Sjálfbærir bændur

Nú á að segja bændum hvernig þeir eiga að búa sjálfbært samkvæmt nýjustu tísku, vísað er í ýmsar spilltar margþjóðastofnanir sérstaklega þær sem þekktar eru af lélegum vísindum s.s. mokstri ofaní skurði.

https://samradapi.island.is/api/Documents/1097760b-52b5-ee11-9bc0-005056bcce7e (Sjá einnig Bændablaðið 7.3.2024, og https://www.bbl.is/skodun/sjalfbaer-landnyting-og-vinna-vid-drog-ad-reglugerd)

Sjálfskipaðir beturvitar hafa reynt að útrýma kindunum og kennt þeim um eyðimerkur landsins sem steingerfingafræðingar og fleiri vísindamenn hafa sannreynt að stafa aðallega af kulda og eldgosum.

Frjálsir íslenskir bændur komu með kindurnar sínar fyrir 1150 árum og gáfu þeim frelsi til þess að gefa af sér hollt kjöt og góða ull. Bændurnir hafa haldið landinu í byggð með sjálfbærum búskap síðan, þeir vita meira um sjálfbærni en skriffinnarnir hjá stjórnvaldinu.

Í Evrópusambandinu og fleiri skriffinnskulöndum eiga bændur nú að vera svo sjálfbærir að þeir geta ekki framleitt mat lengur en nota dráttarvélarnar til þess að fara inn í borgina og flauta á ráðamenn https://www.american.edu/sis/news/20240305-farmer-protets-take-root-in-europe-and-beyond.cfm

https://www.theguardian.com/environment/2024/feb/10/theyre-drowning-us-in-regulations-how-europes-furious-farmers-took-on-brussels-and-won

https://www.frjalstland.is/2024/02/12/graena-bol-landbunadar-evropusambandsins/

Úkraína lögð í rúst

Afskipti ESB- og NATO-landa hafa leitt hörmungar yfir Úkraínu. Stór hluti íbúanna er farinn, flestir til Rússlands, heilu árgangar ungra manna eru sem næst horfnir. Ukraínumenn eru smám saman að átta sig á hvað hefur gerst þrátt fyrir að einhliða áróður stjórni umfjölluninni.

Hernaður NATO-landa í Írak, Júgóslavíu, Afganistan, Líbíu, Sýrlandi, Yemen, Palestínu er gegn smáþjóðum sem geta ekki rönd við reist. En nú eru stríðsherrarnir í Washington, London og Brussel farnir að kássast uppá helsta kjarnorkuveldi heims, Rússland, og stórþjóðir Asíu, Kína, Indland, Íran.

Okkar bandamenn eru ekki bara aumkunarverðir heldur líka heimskir og hættulegir.

https://www.frjalstland.is/2024/02/29/ukraina-logd-i-rust/

Minnihluti brýtur stjórnarskrá

Okkar núverandi ríkisstjórn (sem einungis 30% landsmanna styðja) ætlar að láta Alþingi samþykkja að EES laga-og regluverkið frá Brussel (þar standa nú yfir götubardagar út af glórulausum lögum og reglugerðum Evrópusambandsins) sé æðra því íslenska.

-"frumvarpið um bókun 35 brýtur gegn stjórnarskrá lýðveldisins nr. 33/1944"-

Málpípur erlends valds (Robert Spano, Björn Bjarnason) hafa japlað á að EES reglur verji Íslendinga fyrir slæmri löggjöf Alþingis (sem þeir geta varist með því að kjósa aðra þingmenn) en ekki hvernig EES hlekkjar Íslendinga við slæma löggjöf Evrópusambandsins sem ekki er hægt að kjósa burt.

"Ef EES stóð á ystu nöf 1993 (þegar 33 af 63 þingmönnum samþykktu EES) þá keyrir frumvarpið um bókun 35 fram af brúninni - verið er að opna flóðgáttir erlends réttar inn í íslensk lög, þvert gegn þeim forsendum sem lágu til grundvallar aðildar Íslands að EES"-

Tilvitnanirnar eru í grein Arnars Þórs Jónssonar hæstaréttarlögmanns og forsetaframbjóðanda í Mbl 24.2 2024, bls 34.

