Rafbílatískan í rénun

Bílakaupendur flestir í Bandaríkjunum vilja ekki kaupa rafbíla https://www.foxbusiness.com/markets/ev-market-next-big-flop-economis

Norðmenn eru búnir að fá nóg og bílasölurnar að fyllast af "gömlum" rafbílum (mbl 31.10.2023)

Rafbílatískan er afkvæmi ruslvísindanna um að útblástur koltvísýrings frá bílum spilli loftslaginu og barnslegum tilraunum að koma á "kolefnishlutleysi" og banni við notkun eldsneytis. Eftir meir en þriggja áratuga áróðursflaum og tilraunir til orkuskipta er æ betur að koma í ljós að "orkuskiptin" eins og þau eru rekin eru draumórar og óframkvæmanleg. https://www.frjalstland.is/2022/02/11/orkuskiptin-eru-draumorar/

Aftur á móti verða áfram eðlileg orkuskipti þar sem við á með tækniþróuninni en bestu orkugjafar bíla eru og verða fljótandi vetniskolefni.

Góðir bílar eru léttir og sparneytnir með góða mengunareyðingu en ekki niðurgreiddir hættulegir og þungir klumpar sem spæna upp malbikinu og geta fuðrað upp https://www.frjalstland.is/2023/10/16/loftslagsherferdin-topud/https://www.frjalstland.is/2023/10/16/loftslagsherferdin-topud/

 

Kuldinn og sjálfstæðið

Harðindin hröktu Íslendinga í faðm Noregskonungs 1262 er haft eftir nýdoktor (Mbl 29.10.2023).

Þetta eru ekki nein ný sannindi. Árið 2000 kom út bókin "2000 árum eftir Vínlandsfund" eftir Friðrik Daníelsson þar sem rakin eru áhrif loftslags á Íslenskt sjálfstæði. Þar kemur m.a. fram að fyrsa skiptið sem heimildir greina frá að hafís hafi verð við landið var fyrir árið 1261, rétt áður en Hákon gamli hirti frelsi vort.

Áhrif loftslags á Ísland og fleiri lönd hafa verið í vísindalegri umræðu í áratugi. Ísland er á mörkum kuldabeltisins sem þýðir að áhrif kólnunar hér eru alvarlegri en víðast annars staðar á byggðu bóli.

Sjá nánar vefsíðuna frjálstland.is

Jippó!

Mismunandi gagnslausar samkundur en með skemmtanagildi hafa verið haldnar árlega með miklum kostnaði, til dæmis Arctic circle í Hörpu með slunk af ruglræðuhöldurum og þekktum áróðurslúðrum.

Mikið hefur þar verið talað um "varnir Norðurslóða" sem þýðir hvernig Bandaríkin með NATO og ESB geta hervætt svæðið í laumi og hótað Rússum sem eiga stærstan hlutann (meir en helming) af svæðinu þó þeir séu ekki velkomnir á samkunduna, Arctic circle stertarnir telja sig of góða til að ræða við þá.

Ofarlega á baugi er hamfarastiknunin og aðsteðjandi bráðnun hafíssins. Sameinuðu þjóðirnar, langtíma alheimsleiðtogar í falsáróðri, hafa haldið fram í meir en 3 áratugi að hann sé að bráðna burt og háværir skrumarar spáðu að svæðið yrði íslaust milli 2014 og 2016! (t.d Al Gore og félagar 2009). En hafísinn bara vex, Rússarnir hafa þurft að smíða stærri og stærri ísbrjóta til þess að koma skipalestunum norðurfyrir Síberíu. https://nsidc.org/arcticseaicenews/charctic-interactive-sea-ice-graph/

Hausthafísútbreiðslan á Norðurskautssvæðinu hefur verið í kringum 4,2 milljónir ferkílómetra síðan 2006. Þó fór útbreiðslan niður í 3,5 milljónir ferkílómetra 2012 sem er minnsta hausthafísútbreisðla frá því á hlýjasta tímabilinu frá upphafi mælinga, um 1940. https://www.frjalstland.is/wp-content/uploads/2021/03/Loftslag-%C3%A1-%C3%8Dslandi.pdf

Vínveisla í París

Loftslagsherferðin kennd við París er töpuð.

"Alþjóðaráðstefnur" (oftast nýlenduveldin og þeirra vinir/nýlendur sem mæta) hafa oft verið haldnar í París yfir skálum af frönsku víni til þess að reyna að fá vímu og samþykki fyrir óraunsæjum og göfugum hugmyndum. Hugmyndin um bann við eldsneyti er nú töpuð eins og við var að búast.

