NATO vill heimsstyrjöld

segir Jeffrey Sachs, prófessor við Columbia háskólann og einn virtasti hagfræðingur Bandaríkjanna https://www.youtube.com/watch?v=Y-C9Un-uHD0

 

 

 

 

 

 

 

 Bloggið skrifar Friðrik Daníelsson

Kúaloftslag

Írskum kúm, 200.000, verður slátrað til þess að uppfylla "markmið Evrópusambandsins um kolefnishlutleysi".

Írar hafa lengi verið trúhneigðir og virðast nú hafa snúist til villutrúar umhverfisverndarloddaranna. Fyrirætlanirnar eru svo vitfirrtar að Elon Musk og bændur eru farnir að sýna vígtennurnar. https://www.foxnews.com/world/elon-musk-farmers-torch-ireland-government-proposal-slaughter-200k-cows-meet-eu-climate-change-goals

Loftslagssvindlið, sem Evrópusambandið er einn helsti rekstraraðilinn að, segir haugloftið (metanið) sem kemur úr meltingarvegi kúnna valda hlýnun loftslags. Raunin er auðvitað að grasið brotnar niður og gefur af sér metan hvort sem er í maga kúnna eða ónotað í jarðveginum á túninu.

Eins og lesendum Frjáls lands er kunnugt hefur metanlosun frá mannsathöfnum hverfandi áhrif á loftslag. Metanið sem er nú í lofthjúpnum (heil 0,00019%) tekur nú þegar upp alla varmageislun sem metan á annað borð getur tekipð upp en það er á bylgjulengdunum 3,3 og 7,7 míkrón. Varmatapið úr lofthjúpnum er mest um 10 míkrón sem metanið getur ekki fangað. https://www.frjalstland.is/loftslagsvisindi-hrjad-af-folsunum/ 

Metanið ildist í koltvísýring og verður þannig fæða lífhjúps Jarðar. Hringrás koltvísýrings og metans á Jörðinni er tröllvaxin og milljarða ára gömul og utan áhrifasviðs mannkyns. "Kolefnishlutleysi" er hugmynd heimskra manna og svindlara sem valda- og peningagráðugir menn nýta sér til að kúga venjulegt fólk og spilla viðurværi þess.

Vofur stríðsherranna

Utanríkisráðuneyti Íslands hefur nú vísað sendiherra einnar öruggustu og mikilvægustu vina- og viðskiptaþjóðar Íslendinga úr landi. Ung kona, sem sett hefur verið í stól utanríkisráðherra, getur ekki tekið svo afdrifaríka ákvörðun og gert svo alvarleg mistök nema á bak við séu sterk öfl innan hennar stjórnmálaflokks. Þau öfl eru vofur frá Kalda stríðinu sem komust á kreik fyrir 77 árum og hafa ekki enn verið kveðnar niður.

Upplýsa þarf hverjir það eru sem standa á bak við brottrekstur sendiherra Rússlands. Um er að ræða alvarleg skemmdarverk á trúnaðarsambandi Íslendinga við stærstu þjóð Evrópu sem tekið hefur mannsaldra að byggja upp.

https://www.mbl.is/frettir/innlent/2023/06/10/russar_segja_ad_akvordun_islands_muni_kosta/

EES-sýklarnir

EES-samningurinn opnaði á innflutning á hráu kjöti sem getur verið smitað af sýklum sem þola sýklalyf og leggjast á bæði menn og dýr. Íslenskir sérfræðingar hafa varað við þessari hættu.

Sýklalyfjaónæmi er útbreytt í Evrópusambandinu og í Úkraínu er það mikið vandamál. Okkar mistæku stjórnvöld opnuðu fyrir innflutning þaðan í fyrra, í góðsemi heimskra manna, en hafa nú áttað sig og ákveðið að stöðva innflutninginn. Ennþá á þó eftir að stöðva innflutning á hráu kjöti frá ESB-löndum en þar eru lyfjaþolnir sýklar víða mikið vandamál sem Ísland hefur verið laust við. Neytendum hér er ekki alltaf sagt hvað er í umbúðunum, þaðan af síður að þeir eigi á hættu að fá sýkingar af hráu kjöti innfluttu. (Anton Kristinn Guðmundsson, Morgunblaðinu 8.6.32023)

Hver sprengdi stífluna í Dnjepr?

Auðvitað Rússadjöflarnir segja falsfréttamiðlar NATO- og ESB-landa!