10 ára hörmungar Úkraínu

Upphaf Úkraínustríðsins var valdarán Bandaríkjanna í Kænugarði sem heppnaðist að lokum þessa febrúardaga 2014 eftir að leigumorðingjar Bandaríkjanna höfðu drepið marga af lögreglumönnum og embættismönnum Kænugarðs.

Þegar svo Bandarikjastjórn hafði bak við tjöldin látið spillta lögreglu Kænugarðs skjóta á vopnlausan mannfjölda til þess að gera þáverandi Úkraínustjórn að blórabögglum og fá afsökun  til þess að flæma hina "spilltu" rússavinveittu "mannadrápastjórn" frá völdum, var komið færi til þess að koma leppstjórn til valda. Þagar forsetinn hafði flúið undan morðingjunum komu erindrekar Obama/Biden-stjórnarinnar, með aðstoð nýnasista, að leppstjórn í Kænugarði sem hóf strax hernað gegn rússneskum borgurum þáverandi Úrkraínu.

Undirbúningur að stríðinu hafði staðið í árafjöld, byssumenn og launmorðingjar þjálfaðir, vopnabirgðum safnað, mútur höfðu kostað utanríkisráðuneyti Bandaríkjanna 5 milljarða dala og spillingin orðin heimsmet eins og þekkt er frá málum Biden-feðga.

Ísland var dregið inn í refsiaðgerðir gegn Rússlandi, einu besta viðskiptalandi Íslands, á upplognum forsendum strax vorið 2014 undir forræði EES/ESB og NATO. Rússar voru m.a. sagðir hafa innlimað Krím (byggt Rússum), það rétta var að Krímverjar ákváðu sjálfir að sameinast aftur Rússlandi.

Þegar Rússlandsher kom Donbas loksins til varnar 2022 urðu forustumenn Vesturlanda að flokk óðra hunda https://frjalstland.blog.is/blog/frjalstland/entry/2276171/ sem réðust á Rússland úr öllum áttum og brutu alla alþjóðasamninga sem máli skiptu. Nú tveim árum eftir að hundaæðið braust út eru forustumenn NATO og ESB-landa ennþá eins og dekurrakkar í hráskinnaleik og búnir að valda efnahagshrörnun og voli heima hjá sér og orðnir að athlægi mest allrar heimsbyggðarinnar.

En þjáning Úkraínufólksins heldur áfram þó það hafi ekkert til saka unnið nema að trúa lygum NATO og ESB.

https://www.frjalstland.is/2023/11/21/10-ara-strid/

https://www.frjalstland.is/2023/12/19/stridsundirbuningur/

 

Frelsun Avdeevka

Rússar halda áfram að frelsa svæði í Donbas undan Kænugarðsstjórninni, síðast iðnaðarborgina Avdeevka.

https://www.rt.com/russia/592738-triumph-in-avdeevka/

Bardagar byrjuðu þar fyrir 10 árum þegar Kænugarðsstjórnin, þá orðin leppstjórn Obama-stjórnarinnar í Washington, hóf hernað gegn rússneskum borgurum í Donbas eftir valdaránið í Kænugarði.  Okkar falsfréttamiðlar sögðu að "eðlileg" fjöldamótmæli í Kænugarði hefðu orðið fyrir tilefnislausri árás lögreglu Úkraínustjórnar sem hafi fengið fyrirmæli um að skjóta á almenning.

Það rétta er að gegnumspillt löregluyfirvöld borgarinnar fengu fyrirmæli frá Obama-stjórninni um að skjóta á almenning 20. febrúar, 2014, sk. Berkut-sveit fékk verkefnið, til þess að fá afsökun til að flæma löglega stjórn landsins frá völdum. Þar á undan höfðu morðsveitir á vegum Utanríkisráðuneytis Bandaríkjanna (Victoriu Nuland) drepið á annað hundrað starfsmenn löglegrar stjórnar Ukraínu. Löglega kjörinn forseti Úkraínu komst undan morðingjum og flýði land 22.febrúar, 2014.

https://www.frjalstland.is/2023/11/21/10-ara-strid/

Aðkoman eftir að búið var að reka Kænugarðshermennina út úr boragrrústum Avdeevka var ömurleg. Lík og særðir úkraínuhermenn skildir eftir út ut um allt. Um 1000 hermenn voru teknir til fanga. NATO/ESB hermennirnir komust burt og skildu eftir sig mikið af skotfærum

https://www.rt.com/russia/592825-nyt-avdeevka-retreat-hundreds-ukrainian-pows/

 

Rússneski fjölmiðillinn RT gefur ágæta og í meginatriðum  meira sannfærandi mynd af atburðunum en falsfréttamiðlarnir hér á Vesturlönduum geta boðið upp á, þeir eru undir ægivaldi áróðursskrifstofa NATO/ESB-landa, því er vísað í RT hér í blogginu.

