Ísland í stríð?

EES-samningurinn hefur valdið miklum usla í islensku þjóðfélagi og hefur nú orðið til þess að Ísland hefur dregist með í stríðsrekstur. Ísland hefur tekið þátt í viðskiptabönnum og flutningi vopna til stríðssvæðisins. Íslenska þjóðin hefur ekki fengið að segja hvort hún vill taka þátt í stríðsrekstri.

Með tilskipanavaldinu sem EES-samningurinn færði ESB, stjórnar sambandið viðskiptabönnum á Rússland. Tilskipanirnar fóru að flæða í mars 2014, sú fyrsta 18.mars um "þvingunaraðgerðir - í ljósi ástandsins í Úkraínu"! https://www.frjalstland.is/2022/03/07/utthensla-nato-og-esb-orlagarik-mistok/

"Ástandið" samkvæmt ESB var "innlimun Rússa á Krím", kunnugleg ESB-rangfærsla, Krím ákvað að sameinast Rússlandi í þjóðaratkvæðagreiðslu 16. mars. 2014. En hið raunverulega neyðarástand varð þegar Obama/Biden-stjórnin og sendlar þeirra í ESB og NATO frömdu blóðugt valdarán eftir að lögleg stjórn Úkraínu hafnaði aðild að ESB. Valdaræningjarnir komu til valda leppstjórn, studda af öfgahreyfingum, sem hóf strax í febrúar 2014 árásir á eigin borgara: Borgarastyrjöld.

EES-samningurinn er farinn að valda hættu á að Ísland dragist inn í stórstyrjöld vegna þáttöku í umboðsstríði ESB gegn Rússlandi. Það er orðin þjóðarnauðsyn að losa landið undan samningnum og taka utanríkismálin föstum tökum. Tilefnislaus fjandskapur við Rússland er runninn undan rifjum hættulegra kaldastríðsþursa og landsölumanna sem hafa aðgang að fjölmiðlum og breiða út rakalausar fullyrðingar.

https://www.bjorn.is/dagbok/ofgar-i-thagu-russa

https://www.mbl.is/frettir/erlent/2022/06/30/russnesk_lygi_sem_menn_a_vesturlondum_falli_fyrir/

Þátttaka Íslands í stríðsæsingum gegn einu stærsta kjarnorkuveldi heims er hrein vitfyrring.

https://www.frjalstland.is/2022/05/05/bloduga-valdaranid-i-ukrainu/

bloggið skrifar Friðrik Daníelsson

 

 

Gegnsæar falsfréttir

NATO og ESB halda 2 fundi, annar G7 hinn NATO, hittingar leiðtoga sem ráða ekki við verðbólguna og lífskjarakreppuna heimafyrir og geta ekki lengur sagt heimsbyggðinni fyrir verkum. Til þess að efla óvinamyndina af Rússaskrímslunum og gera stríðsmang NATO og ESB kræsilegra hafa vestrænir fjölmiðlar ausið út falsfréttum um manndráp Rússa en þegja yfir hryðjuverkum Úkraínustjórnar.

Í byrjun G7 fundanna sprengdu Rúsar íbúðablokk í Kænugarði að sögn miðlanna. Þegar að var gáð var skotmarkið skotfærageymsla á vegum Úkraínustjórnar nálægt íbúðablokk.

Í gær kviknaði í verslunahúsnæði í Kremenchug, á ljósmyndum sést að verslunin virðist hafa verið nær ónotuð og örfáir bílar á bílastæðunum. Eldurinn byrjaði greinilega á bakhliðinni.https://www.bbc.com/news/av/world-europe-61957596 Þar nálægt var geymd vopnasending frá NATO og ESB sem var skotmark Rússanna, sprengingar í henni virðast hafa kveikt í verslunarhúsnæðinu https://www.rt.com/russia/557981-ukraine-mall-air-alert/

Þúsundir tonna af vopnum streyma til Úkraínu og virðist sem Úkraínustjórn leitist við að geyma þau í nálægð íbúðabyggðar til að geta búið til fréttir af árásum Rússa á saklausa borgara.

