Stríðsæsingar Breta

Harry Bretaprins er kominn til Úkraínu, ekki seinna vænna, allir helstu ráðherrar Breta hafa heimsótt nýnasistaklíkuna í Kænugarði og jafnvel gert "varnarsamning" við þá. Úkraína gerði friðarsamning við Rússa 2022 en þá kom Boris Johnson og sagði þeim að skrifa ekki undir.

Forsætisráðherra Breta og forseti Frakklands, leiðtogar sem minna en 1/4 þjóða þeirra styður, boða sína trúfélaga til sifelldra funda til þess að safna liði til að senda inn í Úkraínu undir yfirskini "friðargæslu". Okkar frýr eru látnar mæta. Búið er að tryggja eina 4 þátttakendur sem eru auðvitað Bretar, Frakkar og svo einhver Tataralýðveldi við Eystrasaltið. Allt NATO-lönd illa haldin af Rússahræðslu.

Bretar hafa verið að taka við hernaðinum í Úkraínu gegn Rússlandi af Bandaríkjunum smám saman. Þeir stjórna árásum og útvega vopn og hermenn sem kunna á vopnin, og njósnir. Meðan breska þjóðin sekkur í æ dýpra í volæði, kolefnishlutleysi og orkuskort geta stjórnvöld eytt síðustu aurunum í hernað. Eins og Bretastjórn hefur reyndar gert í ein 500 ár, þeir missa ekki af tækifærum til að komast í strið! https://www.thetimes.com/uk/defence/article/the-untold-story-of-british-military-chiefs-crucial-role-in-ukraine-3j2zpgrxg

Hringavitleysuhagkerfið

ESA, skrifstofan sem sér um að senda hótunarbréf til Íslands (og Noregs og Liechtenstein) með ásökunum um  að löndin hafi brotið hinn alræmda EES-samning https://www.eftasurv.int/

sendi nú Íslandi bréf um brot á hringrásarhagkerfinu sem er eitthvert ógáfulegasta úrgangskefi sem upp hefur verið skáldað, ónothæft hér á skerinu en úrgangur veldur vanda í ESB enda sumsstaðar 300 sinnum fleiri íbúar á ferkílómeter en hér. https://www.eftasurv.int/newsroom/updates/esa-opens-infringement-proceedings-takes-iceland-court-failing-comply-eea-rules

DV segir frá

https://www.dv.is/frettir/2025/04/10/tveimur-samningsbrotamalum-gegn-islandi-visad-til-efta-domstolsins/

Úrgangsmál Íslands eru auðveld viðureignar vegna stærðar landsins og staðsetningar úti í úthafi. Sjálfstæð fyrirtæki geta nýtt það sem einhver glóra er í að endurnýta, til dæmis málma. Afganginn á að urða þar sem gerlar moldarinnar brjóta niður, hringrása, úrganginum. Eða að brenna honum sem hringrásar kolefninu út í lofthjúpinn sem koltvísýringi þar sem gróður jarðar tekur hann og framleiðir mat úr honum. Alveg án aðkomu Evrópusambandsins/EES eða einhverra heimskra umhverfisverndarhræsnara.

Úkraínuflugskeyti á Trump?

Geðsjúklingurinn sem reyndi að myrða Trump síðastliðið haust reyndi að kaupa flugskeyti frá nýnasistaklíkunni í Úkraínu til að nota við verknaðinn, segir bandaríska dómsmálaráðuneytið. Það mistókst og deli var handsamaður með skotvopn nálægt golfvelli Trumps í Florida og bíður nú réttarhalda í fangelsi.

https://www.foxnews.com/us/trump-assassination-attempt-suspect-ryan-routh-sought-rocket-launcher-ukraine-docs

Fróðir menn um bandarísk málefni hafa lengi sagt að reynt verði að myrða Trump. Fjölmiðlarnir hafa sagt frá tveim slíkum tilraunum en fleiri hafa verið í undirbúningi.

Ófróðir sérfræðingar

Broslegir sérfræðingar hrópa nú hver í kapp við annan að Trump sé að stofna til viðskiptastríðs og valda heimskreppu (þeir fleipurgjörnustu, eins og Paul Krugman, eru Nóbelsverðlaunahafar í hagfræði!) Þeir skilja greinilega akki hvað forsetinn er að gera með að setja tolla á innflutning.