Gullhúðun EES-kvaða

Þeir sem dýpst hefur verið sökkt í reglugerðakviksyndi EES kvarta nú yfir að Stjórnarráðið innleiði tilskipanirnar með viðbótum frá íslenskum skriffinnum sem gera þær meira íþyngjandi en þær eru í ESB: Gullhúðun!

Í mörgum tilvikum er þetta á algerum misskilningi byggt, reglugerðirnar koma beint frá miðstjórninni í Brussel og verða að íslensku regluverki óbreyttar um leið og Sameiginlega EES-nefndin í Brussel hefur stimplað þær. Sú nefnd hefur ekki lýðræðislegt umboð til þess að setja lög og reglur og breytir ekki tilskipununum efnislega. Ráðuneytin þurfa í raun ekki að koma nálægt, íslensku eftirlitsstofnanirnar geta vísað beint í textann frá Brussel ef þær eru í vafa og fyrirtækin geta vísað í hann til að verjast.

Nú ætlar ráðuneyti utanríkismála að stofna enn einn starfshópinn til að skoða umfangið. Góðra gjalda vert en ekki líklegt til neins árangurs, vandamálin eru reglugerðirnar sjálfar og að Brussel skuli yfir höfuð skrifa reglugerðir fyrir Ísland. Í ESB-löndum eru menn víða vanir ofurskriffinnsku og hunsa Brusselfarganið þegar þeim hentar, ekki okkar stofnanir, þær eru katólskar og reyna að koma öllu EES-svamlinu yfir landsmenn.

Það er auðvitað EES-samningurinn sjálfur sem er vandamálið, eindfaldasta og besta mótaðgerðin er einfaldlega að segja honum upp, með eins árs fyrirvara, og færa reglusmíðina heim.

https://www.frjalstland.is/2022/10/08/evropusambandid-setur-islandi-log/

 

Þjófalönd

Þjófnaður NATO-landa á eignum Rússa þolir ekki dagsbirtu, vestrænir falsfréttamiðlar þegja.

Einn hættulegasti leiðtogi NATO-landa hefur nú slegið eign Kanada á rússneska flugvél sem kom með vörur fyrir Kandastjórn og var kyrrsett á flugvellinum. Stolna flugvélin verður afhent Kænugarðsstjórninni með allskyns upplognum rökum (eins og í kókaínvímu!)

Helstu þjófalönd NATO kyrrsetja rússneskar eignir sem staddar eru í þeirra löndum. Og stela þeim svo. Nú þegar sjóðir og vopnabúr NATO eru farin að rýrna er farið að senda þýfið til ný-nasistastjórnarinnar í Úkraínu til þess að reka hernaðinn gegn Donbas áfram.

NATO-drápstólin fara sum til Miðjarðarhafsbotns þar sem þörf er fyrir þau til þess að drepa fólk þar.

https://www.youtube.com/watch?v=zwFAfRML4u4

https://www.youtube.com/watch?v=BGMkd67f94E

https://sputnikglobe.com/20231011/belgium-to-create-18bln-aid-fund-for-ukraine-using-russias-assets-1114093392.html

Frelsi okkar

Mette heldur að nasistastjórnin í Úkraínu berjist fyrir frelsi okkar! Meira að segja danskir kratar, toppurinn á góða fólkinu, eru nú orðnir hræddir við að NATO-lönd verði þreytt á Úkraínustríðinu sem er að verða 10 ára um þessar mundir.

"-Við verðum að vera með Úkraínu fram að beiskum endi. Meðan Úrkaínumenn vilja berjast fyrir frelsi okkar, látum okkur ákveða að stríðsþreyta verði ekki í okkar Atlantshafsbandalagi-"! sagði Mette Frederiksen á NATO-fundi í Kaupmannahöfn.

Textaskýring;

1) Hinn beiski endir Úkraínu verður uppgjöf og/eða frelsun Donbassvæðanna undan Kænugarðsstjórninni eða heimsstyrjöld ef Mette og félagar fá að ráða.

2) Úkraínumenn eru ekki að berjast fyrir frelsi okkar heldur frelsi fjárplógsmanna NATO og ESB til að rupla Úkraínu og Rússland.

3) Stríðsþreyta er þegar farin að grafa um sig hjá NATO-klúbbfélögum enda hefur klúbburinn staðið að stöðugum tilefnislausum manndrápum í áratugi.

