Vaxandi fátækt

Stopul og dýr "græn" orka er nú á boðstólum í ESB og Bretlandi. Gasið verður bara dýrara en samt ætla leiðtogarnir að banna hagkvæmt gas frá Rússlandi. Nú er nefnilega hægt að kenna Rússunum um orkukreppuna þó ástæðan sé hin vitfirrta stefna ESB og Bretlands í "loftslagsmálum".

 

https://www.frjalstland.is/2022/04/03/vaxandi-fataekt/

 

 

Hervæðing á ný

Gömlu stríðsveldin í Evrópu, sem hafa drepið milljónir Rússa annað slagið á siðustu öldum, hafa nú fengið kærkomna afsökun fyrir að hervæðast á ný. Þau segja hættu á að Rússar ráðist á V-Evrópulönd! Gamla kaldastríðslumman sem ekkert var á bak við.

Rússar hafa aldrei sýnt áhuga á að ráðast á V-Evrópulönd að fyrra bragði þó þeir hafi rekið drápssveitir stríðsvelda V-Evrópu til baka þegar þær hafa birst á þeirra skika.

ESB-lönd ætla að stórauka hernaðarframlög. Frakkar ætla að auka framlögin og Þjóðverjar ætla að tvöfalda, eyða 112 milljörðum dollara á þessu ári (Rússar eyða um 67 milljörðum dollara á ári).

Við þessar fréttir er erfitt að verjast minningum um frásagnirnar af Rússlandsheimsóknum evrópsku stríðsveldanna 1812 of 1941. Og mestu manndrápum mannkynssögunnar.

Noregur, sem er í EES, er orðinn aðili að ESB-hernaðarsamstarfinu (EU Defence Fund, EDF) ætlar líka að eyða meir í hernaðarbrölt. Hættan vex að Ísland, "vopnlausa landið", dragist með í vopnaskak gömlu stríðsveldanna vegna EES-samningsins.

https://breakingdefense.com/2022/03/seven-european-nations-have-increased-defense-budgets-in-one-month-who-will-be-next/

bloggið skrifar Friðrik Daníelsson

Rússagrýlan til bjargar

Leiðtogar ESB og NATO halda fundi í Brussel til þess að samþykkja að Rússar hafi gert "tilefnislausa" árás á Úkraínu og hvernig eigi að egna þá til áframhaldandi bardaga svo vopnaframleiðendur fái gróðann sinn. Samþykkt var að senda leppstjórninni í Kænugarði nóg af vopnum.

NATO hefur verið notað til tilefnislausra árása (Libía, Írak, Sýrland, Serbía) en leiðtogarnir þora ekki í Rússa þó mikil hætta sé á að einhverjir aular í NÝNATO-löndum komist í vopnahreiður NATO og komi af stað styrjöld.

Fundir í Brussel snúast ekki um raunveruleg vandamál sem eru orkukreppa, lífskjararýrnun og innanlandsóeirðir. Leiðtogarnir eru margir frá einhverjum minnihlutaflokkum í gíslingu trúarsöfnuða eða falsfréttafjölmiðla, elliærir kratar eða valdir með aðferðum sem þola ekki dagsljósið. Þeir hafa spillt orkukerfi og iðnaði sinna landa, reist óhagkvæm orkuver, lokað hagkvæmum og sett höft á eldsneyti.

En einmitt um þessar mundir eru íbúar í löndum NATO og ESB að uppgötva í vaxandi mæli að þeir hafa verið hafðir að fíflum.

Rússagrýlan kemur ráðamönnum NATO og ESB til hjálpar. Þeir geta nú, vegna "tilefnislausrar" árásar Rússa á Úkraínu, frestað að svara fyrir sín mistök fram yfir næstu kosningar og kennt Rússum um hækkandi orkuverð og versnandi lífskjör þó þeir sjálfir hafi sett bann á kaup orkugjafa frá Rússlandi! Og rústað orkukerfi sinna heimalanda!

https://www.frjalstland.is/2022/03/07/utthensla-nato-og-esb-orlagarik-mistok/

bloggið skrifar Friðrik Daníelsson

ESB-strengjabrúður í fjármálaþjónustu

Þeim sem muna hvernig faðmur ESB-regluverksins reyndist íslensku fjármálafyrirtækjunum (þegar brown darling setti þau í þrot kl 10:00, 8.10.2008) rennur nú kallt vatn milli skinns og hörunds við að heyra nýjustu kröfur erindreka ESB/EES um að Ísland "sinni sínum skyldum" og hlýði ESB-tilskipunum um fjármálaþjónustu.

