Kjarnorkukafbátur

Mikil vá steðjaði að Eyjafirði þegar kjarnorkukafbátur kom inn á fjörðinn til að fá nýja áhöfn á þriðjudaginn. Kjarnorkukafbátar mega alls ekki koma inn á íslenska firði og ekki heldur inn á íslensk fiskimið. Það geta orðið slys á þeim sem geta geislamengað fiskimiðin í mannsaldra óafturkræft.

https://www.mbl.is/frettir/innlent/2025/02/25/kjarnorkukafbatur_skiptir_um_ahofn_i_eyjafirdi/

Hvað eru okkar stjórnvöld að gaufa? Þau þurfa að segja okkar verjendum, Bandaríkjunum, að halda kjarnorkukafbátum fjarri Íslandi en þau virðast í staðinn ekki gera annað en hlýða skipunum frá Brussel, þeytast til útlanda og ausa skattfé landsmanna í hernað nýnasistaklíku gegn öruggu vinalandi, Rússlandi, og sitja á stríðsæsingfundum með Norðurlandakrötum og Tataralýðveldum sem þjást af ofsóknarbrjálæði.

Stríðsríkisstjórn

Nýja ríkisstjórnin hefur haft tvo mánuði til að sanna sig en hefur nú sýnt að hún er ekki ábyrgðinni vaxin. Frú forsætisráherra hennar fór til hins stríðandi lands, Úkraínu, og lofaði áframhaldandi stuðningi. (Mbl 24.2.2025) Það þýðir á mannamáli beina aðild að stríðsrekstri Kænugarðsstjórnarinnar en bandarískir embættismenn hafa nú viðurkennt að Rússland hafi ekki verið upphafsaðili stríðsins."Rússar voru egndir í stríð" segir Steve Witkoff.

Meðan okkar stríðsríkisstjórn álpast til að blanda íslensku þjóðinni í stríð í fjarlægum löndum eru okkar mikilvægustu bandamenn, Bandaríkjamenn, að reyna að stöðva vopnasendingarnar til striðsins og koma á friði. Líklega hefur þessi framgangsmáti ábyrgðarlausu stríðsríkisstjórnar Íslands ekki verið ræddur við Bandaríkin.

Landsmenn spyrja sig nú, hvernig hefur ríkisstjórn Íslands fengið umboð til þess að blanda íslenskri þjóð í stríð? Sem vinnur gegn okkar mikilvægustu bandamönnum?

Kristrún ruglar

"Það fer ekki á milli mála hver árásaraðilinn sé í innrásarstríði Rússlands í Úkraínu-" segir frú forsætisráherra sem ætlar til Úrkaínu til að sýna landinu stuðning. https://www.mbl.is/frettir/erlent/2025/02/21/kristrun_fer_ekki_a_milli_mala_hver_redst_a_hvern/

Þetta er sami uppspuninn og lygasmiðjur NATO- og ESB-landa hafa haldið að okkur á annan áratug.

Það sem Kristrún þyrfti að vita er að þennan dag, 22. febrúar árið 2014 var löglega kjörinn forseti Úkraínu flæmdur úr embætti af vopnuðum sveitum ríkisstjórnar Obama. Aðstoðarutanríkisráherra hans, Victoria Nuland, sá um framkvæmdina sem hafði verið lengi í undirbúningi og kostað 5 milljarða dollara. Þátt tóku nýnasistar Úkraínu en nasistinn Stefan Bandera er þjóðhetja landsins. Ýmsir aðilar í ESB og NATO voru líka þátttakendur. https://www.frjalstland.is/2022/05/05/bloduga-valdaranid-i-ukrainu/

Leppstjórnin sem var komið að völdum eftir valdaránið hóf innrásarstríð gegn Donbasshéruðunum sem höfðu lýst yfir sjálfstæði enda útlit fyrir að nýnasistar og erindrekar USAID og CIA tækju völdin. Kænugarðsstjórnin setti af stað kúgunaraðgerðir gegn Rússum Úkraínu sem varð til þess að gerðir voru samningar, Minsk I og II,  um réttindi þeirra 2014 og 15. Þeir samningar voru þverbrotnir án tafar eins og loforð NATO um að þenja hernaðarbandalagið ekki til Austur-Evrópu.