Stjórn hinna nýju Bandaríkja hóf að setja tolla á innflutning fljótlega eftir stofnunina 1776. Þeir voru látnir vaxa og urðu til þess að bandarísk fyrirtæki fengu að vaxa, bandarískur iðnaður tók heimsforurstu í skjóli þeirra. Með heimsstyrjöldinni síðari tóku tollarnir að lækka og hafa Bandaríkin leyft sínum skjólstæðingum að selja allt mögulegt til Bandaríkjanna án teljandi álaga síðan þó sumir þeirra hafi lagt mikla tolla á amerískar vörur. Bandarískur almenningur þurfti ekki að borga tekjuskatt að ráði fyrr en fjármagna þurfti stríðsrekstur seinni heimsstyrjaldarinnar, innflutningstollar gáfu lengi miklar tekjur til alríkisins.

Það minnkar nú gróðinn hjá bröskurunum á Wall Street, þeir gætu jafnvel farið að kaupa ríkisskuldabréf. Og vextirnir gætu lækkað sem yrði stórgróði fyrir ríkissjóð sem skuldar 36.000 miljarða dala og mokar út vaxtagreiðslum. Og svo fara að koma meiri skatttekjur af innlendum fyrirtækjum sem eru komin í skjól fyrir ódýrum innfluttum varningi.

Reynsla Ameríku af innflutningstollum er góð. Trump veit það, háværu sérfræðingarnir komast að því síðar!

Nýtt hernaðarbandalag

Frú utanríkisráðherra okkar virðist álíka illa upplýst og síðasta frúin í því embætti, hún vill nú stofna nýtt hernaðarbandalag með Evrópusambandinu til að fara í stríð við Rússa sem Evrópusambandsbullurnar segja að séu á leiðinni. Og að allir segi að Ísland sé svo ríkt að því beri skylda til að taka þátt í stríðsbandalagi Evrópusambandsins. Valdaklíka Evrópusambandsins heldur stöðuga fundi og lætur okkar ósjálfstæðu utanríkisráðfrýr mæta og samþykkja svamlið um Rússahættuna. Og aulakratarnir frá Norðurlöndum eru með og væla manna hæst. Aðalmarkmiðið nú er að spilla fyrir friðarumleitunum Trumps fyrir Úkraínu. https://www.ruv.is/sjonvarp/spila/frettir/30762/b0j8he

Ísland er þegar í hernaðarbandalagi sem heitir NATO. Ísland er þegar með varnarsamning við Bandaríkin. Sæmilega viti bornir Íslendingar spyrja sig nú hvort þörf sé á fleiri hernaðarbandalögum. Rússland hefur aldrei haft áhuga á að ráðast á Vestur-Evrópu. Kanarnir geta tekið á móti þeim ef þeir skyldu koma til okkar. Vesturevrópuaðalinn hefur ætíð dreymt um að sigra Rússland, helsti stríðsmaður V-Evrópu, Churchill, ætlaði að ráðast á Rússland strax eftir að Rússar höfðu kveðið Þjóðverjana niður vorið 1945 (ekki segja neinum, Churchill er hetja), sporgöngumenn hans dreymir um stríð við Rússland til að hefna ófaranna síðustu aldirnar.

Lygaflaumurinn frá hryðjuverkaklíkunni í Kænugarði kemst  alltaf í vestræna falsfréttamiðla. Nú er lygaþvæla frá Zelensky komin vestur um árás Rússa á Kryvyi righ og sagt að Rússar hafi drepið 16 manns. Það sem gerðist var að Rússlandsher sprengdi fundarstað NATO-herforingja og drap eina 80 hermenn sem stjórna sríði Úkraínu gegn Rússlandi.

Ísland þarf að halda sig frá taugaveikluðum ESB-bullum og þeirra dauðadæmda hernaði

En það er náttúrulega sjálfsagt að hafa kerti og eldspýtur tilbúnar ef Rússarnir koma (Mbl 5.4.2025) Það gæti lika verið gott að hafa nokkrar krukkur af Ora síld, Rússarnir eru vitlausir í Íslandssíld og keyptu hestburði þegar Ísland varð ríkt, það var löngu áður en kratakraðakið á þingi hóf refsiaðgerðir gegn Rússlandi þegar lygalauparnir rógbáru landið. Rússarnir yrðu ljúfir sem lömb ef þeir fengju íslenska saltsíld.

 

 

Við viljum fríverslun!