Það er ESA, eftirlitsskrifstofan með hlýðni við EES-samninginn, sem hótar nú að vísa "töfum" á innleiðingu 37 tilskipana frá ESB til dómstóls EES, EFTA-dómstólsins. Nafngiftin er í samræmi við lygahefð ESB: "Dómstóllinn" hefur ekki lögsögu í EFTA og reyndar þaðan af síður á Íslandi nema að því marki sem íslenskar undirlægjur vilja láta "ráðgefandi álit" eða aðrar orðsendingar hans gilda hér.

"Frestir Íslands til að tryggja að gerðirnar yrðu hluti íslensks réttar runnu út 3. desember 2019, 1. janúar 2020 og 7. febrúar 2020". https://www.mbl.is/frettir/innlent/2022/03/23/thremur_malum_gegn_islandi_visad_til_efta_domstolsi/

Það er líklega best að leyfa  ESA og "EFTA-dómstólnum", sem dæmir eingöngu eftir lögum frá ESB, að halda áfram að þusa og vona að okkar menn standi í lappirnar.

https://www.frjalstland.is/2018/05/10/esb-dylur-ekki-lengur-asoknina-i-vold-yrir-fjarmalageirunum/

Landvinningar ESB

ESB hélt að búið væri að klófesta Úkraínu í nóvember 2013 en þá ákvað lýðræðislega kjörin stjórn landsins að hafna ESB-aðild. Þá birtust "fjárfestar" og NGO frá ESB- og NATO-löndum og Obama/Biden-stjórnin og fjármögnuðu götubardaga í Kænugarði sem úkraínskir öfgamenn sáu um. Lögleg stjórn var flæmd frá og leppar ESB- og NATO-landa, úr öfgasöfnuðunum, settir í valdastólana (vorið 2014). Þeir og arftakar þeirra hafa með öðrum voðaverkum rekið hernað gegn eigin þegnum https://rumble.com/vw7ykf-ukraine-on-fire-oliver-stone-2016.html

Úkraínustjórn er búin að missa grímuna og afnema fjölmiðlafrelsi og banna stjórnarandstöðuflokka. Fréttir þeirra af voðaverkum Rússa halda áfram að vaða uppi í falsfréttafjölmiðlum hér, sjúkrahús, leikhús og verslunarmiðstöðvar sýndar sprengdar, voru í raun ónotaðar byggingar teknar undir hernaðarhreiður leppstjórnarinnar.

Lærdómurinn sem EES/ESB-sleikjur hér draga af Úkraínustríðinu er að Ísland verði að ganga í ESB. Lærdómurinn sem svinnir menn draga er að með blindri valdagræðgi og landvinningastefnu er ESB nú orðið orsök umbrota og blóðsúthellinga og vegna EES- tilskipanavalds þess hér orðið ógn við öryggi íslensku þjóðarinnar.

https://www.frjalstland.is/2022/03/07/utthensla-nato-og-esb-orlagarik-mistok/

þetta blog skrifar Friðrik Daníelsson

Hamfarahlýnunin

er allstaðar nema hér, við húkum í kulda og snjó og finnum ekki hlýnunina. En hamfarahlýnunin er mikil í fjölmiðlunum, í hugarórum stjórnmálamanna, hjá  "vísindamönnum" og óvitum.

https://www.frjalstland.is/2022/03/20/dyrkeyptar-rangfaerslur-um-loftslag/

Hjálpargögn voru vopn

"Hjálpargögn til Úkraínu voru vopn - mannúðaraðstoðin reyndist vera til að kynda stríð í Úkraínu - við mótmælum harðlega þessari fölsun" segja flugvallarstarfsmenn á Ítalíu sem neituðu að hlaða flugvélina. https://www.usb.it/leggi-notizia/dallaeroporto-di-pisa-armi-allucraina-mascherate-da-aiuti-umanitari-i-lavoratori-rifiutano-di-caricare-gli-aerei-sabato-19-manifestazione-usb-al-galilei-2017-1.html

https://global.ilmanifesto.it/italian-airport-workers-refused-to-load-weapons-bound-for-ukraine/