Árið 2021 fengu rússnesk yfirvöld njósnir af áætlunum Bandaríkjanna um að setja upp herstöðvar í Austur-Úkraínu. Í febrúar 2022 var Rússneski herinn sendur inn í Úkraínu, aðallega til hjálpar Donbassbúum en einnig til að reyna að afvopna Kænugarðsstjórnina. Hún hafnaði fyrirliggjandi friðarsamningum vorið 2022 að fyrirmælum bresks fulltrúa frá NATO.

Í janúar sl. urðu þau straumhvörf í Bandaríkjunum að til valda kemur forseti sem tekur til við að vinda ofan af Rússahatrinu sem hefur stjórnað utanríkismálum Vesturlanda síðan á dögum Trumanns og Churchill. Hann hefur nú ákveðið að stöðva Úkraínustríðið sem hefur verið stríð Bandaríkjanna frá upphafi. Það er auðvitað mistök hjá okkar ráðherra að fara til Úkraínu til þess að styðja stríð sem er ekki þeirra stríð og Bandaríkin eru að stöðva.

Togga veðjar á rangan hest

Frú utanríkisráherra okkar segir að  Evrópa sé að stíga upp og axla aukna ábyrgð á varnar- og öryggismálum, að Evrópa sé að þétta raðirnar, Ísland þurfi að vera fullir (helst ekki meir en rallhálfir) þátttakendur í þeirri heild sem sé að myndast í Evrópu. Hún dregur þessa röngu ályktun af nýlegum fundum þar sem stríðsæsingar ESB opinberuðust og andstaða pótentáta sambandsins við friðarsamninga.

https://www.mbl.is/frettir/innlent/2025/02/18/evropa_thettir_radirnar_og_island_a_ad_taka_thatt/

Það þyrftu að vera mörk á því hvað ráðherrar vita lítið. Það þarf að upplýsa frú ráðherra um að Ísland er ekki háð Evrópu í "varnarmálum", við höfum haft varnarsamning við eitt helsta herveldi heims í 74 ár.

 

Stríðsæsingar jarðaðar

"Ógnin sem ég hef mestar áhyggjur af vegna Evrópu er ekki Rússland, er ekki Kína, er ekki einhver ytri aðili. Það sem ég hef áhyggjur af er innri ógn. Fráhvarf Evrópu frá sumum af sínum grundvallar gildum-" sagði JD Vance, varaforseti Trumps, á fundi í Munchen. https://www.spectator.co.uk/article/jd-vance-what-i-worry-about-is-the-threat-from-within/

Hann lýsti áhyggjum af fjöldainnflutningi fólks og hvernig kjósendur væru hunsaðir og málfrelsi heft. -"Ef þið flýið í hræðslu frá ykkar eigin kjósendum getur Ameríka ekki gert neitt fyrir ykur".

Striðsæsingabullur Evrópusambandsins og NATO urðu mjög taugaóstyrkir við þessar opinberanir frá Ameríku, Evrópusambandið og NATO hafa jú verið að hjálpa Ameríku við að verjast "tilefnislausri alsherjarárás Rússa" á Úrkaínu. En Vance veit vel að Úkraínustríðið er stríð Bandaríkjanna gegn Rússlandi sem hófst á vegum ríkisstjórnar Obama 2014. Þegar Bandaríkin hætta að reka stríðið hættir það hvað sem stríðsæsingabullur Evrópu segja. Þeir hafa ekkert að gera við samningaborð Trumps og Putins, mundu aðeins tefja fyrir með sinni venjulegu skriffinnskuþvælu.

