OECD kemur með óráð

Oft koma spekingar (með titla) í heimsókn og gefa landsmönnum ráð. Oftast eru ráðin byggð á lítilli þekkingu á aðstæðum hér og ónothæf þó okkar áhrifamenn gleypi oft við þeim. OECD er ein af spekingastofnununum, góðra gjalda verð að ýmsu leyti en hefur lítið vit á Íslandi. Nú kom spekingur þaðan og sagði að ríkið ætti að selja bankana. Það gleymdist að láta hann vita að það hefur þegar verið gert. En þeir komu aftur í fangið á ríkinu eins og við mátti búast.

OECD vildi láta Ísland taka upp evru og ganga í Evrópusambandið fyrir 10 árum. Þeir vissu ekki að þjóðargjaldmiðill er Íslandi nauðsyn. Aðild að ESB er eins og allir ættu að vita núorðið ekki óskastaða neins og þyrfti að láta OECD vita af því.

https://www.mbl.is/vidskipti/frettir/2009/09/02/island_taki_upp_evru/

Athugasemdir

[Tryggvi L. Skjaldarson, 17.9.2019 kl. 05:40]

 Hver er ávinningurinn af því að ganga úr EES?

Er gott að stöðva frjálst flæði á fólki, og við þyrftum að sækja um vegabréfsáritun í hvert sinn sem við förum úr landi?

Er gott að stöðva frjálst flæði fjármuna og torvelda möguleika á fjárfestingum í ES?

Er gott að stórauka kostnað hjá ungum íslendingum að stunda nám í ES, ef þeir fá þá yfirleitt aðgang að námi?

Er gott að koma í veg fyrir að íslendingar hafi frjálsan aðgang að vinnumarkaði í ES?

Og hver er ávinningur almennings af því að hafa íslensku krónuna?

Það vita allir sem vilja vita að uppgangur Íslandi eftir hrun er fyrst og fremst ferðamönnum og makríl að þakka, en ekki krónunni og sér íslenskri fjármála snilld.