Af verslunarhindrunum ESB

ENGIN FRÍVERSLUN HJÁ ESB.

Fríverslun er ekki til milli ESB og annarra landa. Þessi staðreynd er sjaldan uppi í umræðum um EES samninginn. Viðskipti ESB við önnur lönd byggist á tollamúrum og magnkvótum til verndar framleiðslu ESB landanna. Fríverslun er aðeins milli ríkja ESB, eins og nú sést berlega af fréttum af biðröðum og þungri skriffinnsku á vöruverslun milli Bretlands og ESB.

Það er sorglegt að sjá hvernig fríverslunarsamningur svokallaður, (EES samningurinn) hefur breyst í kröfu um að lög á Íslandi falli að algerri einsleitni tilskipanna ESB á sem flestum sviðum, þar sem hægt er að koma við orðum eins og "þjónustu", "neytendur" og "vöru" verður sjálfkrafa til að ESB tilskipun er tekin upp í íslensk lög. Íslensk yfirvöld reyna að fela þessa þróun með prósentureikningi og sjálfvirkri innleiðingu í íslenskt lagasafn utan aðkomu Alþingis.

Ísland er orðið fangi hugarfars miðstýringar ESB sovétsins sem verndar sig frá allri illsku frjálsrar verslunar með tolla, kvóta og tæknihindrunum. https://www.frjalstland.is/2018/01/23/afnam-verslunarhafta/

Athugasemdir

[Vagn (IP-tala skráð) 20.5.2021 kl. 23:05]

Ert þú fyrst að taka eftir því núna að ESB eru hagsmunasamtök ESB ríkjanna og tilgangur þess eingöngu að efla og styrkja ESB ríkin? Undrast þú að ríkin hafi stofnað, eða gengið í, ESB til að efla sína atvinnuveg og bæta sín lífskjör? Hélst þú að ESB ættu að vera hjálparsamtök sem aðstoðuðu og auðvelduðu þeim sem utan standa að efla atvinnu og stunda viðskipti?

ESB hefur enga ástæðu til að gera Bretum lífið auðveldara nema fá eitthvað bitastætt í staðinn. Bretar ákváðu sjálfir að betra væri fyrir þá að auka á skrifræðið, koma á eftirliti, semja um hverja viskíflösku og almennt gera viðskipti við ESB eins frjáls og auðveld, eftir sömu reglum og yfir sömu veggi og við öll önnur ríki. ESB þarf ekki að taka neitt tillit til Breskra atvinnuvega og lífskjara.

[Vagn (IP-tala skráð) 21.5.2021 kl. 09:30]

[Guðmundur Ásgeirsson, 21.5.2021 kl. 19:42]

Það þjónar engum málstað að fara rangt með grundvallar staðreyndir um hann, hvort sem afstaðan er með eða á móti.

"Það er sorglegt að sjá hvernig fríverslunarsamningur svokallaður"

EES-samningurinn er og hefur alltaf verið miklu meira en bara fríverslunarsamningur. Til að koma þeirri fríverslun á felur hann í sér sjálfstætt réttarkerfi sem er sérstaks eðlis og gengur út á að samræma leikreglur innri markaðarins. Til að framfylgja þeim reglum var komið á fót sérstakri eftirlitsstofnun og dómstól.

"(EES samningurinn) hefur breyst í kröfu um að lög á Íslandi falli að algerri einsleitni tilskipanna ESB"

Hér þarf tvennt að leiðrétta. Í fyrsta lagi er þetta ekkert sem er nýtilkomið. EES samningurinn hefur ekki "breyst" í kröfu um innleiðingu tilskipana á þeim sviðum sem hann nær til heldur hefur hann verið þannig frá upphafi. Í öðru lagi er ekki og hefur aldrei verið fortakslaus krafa um "algjöra einsleitni" heldur er það mismunandi eftir einstökum tilskipunum hvort þær kveði á um fulla samræmingu eða einungis lágmarkssamræmingu.

"sjálfvirkri innleiðingu í íslenskt lagasafn utan aðkomu Alþingis"

Alþingi fer með löggjafarvald á Íslandi og ekkert verður innleitt í íslenskt lagasafn án aðkomu þess, né heldur sjálfkrafa.