Nú hefur Macronapoleon boðað stríðsmangara ESB og NATO á neyðarfund í París. Kannske ætlar hann að stofna "Evrópuher" í anda síns 200 ára fyrirrennara, eins og útrunni hryðjuverkastjórinn í Úkraínu vill. https://www.mbl.is/frettir/erlent/2025/02/16/stadfestir_neydarfund_leidtoga_evropurikja/

En fullljóst virðist að NATO er orðið óþarft.

 

Farnir á taugum

Fundahetjur Evrópusambandsins, Úkraínu og NATO eru farnar á taugum. Bandaríkin, sem hófu Úkraínustríðið 2014 ásamt með leppum í Evrópu, hafa nú fengið leiðtoga sem vill frið. Það vilja fundahetjur Evrópu forðast fyrir alla muni. Kemur ekki á óvart, ESB-þjóðir hafa komið af stað heimsstyrjöldum sem Rússland og Bandaríkin hafa þurft að stöðva, síðast 1945. Sagan endurtekur sig. https://www.mbl.is/frettir/erlent/2025/02/12/trump_hringdi_i_putin_hefja_vidraedur_an_tafar/

Fundahetjurnar (Kaja Kallas, von der Lyen, Þorgerður Katrín, Macron, Tusk, Rutte) vilja áfram stríð "eins lengi og þarf" til þess að sigra helsta kjarnorkuveldi heims!

Það er komið enn meira fát á Úkraínunasistana en verið hefur, þeir senda nú sprengjudróna á hræið af Chernobyl kjarnorkuverinu og sprengja bíl Alþjóða kjarnorkumálastofnunarinnar sem var við kjarnorkuverið í Zaporozhie! Og þeir vilja endilega vera með Trump í að semja við Rússa þó þeir hafi hafnað friðarsamningum áður og eigi upphafið að Úkraínustríðinu sem verktakar NATO/ESB. Stjórn Úkraínu rann út á sínu lýðræðislega umboði í maí 2024 og hefur ekkert með að koma nema fallbyssufóðrið sem þeir álpuðust til að láta áróður og lygar véla sig í að fórna.

 

Yfirvofandi hætta

Hætta á að nýju ríkisstjórninni takist að láta Alþingi afsala sínu löggjafarvaldi endanlega til Evrópusambandsins er nú yfirvofandi.

Ábyrgir Íslendingar spyrja sig hvernig það gat skeð að svona óábyrgt og kjarklaust fólk komst á valdastóla Íslenska lýðveldisins.

Augljóst svar er að 39% landsmanna (sem kusu stjórnarflokkana) hafa ekki vit á hagsmunamálum Íslands.

Þingmálaskrá stjórnarinnar sýnir að hún mun ekki gera neitt sem til frambúðar horfir en gutla með skítareddingar í í EES-tilskipanakraðakinu sem sett hefur verið í lög og reglur Íslands. https://www.frjalstland.is/2025/02/11/thingmalaskra-156-logjafarthings-2025-ees-mal/

Lygaframleiðsla

Hin alræmda bandaríska "alþjóða-þróunarstofnun", USAID, er nú í afhjúpun hjá Trump. USAID fjármagnar m.a. lygar fjölmiðla. The New York Times fékk t.d. milljónir dollara fyrir að gefa út lygasögu um "illvirki Rússa" í Bucha þar sem Úkraínumenn settu á svið ummerki um fjöldamorð á götum bæjarins. BBC kom líka og útvarpaði sömu skáldsögu https://www.bbc.com/news/world-europe-60967463 Þarmeð var hægt að afsaka meiri vopnasendingar frá NATO/ESB. BBC er einn helsti móttakandi lygapeninga frá USAID.

Mikið flóð er af lygum um Rússa en illvirkjum Úkraínumanna er leynt, nú síðast morðum í Rússlandi og fjöldadrápum í Kurskhéraði landsins.

