Hlákustjórn

Í hlákunni í gær varð gamla ríkisstjórnin sem ný eftir fegrunaraðgerð og verður nú hátísku ríkisstjórn sem berst gegn hláku framtíðarinnar, loftslagsbreytingum.

Stjórnarsáttmálinn er að stofni til erlendar tilskipanir um hátískudraumana. Fremst í sáttmálanum eru áherslurnar, -"baráttan við loftslagsbreytingar með samdrætti í losun, orkuskiptum og grænni fjárfestingu-". Á mannamamáli: Nothæft eldsneyti verður bannað; nota rafhlöður þar sem þær henta illa; fjárfestingar í tapverkefnum sem kostaðar eru með "losunarkredit" og almannafé.

Ekkert vitlegt um að halda eignum þjóðarinnar í landinu eða nýtingu auðlinda. Ekkert vitlegt um að aflétta EES-tilskipanadræsunni.

Engin stefna er tekin um stærsta hagsmunamál landsins, endurheimt löggjafarvalds Alþingis og framkvæmdavalds Stjórnarráðsins sem Evrópusambandið hefur tekið í krafti EES-samningsins. Staðan verður því áfram sú að ríkisstjórn Íslands og Alþingi hafa takmarkað vald til að stjórna landinu.

https://www.mbl.is/media/41/11641.pdf

Hvert á að selja loðnuna?

Íslensk stjórnvöld álpuðust til að taka þátt í refsiaðgerðum gegn Rússum þegar Úkraína neitaði að sækja um aðild að ESB sem Rússum var kennt um. Rússar svöruðu í sömu mynt og settu bann á ESB og leppana sem þýddi að Ísland missti risamarkað fyrir útflutningsvörur eins og loðnuafurðir. Þannig launa Íslendingar þeim sem staðið hafa með landinu frá upphafi gegnum þykkt og þunnt í vðskipta- og auðlindastríðum við gömlu stríðsþjóðir ESB. https://www.frjalstland.is/2018/06/30/esb-akvedur-utanrikisstefnu-islands/

Síldarvinnslan, eitt mikilvægasta fyrirtæki landsins, ætlar að veiða mikið af loðnu enda mestu veiðihemildir um langt skeið. En þeir selja ekkert á sinn fyrrum stóra markað, Rússland, meðan við erum með í viðskiptastríði ESB/EES gegn Rússlandi.

-"hætt er við að viðskiptabann Rússa munni bíta fast á komandi vertíð en þar hefur verið einn stærsti makaður Íslendinga fyrir frosna loðnu og miklivægur hrognamarkaður-"(forstjóri Síldarvinnslunnar)

https://www.mbl.is/200milur/frettir/2021/11/27/vidskiptabann_a_russa_bitur_fast_segir_sildarvinnsl/

En Færeyingar létu ekki tæla sig í refsiaðgerðir gegn Rússum og geta nú selt loðnu, lax og reyndar hvað sem er á einn sinn stærsta markað.

Það væri líklega best að nýta loðnuna vel og leyfa Færeyingum að veiða hana, þeir standa sig alltaf og launa okkur örugglega.

Skítugi sannleikurinn um græna tækni

https://www.frjalstland.is/skitugi-sannleikurinn-um-graena-taekni/

SPIEGEL fjallar 30. okt. sl. á mjög gagnrýnin hátt um kapphlaupið um sérmálma sem er undirstaða rafbíla, vindmylla og annarra rafvæðingar "grænu tækninnar".

"Verið er að nýta fátæka suðurhluta jarðarinnar til að hið ríka norður geti farið yfir í sjálfbærni í umhverfismálum. Verið er að eyðileggja heilu svæðin til að tryggja auðlindir sem þarf til að framleiða vindmyllur og sólarsellur. Eru til valkostir?"