 

Heim

Löggan okkar ætlar nú að leyfa Grindvíkingum að vera heima hjá sér. Það var mikið að eitthvert vit kemst til Grindavíkur.

https://www.mbl.is/frettir/innlent/2024/02/19/grindvikingum_frjalst_ad_dvelja_i_baenum_a_eigin_ab/

Okkar forræðishyggjustjórnmálamenn í Reykjavík vilja gera  Grindavík að "stærsta verkefni Íslandsögunnar" og ausa 100 milljörðum af skattfé í það til þess að geta skreytt sig með að hafa bjargað Grindvíkingum. En Grindvíkingar geta vel tekið ábyrgð á sjálfum sér og sínum, auðugt og blómlegt samfélag sem þarf að vinna úr högginu sem umhverfisöflin greiddu því.

Þann 28. desember 1908, varð mikil jarðskjálfti í Messina á Sikiley, af 150.000 íbúum fórst meir en helmingur. Stjónvöld ætluðu að færa borgina en íbúanir sem eftir voru sögðu nei takk! Og byggðu borgina upp á nýtt en þar búa nú 220.000 manns.

Græna böl Evrópusambandsins

Bændurnir í Evrópusambandinu eru búnir að fá nóg af "grænu" stefnu stjórnvalda sem vinna gegn þeim og reyna að afnema þeirra störf: Húsdýrahald, vélanotkun, áburðarnotkun. Kjötát á að afnema. Bændurnir mæta í höfuðborgirnar og láta ófriðlega. Undirsátar ESB, eins og Ísland, fá tilskipanir á færibandi sem stefna landbúnaðinum í vandræði og lífskjörum almennings í leiðinni.  https://www.frjalstland.is/2024/02/12/graena-bol-landbunadar-evropusambandsins/ 

Kjarasamninga þarf ekki

Það er nóg að afturkalla hækkanir á opinberum álögum segir formaður starfsgreinasambandsins, Vilhjálmur Birgisson. Hann mælir af þekkingu sem ráðandi vilja kveða niður.

Sorphirðugjöldin vaða upp vegna ónýtra laga sem fyrirskipa "hringrásarhagkerfi" úr EES-tilskipunum https://www.althingi.is/altext/stjt/2021.103.html Sveitarfélögin mótmæltu lögunum enda eru þau fyrir fátæk samfélög inni á meginlandi Evrópu https://www.frjalstland.is/2020/07/04/reglur-esb-um-urgang-henta-ekki-fyrir-island/

Sveitarfélögin fóru að græða á lóðum (líklega var það hin ónýta borgarstjórn Reykjavíkur sem gekk á undan) sem áður var úthlutað á kostnaðarverði en nú á markaði sem braskarar ráða. Fasteignaverð hefur rokið upp úr öllu valdi (Mbl 31.1.2023) enda fá braskararnir ("fjárfestar") að braska með íbúðarhúsnæði að vild. Og sveitarfélögin hækka fasteignagjöldin til að fjármagna sitt bruðl og skriffinnsku (stór hluti af EES-tilskipununum beinast gegn sveitarfélögunum). Ungir Íslendingar hafa nú verið dæmdir til að vera leiguliðar allt lífið.

Byggingareglugerðin er óhnitmiðaður sparðatíningur upp á 140 blaðsíður, síðasta var 70 síður, auk þess er alskyns EES-regluverk að gera húsnæði dýrara. https://files.reglugerd.is/pdf/0112-2012/current

Niðurgreiddir rafbílar valda hærri álögum, bifreiðagjöld og eldsneyti hagkvæmra bíla hækka upp úr öllu hófi til að fjármangna rafbílavitfirringuna.

