Að moka ofan í skurði er aðalmálið.

Í tilefni þess að nú hellist yfir landsmenn auglýsingar frá Votlendissjóði skreyttar þekktum listamönnum er rétt að benda fólki á að hér er áróður sem byggist ekki á óyggjandi vísindum. 

Í loftlagsáætlun Íslands er samkvæmt skýrslu Hagfræðistofnunar 2017 um Ísland og loftslagsmál er áætlað að um 16 millj. tonna CO2 sé heildarlosun Íslands og um 11,7 milljónir tonn af því komi frá framræstu votlendi eða 73% af heildarlosunar Íslands. Í nýjasta svari Umhverfisráðuneytisins er sé tala komin niður í 8,6 millj. tonna Co2 ígilda.

Síðan þá hafa ýmsar tölur um umfang skurða, lengd og flatarmál verið gagnrýndar af sérfræðingum, m.a. að flatarmál þeirra sé í mesta lagi 40% af opinberum tölum og mikið ofmat sé frá losun þess svæðis sem þurrkað var með skurðunum. Einnig hefur verið gagnrýnt að losunartölur pr. flatarmál eru mjög óáreiðanlegar.

"Í meistararitgerð Gunnhildar Evu Gunnarsdóttur við Háskóla Íslands frá 2017 var reynt að meta losun kolefnis í þurrkuðum mýrum. Niðurstöður hennar benda til að losun sé mest fyrstu árin en sé síðan hlutlaus að 50 árum liðnum. Það er ekki í samræmi við þær viðmiðunartölur sem yfirvöld á Íslandi styðjast við í sínum aðgerðaráætlunum. Það þýðir væntanlega að losunartölur geti verið stórlega ýktar og mokstur í stærstan hluta skurða á Íslandi kunni því að þjóna litlum sem engum tilgangi. Jarðraskið sem af því hlýst gæti hins vegar allt eins leitt til aukinnar losunar."

"Þá hafa bæði dr. Þorsteinn Guðmundsson, þá prófessor í jarðvegsfræði við Landbúnaðarháskóla Íslands, og dr. Guðni Þorvaldsson, prófessor í jarðrækt við LbhÍ, bent á í Bændablaðinu mikla óvissu varðandi fullyrðingar um stærð mýra og losun."

https://www.bbl.is/frettir/frettaskyring/fullyrdingar-byggdar-a-agiskunum-en-ekki-visindalegum-gognum

Þetta þýðir að það sem hefur verið kynnt sem CO2 útblástur Íslands er kolrangur og alltof mikill og furðulegt að stjórnvöld skuli hafa sett þau fram án tillits til þessarar gagnrýni. Þetta leiðir af sér kostnaðarsamar aðgerðir ríkisins til að ná niður ímynduðum útblæstri Íslands.

Allt þetta mál virðist vera byggt á æðibunugangi sem ekki má gagnrýna því annars rísa um tilfinningaræður en ekki vísindaleg rök.

 

https://www.bbl.is/frettir/fraedsluhornid/hugleidingar-um-losun-og-bindingu-kolefnis-i-votlendi

https://www.bbl.is/frettir/fraedsluhornid/meira-um-losun-grodurhusalofttegunda-ur-votlendi

Athugasemdir

[Gunnar Heiðarsson, 3.2.2021 kl. 00:50]

Fyrir það fyrsta er gert ráð fyrir að áhrifasvæði skurðar nái um 70 metra til beggja hliða. Ekkert er spáð í dýpt skurðarins í því sambandi, einungis loftmyndir. Verra er þó að sjaldan er einn skurður grafinn í mýri. Yfirleitt voru grafnir nokkrir skurðir, með 40 - 50 metra millibili. Þannig að útilokað er að áhrifasvæði þeirra skurða getur aldrei orðið meira en 20 - 25 metrar í hvora átt.

Í öðru lagi var að mestu hætt að framræsa mýrar, í því magni sem áður var, fyrir rúmum 40 árum síðan. Þeir skurðir sem ekki hefur verið við haldið síðan þá, eru flestir orðnir hálffullir og grónir. Áhrif þeirra því orðin lítil sem engin á þurrkun svæðanna. Undir þá skurði falla flestir þeir sem teknir hafa verið undir svokallaða endurheimt votlendis. Hinir sem hefur verið viðhaldið eru flestir eða allir innan ræktarlanda. Þá hefur maður séð stolta menn hreykja sér fyrir að moka ofaní skurði í snarbröttu landi, jafnvel skriðum og fá greitt fyrir.

Í þriðja lagi er ekkert tillit tekið til þess að þurrt land gefur af sér mun meiri grassprettu en votlendi. Þéttari grasvöxtur gefur jú af sér aukna framleiðslu súefnis.

Í fjórða lagi má fullyrða að mokstur ofaní gamla skurði sem eru orðnir hlutlausir í losun co2, veki upp aftur slíka losun. Slík framkvæmd verður ekki gerð nema með rofi á grónum jarðvegi og eftir stendur opinn svörður.

Í fimmta lagi þá er ljóst að votlendi losar mun meira af metani í andrúmsloftið en þurrkað land. Losun metans er talin 20% hættulegri en losun co2.

Í sjötta lagi þá er notast við erlendar rannsóknir á losun co2 úr jarðvegi. Jarðvegur hér á landi er mun steinefnaríkari en erlendis, vegna eldgosa og að auki er þykkt jarðvegsþekju hér á landi í flestum tilfellum margfalt minni en erlendis. Sjálfur vann ég við skurðgröft undir lok þess tíma er mest gekk á í þeim efnum. Í flestum tilfellum var gert ráð fyrir að dýpt skurða væri 2.2 metrar. Oftar en ekki náðist ekki sú dýpt og sjaldan sem mór náði til botns skurða. 

Í sjöunda lagi er verið að meta losun hér álandi af þurrkun mýra, mjög mikla án rannsókna. Eins og bent er á í greininni er það hættulegt. Verið er að viðurkenna glæp sem ekki hefur verið framinn. Þeim glæp þurfum við að standa skil fyrir alþjóðlegum stofnunum. Þó þær stofnanir taki gilda slíka viðurkenningu, er lausn okkar, þ.e. að endurheimta votlendið, ekki gjaldgeng fyrir glæpnum.

Það er í hæsta máta undarlegt að einstaklingar og fyrirtæki, að ekki sé talað um þá sem höndla með sameiginlegan sjóð þjóðarinnar, skuli láta hafa sig að fíflum í þessu máli. Og þó kannski ekki, allir vilja jú vera "memm", ekki satt. Þeir sem voga sér að andmæla eru settir út í horn og jafnvel mætustu menn kyngja ælunni og mæla þessari vitleysu bót. Í sumum tilfellum eiga menn ekki annarra kosta völ!

[Frjálst land, 3.2.2021 kl. 17:38]

Gunnar Heiðarsson, sannarlega eru öll sjö atriðin þín sönn. Það vantar mikið á að þessir þættir hafi verið skoðaðir nægilega og fyrir bragðið eru er um 5 millj. tonna CO2 losun Íslands tilbúningur, og það sett fram af ríkinu!! Þetta sýnir frumbuganginn í þessu máli og stjórnvöldum til vansa.