"Miklar vonir eru bundnar við að hægt sé að nota græna tækni til að bjarga loftslaginu, en sú björgun felur í sér að jörðin verði svipt dýrmætum auðlindum (á kostnað framtíðarkynslóða). Og þetta er þversögnin á bak við það sem er talið mikilvægasta verkefni hins iðnvædda heims um þessar mundir: alþjóðleg orkuskipti."

"Margir skilja ekki hversu gríðarlega mengandi framleiðsla hráefna sem græna tæknin er unnin úr í raun og veru. Hver vissi til dæmis að 77 tonn af koltvísýringi losna við framleiðslu á einu tonni af neodymium, sjaldgæfum jarðmálmi sem er notaður í vindmyllur? Til samanburðar: Jafnvel framleiðsla á einu tonni af stáli losar aðeins um 1,9 tonn af CO2."

„Einn Tesla Model S inniheldur jafn mikið af litíum og um 10.000 farsímar. Rafbíll þarf sex sinnum meira af mikilvægum hráefnum en brunavél – aðallega kopar, grafít, kóbalt og nikkel fyrir rafhlöðukerfið. Vindmylla á landi inniheldur um það bil níu sinnum fleiri af þessum efnum en gasorkuver með sambærilega afköst.“

Samkvæmt spám Alþjóða Orkumálastofnunarinnar (IEA) mun framboðið af sjaldgæfum málmum sem þarf í „grænu“ tæknina (rafbíla, vindmyllur og raflagnir) ekki nægja að anna eftirspurninni. „Græna tæknin“ er rétt að byrja og áætlað er að eftirspurn eftir slíkum málmum í rafbíla fari úr 426 þús. tonnum í 12,7 millj. tonna árið 2040 og eftirspurn á kopar (frumvinnslu) tvöfaldist á næstu 20 árum. Endurvinnsla mun eitthvað minnka þörfina á frumvinnslu, en það er langt í land.

Orkan okkar í matinn

Við þurfum ekki að leiða rafmagnið okkar til Evrópu í sæstreng. Við þurfum ekki að láta "græna" fjárfesta setja vindmyllugirðingar fyrir útsýnið. Við þurfum ekki að eyða rafmagninu okkar í að framleiða hættulegt eldsneyti fyrir Evrópulönd.

Við getum sett orkuna okkar í grænmetið og selt það út: Rafmagnið til að lýsa og jarðgufuna til að hita og gefa koltvísýring til vaxtaraukningar. Gúrkutíðin er hafin hjá gróðurhúsafólkinu.

https://www.bbl.is/frettir/gurkutid-i-odru-veldi

Og góðærið og aukinn gróðurvöxtur (m.a. vegna hækkunar koltvísýringsstyrks loftsins) gefur nú meiri og betri afurðir í sauðfjárræktinni en áður og annars staðar (Framúrskarandi íslenskir sauðfjárbændur, Hafliði Halldórsson Bbl 18.11.2021)

Hamfarahlýnun. Staðan.

Hiti í Reykjavík fyrri hluta Nóvember var 2,8 stig 0,8°C neðan meðallags síðustu tíu ára og í 14. hlýjasta sæti aldarinnar (af 21) - Á langa listanum er hiti nú í 53. hlýjasta sæti (af 146). Hlýjast var 1945, meðalhiti þá +8,2 stig langt ofan við allt annað.https://trj.blog.is/blog/trj/entry/2272025/

Hafísinn á Norðurskautssvæðinu hefur verið í vexti í 9 ár.https://nsidc.org/arcticseaicenews/charctic-interactive-sea-ice-graph/

Siglingaleiðir á Norðurskautssvæðinu eru að lokast vegna vaxandi íss, ísbrjótar Rússa koma þeim sem fastir eru í ísnum til hjálpar.https://thebarentsobserver.com/en/arctic/2021/11/two-icebreakers-are-way-rescue-ice-locked-ships-northern-sea-route

 

 

 Hafísinn á Suðurskautssvæðinu hefur verið í stöðugum vexti í 40.ár. https://www.frjalstland.is/wp-content/uploads/2021/03/Loftslag-%C3%A1-%C3%8Dslandi.pdf

