Lokað

ESB ræður hverjir koma til Íslands og hverjir fara. Einn vitlausasti samningur sem Ísland hefur gert er Schengensamningurinn, viðhengi við EES og fleiri valdatæki ESB. Schengen lokaði Íslandi fyrir umheiminum utan EES/ESB. Íslensk stjórnvöld geta ekki opnað fyrir smitlausa ferðamenn frá helstu ferðamannalöndum Íslands, Bandaríkjunum og Bretlandi, ráðherraráð ESB bannar það (Mbl.15.3.21).

Eitt ferðaár í viðbót þarf því að verða ónýtt hjá ferðaþjónustunni, fleiri verða að fara í þrot á Íslandi vegna ESB. Okkar hugsandi nágrannar, Bretar, Írar, Færeyingar og Grænlendingar halda sig fyrir utan Schengen. Það er nú komin full ástæða fyrir Ísland að ganga í lið með þeim og segja Ísland úr Schengen áður meiri skaði skeður.

Athugasemdir

[Helga Kristjánsdóttir, 16.3.2021 kl. 01:11]

 Kjósa rétt og við fljúgum út úr þessu okkur ónýta esb

[Vagn (IP-tala skráð) 16.3.2021 kl. 12:33]

Þar sem ríkisstjórnin hefur ákveðið að taka gild bólusetningarvottorð og opna fyrir ferðamenn frá löndum utan Schengen er ljóst að takmarkanirnar við lanmdamærin koma Schengen ekkert við. Þær eru frá okkur komnar og tengjast sennilega þessari farsótt sem er að ganga og smitvörnum okkar frekar en Schengen eða ESB.

Það er auðvelt að vera á móti þegar maður veit lítið en heldur mikið.

[Guðmundur Ásgeirsson, 16.3.2021 kl. 13:35]

Mega sýna vottorð úr eigin landi

„Við heil­brigðisráðherra lögðum báðar til að breyta okk­ar reglu­gerðum sem varða viður­kenn­ingu vott­orða utan Schengen. Ég mun einnig breyta því að bann við til­efn­is­laus­um ferðum yfir landa­mæri frá lönd­um utan Schengen gildi ekki fyr­ir þá sem eru bólu­sett­ir eða með mót­efni.“

[Frjálst land, 16.3.2021 kl. 13:46]

Vagn: Ýmislegt í fréttum um málið: " Tveir af stærstu mörkuðum Íslands und­an­far­in ár hafa verið Banda­rík­in og Bret­land, en vott­orð frá þess­um lönd­um eru ekki tek­in gild hér á landi eins og staðan er núna. Er það gert sam­kvæmt til­mæl­um ráðherr­aráðs Evr­ópu­sam­bands­ins.

Frétt af mbl.is

Ekki all­ir bólu­sett­ir vel­komn­ir

Í fyrra var í skoðun hér á landi að opna landa­mær­in fyr­ir ferðamönn­um utan Schengen-svæðis­ins. Ekk­ert varð úr því eft­ir að ráðherr­aráðið tók nei­kvætt í hug­mynd­ir Íslands og sagði Jó­hann­es Þór Skúla­son, fram­kvæmda­stjóri Sam­taka ferðaþjón­ust­unn­ar, í Morg­un­blaðinu í morg­un að ólík­legt væri að ís­lensk stjórn­völd færu aðra leið í ár."

Um að gera að fylgjast með fréttum. ;-)

[Guðmundur Ásgeirsson, 16.3.2021 kl. 13:54]

Já um að gera að fylgjast með fréttum. Sú nýjasta er að í morgun ákvað ríkisstjórnin að heimila komu ferðamanna frá löndum utan Schengen gegn framvísun bólusetningarvottorðs.

Það er aftur á móti til lítils gagns að fylgjast bara með gömlum fréttum sem innihalda úreltar upplýsingar.

[Vagn (IP-tala skráð) 16.3.2021 kl. 17:26]

Tilmæli eru ekki reglur. ESB, eins og öðrum, er frjálst að koma með tilmæli, tillögur, óskir og ráðleggingar. Og ef þú telur þig ekki njóta fullveldis þegar þér er bent á valkost sem virðist bestur og þú ákveður að nota þá er fullveldi þitt frekar lítilfjörlegt og heilastarfsemi vart mælanleg.