Í slæmum félagsskap

Margir þjóðarleiðtogar hafa áttað sig á að ESB er slæmur félagsskapur. Kína og Indland styðja ekki stríðsrekstur ESB og NATO gegn Rússlandi. Forseti Serbíu, sem hefur orðið fyrir manndrápum NATO, Aleksandar Vucic, segir að ESB sé í beinu stríði við Rússland og hugsi ekki um annað.

Utanríkisráðherra Rússlands, sem á traust margra Íslendinga, segir ESB og NATO, með því að gera Úkraínu og Moldovu að umsóknarríkjum, að reyna að koma saman bandalagi til að berjast við Rússland svipað og Nasistar reyndu gegn Ráðstjórnarríkjunum fyrir Seinni heimsstyrjöldina.

https://www.republicworld.com/world-news/russia-ukraine-crisis/russian-fm-lavrov-claims-eu-nato-creating-coalition-to-fight-war-with-russia-articleshow.html

Vegna EES-samningsins hefur Ísland dregist inn í stríðsrekstur ESB og NATO og tekið þátt í viðskiptabönnum og vopnaflutningum. Það er mikið áhyggjuefni velviljuðum Íslendingum að landið sé komið í félagsskap stríðsæsinga.

https://www.frjalstland.is/2022/05/31/evropusambandid-hervaedist/

Harmaáætlun með vindmyllur

Alþingi er búið að vera að kúgast yfir harmaáætlun (eða var það rammaáætlun) sem setur hömlur á nýtingu auðlinda en loftslagsráðherra var sáttur.

Forsætisráðherann bjargar orkumálunum, hún ætlar að fá arð af vindmyllum: "-strax þyrfti að setja ramma um hvernig arður af vindorku rynni til þjóðfélagsins-" (Rúv 17.6.2022). Engu þjóðfélagi hefur tekist að fá arð af vindmyllugörðum, aðeins kostnað og umhverfisspjöll.

"Græna" vitfirringin er á batavegi og ESB farið að auka kolabrennslu.

Nú er auðvelt að ljúga orkukreppu Vesturlanda upp á Rússa en hún stafar af rangri orkustefnu síðustu áratugi. Verðhækkun á gasi og olíu í ESB í ár varð meiri en ella vegna þess að ESB skaut sig í fótinn með viðskiptabönnum á besta birgjann.

https://www.frjalstland.is/2022/06/22/rammaaaetlun-vindmyllur-og-kol/

Rússarnir eru að koma!

Rússagrýlan er farin að hræða krakkana og ungmennin sem gerð hafa verið að okkar fulltrúum. Þórdís heldur að "-rússnesk herför geti farið að nálgast íslenskt yfirráðasvæði nú þegar Rússar gera sig svo digra við nágrannaríki ýmisst með beinum hernarðaraðgerðum í Úkraínu eða með ógnandi tilburðum-" (Mbl 21.6.2022).

Það þarf að kenna krökkunum (og reyndar mörgum fullorðnum sem fá ekkert annað en falsfréttasvamlið frá meginfjölmiðlunum) sögu samskipta Íslands og Rússlands. Rússar hafa aldrei sýnt Íslandi fjandskap eða farið með hernaði gegn Norrænumælandi þjóðum að fyrra bragði, reyndar ekki heldur V-Evrópu. Þeir hafa stutt Ísland í baráttu við NATO-lönd allt frá lýðveldisstofnun. Hernaður þeirra á rússneskumælandi svæðum Úkraínu nú er gegn fasistískri leppstjórn Bandaríkjanna og ESB í Kænugarði sem hefur stundað dráp á rússneskumælandi íbúum þar í 8 ár. Í raun hryðjuverk. https://www.frjalstland.is/2022/05/05/bloduga-valdaranid-i-ukrainu/.