En það eru akki allir friðarsinnar eins og ítalska verkalýðshreyfingin. Leiðtogar NATO- og ESB-landa keppast við að hella olíu á eldinn í Úkraínu. Bidenstjórnin ætlar að senda 800 flugvélasprengivörpur, 9000 brynsprengjuvörpur, 7000 hríðskotabyssur og auk þess handsprengjuvörpur og riffla.

https://www.cnbc.com/2022/03/16/russia-ukraine-news-biden-details-defense-assistance.html

Sjálfstæðisbarátta Luhansk og Donbas, sem hófst þegar leppstjórn ESB og NATO-ríkja settist að í Kænugarði, hefur kostað 14000 mannslíf og núverandi átök 7000 rússnesk auk þeirra úkraínsku.

Kanada og 19 NATO-lönd ætla að senda vopn, Ísland flugvél. Ef okkar "bandamenn", ESB og NATO, halda áfram að hella olíu á stríðseldinn á landamærum eins mesta kjarnorkuveldis heims gæti farið að verða fjör í kjarnorkuvopnageymslum víða um lönd.

Við þurfum greinilega að verða vandfýsnari með "bandamenn".

https://www.frjalstland.is/2022/03/07/utthensla-nato-og-esb-orlagarik-mistok/

bloggið skrifar Friðrik Daníelsson

Vindhviðuorkuver

Vindmyllugarðar eru óhagkvæmustu og óöruggustu orkuver sem finnast auk þess að spilla útsýni, meiða fugla og spilla heilsu.  Og fæla fiska. Vindmylluorkuverin þurfa jafnstór alvöru orkuver með sér, þau ganga bara stundum. Almenningur þarf að borga undir þau í byggingu, rekstri og niðurrifi. Þau eru ósjálfbær. Stærsti garðurinn, á Dogger Bank, verður óhagkvæmur:

https://www.upstreamonline.com/exclusive/worlds-largest-offshore-wind-farm-unprofitable-for-equinor-say-government-funded-researchers/2-1-1098012

Þriggja áratuga niðurgreiðslur  og opinberir styrkir vindorkuvera í Bandaríkjunum hafa ekki gefið af sér sjálfbæra, hagkvæma eða örugga orku. Aðeins rafmagnsleysi, okurverð á orku og umhverfisspjöll.

https://www.instituteforenergyresearch.org/renewable/wind/wind-power-still-uneconomic-government-dependent/

í ESB er ástandið víða verra, hæstu orkuverð í heimi.

En Gulli og krakkarnir í stofnunum sem eru undir ESB-tilskipununum ætla að undirbúa vindmyllugarða í sjó (Mbl. 16.3.22) enda gerir EES-samningurinn ráð fyrir "grænum orkuverum" sem veldur því að íslensk stjórnvöld, eða bara landsmenn sem vilja óskemmda landsfegurð Íslands, geta trauðla hafnað þeim meðan EES er enn í gildi. Vindmyllurnar verða reistar með fjármálagerningum og eignarhaldi EES-aðila og klámfengnum styrkjum frá íslenskum skattgreiðendum.

Gulli og krakkarnir í ESB-reglustofnununum þurfa að fara að átta sig á að orkuframleiðsla Íslands til frambúðar verður ekki úr vindhviðum heldur fallvötnum og kjarnorku Jarðarinnar, jarðvarmanum. Þau þurfa að fara að undirbúa nýtingu djúpvarmans, við það geta þau öðlast eitthvert vit. Þau mega heldur ekki gleyma að endurræsa rannsóknirnar á gas- og olíusvæðunum úr viðjum bábiljustjórnmálanna.

https://www.frjalstland.is/2021/10/08/vindmyllur-og-orkukreppan/

 

Við erum friðarsinnar ólíkt ESB

"Okkar land sendir ekki vopn til Kænugarðs" segir forseti Mexíkó við ESB sem samþykkti skammir á hann. Mexíkó hefur ekki tekið þátt í öfgafullum refsiaðgerðum gegn Rússlandi eins og fylgisveinar ESB og NATO.

