Ómarktæk Ólympía

Ólympíuleikarnir í París verða ómarktæk montsýning. Mesta íþróttaþjóðin, sú sem ætíð vann flest gull, er meinað að taka þátt vegna óhlýðni við gamla herveldið Frakkland og stórveldin í Norðurameríku og Vesturevrópu og meintrar tilefnislausrar innrásar Rússa í Úkraínu. Ísrael fær aftur á móti að vera með þó að þeir drepi börn í tugþúsundavís í Palestínu. 

Það eru mótshaldararnir Frakkar og aðrar stríðsþjóðir Vesturevrópu og Ameríku í NATO og ESB sem útiloka stærstu íþróttaþjóðina, Rússa, frá ólympíuleikunum og bera við fölskum rökum um "tilefnislausa innrás Rússa í Úkraínu"

Það voru ærin tilefni til afskipta Rússlands af manndrápum NATO/ESB í Úkraínu: Obama-stjórn Bandaríkjanna rak löglega ríkisstjórn Úkraínu frá völdum með blóðugu valdaráni 2014 og kom af stað hernaði leppstjórnarinnar, sem sett var á koppinn eftir valdaránið, gegn rússneskum íbúum Austurúkraínu. NATO, ESB og Úkrínuleppstjórnin sviku alla samninga við Rússland um útþenslu NATO og ofsóknir gegn Úkraínurússunum. Eina úrræði Rússa var að koma Úkraínurússunum til varnar.

Það eru 10 ár síðan her leippstjórnarinnar í Úkraínu gerði árás á almenna borgara i borginni Gorlovka í Donesk, sem varð 22 að bana og særði marga, í byrjun hernaðarins gegn Úkraínurússunum.

 

Hræsnin og tilefnislausar stríðsæsingar NATO- og ESB-landa haldast í hendur og friðsama Ísland tekur þátt í ómarktækum ólympíuleikum stríðsþjóðanna.

Sjá mynd á framsíðu Morgunblaðsins 27.7.2024.

 

Í klóm braskara

Er það unga fólkið með litlu börnin sem er að kaupa upp íbúðir á Heklureitnum fyrir milljarða? Eða eru það kannske bara braskararnir eins og viðgengist hefur hér í mörg ár?

 

 

 

https://www.mbl.is/mogginn/bladid/innskraning/?redirect=%2Fmogginn%2Fbladid%2Fgrein%2F1867309%2F%3Ft%3D149488497&page_name=grein&grein_id=1867309

Unga fólkið sem vantar þak yfir höfuðið er komið í klærnar á bröskurum, bönkum, fjárfestum, leigufyrirtækjum, húseignafélögum og eignamönnum. Þeir sprengja verðið upp úr öllu valdi og halda upprennandi hluta þjóðarinnar í leiguliði, fátækt og basli.

Grútmáttlaus stjórnvöld láta viðgangast að einhverjir braskarar kaupi upp íbúðir á færibandi.

Von að vestan, vol að austan

Bjartar vonir hafa nú vaknað um að Bandaríkin taki aftur að leiða heiminn með jákvæðum aðgerðum og fyrirmyndum. Ef vel fer tekur ábyrgur forseti við Hvíta Húsinu eftir hálft ár sem mun leggja áherslu á að stöðva vopnaskak og hernaðinn gegn Rússlandi og Palestínu. Það mistókst að myrða hann en heriðnaðarbáknið og bankaeigendurnir munu bregða fæti fyrir hann af fremsta megni.

Donald Trump er ekki ómerkingur eins og stjórnmálamaður, hann hefur kjark til þess að stjórna án tillits til sérhagsmuna stórfyrirtækjaveldisins/heriðnaðarkerfisins og umhverfistrúarkirkjunnar. Hann kemur úr heimi atvinnurekstrar og hefur jarðsamband og raunveruleikaskyn. Vonandi tekst honum að eyða Parísarsamkomulaginu og stöðva grænu vitfirringuna sem er að eyðileggja orkumál og velmegun margra landa. Og spilltar og óþarfar bábiljustofnanir Sameinuðuþjóðanna er vonandi að hann taki til yfirhalningar enda fjármagnaðar að miku leyti af Bandaríkjunum.

