Græða neytendur á markaðsvæðingu orkugeirans? Spurning ráðuneytis.

Græða neytendur á markaðsvæðingu orkugeirans? 

Þetta er ein af 18 spurningum (og svörum) "Atvinnuvega og Nýsköpunarráðuneytisins" og er ætlað að svara einhverju um 3 orkupakka ESB sem ráðuneytið vill samþykkja. Í svari þeirra sjálfra kemur fram:

"...Raforkuverð (söluhlutinn) lækkaði þegar ákvæði raforkulaga frá 2003 um samkeppni og frjálst val neytenda tóku að fullu gildi..."

Þetta er ein fullyrðing ráðuneytisins sem borin er á borð fyrir almenning, en hverjar eru staðreyndir málsins? 

Það má tiltaka margar aðrar tilvitnanir en eru hér að neðan um hækkanir langt um fram verðlag í landinu frá því að "orkupakkar 1 og 2 tóku gildi. Ráðuneytið er með hreinan áróður sem sæmir ekki stjórnvaldi. 

 

 

Athugasemdir

[Gunnar Heiðarsson, 24.11.2018 kl. 08:36]

Auðvitað hækkaði verð á raforku við þessa breytingu, annað gat ekki skeð. Sem dæmi, þegar OR var skipt upp í fleiri fyrirtæki, þ.e. framleiðslu, flutning og sölu auk móðurfélagsins, gerðist í raun lítið annað en að nú voru komnar fjórar stjórnir yfir það sem ein stjórn sinnti áður, með tilheyrandi kostnaði. Forstjóri OR gerði sjálfan sig að stjórnarformanni hinna fyrirtækjanna og hækkaði þannig laun sín um nærri helming. Þetta gerðist meðan laun almennra starfsmanna þessara fyrirtækja voru lækkuð til að mæta slæmri stöðu þeirra.

Þessi fullyrðing, eins og aðrar í þessari tilkynningu ráðuneytisins, er því auðvitað út í hött, eins og reyndar svörin við öðrum spurningum þar. Þegar þetta er skoðað nánar, sést einnig að þarna er allt fullt af fullyrðingum, en lítið af staðreyndum. Heimilda er vart getið og það litla sem vísað er til, er annað hvort skrif þeirra sem tilkynninguna rita, eða vísanir í skrif þeirra sem mest hafa barist fyrir lagningu strengsins.

Tilgangur orkuskipunar 2 var fyrst og fremst að skerpa á samkeppni með sölu orkunnar og það má segja að innan Evrópu sé það sjónarmið gott og gilt. Hér á landi, þar sem einungis um 330.000 hræður búa á tiltölulega stóru svæði, er fásinna að halda fram að einhver samkeppni geti ríkt í orkusölu. Orkupakki 3 á síðan að tryggja frjálst flæði orkunnar, sem í sjálfu sér er rökrétt eftir að samkeppni hefur verið tryggð. Það sama gildir þar, það hentar okkur ekki á neinn hátt, enda eigum við að sjá til þess að virðisauki orkunnar verði til í okkar landi, ekki flytja hann burtu.

Þá þarf ekki mikla snillinga til að átta sig á að 330.000 markaður má sín lítils meðal 500.000.000 manna samfélags.

Svo er auðvitað hitt, að spurning ráðuneytisins er auðvitað röng. Átti við þegar orkupakki 2 lá fyrir. Nú á auðvitað að spyrja hvort neytendur á Íslandi hagnist af tengingu raforkukerfis okkar við útlönd. Um það snýst málið með orkupakka 3. Á pappírum höfum við þegar markaðsvætt okkar orkumarkað, gerðum það með orkupakka 2. 

[Bjarni Jónsson, 24.11.2018 kl. 13:35]

Þessar spurningar og svör ráðuneytisins eru hneyksli og bera vott um fávizku starfsmanna um orkumál og ríkari vilja til að veifa röngu tré en öngu.