Okkar menn í utanríkismálum gerðu nú fríverslunarsamning við eitt stærsta hagkerfi heims, Indland, í fylgd EFTA (enginn skyldleiki við Evrópusambandið eða EES) meðan Bandaríkin setja tolla á innflutning (af skiljanlegum ástæðum). Við erum líka með fríverslun við annað stórríki, Kína. Nýlega var haldin samkoma í sendiráði Kína um viðskipti og er hugur í mönnum að efla þau (sjá Morgunblaðið 3.4.2025).

Friverslunin við umheiminn er mikilvæg Íslendingum, bæði efnahagnum og ekki síst þjóðarörygginu. Það er mikil hughreysting í því að fólk í utanríkisþjónustunni vinnur vel fyrir ladið þó ráðherrar málaflokksins hafi verið að svamla í stríðsæsingum með Evrópusambandinu sem er meir og meir að líkjast sprunginni blöðru. Nú bíðum við eftir að okkar menn nái fríverslunarsamningi við Bandaríkin.

Barnalegir þingmenn

Fávísir Alþingismenn ætla sér að koma af stað virkjanaframkvæmdum og einhverjir ætla sér að stöðva uppkaup útlendinga á landi. Til þess að svo megi verða, og frambúðar eðlileg uppbyggingarmenning nái fótfestu, þarf Alþingi að brjóta EES-samninginn og hleypa upp dómskerfinu sem er farið að vinna samkvæmt Brussellögum (sjá m.a. tilskipun 2014/52 og https://www.frjalstland.is/2025/03/02/leyfisveitingakerfi-ees-veldur-orkuskorti/

Að ganga hreint til verks og segja EES-samningnum upp og afnema Brussellagaflækjurnar þora þingmenn ekki að leggja til, til þess eru þeir of hræddir við Evrópusambandið. Þingmennirnir geta ekki breytt tilskipununum um umhverfismat og leyfisveitingar, eða um rétt ESB/EES-aðila til að eiga land og orkuuppsprettur á Íslandi, þær hafa þegar verið settar í lög og reglugerðir sem stöðva virkjanaframkvæmdir og heimila útlendingum að eiga land og auðlindir Íslands https://www.mbl.is/frettir/innlent/2025/03/28/villingavatn_til_skograektar/

Forsenda fyrir eðlilegri þróun er að lög og regluverk úr EES-tilskipunum verði afnumin. Til þess þarf að segja EES-samningnum upp og vinna skipulega að afnámi EES-regluverksins en setja regluverk á íslenskum forsendum. Áhrifamenn Íslands spinna blekkingarvef um EES sem er orðinn stór og ógegnsær. Þeir halda því blákalt fram að EES sé "mikilvægur" og jafnvel forseda velmegunar landsmanna og viðskipta við útlönd.

Sannleikurinn er allt annar. EES-samningurinn flutti sjálfstæði landsins til Brussel. Afleiðingarnar verða æ uggvænlegri. Nýting orkuauðlinda landsins er stöðvuð. Orkuverð þýtur upp vegna heimskulegra "orkupakka" (regluverk um orkuframleiðslu) EES. Óþarfir skriffinnar eftirlitsstofnana standa í vegi fyrir eðlilegri starfsemi.

EES er að eyðileggja innlenda fæðuframleiðslu, síðast hveitimölun. Gróðurhúsin verða orkuokrinu vegna EES-regluverksins að bráð. Verðmætar eignir þjóðarinnar komast ein af annarri í hendur ESB-aðila sem geta nú eignast og virkjað auðlindir landsins. ESB-fyrirtæki ætla að klæða landið vindmyllum sem skattgreiðendur verða látnir borga tapið af. Kostnaður landsmanna af EES er þegar kominn upp í hundruðir milljarða á ári.

Ofaná alla aðra ósvinnu er Evrópusambandið komið vel á veg með að koma af stað stórstyrjöld og ætlar að draga Ísland með í krafti EES og máttlausra ráðamanna landsins.

Ógnin við Ísland

Þátttaka Íslands í hernaði gegn öðrum þjóðum er stærsta ógnin við öryggi landsins. Núverandi stjórnvöld skilja greinilega ekki einföldustu lögmál um öryggi þjóða: Aðild að stríði leiðir af sér ófyrirséð óvinveitt viðbrögð þeirra sem tengjast eða hafa samúð með þeim sem hernaðurinn er gegn.

Stofnanir Íslands, t.d. í utanríkismálum og almannavörum, halda mikla fundi og syngja barnslegan kór um að þurfi að "efla varnir" og slá um sig með fullyrðingum um óvinveitt öfl, undantekningalítið óhróður eða tilbúnar sögusagnir.