"Mexíkó er land friðarsinna, við styðjum viðræður, ekki stríð, við sendum ekki vopn til hvaða lands sem er undir hvaða kringumstæðum sem er"

Meginástæða ófriðarins í Austur-Evrópu er landvinningastefna gömlu herveldanna til austurs og svik ofan á svik við Rússland. Útþensla NATO og ESB örlagarík mistök. Leppstjórnin í Úkraínu hefur einnig svikið sína helstu samninga. En ESB gefur ekkert eftir, landvinningarnir skulu halda áfram þó þeir valdi blóðsúthellingum. ESB notar sínar venjulegu aðferðir; hótanir, útilokanir og blekkingar. Í staðinn fyrir að hætta við útþensluna og biðjast afsökunar fyrir týnd mannslíf, sem mundi stöðva stríðið án tafar, sendir ESB vopn til átakasvæðisins og æsir fólkið til að berjast sem eykur á manndrápin og hörmungarnar. Slíkt framferði kallast stríðsæsingar.

Lopez Obrador blöskrar, hann hefur nú afhjúpað ESB eftirminnilega.

https://www.toronto99.com/2022/03/13/president-says-his-country-is-pacifist-unlike-eu/

https://hiindia.com/2022/03/13/president-says-his-country-is-pacifist-unlike-eu/

bloggið skrifar Friðrik Daníelsson

 

Að virkja eða ekki virkja

Þegar Gulli þarf að koma valdi umbjóðenda sinna, ESB, yfir landsmenn fær hann vini sína til að gera skýrslu. Ein var um EES-"samstarfið" (tilskipana-undirlægjuna). Og nú kom ein "Staða og áskoranir í orkumálum með vísan til markmiða og áherslna stjórnvalda í loftslagsmálum". En orkumálin eru strand vegna EES-regluverks og "Rammaáætlunar". Skýrslan er svaml óvita í efnaverkfræði, rafmagnsverkfræði og loftslagsfræði úr vinahóp Gulla. "Loftslagsmál" eru orkumálum og sérstaklega eldsneytisbrennslu óviðkomandi eins og fróðir menn vita. Niðurstaða Gullavina er að þurfi að tvöfalda virkjanir landsins (sem verður gert einhvern tíma þegar búið er að losna við EES/ESB og þróa djúpvarmann). Orkuskipti samkvæmt ESB eru að mestu ógerleg vegna öryggismála, hráefnaaðgengis og kostnaðar.

Flugið: Gulli getur hringt í Boeing og spurt hvenær vetnisflugvélarnar verði tilbúnar. Svarið verður "aldrei" aldarlöng þróun og rannsóknir farþegaflugs útiloka allt nema ákveðin vetniskolefni.

Fiskiskip: Rafmetanól úr reyk og vatni setur útgerðina (eða ríkissjóð) á hausinn ef það verður fáanlegt. ESB borgar ekki.

Bílar: Þegar rafbílar verða á raunverði og eigendur borga vega-og mengunarkostnað, verða aðallega fjáðir grænir spjátrungar sem kaupa þá til að fara út á völl.

Flutningabílar og rútur þurfa risatanka undir tréspíra, eldhætta, blossamarkið er 10°C, bílstjórarnir geta fengið sjóntruflanir og blindu.

Kaupskipaflotinn gæti notað  rafeldsneyti, vetni, ef má hækka vöruverð. (Það gerir heldur ekki svo mikið til þó einn og einn dallur springi í loft upp langt úti á hafi).

Niðurstaðan er að loftslag batnar ekki með orkuskiptum. En orkunotkunin heldur áfram að þróast með tækniþróuninni, umhverfistrúarbábiljurnar valda aðeins afturför. Meira að segja ESB virðist nú ætla að stimpla kjarnorku, jarðgas og jafnvel kol og olíu "græn" enda orkuskiptin þar orðin orkukreppa.

Það er því óþarfi að tvöfalda virkjanirnar út af orkuskiptum, þau verða aldrei annað en draumórar og glærusýningar. ESB er orðið útbíað af afkastarýrum vindmyllum eins og á 17. öld. Ef ljúka á orkuskiptum Gulla hérlendis verðum við að ferðast til Köben með seglskipum eins og á 17. öld. Meir en helmingur eldsneytis sem landsmenn nota er til flugsins, rúmlega 0,8 milljón tonn (2018), því er ekki hægt að breyta nema í glærusýningum Orkustofnunar, Umhverfisstofnunar eða Gullavina.

En er kannske hægt að láta borgarlínuna ná til Köben?

https://www.frjalstland.is/2022/02/11/orkuskiptin-eru-draumorar/