Ábyrgur leiðtogi

Donald Trump var kosinn forseti Bandaríkjanna í annað sinn í gær. Ábyrgur leiðtogi kemst þarmeð aftur til valda eftir fjögurra ára eyðimerkurgöngu embættisins undir mistakaforsetanum Biden og félaga hans. Okkar öflugu nágrannar og bandamenn sýna enn einu sinni sinn mikla endurnýjunarmátt, senda vanhæft lið heim og setja nýja menn í verkin.

En hernaðarbáknið og kratahluti áhrifamanna í Bandaríkjunum eru nú á barmi hjartaáfalls. Trump ætlar að stöðva skuldasöfnun alríkisins sem stafar af taumlausri eyðslu í heriðnarbáknið. Þar eru óskammfeilnir aðilar sem vilja láta skattgreiðendur og alríkissjóðinn halda áfram að borga fyrir vopnaframleiðsluna og hernaðinn í útlöndum. Og safna skuldum. Þeir munu áfram reyna að stöðva Trump. Þegar hefur tvisvar verið reynt að myrða hann.

Miklar vonir eru bundnar við Trump. Hann er ekki lyginn og svikull eins og venjulegur stjórnmálamaður heldur hefur staðið við orð sín. Hann vill stöðva manndrápin í Úkraínu og Palestínu. Mögulega tekst honum að leysa NATO upp og kalla fjölmörg setulið Bandaríkjanna heim og stöðva vegferð NATO og ESB að Þriðju Heimsstyrjöldinni. https://www.frjalstland.is/2022/08/19/island-tekid-i-strid/

Hann getur vonandi stöðvað loftslagssvindlið og gert orkuna ódýrari. Hann ætlar að stöðva þróunarlandamannaflóðið til landsins. Hann ætlar að efla efnahag og velsæld landsins og endurvekja tækifærin og ameríska drauminn.

Falsfréttamiðlar Vesturlanda (85% bandarískra og fjöldi vesturevrópskra) eru í áfalli, þeirra lygar um Trump hafa nú slegið þá til baka.  Á RÚV í nótt mætti háskólakona til að ræða kosningarnar vestra en sagðist hafa meiri áhyggjur af norður-kóreskum hermönnum í Úkraínu! (þeir eru sagðir 10 þúsund sem er óstaðfest en tugir þúsunda Vesturlandahermanna hafa tekið þátt og taka þátt í hernaði i Úkraínuleppstjórnarinnar gegn Rússlandi). Ríkisfréttamiðlar í V-Evrópu, s.s. BBC, DR, RÚV  hafa smíðað þéttan lygavef um Trump og skjóta áróðrinum inn í "fréttaflutninginn" í tíma og ótíma. RÚV mun ekki hætta slíku athæfi fyrr en stofnunin hefur verið gerð sjálfstæð og hlutlaus, eins og alltaf var meiningin, og fengin ábyrga stjórnendur.