Það vakna aftur á móti engar bjartar vonir i Vestur-Evrópu. Þar heldur ánauð Evrópusambandsins og varasamra leiðtoga áfram. Nýgamla talskona ESB, Ursula, og nýgræðingastjórn Breta, ætla að leggja áherslu á hernaðarbrölt og eldsneytisbann. Það leiðir til enn meiri fátæktar og að lokum stríðs við Rússland sem gömlu heimsveldin í ESB munu tapa eins og ávalt áður.

Ógnin við heimsfriðinn

Hernaðarklúbburinn NATO hélt nýlega stríðsæsingasamkundu gegn Rússlandi og Kína og öðrum sem ekki hlýða Bandaríkjunum eða gömlu heimsveldunum í NATO. Vitgranni mistakaforseti Bandaríkjanna fór fyrir stríðskórnum og hvatti kjölturakka sína í NATO til frekari hernaðar og vígtólasöfnunar.

Hann bauð "Putin forseta" velkominn (það var hinn útrunni forseti Úkraínu) og hældi sínum varaforseta, Trump (varaforsetinn er Kamala Harris). Hann kann ekki mannasiði heldur móðgar þjóðarleiðtoga (t.d. er Putin "brjálaður morðingi").

Á meðan þetta gerist heldur Ísraelsher áfram að myrða börn í Palestínu og ólögleg leppstjórn Úkraínu að senda þegna landsins til Rússlands til að drepa og vera drepnir, allt í skjóli vitgranna mistakaforsetans og NATO.

Í gær var svo komið að því að myrða Donald Trump sem er eini forsetaframbjóðandinn sem getur boðið hernaðarfinngálkninu og bankaeigendunum birginn. Vitibornir menn Bandaríkjanna (t.d. Tucker Carlson) hafa varað við að þegar demokratarnir, erindrekar hernaðarbáknsins og bankaeigenda, hefðu reynt allt annað sem dóms- og löggæslukerfið, gerspillt af þeim, gat komið af stað, yrði reynt að myrða Donald Trump.

NATO og Bandaríkin eru lang stærsta ógnin við heimsfriðinn. NATO-fundurinn í Washington nýlega sýndi að NATO er veruleikafirrt stríðsæsingabákn sem byggt er á uppsöfnuðu geðrofi vestrænna forustumanna síðustu 8 áratugina og er að rotna innanfrá undan egin heimsku og líða undir lok.

Ísland kært

ESA, skrifstofan sem á að passa að Ísland taki upp allar EES-tilskipanirnar, sendir enn eitt bréfið og heimtar útvíkkað opinbert eftirlit. Alþjóð veit að eftirlitið á grunni "Evrópureglugerðanna" er orðið ofbólgið. "Er það því niðurstaða ESA að Ísland hafi ekki uppfyllt skyldur sínar samkvæmt EES-reglum um opinbert eftirlit."

ESA ætlar að kæra Ísland fyrir EFTA-dómstólnum sem hefur það verkefni að dæma Ísland , Noreg og Liechtenstein til að hlýða ESB, EES-tilskipunum. Hann er fríverslunarsamtökunum EFTA óviðkomandi.

