Sóttvarnalæknir með ruslvísindi?

Okkar sóttvarnalæknir virðist ætla að afsaka vaxandi offjölgunarþrýsting og fólksinnflutning úr hitabeltinu með að fátæklingar þaðan flýi hingað undan hlýnandi loftslagi! (Mbl 26.1.2020) Það er að vísu rétt að loftslag á Íslandi er svalt og hefur ekki hlýnað í 8 áratugi. En það sama gildir um lönd þar sem áreiðanlegar mælingar eru til: Loftslag á Jörðinni er ekki að hlýna svo sannað sé, áróðurinn um hlýnun loftslags er sprottinn úr valdagræðgi og fjárplógstilraunum og byggður á undirmálsvísindum

Loftslagsvísindi hrjáð af fölsunum

Það er alvörumál ef okkar æðstu embættismenn byggja á undirmálsvísindum. Þeim er þó viss vorkunn því stofnanir Sameinuðu þjóðanna (IPCC, UNEP, WMO, WHO) og ESB-báknið eru hlutaðeigendur.

Vísindafélag Ísladns leggur nú til að meira fé verði varið í grunnrannsóknir. Íslendingar eiga meira undir loftslagi en flestir. Með reynsluna af vísindafölsunum síðustu áratuga er sýnt að Íslendingar þurfa að afla meiri eigin þekkingar á loftslagsvísindum og leggja fé í það.

Athugasemdir

[Þorsteinn Sch Thorsteinsson, 27.1.2020 kl. 17:28]

Heil og sæl,

Þessu sóttvaranalækni er ekki treystandi :

"Þórólfur Guðnason, yfirlæknir sóttvarnasviðs hjá Landlæknisembættinu, segir landsmenn ekki eiga að þurfa að óttast alvarlegar hliðarverkanir af bóluefni við svínaflensunni."(Pressan 14 okt. 2009) .

“..sóttvarnarlæknir fullyrðir að efnið sé öruggt…” (Vísir 06. sep. 2009), “..bóluefnið sem notað er hér á landi uppfyllir alla staðla um öryggi.” (Fréttablaðið 21. des 2009) og “..bóluefnið er mjög öruggt..” (DV 4 nóv 2009).

Í pressunni sunnudaginn þann 8. febrúar 2011 undir fyrirsögninni "Sóttvarnalæknir andmælir: Ekki sýnt fram á tengsl svefnsýki og svínaflensusprautu hér á landi", en þar kemur það frá embættinu, eða:"..vill árétta að þessi tengsl hafa einungis sést í Finnlandi en hafa ekki sést hér á landi, né heldur í Svíþjóð, Noregi eða Danmörku eða annars staðar".

Þegar í ágúst 2010 var vitað um tilfelli í Svíþjóð : "In Aug 2010, following media attention in Sweden and Finland associating the pandemic vaccine Pandemrix with new onset narcolepsy, a review was initiated at the request of the European Commission under Article 20 of Regulation (EC) No 726/2004, on 27 August 2010" .

Nú og talandi um svefntruflanir, þá var frá 26. maí 2011 að telja búið að skrá inn á Eudravigilance gagnagrunninum alls 281 tilfelli drómasýki (e. narcolepsy) og af þeim voru 185 tilfelli er komu upp í Svíþjóð og Finnlandi, og hin 96 drómasýkistilfellin höfðu verið skráð sem hér segir: 31 tilfelli í Frakklandi, 17 í Noregi, 26 í Þýskalandi, 3 í Swiss, 4 í Hollandi, 1 í Portúgal og 3 á Bretlandi eftir bólusetningar með Pandemrix bóluefninu.

En hér á landi var Embætti landlæknis ennþá að mæla með bólusetningu í Fréttablaðinu þann 27. desember 2011 og með þeim fullyrðingum, að “í Finnlandi og Svíþjóð tengdist bólusetning með Pandemrix drómasýki hjá ungu fólki. Þessi tengsl hafa hins vegar ekki sést í öðrum löndum þrátt fyrir milljónir bólusetninga ..”.

Þessi ósannindi eru lýsandi dæmi yfir það hvernig Embætti landlæknis ýmist fylgist illa með og/eða er bara í því að ljúga og reyna halda upplýsingum frá almenningi með ósannindum, eða þar sem að vitað var alls frá 26. maí 2011 um allt að 281 tilfelli drómasýki (e. narcolepsy), svo og í öðrum löndum en Finnlandi og Svíþjóð.

KV.