is/2020/10/28/graent-vetni/

Orkukerfi ESB er að stirðna í "grænum orkugjöfum", fúafeni grænna skatta, grænna styrkja, losunarkvóta, losunarkredits. Jarðgasverðið stökk nýlega upp í ($12,5/MMBtu) 7-falt verðið í fyrrasumar þó það verði væntanlega ekki viðvarandi. En ESB ætlar að banna allt gott eldsneyti og niðurgreiða "grænt" vetni í staðinn, framleitt með vindmyllum og sólpanelum.  Fyrirtæki þaðan ætlar að framleiða vetni í Hvalfirði handa ESB með vindmyllum á Laxárdalsheiði og Múla, lélegum orkuverum sem framleiða dýra og stopula orku og spilla landsfegurð og umhverfi og drepa fugla.

Það er auðvitað ekki hægt að breyta okkar tækniþróaða hagkerfi í vetnishagkerfi með vindi nema einhverjir borgi fyrir skemmtunina. Það er vel líklegt að ESB geti látið lafhrædda skattgreiðendur og hlýðin fyrirtæki (og heimska Íslendinga) borga í einhvern tíma. En þegar sannleikurinn kemst í hámæli og orkuverðið, húskuldinn og fátæktin verða komin á það stig að lýðurinn hættir að trúa bábiljunum, og atvinnufyrirtækin verða farin, hrynur blekkingavefurinn. Eins og hjá Napóleon og Hitler. Þá er betra fyrir íslensk orkuver, sem nota fallvötn og jarðhita, að halda sig við að selja orkuna til einhvers sem vit er í. https://www.frjalstland.is/2021/08/27/hvernig-a-ad-nyta-islenska-raforku/

Athugasemdir

[Gunnar Heiðarsson, 1.9.2021 kl. 18:58]

Til að koma fólksbíl 500 km þarf um 20-25 lítra af bensíni, minna ef um dieselbíl er að ræða. Rafbíll þarf 70-80kw af rafmagni til að komast sömu vegalengd. Til að framleiða vetni til að koma þessum sama bíl þessa vegaengd þarf um 265kw af rafmagni. Það sér hver maður að dæmið gengur ekki upp.

Qair, erlenda fyrirtækið sem þykist ætla að vinna vetni á Grundartanga er með stórar áætlanir um vindmilluskóga á Íslandi. Grjótháls í Borgarfirði, Sólheimar á Laxárdalsheiði og Hróðnýjarstaðir fyrir ofan Búðardal eru komin undir þetta fyrirtæki. Auk þess er það með áform um byggingu vindmilluskógar á Hnotasteini á Melrakkasléttu og einnig að Grímstöðum í Meðallandi. Sjálfsagt er þetta fyrirtæki með fleiri vindorkuver í huga, en það sem að ofan er talið er eitthvað á annað hundruð vindmillna, með framleiðslugetu um 5mw hver. Talsmaður þessa fyrirtækis hér á landi er Tryggvi nokkur Herbertsson, sem við munum best eftir fá því fyrir hrun.

Auk þess vilja HIP-arnir í Bretlandi reisa hér eitthvað svakalegt vindmilluver við landsteinana. Þerra vindhani hér á landi er Ketill Sigurjónsson. Þar er reyndar fyrst og fremst horft til sæstrengs.

Viljayfirlýsing Qair er fyrst og fremst til að liðka fyrir leyfum til að byggja hér vindmyllur, af stærri skalanum. Eftir að það leyfi hefur fengist mun koma í ljós að flutningskostnaður vetnis sé svo mikill að ekki svari kostnaði að framleiða það hér á landi, að nauðsynlegt sé að fá streng til að geta framleitt vetnið nær notanda - erlendis.

[Grímur Kjartansson, 3.9.2021 kl. 09:54]

Viðreisnarþingmaður skrifaði grein um daginn um að virkja vindinn
OK en þessar vindmyllur eru gífurlega stór mannvirki og maður sér bara ekki fyrir sér að fólk sé tilbúið að hafa þær í bakgarðinum og benda má á að margir töldu galið að leggja eina rafmagnslínu yfir hálendið því af því væri svo mikil sjónmengun.
En það sem ber að varast mest og stóð í greininni er þessi tugga um að "ný tækni sé rétt handan við hornið" alltaf þegar ég heyri það þá klinkja viðvörunarbjöllur í hausnum hjá mér því þetta horn er alltaf óralangt í burtu í raunheimi.