Breskar sögur af nálægð og hótunum Rússa eru venjulegir breskir stríðsórar, breska ríkisstjórnin rekur "task force" til þess að bera út lygar um Rússa. Margir leiðtogar NATO og ESB, stríðsæsingamennirnir sem minna á Göbbels, eru miklu hættulegri íslensku þjóðaröryggi en Rússar. https://www.frjalstland.is/2022/05/31/evropusambandid-hervaedist/

Heimildamenn Rússa sögðu þeim í fyrra að NATO væri með tilbúnar áætlanir um herstöðvar í Austur-Úkraínu við landamæri Rússlands. NATO er þekkt fyrir að ráðast á þjóðir með manndrápum, m.a. Serba nágranna Rússlands.

Meiri falsfréttaflutningur

Færri og færri treysta fréttadagskrám meginfjölmiðlanna, þetta kom í ljós í nýrri rannsókn Reuters. Falsfréttaflutningurinn, og ekki síst þöggun frétta sem ekki samrýmast skoðunum miðilseigandans, hefur breiðst út og aukist hratt.

Vaxandi fjölda fólks finnst fjölmiðlarnir undir óeðlilegum stjórnmálaáhrifum. https://www.reuters.com/business/media-telecom/more-people-are-avoiding-news-trusting-it-less-report-says-2022-06-14/

Eftir að vopnuðu átökin hófurst í Úkraínu 2013 hefur fréttaflutningurinn þaðan orðið æ hlutdrægari og eftir íhlutun  rússneska hersins 2022 hefur hann náð nýjum hæðum í rangfærslum og yfirhylmingum.

Margir meginfjölmiðlar Vesturlanda, ekki síst Bretlands og Bndaríkjanna, stunda meðvitaðar þagganir og rangfærslur. Bretar hafa stofnað sérstakan verkefnishóp "gegn áróðri Rússa" sem virðist í raun miðstöð rangfærslna um Rússa og átökin í Úkraínu.

Hvað varð af fiskinum?

Þegar Ísland varð frjálst 17. júní fyrir 78 árum var nógur fiskur í sjónum og langt fram yfir miðja öld var veitt margfalt magn á við það sem vísindamenn nú náðursamlegast leyfa. Hafró vill nú veiða enn minna. https://www.hafogvatn.is/is/midlun/frettir-og-tilkynningar/i-dag-kynnir-hafrannsoknastofnun-uttekt-a-astandi-nytjastofna-og-radgjof-fyrir-naesta-fiskveidiar

Eins og allir rétttrúaðir menn vita er orsökin fyrir minni fisk í sjónum hamfarahlýnunin, og meðfylgjandi hlýnun sjávar, eins og boðberar guðspjallsins um eyðileggingu loftslagsins af mannavöldum predika árlega. En samkvæmt mælum Hafró https://www.frjalstland.is/kolnun-sjavar/ heldur sjórinn afram að kólna, þá minnka fiskgengdirnar.

Vopnamiðstöðin

NATO-ríki halda árfam stríðsrekstrinum í Úkraínu, tugir NATO-starfsmanna sitja nú í herstöð Bandaríkjanna í Stuttgart og sjá um að senda vopn til Úkraínustjórnar, hafa þegar sent 66.000 tonn, 8 milljarða dollara virði. https://www.bbc.com/news/world-europe-61816337

En hermenn Úkraínustjórnar, þar á meðal þúsundir málaliða á mála frá NATO-löndum, ráða lítið við rússneska herinn, þeir nota nýju vopnin til þess að sprengja íbúðahverfi, íþróttamannvirki og fæðingadeildir í Austurhéruðunum eins og þeir hafa gert í 8 og 1/2 ár. https://www.rt.com/shows/news/557150-rtnews-june-15-09msk/

Rússarnir eru búnir að króa Úkraínuhermennina inni í efnaverksmiðju, Azot, þar sem þeir halda þúsundum borgara sem lifandi skjöldum. Rússar buðu 12 tíma hlé til að koma fólkinu burt en Úkraínuhermenn sleppa fólkinu ekki. út. https://www.rt.com/russia/557203-ukraine-severodonetsk-humanitarian-corridor/

 

 

Eðlið segir til sín

Það hefur reynst erfitt að bæla eðlið, það segir yfirleitt til sín á endanum. Eðli Evrópusambandsins hefur nú verið að segja til sín. Grafin er hugsjónin um friðelskandi Evrópusamband gamalla stríðsþjóða V-Evrópu. Stríðseðlið er nú aftur að koma upp á yfirborðið og skín í gegnum skinhelgina um frið og manngæsku. Stríðsmangararnir eru farnir að rymja eins og fyrrir 80 árum.