Stýrivöxtum er haldið háum vegna verðbólgu sem stafar mest af hækkandi opinberum álögum og kostnaðarsömu regluverkskraðaki, bruðli ríkissjóðs og sveitarsjóða með fé almennings.

Græni dauðinn

Nærri 5000 manns dóu úr kulda í Bretlandi síðasta vetur. https://morningstaronline.co.uk/article/b/nearly-5000-people-britain-died-last-year-due-cold-damp-homes-analysis-finds

"Græna orkan" sem hin "grænu" stjórnvöld Bertlands leyfa almenningi náðursamlegast að nota er of dýr, venjulegt fólk hefur ekki efni á að hafa hlýtt heima hjá sér. Sami vandi er í Þýskalandi og víðar í ESB þar sem græningjar hafa áhrif og eru komnir vel á veg með eyðileggja orkukerfið með vindmyllum og sólpanelum. Almenningur mótmælir grænu vitfirringunni í kröfugöngum og bændur drátarvélalestum.

Kuldinn  í Bandaríkjunum leiðir nú fjölda fólks til dauða. https://www.nbcnews.com/news/us-news/almost-50-dead-95-million-winter-weather-alerts-arctic-cold-blankets-n-rcna134699

https://www.nytimes.com/2024/01/21/us/deaths-cold-storms-ice-snow-freeze.html

Sama þróun er í Bandaríkjunum og Evrópu, græna hugmyndafræðin er að eyðileggja orkukerfin. Margfalt fleiri deyja úr kulda en hita á heimsvísu. https://lomborg.com/heresy-heat-and-cold-deaths

Veðurstofa ESB sagði nýlega: "Síðasta ár var það hlýjasta frá upphafi", sama árlega fullyrðingin og síðustu áratugina. Margar stofnanir á heimsvísu senda frá sér ómarktækar staðhæfingar um loftslag: IPCC og WMO (Sameinuðu þjóðirnar),  NOAA og NASA (Bandaríkin), Met Office og CRU (England) Copernikus (ESB) og fleiri, þær eiga yfirleitt sögu sína að rekja til veðurfræði sem er allt önnur vísindi en loftslagsfræði. Lesendur verða að vara sig á að taka staðhæfingar þeirra alvarlega.

Loftslag Jarðar fer nú kólnandi (nema í stækkandi risaborgum), síðasta ár var þriðja kaldasta á 21. öld í Reykjavík, Akureyri og Kirkjubæjarklaustri (Ísland er á Jörðinni þó skrumarar hafi reynt að véfengja loftslagsmælingar hér). Hitinn hefur farið lækkandi í 20 ár eftir að hafa farið hækkandi 20 árin þar á undan. En það heldur áfram að hitna undir loftslagsskrumurunum.

 

 

 

Af hverju stríð?

Undan strönd Gasa er nýbúið að finna gaslindir, það er því eftirsóknarvert að leggja Gasa undir sig. Í Sýrlandi stelur Bandaríska hernámsliðið obbanum af olíuframleiðslunni og lætur sína bandamenn senda flugskeyti á landið.  Borgarastríðið í Jemen, sem stríðsríkin hafa fóðrað í meira en áratug, hefur orsakað einhverjar mestu hörmungar síðari ára en þar eru auðlindir sem vert er að rupla. Stríðsríkin (í NATO og ESB) hafa lengi reynt að ræna auðlindum Rússlands, síðasta áratuginn með verktakahernaði leppstjórnarinnar í Ukraínu.

Stríðsríkin fremja manndráp á óbreyttum borgurum, hvort sem er í Írak, á Gasa í Palestínu eða Donetsk í Rússlandi, finnst það sjálfsagt mál og afsaka það með að verið sé að berjast við hryðjuverkamenn eða Rússa.

Þjóðir sem eiga auðlindir verða fyrir hernaði stríðsríkjanna nema þær lyppist strax undir þeirra vald. ESB og Bretland bera víurnar í íslenska orku. Íslandi tókst, með stuðningi þjóða sem hvorki eru í NATO eða ESB, að hrekja breska stríðsríkið burtu af fiskimiðum landsins enda var Ísland þá sjálfstætt.

Palestína, Jemen, Sýrland, Írak og Úkraína munu lika á endanum reka stríðsríkin burt af sínum svæðum eins og Viet Nam og Afganistan gerðu

Stríð er til þess að komast yfir auðlindir.