ESA og EFTA-dómstóllinn mega sprikla eins og þeim sýnist, íslenskum stjórnvöldum ber ekki skylda til að hlýða þvaðrinu þaðan. Það er aðeins þegar okkar stjórnvöld missa máttinn og beygja sig undir þvaðrið sem við lendum í vandræðum. Hefðu þessar skrifstofur fengið framkvæmdavald og dómsvald hefði það verið stjórnarskrárbrot og ógildur verknaður

En það eru ennþá til menn með stjórnvaldsábyrgð hér sem halda að EES-samningurinn sé góður og gildur og krefjist skilyrðislausrar hlýðni við Evrópusambandið.

https://www.mbl.is/frettir/innlent/2024/07/11/island_faer_harda_utreid_hja_esa/

Stríðsráðið fundar

NATO heldur nú fund, málefnið er það sama og síðustu 78 árin: Yfirvofandi innrás Rússa í Evrópu. Markmiðið er að auka stríðsæsingarnar og fá Evrópulönd til að koma í alvöru stríð við Rússland. Í því tilefni hafa falsfréttamiðlar þegar verið virkjaðir og bera nú út að Rússar hafi í gær sprengt Okhmatdyt barnaspítalann í Kænugarði! (hið rétta er að það var NASAMS-loftvarnarskeyti sem Úkraína fær frá NATO-löndum sem sprengdi spítalann, mögulega af klaufaskap Úkraínuhers sem staðsetur drápstól í íbúðahverfum)

Þeir einu sem hafa gert árás á Evrópu síðustu 78 árin er NATO sem skaut sprengjum á Belgrað (1999) og Bandaríkin/NATO sem réðust á lögmæta ríkisstjórn Úkraínu í Kænugarði (2014). NATO-lönd láta nú markamiðara sína beina sprengjum Úkraínuhers á Rússland. Það þarf því greinilega að verja Evrópu gegn hernaði NATO og þyrfti að ræða það á stríðsráðsfundinum.  https://www.frjalstland.is/2024/06/19/haetulegt-folk-og-bjargvaettir/

 

Undirokaðir leiguliðar

Undirokaðir leiguliðar komust ekki úr fátæktinni og ósjálfstæðinu fyrr en þeir urðu sjálfir eigendur sinna bæja. Fram að því hirtu eignamenn afraksturinn af þeirra striti. Um það leyti sem Jón Sigurðsson forseti hóf sína sjálfstæðisbaráttu voru aðeins um 40.000 Íslendingar til, færri en útlendingarnir sem búa hér nú. Hungur, fátækt og vesöld höfðu fellt meirihluta þjóðarinnar.

Núverandi máttlausu stjórnvöld landsins hafa misst stjórn á húsnæðismálum og fjármálum lands og þegna til Brussel svo nú er þróunin afturábak í átt að armæðu fátæklinganna eins og á 18.öld.

Af 1304 íbúðum sem komu til nota á fyrri helmingi ársins (2024) voru aðeins 39 sem keyptar voru af fyrstu kaupendum, eða um 3%, afgangurinn komst í eigu leigusala eða braskara. Á árunum 2018-2021 var árleg fjölgun eiginíbúða 2347 á ári að meðaltali eða meir enn 50% af byggðum íbúðum. Það hefur því orðið algert hrun í eignamyndun unga fólksins í landinu.

Velmegun og menning Íslendinga náði hærra en skyldra landa þegar landsmenn urðu að miklu leyti sjálfstæðir eigendur sinna húsa. Leiguliðar undirokaðir af eignamönnum, bönkum og bröskurum geta ekki stjórnað sínu lífi

(Sjá nánar grein Sigurðar Ingólfssonar í Morgunblaðinu 6.7.2024)

Valkyrjur í stafni

Ursula og Kaja verða leiðtogar í skriffinnskubákni ESB. Ursula var hermálaráðherra Þýskalands (þar til hún varð uppvís af að kaupa þjónustu fyrir herinn af vinum og kunningjum). Kaja er forsætisráherra Eista (sem bíða nú í ofvæni eftir að hún fari til Brussel svo hægt sé að hreinsa upp dræsurnar eftir hana).

Tignakerfi Evrópusambandsins tekur ónothæfa stjórnmálamenn aðildarlanda sem eru yfirlýstir "Evrópusinnar" (trúa öllum lygum Evrópusambandsins) og setur þá í embætti í Brussel. Ursula verður áfram forseti framkvæmdastjórnarinnar og Kaja talskona "utanríkismála" ESB (ath að ESB er ekki ríki þó brusselskriffinna dreymi um það)

Kaja hatar Rússa (sögð hafa þá í morgunmat) og Ursula heldur að ESB geti það sem forverar hennar í Whermacht gátu ekki. Þær eru báðar stríðsæsingakonur, þess vegna fá þær hæstu embætti í Brusselbákninu sem vill stríð við Rússland.

