Illa upplýstir þingmenn sitja tugum saman á Alþingi, einn skrifar "Pistli" í Mogga í dag og segir: "-íslenska krónan leggur gríðarlegan kostnað á íslensk heimili, fyrirtæki og hið opinbera-".

Þeir sem lesa þetta og hafa eitthvert vit halda sumir að þetta sé grín. En þegar þeir átta sig á að það kemur frá fyrrum fréttamanni er hægt að afsaka heimskuna sem venjulega fréttamannaþvælu a la RÚV.

Flokkurinn (Kviðreisn eða hvað hann nú heitir) sem málpípan tilheyrir er myndaður úr kratahluta Sjálfstæðisflokksins og hefur það markmið að koma Íslandi undir erlenda stjórn og senda íslenska stráka til þess að berjast við arftaka hins ósigrandi Rauða Hers.

Kunnáttumenn í gjaldmiðilsfræðum eru löngu búnir að útskýra hvað felst í afsali þjóðargjaldmiðils og lögleiðingu erlends gjaldmiðils: Fyrirtækjahrun, fátækt, atvinnuleysi, erlend efnahagsstjórn, hnignun og landflótti. Í jaðarlöndum ESB, til dæmis Baltalöndum og Grikklandi, sést hvernig fer, Ísland fékk tugi þúsunda landflótta Balta (vegna EES). Útflutningsfyrirtækin fara á hausinn eitt af röðu, þau geta ekki starfað með verðið sem hinn "sterki" gjaldmiðill býður. Minni fyrirtæki á innanlandsmarkaði fylgja á eftir.

Lönd SuðurAmeríku hafa lent í "sterkum gjaldmiðli" (USD) og misst stjórn á sínum efnahagsmálum og í framhaldi sínum þjóðmálum.

Engar af grunnforsendunum fyrir að hafa sameiginlegan gjaldmiðil með ESB eru fyrir hendi hér. Gamla lumman að verðbólgan orsakist af krónunni er útslitin. Verðbólga er einkenni hagkerfa sem eru í vexti og er viðráðanleg með m.a. verðtryggingu. ESB hrörnar og þar er lítil verðbólga.

"-Land sem afsalar sínum gjaldmiðli afsalar um leið hagstjórn og sjálfstæðri efnahagsstefnu"-(Robert Mundell)

Spurningin vaknar, geta stjórnmálaflokkar verið heimskir eða eru það bara málpípurnar? https://www.frjalstland.is/upptaka-evru-efnahagsleg-sjalfseyding/

Trump forseti BNA hefur nú gefist upp fyrir Stríðsríkinu. Hann lofaði að binda endi á stríðin en mistókst, það er Stríðsríkið sem stjórnar. Það starfar eftir nákvæmum áætlunum stríðsæsingavaldsins og hefur gert lengi (Sjá nánar bókina The War State eftir Michael Swanson, 2013).

Forsetinn á hverjum tíma fær að belgja sig út fyrir kjósendur en á endanum er það Stríðsríkið sem stjórnar.

Rand Corporation, NED, USAID, State Department, CIA, Pentagon og fleiri hafa smíðað smáatriðaríkar uppskriftir og áætlanir um rányrkju og kúgun Bandaríkjanna. Og ekki síst hvernig fjarlægja á stjórnmálamenn sem eru ekki þóknanlegir Stríðsríkinu.(s.s Salvador Allende eða Viktor Yanukovych, löglega kjörna forseta).

Lengi hefur verið vitað að Trump ætlar að láta Evrópulönd taka við Úkraínustríðinu meðan Bandaríkin sinna öðru. Okkar utanríkispólitísku fulltrúar eru svo rennblautir á bak við eyrun að meðan verið er að undirbúa styrjöld í Evrópu eru þeir fastir í Baltadaðrinu á "samráðsfundum" með stríðsæsinga- skrælurunum austan Eystrasaltsins sem einn hættulegasti maðurinn sem komist hefur í ráðherrastól á Íslandi hóf. Núverandi leiðtogar okkar hafa ekki nægilega dómgreind til þess að halda Íslandi fyrir utan yfirvofandi stríð. https://www.frjalstland.is/2022/08/19/island-tekid-i-strid/

Gyðingar fá að drepa palestínsk börn með amerískum vopnum. Stríðsríkið hefur rekið Úkraínustríðið á annan áratug og fórnað milljónum ungra manna. Og nú ætlar Stríðsríkið að láta flónin sem stjórna ESB og NATO borga fyrir drápstólin á meðan Stríðsríkið sinnir öðrum stríðum. Það verða hæg heimatökin þegar NATO og ESB verða búin að klúðra Úkraínustríðinu, Sríðsríkið kemur þá til bjargar eins og alltaf enda heldur það úti 40 herstöðvum í Evrópu. https://www.frjalstland.is/2024/08/15/nidurrif-russlands/

Hvernig var það, var ekki draumur vitiborinna Íslendinga að vera sjálfstæð þjóð utan stríðsátaka?

Okkar ungi Jóhann Páll Jóhannsson, Umhverfis- og loftslgsráðherra, segir -"brýnt að bregðast við mögulegum breytingum á hafstraumum hér við land. Nýlegar rannsóknir benda til þess að hafstraumakerfið gæti hrunið ef ekki verður dregið úr losun gróðurhúsalofttegunda-" https://www.ruv.is/frettir/innlent/2025-09-17-versnandi-lifsskilyrdi-med-breyttum-hafstraumum-453755

Okkar ungi ráðherra þarf ekki að hafa áhyggjur af hafstraumum, þeir eru stærri en öll fljót heimsins hér við land og hafa ekki verið hraktir af leið síðan Agassizstiflan yfir Kanada brast fyrir um 13000 árum þegar síðasta ísöld var komin  á undanhald og bráðvatn ísaldarjökuls Norður-Ameríku ruddist út í Atlantshafið.

"Nýlegar" rannsóknir um þessi mál hafa síðustu áratugi komið hingað aðallega frá frægum ruslvísindamanni í Þýskalandi (Stefan Rahmstorf) og hafa verið og eru ómarktækar falsspár og hræðsluáróður til þess að fá vitgranna stjórnmálamenn til þess að veita meiri peningum í loftslagssvindlið þar sem þúsundir "vísindamanna" hafa framfæri sitt.

Áhyggjur af gróðurhúsalofttegundum frá Íslendingum eru óþarfar, þær breyta loftlsaginu ekki. En vaxandi risaborgir um allan heim eru að hlýna vegna gróðurs, húsa og vega, en gróðurinn vex og lifir á koltvísýringi eins og skólabörn vita. Í falsfréttum okkar fjölmiðla er aldrei sagt frá hitametum á óbyggðu landi! Þar er nefnilega engin hlýnun, aðeins kólnun nú um stundir.

(Orðið "loftslagsráðherra" er rökfirrt tískuorð sem helst eru notuð í trúarmálum eð um stórmenni, til dæmis "sólkonungur" eða "mikli leiðtogi")

Þingmálaskrá ríkisstjórnarinnar er komin. Hættulegri málefnalisti hefur ekki sést hér áður og er ljóst að ríkisstjórnin ætlar sér að ganga af sjálfstæði og efnahag landsins dauðum með því að gera valdboð Evrópusambandsins æðri lögum, lögfesta glórulausar aðgerðir EES kenndar við loftslagsmál og koma landinu í hernaðarbandalag með stríðsæsingamönnum Evrópu.

https://www.frjalstland.is/2025/09/14/thingmalaskra-2025-2026-ees-mal/