Stíflan er í eigu Rússa og undir þeirra stjórn og sér kjarnorkuverinu í Zaporozhie og auk þess Krímskaga og fleiri rússneskum svæðum fyrir vatni. Svæðin sem fóru á kaf eru byggð þúsundum Rússa.

En lygastrumparnir í Washington, London og Brussel (og Kænugarði og Reykjavík) láta fjölmiðlana segja okkur að Rússarnir séu svo vitlausir að þeir eyðileggi sínar eign virkjanir, vatnsforðalón og kjarnorkuver og sökkvi eigin borgum.

Bandaríkjamaðurinn og sjónvarpsmaðurinn Tucker Carlson heldur áfram að afhjúpa lygastrumpana, bandamenn okkar, þó reynt hafi verið að þagga niður í honum. https://twitter.com/TuckerCarlson/status/1666203439146172419

Við og nýnasistarnir

Barbídúkkurnar okkar í ríkisstjórninni hafa þvælt okkur í stuðningslið hryðjuverkasveita nýnasista sem stunda manndráp í Rússlandi á vegum leppstjórnarinnar í Kænugarði, með vopnum frá okkur, NATO og ESB. Rússar eru nú að vakna upp eftir 78 ár við að nasistar eru komnir aftur.

Ekki einu sinni falsfréttamiðlar NATO- og ESB-landa geta hylmt yfir hryðjuverk á vegum Kænugarðsstjórnarinnar í Rússlandi. Safnað hefur verið saman öfgamönnum víða, einn þekktasti forsprakkinn hefur verið virkur í nýnasistahreyfingum í ESB alllengi. Heimsmynd Kænugarðsstjórnarinnar segir að Rússar séu réttdræpir af því að þeir eru ekki mennskir heldur urgiskir meðan Úkraínumenn séur sannir Slavar. (Finnar, Ungverjar og Eistar eru urgiskir) .

Ástæða árásanna á Rússland er auðvitað sú að leppstjórn NATO og ESB í Kænugarði er í raun búin að tapa stríðinu gegn Donbas og reynir nú að sýna mátt sinn og valda usla með því að senda drápssveitir á almenning í Rússlandi og ekki bara á Rússana í Donbas eins og hingað til.

Íslensk stjórnvöld verða að draga Ísland án tafar úr stuðningsliði hryðjuverkastjórnarinnar í Kænugarði áður en hermangararnir í Washington, London og Brussel senda sína heri til Úkraínu og koma af stað kjarnorkustyrjöld á okkar vegum. Sem þeir munu líka tapa.

Orkukerfið í hlekki EES

Loftslagsráðherra (loftslagi óviðkomandi) ætlar nú að láta Alþingi gulltryggja að "íslenska" eftirlitsstofnunin með orkukerfinu framfylgi eingöngu EES-regluverkinu og að íslensk stjórnvöld megi ekki skipta sér af!

Kúguð þjóð eða EES-þjóð?

Það var EES-tilskipun frá Brussel sem skipaði Íslandi að hefja refsiaðgerðir gegn einni mikilvægustu viðskiptaþjóð landsins fyrir 9 árum. Þá var orðið ljóst að erfitt yrði að innlima Úkraínu í Evrópusambandið vegna andstöðu rússneskra íbúa landsins.

Leppstjórn ESB og NATO, sem tók við völdum eftir valdaránið í febrúar 2014, hóf hernað gegn Rússahéruðunum (Donbas) en þau lýstu yfir sjálfstæði.

Evrópusambandið hefur með EES-samninginn að vopni gert Ísland að beinum og óbeinum þátttakanda í hernaðaraðgerðunum sem hafa frá byrjun verið reknar, fjármagnaðar, vopnavæddar og skipulagðar af ESB og NATO og eru nú orðnar að stríði við kjanorkuvopnaveldið Rússland og ógna allri heimsbyggðinni.

Íslenskir ráðamenn (konur) hafa sig í frammi gegn Rússum á allskyns "vettvöngum" sem eru, þegar skygnst er á bak við tjöldin, brúðuleikhús Evrópusambandsins og NATO: EES-fundir, NATO-fundir, Evrópuráðsfundir og nú síðast eitthvað sem heitir EPC-fundur. Þessir "vettvangar" allir eru hættulegar hópæsingasamkomur og grátkórar undir stjórn Brussel/Washington/London. Okkar fulltrúar ættu að berjast fyrir að bera klæði á vopnin.