Hvað mundi gerast ef dómsdagstrúarsöfnuður tæki yfir veröldina? Vísindaskáldsaga? Nei. Það hefur þegar gerst. https://melaniephillips.substack.com/p/the-tragi-comic-climate-doomsday

Afætuyfirstétt

Heimsbyggðin hefur síðustu vikurnar horft á með undrun hvernig yfirstétt af afætum 30.000 stjórnmálamanna, embættismanna, skemmtikrafta, fjölmiðlamanna og gróðabrallara hefur reynt að hrifsa til sín peninga og völd með svindli og hótunum. Þeir halda ráðstefnur, síðast í Glasgow, og reyna að fá þjóðir heims til að samþykkja kvaðir sem mundu valda örbirgð, hungri og umhverfisskemmdum. Sem betur fer eru samþykktirnar svo óraunsæjar að þær eru óframkvæmanlegar en valda mikilli afturför hjá þeim sem reyna að fara eftir þeim.

Afætuyfirstéttin mætir á sína miklu hittinga á kostnað almennings með fjölmennt fylgdarlið í dýrum farkostum, allir japla sömu falsanirnar framan í fjölmiðlana og hóta hamförum nema lýðurinn hlýði. Og flestar þjóðir þora ekki annað en (segjast munu) hlýða. https://www.frjalstland.is/2021/11/14/loftslagsradstefnur/

Það var aðeins ein undantekning í Glasgow

Hæglátur gamall maður, fulltrúi einnar stærstu þjóðar jarðar, kom til Bretlands og mætti til Glasgow. Kol eru talsvert notuð í heimalandi hans. Hann þorði að segja eins og var að Indland gæti ekki bannað kol. Indland getur ekki orðið "kolefnishlutlaust" fyrr en 2070 (50 árum seinna en loftslagssvindlarar Sameinuðu þjóðanna töldu upprunalega nauðsynlegt).  Með kjark og heiðarleika þessa gamla manns gufaði upp ein vitlausasta hugmynd afætuyfirstéttarinnar, bann við kolanotkun. Friðsöm andstaða var vopn fyrirrennara hans, Mahatma, sem frelsaði land hans undan afætuyfirstétt Breta 1947.

Kol eru og verða um ókomna tíð besti og hagfeldasti orkugjafi milljarða jarðarbúa. Brennsla þeirra skilar kolefni aftur út í lofthjúpinn þar sem það var áður en kolin mynduðust úr jurtum í góðu loftslagi með 15-falt meiri koltvísýring en nú er í loftinu.

Loftslagsráðstefnunni

í Glasgow lauk án árangurs eins og þeim fyrri enda um ekki neitt.

-"það væri mikill akkur fyrir vaxandi mannkyn ef koltvísýringurinn í loftinu héldi áfram að aukast og þar með uppskera nytjajurta sem mannkyn lifir á. Það verða svo jurtirnar sem koma til með að stöðva aukninguna, án Sameinuðu þjóðanna og Evrópusambandsins. Vonandi ekki á næstu öldum-" https://www.frjalstland.is/2021/11/14/loftslagsradstefnur/

Hræðslan við Brussel

Nú ganga bílasölumenn á lagið og nýta sér hræðslu okkar ráðamanna við yfirvaldið í Brussel og reyna að fá klámfengnar upphæðir frá skattgreiðendum í afslætti af opinberum gjöldum af rafdollum fyrir leiguakstur. Tilskipanirnar frá mannvitsbrekkunum í Brussel segja nefnilega að eigi að útrýma eldsneyti (Mbl. 11.11.2021)

Ekki fara með alla fjölskylduna á rafdollu út á Keflavíkurflugvöll og alls ekki norður ef veðrið er kalt og vont, það gætu allir króknað á leiðinni.