Frægar eru lygarnar um afskipti Rússa af forsetakosningunum 2016 þar sem Politico og fleiri fjölmiðlar gengu í samsæri með USAID um lygadreifinguna og yfirhylminguna um Hunter Biden.

Fjölmiðlar Úkraínu eru reknir að mestu leyti með fé frá USAID og mynda víðfeðmt lyganet sem heldur Úkraínsku þjóðinni í blekkingum vestræns gerviheims og stríðsæsinga.

USAID hefur fjármagnað valdarán, mútur, kúgun og manndráp og unnið með annari álíka kræsilegri stofnun, CIA. Frægir niðurrifsmenn, m.a. Georg Soros, vinna með USAID að lygadreifingu, óeirða- og manndrápaaðgerðum  í ýmsum löndum. Frægt er blóðuga valdaránið í Úkraínu fyrir 11 árum sem markaði upphafið að stríði sem varir enn. https://www.frjalstland.is/2022/05/05/bloduga-valdaranid-i-ukrainu/

Falsréttamiðlar NATO- og ESB-landa hafa nú risið upp á afturlappirnar og ráðast með urri og gelti á Trump og Musk fyrir að dirfast að afhjúpa þá.

Því miður er ekki líklegt að Trump nái að afhjúpa kraðakið af breskum lygamiðlum (og um leið ESB- og Norðurlandafalsarana) en þeir eru jafnvel enn lygnari og verr haldnir af ofsóknaræði en þeir amerísku.

 

Borgarstjóri með vit

Einar Þorsteinsson gerði Reykvíkinga svo hissa að margir eru ekki enn búnir að ná sér. Hann vill hafa Reykjavíkurflugvöll á sínum stað. Og auk þess telur hann að of hart sé sótt að fjölskyldubílnum!

Að heyra borgarstjóra Reykjavíkur tala af viti um stærstu mál Reykvíkinga er alveg nýtt, slíkt hefur ekki heyrst í áratugi. Reykvíkingar sjá nú fram á betri tíð á nothæfu gatnakerfi og minni tímaeyðslu og orkusóun í umferðateppur. Íbúar höfuðborgarsvæðisins geta nú líka farið að vona að þeir þurfi ekki að eyða sínum frítíma í að labba út í boragarlínuskýli, detta í hálkunni og fá kvef meðan þeir eyða tímanum í að bíða eftir borgarlínuvagninum.

 

Trump byrjar að afhjúpa

Trump er ekkert að leyna tilganginum með stríðsrekstri Bandaríkjanna, né heldur aðferðunum.

-Palestína: Bandaríkin eiga að hirða Gasa og byggja fyrirmyndar "Rivieru Miðausturlanda" á rústunum og flytja Palestínuþjóðina burt https://apnews.com/article/trump-netanyahu-washington-ceasefire-1c8deec4dd46177e08e07d669d595ed3

Gaslindir Gasa verða Bandarísk/Ísraelsk eign. https://daysofpalestine.ps/stolen-treasure-all-eyes-on-gazas-gas-fields/

-Úkraína fær árfamhaldandi "stuðning" við að reka hernað gegn Rússum ef Úkraína afhendir Bandaríkjunum verðmæt jarðefni. https://www.theguardian.com/world/2025/feb/04/ukraine-war-briefing-trump-demands-rare-earths-from-kyiv-in-exchange-for-aid Vopnasendingarnar stöðvuðust snöggvast þegar Trump tók við embætti en hafa nú komist í fyrra horf, hernaðarbákn Bandaríkjanna græðir nú á tá og fingri og ætlar að koma af stað stórstyrjöld með aðstoð ESB og NATO hvað sem Trump segir!

-USAID: Eitt afkastamesta gjöreyðingarvopn Bandaríkjanna, glæpsamleg stofnun sem splundrar og hleypir upp samfélögum, fjármagnar valdarán og stríð https://abcnews.go.com/Politics/turmoil-inside-usaid-doge-reps-offices-senior-officials/story?id=118368900