Lesendur verða að átta sig á að gáfnaljósin í Brussel eru ekki eins og venjulegt fólk heldur hluti af ímynduðum veruleika (eins og í skáldsögum og Hollywood) þar sem allt er leyfilegt og mögulegt: Evran og kúgun almennings og bænda, hringrásar- og vindmylluhagkerfi, eldsneytisbann, innlimun annarra landa og sigur á kjarnorkuveldinu Rússlandi

https://www.frjalstland.is/2022/05/31/evropusambandid-hervaedist/#more-2672

Mistakaforseti

Joe Biden hefur nú afhjúpast fyrir augum kjósenda sem vitsmunalega ófær um að gegna embætti forseta hinna miklu Bandaríkja, það gerðist í kappræðum við Donald Trump.

Biden er kominn langleiðina með að draga Bandaríkin í kjarnorkustyrjöld.

https://www.dailymail.co.uk/news/article-13542455/Biden-gets-surprise-boost-CNN-debate-Trump-despite-mounting-age-concerns-Follow-politics-blog-biggest-stories-day.html

Það er því mikill léttir ef ábyrgur forseti kemst aftur til valda sem stöðvar hernaðinn. Og bremsar hraðvaxandi hrörnun hins mikla lands. Stríðsfélagar Bidens í Evrópu eru líka hver af öðrum að afhjúpast og vitrari menn að taka við. Hrópandi undantekning er Evrópusambandið: Verðandi forsvarskvennmenn þess (Ursula og Kaja) eru hættulegir stríðsmangarar á vegum sambands sem sígur dýpra í afturför og fátækt en vaxandi vopnaframleiðslu. https://www.frjalstland.is/2023/12/19/stridsundirbuningur/

Julian slapp

Maðurinn sem fletti ofan af manndrápum Bandaríkjanna og bandamanna er laus eftir að hafa verið hundeltur af vestrænni réttvísi í 14 ár. Julian Assange var látinn  laus gegn því að viðurkenna að hann hafi brotið lög en hann sagðist hafa talið að stjórnarskráin (bandaríska) og hið fjölrómaða "vestræna tjáningarfrelsi" mundi verja hann. Hann hefur verið sviptur frelsinu svo lengi að dómurunum þótti nóg að gert ef hann viðurkenndi sök. Það boðar ekki gott fyrir sannleiksbera. https://www.mbl.is/frettir/erlent/2024/06/26/assange_frjals_madur_og_er_a_heimleid/

En manndrápin hætta ekki. Julian á sem betur fer líkasinnaða: Chelsea Manning, Edward Snowden, Jack Teixeira https://www.foxnews.com/politics/pentagon-leak-suspect-jack-teixeira-appear-federal-court-friday , krakkarnir sem hafa kjark til að fletta ofan af manndrápum okkar bandamanna. https://www.frjalstland.is/2022/08/19/island-tekid-i-strid/#more-2731 Þeir hafa afhjúpað Úkraínustríðið, árásarstríð á vegum NATO og ESB gegn rússneskum íbúum Úkraínu og nú Rússlandi, þangað eru send vopn, miðunartæki, hermenn og vaxandi fjöldi hernaðarsérfræðinga NATO sem hafa stjórnað hernaðinum þau 10 ár sem hann hefur verið í gangi.

Breska frelsishetjan Nigel Farage hefur lagt sannleiksberunum lið við að stöðva manndrápin, lygalaupar og lygaverksmiðjur Breta gelta og urra á hann eins og áður https://news.sky.com/video/nigel-farage-says-west-provoked-russias-invasion-of-ukraine-with-nato-expansion-13156934