Stríðsæsingarnar gegn Rússlandi á Norðurlöndum eru vert rannsóknarefni. Rússar hafa ekki sýnt Norðurlöndum tilefnislausar stríðsæsingar eða fjandskap sem kalla á hernaðarþátttöku Norðurlanda gegn þeim. Norðurlöndin eru i þessu máli eins og öðrum strengjabrúða Bandaríkjanna og Evrópusambandsins við að halda Rússagrýlunni og þar með stríðsæsingamönnum Vesturlanda við líf.

https://www.frjalstland.is/2023/02/22/hnignun-nordurlanda-nordens-forfall/

Hrunið 15 ára

Þann 8. október, 2008, klukkan 10 f.h., varð Ísland fyrir árás EES-og NATO-landsins Bretlands sem setti íslensku bankana á hausinn.

Bankarnir höfðu farið í útrás til ESB-landa og bólgnað óhóflega eftir að þeir komust undir regluverk Evrópusambandsins með EES-samningnum sem veitti þeim leyfi til bankastarfsemi í ESB-löndum og auk þess mjög rúmar heimildir. Íslensk stjórnvöld horfðu á með hendur bundnar af EES og gátu ekki gripið inn í ofvöxtinn fyrr en í lokin að þau áttuðu sig á að eina leiðin til að bjarga málum var að taka EES-samninginn úr sambandi og setja á neyðarlög.

Meginástæða þess að fjármálakreppan 2008 bitnaði svo illa á Íslandi var að stjórnvöld landsins misstu með EES-samningnum stjórn á banka- og gjaldeyrismálum.

Hrunið fimmtán ára

Máttur áróðursins

Ný skoðanakönnun segir að 84% Íslendinga vilji ekki hafa samskipti við Rússland á Alþjóðavettvangi og að 63% styðji aðild Íslands að NATO. (Mbl 5.10.2023)

Ísland hefur lengi þegið stuðning Rússa með þökkum en þeir hafa jafnan stutt og staðið með Íslandi á alþjóðavettvangi. Áður en falsáróðurinn varð yfirþyrmanadi vissu vitibornir landsmenn að Rússar voru ein öruggasta viðskipta- og vinaþjóð Íslands sem bjargaði Íslandi oft undan ofríki NATO-landa, aðallega Bretlands.

Forustumenn NATO hafa gert Íslendinga að "viljugri þjóð" samseka hernaði og manndrápum á upplognum forsendum.

NATO-lönd stela peningum annarra þjóða (t.d. Afganistan, Rússlands) og olíu (t.d. 83% af olíu Sýrlands) og vopnum frá Íran og senda til Úkraínu.

Þessi skoðanakönnun, ef hún er sæmilega nákvæm, sýnir mátt áróðursins og falsfréttanna.

Úkraínunasisti heiðraður

Ráðamenn Kanada eru að verða eins aulalegir og ný-nasistabullurnar í Úkraínu. Nú létu þeir leppforsetann úr Kænugarði plata inná sig gömlum úkraínunasista úr SS og heiðruðu hann sem hetju fyrir að hafa drepið Rússa í seinni heimsstyrjöldinni en þá voru Rússar bandamenn Kanada! Trudeau forsætisráðherra Kanada og Zelensky fögnuðu í vímu og þing Kanada með. https://www.mbl.is/frettir/erlent/2023/09/25/thingforseti_bedst_velvirdingar_a_glappaskoti/

Eins og kunnugt er fór mikil hersing nasista til Kanada og Bandaríkjanna eftir tap þeirra gegn Rússum í Berlín 1945, þeirra arfur virðist lífseigur þar vestra og þeir njóta enn viss stuðnings, kannske ekki að undra, þessi þjóðfélög eru að leysast upp fyrir tilstilli niðurrifsafla.

Leiksýningar um hryðjuverkastjórnina í Úkraínu halda áfram í NATO og ESB. Zelensky hefur reynst góður áróðurslúður hennar. Forustumenn margra Vesturlanda eru búnir að skjóta sig í báða fætur með þátttöku í hernaði Kænugarðsstjórnarinnar þó stuðningsríkjum fækki óðum eftir því sem rétta eðli Úkraínustríðsins afhjúpast.

Nú hljóta forustumenn í NATO og ESB að láta þing sinna landa heiðra þjóðhetju Úkraínu, nasistaforingjann Stepan Bandera.