Þau lönd V-Evrópu sem hafa drepið flesta hafa nú áform um mikinn hernaðarundirbúning. Afsökunin er eins og áður, Rússagrýlan, heimatilbúnir hugarórar sem hafa það hlutverk að skapa óvinamynd. Stríðsæsingarnar eru kærkomnar fyrir ráðamenn ESB- og NATO-landa, þeir eru búnir að koma sínum þjóðum í lífskjara- og siðmenningarkreppu og þurfa að beina athyglinni annað.

Rússar hafa aldrei haft áhuga á að gera árás á V-Evrópu. Og Kína er óþarfi fyrir V-Evrópu að brýna kutana gegn, þeir hafa ekki haft frumkvæði að heimsstyrjöldum og eru á hernaðaráhrifasvæði Bandaríkjanna.

https://www.frjalstland.is/2022/05/31/evropusambandid-hervaedist/

Falsfréttaáróðurinn leynir manndrápum, Úkraínuher skaut 62 sprengjum á íbúðahverfi í Donesk, eins og þeir hafa gert í 8 ár. Drápu 5 og særðu 20.

Falsfréttaóhróðurinn blæs út sprengingu Rússa á skriðdrekageymslu í Kænugarði. Enginn dó. https://www.bbc.com/news/world-europe-61695244

Ófréttnæmt fréttnæmt. Fréttnæmt ófréttnæmt!

bloggið skrifar Friðrik Daníelsson

Bakari hengdur

Orkukreppa. Fæðukreppa. Lífskjarakreppa. Allt Rússunum að kenna segja falsfréttamiðlar og ráðamenn Vesturlanda og reyna að hengja bakarann, Rússland, og útskúfa heilli þjóð með stríðsæsingum, fölsunum og lygum. Kreppusmiðirnir eru leiðtogar Vesturlanda.

-Orkukreppan stafar af rangri pólitík í 2 áratugi: Höft á eldsneytisframleiðslu og offjárfesting í vindmyllum og sólarpanelum sem geta ekki uppfyllt þarfirnar og gefa of dýra orku. Rússar framleiða ríflega 10% af olíu og 17% af jarðgasi heimsins sem fjöldi framleiðenda gætu hlaupið í skarðið fyrir. Öfgafullar aðgerðir ESB og NATO hafa veitt eldsneytinu til Asíu svo Evrópulönd þurfa að kaupa dýrar og lengra að.

-Fæðukreppan stafar, auk orkukreppunnar, af viðskipabönnum á Rússland sem eru orðin að alsherjarárás (líklega komnar þúsundir af bönnum!). Rússland framleiðir um 11% af hveiti heimsins en ræður um 19% af heimsmarkaðnum þannig að höft NATO og ESB skrúfa upp verðið í Evrópu og valda skorti og jafnvel hungursneyð víðar. Úkraína framleiðir aðeins ríflega 3% og hefur því lítil áhrif þó leiðtogar Vesturlanda segi að skortur á Úkraínuhveiti valdi hungursneyð! Rússar eru ekki eins og NATO og ESB, þeir stöðva ekki útflutning frá Úkraínu, kornið getur farið um Svartahafshafnir (þegar Úkraínuherinn er búinn að fjarlægja sín tundurdufl), Mariupol, Dóná, Hvítarússland osfrv.

-Lífskjarakreppan í Evrópu er komin af of dýrri orku og viðskiptabönnum á Rússland á m.a. áburð, iðnvöru, matvöru. Hömlur á skipaflutninga stífla aðfangakerfin, höft á bankaviðskipti og þjónustu valda vandræðum.

Smiðir kreppunnar eru ESB- og NATO-lönd. Bakarinn, Rússland, fór með brauðið til Asíu.

https://www.frjalstland.is/2022/04/03/vaxandi-fataekt/