Eftirlitsskrifstofa EES (ESA) lætur okkur ekki í friði og fyrirskipar nú að leyfa eigi alls kyns leigubílafyrirtæki. Samgönguráðherrann bukkar sig og beygir, hann er hræddur við að "þurfa að fara að verjast fyrir dómstólum" í Brussel (sem á reyndar að vera ein af hanns embættisskyldum) (Fréttabl. 12.11.2021).

Hræðsla ráðherrans er óþörf, "dómar" EFTA-dómstólsins (EFTA óviðkomandi) eru ekki sérlega marktækir eða aðfararhæfir hér, aðeins "ráðgefandi".

Sirkus um neyðarástand

Umhverfistrúarsöfnuðir hafa fyllst eldmóði útaf loftslagssirkusnum í Glasgow, samkoma sem ætlar að binda endi á velsæld og eldsneytisnotkun. Þau lönd sem brenna mestu, Kína, Indland og fleiri, eru ekki áhugasöm um "kolefnishlutleysi" nema kannske eftir hálfa öld eða svo. Koltvísýringurinn mun því halda áfram að aukast.

Formaður Landverndar vill að Ísland lýsi strax yfir neyðarástandi í loftslagsmálum. Eins og sæmilega upplýstu fólki er kunnugt ríkir ekkert, og mun ekki ríkja, neyðarástand í loftslagi vegna koltvísýrings um fyrirsjáanlega framtíð. Svaml formanns Landverndar (grein í Mbl. 10.11.2021) sýnir hversu veruleikafirrt umhverfissamtökin hér eru orðin https://www.frjalstland.is/2021/02/26/loftslagsbreytingar/

Forstjóri Landsvirkjunar vill nota íslenskar orkulindir til að framleiða "rafeldsneyti" (grein í Mbl. 10.11.2021). Þar er átt við tilbúin efni úr rafgreiningarvetni og kolefnissamböndum sem kosta í framleiðslu margfalt á við jarðefnaeldsneyti og er ein versta sóun á raforku sem hægt er að hugsa sér. "Raf-metanól" skilar ekki helming af orkunni sem fór í framleiðslu þess. "Raf-metan" verður margfalt dýrara en jarðgas (metan að mestu) sem til er í ómældu magni um alla Jörð. Og eldsneyti framunnin úr slíkum efnum verða enn kostnaðarsamari. Losunarkvótabraskkerfin geta ekki til lengdar haldið slíkri framleiðslu gangandi, það verða alltaf á endanum notendur sem þurfa að borga.

Það er enginn hörgull á eldsneyti á Jörðinni og og verður ekki um fyrirsjáanlega framtíð. Það er sóun þjóðarauðs að nota íslenska raforku til að framleiða eldsneyti sem fæst betra og hagkvæmlegar á heimsmarkaði þó svindlarar og ruslvísindamenn, með fulltingi Sameinuðu þjóðanna, segi að það megi ekki út af loftslagi https://www.frjalstland.is/2021/08/27/hvernig-a-ad-nyta-islenska-raforku/

Bændur í tjóðri

Skriffinnarnir okkar eru orðnir vanir að fá reglugerðirnar tilbúnar frá Brussel, allt fer í handaskol ef þeir eiga sjálfir að koma einhverju viti í þær. Umhverfisráðuneytið ætlar nú að setja nýja reglugerð á bændur og hermir eftir EES-tilskipun 2018/813 og leiðbeiningum frá aðal fölsunarmiðstöðinni fyrrir loftslag, IPCC, til að fá fram ónýta þvælu. https://eur-lex.europa.eu/legal-content/EN/TXT/PDF/?uri=CELEX:32018D0813&from=EN

-"verstu reglugerðardrög sem sést hafa-" (Bbl 4.11.2021)

-"Búnaðarsamband Suðurlands leggur eindregið til að reglugerðin verði ekki samþykkt-"

-"Sveitastjórn leggst eindregið gegn því að reglugerðin verði samþykkt-" (Eyjafjarðarsveit)

https://samradsgatt.island.is/oll-mal/$Cases/Details/?id=3053