Bitvargurinn þarf fleiri mýravilpur

Hamfarahlýnun ESB er greinileg. Sjórinn er að kólna, þorskstofninn að minnka, loðnan horfin, hafísinn nálgast, stórhríðar og kal í túnum. Klakinu hjá mýflugunum seinkar en það stendur til bóta því ESB fyrirskipar umhverfisráðherra að minnka losun gróðurhúsalofttegunda frá landbúnaði með því að moka ofan í skurði og fjölga mýravilpum. Bitvargurinn fær þá fleiri klakstaði og betri aðstöðu í sveitinni. https://www.frjalstland.is/2020/06/19/endurheimt-votlendis-illa-rokstudd/

Athugasemdir

[Gunnar Heiðarsson, 21.6.2020 kl. 19:07]

Ég sé því svo sem ekkert til foráttu að greitt sé fyrir endurheimt votlendis. Ef markmiðið með því er að minnka gróðurhúsalofttegundir í andrúmslofti verða þær greiðslur auðvitað að vera árangurstengdar. Að mælt sé hver slepping hinna ýmsu efna er úr jörðinni og geta gróðurþekju til að umbreyta CO2 yfir í O, á viðkomandi stað, áður en endurheimt er framkvæmd. Síðan verði mælt á sama stað einhverjum árum eftir endurheimt og greitt samkvæmt árangri.

Það er vitað að gróðurþekja þurrkaðs lands er mun betri en gróðurþekja votlendis og því ljóst að taka verður með í reikninginn þann þátt.