Þegar íslenskar stjórnvaldsstofnanir eru farnar að ásaka Kína, Rússland eða Íran um njósnir, skemmdarverk eða annan fjandskap eru þeir sem eiga að vera fulltrúar Íslands að efna til óvildar við vinaþjóðir eða þjóðir sem Ísland á ekkert sökótt við, byggt á rógi eða óstaðfestum sögusögnum. Ásakanirnar hafa yfirleitt ekki sannast (nema þegar Bandaríkin og Noregur skemmdu gasleiðslu Rússa í Eystrasalti) en oft hefur verið hægt að hrekja þær. Mikið af rógburðinum á uppruna sinn í Bretlandi.

Það er ekki skrítið að Kínverjar, Rússar, Íranir njósni um her Bretlands, Bandaríkjanna eða Frakklands sem hóta þeim stöðugt og reka jafnvel hernað gegn þeim. Þessi stríðslönd geta sjálf þefað uppi njósnara hjá sér, Ísland á lítið af hernaðarleyndarmálum sem njósnarar ágirnast. Þeir sem eru að reyna að æsa Íslendinga til "aukinna varna" eru annaðhvort loddarar eða launaðir stríðsmangarar.

 

ESB vill ekki frið

Ístöðulaust forustufólk Íslands er boðað á fundi hjá Evrópusambandinu til þess að spilla fyrir friðarumleitunum Bandaríkjanna. Sambandið neitar nú að samþykkja nýjustu samninga og afnema höft á flutning korns og áburðar um Svartahaf. Frakkland og Bretland ætla að senda her inn i Úkraínu (Morgunblaðið 28.3.2025) sem þýðir hættulega útvíkkun stríðsins.

Okkar siðspillta forustufólk lepur upp stríðsæsingarnar  í Evrópupótentátunum og er látið samþykkja aðgerðir gegn friði.

Okkar forustumenn eiga ekkert erindi á fundi hjá Evrópuleiðtogum um varnar- og hermál. Ísland er ekki í Evrópusambandinu en aftur á móti bandalagsríki Bandaríkjanna.

Vandi Bandaríkjanna er gamalgróinn stríðsandi í Evrópu og sviksemi Úkraínustjórnar sem hefur ekki staðið við neina samninga við Rússland. Fyrri samningur um kornútflutning var notaður til vopnaflutninga og Minsk-samningarnir um mannréttindi rússneskra íbúa var aldrei meiningin að efna þó Frakkar og Þjóðverjar hafi verið ábyrgðarmenn.

Íslandi ber að styðja okkar mikilvægustu bandamenn, Bandaríkjamenn, í að stöðva blóðsúthellingar í Úkraínu og Rússlandi, með skorinorðum og afgerandi yfirlýsingum.

Hnignunarbandalag

Skuldasöfnun Evrópusambandslanda er orðin ósjálfbær. Samkvæmt Alþjóða gjaldeyrissjóðnum skuldar þýska ríkið 33.000 og franska ríkið 41.000 dollara á hvert mannsbarn (íslenska ríkið skuldar 21.000). Eins og kunnugt er er Evrópusambandið fátæktarsvæði miðað við Ísland, tekjur á Íslandi eru mun hærri en þar (undantekning er peningaverslunin Luxemburg). https://www.worlddata.info/average-income.php

Ástæðan er viðverandi röng stefna: Ofstjórn og skriffinnska, "loftslagsaðgerðir", höft á bestu birgja og nú síðast hernaðarstefna. Samdráttur ESB miðað við umheiminn hefur varað yfir 4 áratugi og ekkert lát á, hlutur ESB í heimsviðskiptunum var 30% þá en er kominn niðurfyrir 15%. "Loftslagsaðgerðirnar" hafa verið í vexti í eina 3 áratugi og eru farnar að valda mikilli afturför í efnahag ESB. Og nú síðast skaðlegar refsiaðgerðir gegn öðrum löndum, þmt. bestu hráefnabirgjunum, og ógnvekjandi stríðsæsingar og hervæðing sem ESB ætlar að eyða 800 milljörðum evra í https://www.france24.com/en/live-news/20250304-eu-chief-unveils-800-billion-euro-plan-to-rearm-europe

Leiðtogar Evrópusambandsins eru að steypa sambandinu í ófært skuldafen, vaxandi eymd og hraðbyri í stórstyrjöld. Þær hafa ávalt endað með stóráfalli fyrir Evrópu.