Það er kúguð þjóð sem lætur fjarlægt valdabákn ata sér í hernað gegn einni sinni bestu viðskipta- og vinaþjóð.

 

 

Barnarán

-"þarna er verið að taka börn þúsundum saman, fara með þau og ala upp sem eitthvað allt annað en þau eru-" segir formaður utanríkismálanefndar Alþingis (Mbl 30.5.2023) eftir að hafa hlustað á áróður Úkraínustjórnar á fundi í Tallín þar sem rússahatur er nokkurs konar skylda.

Illa upplýstir nefndarmenn Alþingis eru þarna að gera sig breiða yfir fréttum sem þeir geta ekki staðfest og hafa ekki þekkingu til að meta, í þessu tilfelli stríðsáróður sem sjaldnast er áreiðanlegur. Það sem hefur gerst í Úkraínu síðustu 9 árin er að Úkraínuher hefur verið látinn reka hernað á vegum NATO og ESB gegn rússneskum íbúum Úkraínu sem varð að stríði þegar rússneski herinn skarst í leikinn. Milljónir manna hafa flúið , langflestir (yfir 3 milljónir manna) til Rússlands (vestrænir fjölmiðlar láta skína í að flestir fari til Póllands). Rússnesk yfirvöld hafa kerfisbundið reynt að koma stríðshrjáðum börnum í skjól, þau eru langflest af rússnesku bergi brotin og verða "alin upp" sem Rússar áfram, þau eru stór hluti af flóttamannastraumnum.

Alþingi getur fordæmt stríð og kúgun en það er ekki í þágu svinnra Íslendinga að löggjafi þeira fordæmi góðverk sem einhver áróðursvél framleiðir lygar um. Stærsti hluti heimsbyggðarinnar veit að NATO og ESB eru að níðast á rússneskum íbúum Úkraínu, og fórna Úkraínumönnum til þess, og að Rússland er að reyna að veita flóttafólkinu hjálp.

Utanríkismálanefnd Alþingis þarf að finna sér verðug verkefni sem nefndarmenn hafa vit og þekkingu til að ráða við. Meðreiðar í stríðsæsingum eru Íslendingum ekki sæmandi.

Friðrik Daníelsson

 

Ísland verður bleikt

Landbúnaðarháskólinn kann að margfalda akuryrkjuna. Hvernig á að gera það er lýst í nýrri skýrslu: Bleikir akrar.

Kornrækt lagðist að mestu af á 12. öld þegar loftslagið kólnaði. "-Á Reykjahólum váru svo góðir landskostir í þenna tíma, at þar váru aldri ófrævir akrarnir-" (snemma á 12. öld samkvæmt Þorgils sögu og Hafliða). Það var svo ekki fyrr en loftslagið tók að hlýna aftur um 1920 sem gróskan fer að taka við sér. Stutt kuldaskeið 1965-1995 dró svo aftur úr gróskunni en eftir það hófst annað góðæristímabil og náði hitinn hámarki 2003 en sæmileg hlýindi vara enn þó þau séu minni en í byrjun aldarinnar eða um 1940. (Loftslagsbreytingar á Íslandi)

Með því að stórauka ræktun skógarsvæða og skjólbelta og setja meiri kraft í að þróa ný kuldaþolnari kornafbrigði meðan hlýindin vara eru meiri líkur á að kornræktin geti lifað áfram eftir að næsta kuldatímabil hefst. Skógur ver ekki aðeins gegn vindi og veðri heldur jafnar hann hitastig og rakastig  og verndar gegn veðurskemmdum. Græni skógurinn dregur í sig geisla sólarinnar og barrskógurinn sígræni hitar veðurlagið á skógarvæðinu líka á veturna. Það er að mörgu að hyggja, til dæmis ágangi fugla á akrana eins og kemur fram í skýrslunni (Bleikir akrar)

Á heimsvísu hefur uppskera kornjurta vaxið jafnt og þétt síðustu áratugi, var 1 milljarður tonna 1970 en er nú 3 milljarðar tonna (Worldbank). Koltvísýringsstyrkurinn í lofthjúpi jarðar hefur aukist og valdið meiri vaxtarhraða jurtagróðurs, uppskera nytjajurta heldur fyrirsjáanlega áfram að aukast ef koltvísýringurinn heldur áfram að aukast.